*** مصطلحات عامّية سودانية ***

[بابكر مخير]

نظرة
إبتسامة
سلام
كلام
موعد
لقاء
فتح خشم
تعارف
خطوبة
زيارات وهدايا
عقد
قعدات
حنة
زفاف ودخلة
بيت واحد
أطفال
وبعدين؟؟؟؟
ياهو من جنس دا

[فيصل سعد]

المشاركة الأصلية كتبت بواسطة Babiker Mukhayer

نظرة
إبتسامة
سلام
كلام
موعد
لقاء
فتح خشم
تعارف
خطوبة
زيارات وهدايا
عقد
قعدات
حنة
زفاف ودخلة

اها يا حبوب مالك جليت القيدومات

[بابكر مخير]

المشاركة الأصلية كتبت بواسطة فيصل سعد

اها يا حبوب مالك جليت القيدومات

تعرف راحة ليا كلمة قيدومات (ما حناكيش ومابنعرفل كلام البيئة) وقمت قلتا قعدات
يديك العافية

[فيصل سعد]

المشاركة الأصلية كتبت بواسطة Babiker Mukhayer

تعرف راحة ليا كلمة قيدومات (ما حناكيش ومابنعرفل كلام البيئة) وقمت قلتا قعدات
يديك العافية

لا يا الحبيب القعدات بتاعة ابو بت و هواء و كشتنة و بشتنة و كدة فما تاكلنا حنك ساي.. بعدين انت الحنكشة لقيتها وين يا ابو زينب ، بس اوعى تقول لي في راس الخيمة يديك الف عافية ..

[فيصل سعد]

[align=center]وجب علينا ان نسأل عن الاخ الصديق الحبوب محمد ابو عاقلة لانه الغياب طال و كدة و بالمرة برضو نسأل عن الاخوة سعادة الامين العام العمدة عكود ، و الاخ الحبيب الخال ود الحاج سيد الزبدة ، و الريس ابو جمال ،و ابو قصي ، جلال ، عمار، مهند، كباشي، محسن خالد ، كيكي، ود الريس، عبد الرحيم ابراهيم العبيد ، تاج السر الملك ، ود الجريف ، حسين عبد الجليل ،ابو مناهل ، طارق عم ميادة ، مجدي مسعد ، مهدي الامين ، السفير جمال ، شوقي بدري ، عثمان حمد ، حميد ، ود عثمان ، ابو رحيق ، و الاخوات منال و نهى و فنار و نعمات و بيان و تماضر و اشراقة و ممكونة و حلم الاماسي و بسمله و نسائم و ام روان و ايمان، اظهروا بالله ، سيبوا الجفاء و ارحموا كفى [/align]

[شبارقة]

[align=justify]رجعنالكم رجوع القمره لوطن القماري ..وذلك بعد غيبة قصيرة لعدم التفرغ ..[/align]
[align=justify]وهاكم المسدار ده شوفوهو وترجمو لينا كلماتو التي باللون الأحمر ...والحناكيش يمشو يلعبو بعيد بعيد :[/align]

[align=center] اخوك سمتان محرق خاتي قولة لسه
عايش فرقة المن السحاب مندسه
قوقيت بالصقيع جنيت دخلت العسه
من نسمة هوادا غايبة مامن هسه[/align]

[ود الشيخ]

اصبرو لي لمن اقرأ الستين صفحة
بجي افنجط ليكم في البوست دهـ
والكع ليكم من الذي منو يا فنيتوني ولا طبيتكم كربون خبت بيكم دلجة
سوق الزلعة معاكم كيف
القرعم فيكم يجيني

[همس الشوق]

لك الشكر الجزيل اخ فيصل

انها بعض المشغوليات العملية

الف شكر على الاهتمام

[عبد العظيم الطاهر]

المشاركة الأصلية كتبت بواسطة عكــود

سلام يا فيصل،

بوست جميل ومهم للجميع . .
وشايفك ما قصّرت
وما دام السبلوقة والأسبتالية بقوا دايرين شرح . .
ما ألوم أبو عاقلة ونسايم في سؤالهم عن العميوق
الأغنية بتقول في واحدة من مقاطعها:
"قام إتمطّق العميوق"العميوق: شجيرة طفيلية تقوم في المزارع وتنتشر بسرعة
ريحتها بطّالةوطعمها تعافِه البهايم

سلام وبجيك راجع أدّيك من القديم.

باقي لك يا عكود .. كان قلت ليهم :- العميوقة ثمرتها إسمها ( السنا مكّة ) بيطشوا ..؟؟؟
والسنا مكَّة .. تستخدم علاج للكثير من أمراض البطن .. علا كان شربتها كتيري .. تسوي الشيط
والشيط ... أظنكن كلللكن عارفنو ...

[عبد العظيم الطاهر]

[/QUOTE]

يا مخير .... مخير الله في خلقو ... يعني المرأة دي ... مع سبق الاصرار والترصد ..:D

[أشتر]

المشاركة الأصلية كتبت بواسطة فيصل سعد

اها يا محمد فلاش الجن دا لسة ما خلص بكسر الخاء

الجن بداوى ... بس يبقى شديد وتشوفو لانو حاليا في العناية المركزة بعيد عنك

[شبارقة]

[align=justify]هاكم إلى أن ألقاكم :

1- الفوسيب 2- الشوشه 3- السروبه 4- الباصور 5- الشالع

6- القراف 7- الشايه 8- الهو 9- الصي 10- من الأقوال الشائعة :

رفاعة الربه لا مسيد لا قبه ...فما هي الربه؟


النجاح للحناكيش 3 من 10 وللغبش 11 من 10 [/align]

[سارة]

ماشاء الله عليكم ما قصرتو تب

علا يا اخوانى بوستيكم دا داير ليهو غياب من الشغل عديل

يومين تلاتة كدى علا صلاتى على النبى ما فضلتو فرضا ناقص

ويا شبارقة

البجى بجى : دا ملاح مشهور فى كردفان وكردفان مشهورة بعدم كفاية الماء خاصة فى فترة الصيف

وهذا الملاح يصنع من موية البطيخ ..يعنى بيجمعوا موية البطيخ وبيخمروها وبيعملوا منها ملاح

للعصيدة

وملاح ام تلاتة : دا موية وويكة وملح

وملاح الابديب: دا نوع من النبات اسمو ابديب يستعمل كالويكة فى ملاح الروب

بعدين نجيكم لى ملاح دفروا رمى ومشروب قام زوت

[سارة]

المشاركة الأصلية كتبت بواسطة شبارقة

[align=justify]هاكم إلى أن ألقاكم :

1- الفوسيب 2- الشوشه 3- السروبه 4- الباصور 5- الشالع

6- القراف 7- الشايه 8- الهو 9- الصي 10- من الأقوال الشائعة :

رفاعة الربه لا مسيد لا قبه ...فما هي الربه؟


[mark=CCFF00]النجاح للحناكيش 3 من 10 وللغبش 11 من 10[/mark] [/align]

[فيصل سعد]

الربة دي يا معلم البهرة او اللعبة يعني حفلة رابة غناء و رقيص و دلوكة و توستي ، ممكن تكون قيدومة ، حنة ، دخلة ، صبحية ، كرسمس ، راس سنة ، اوفرنايت بس اهم حاجة الرصاصات تكون سنينة ، و السيرة و التمتم في السلك يا حبوب..