شاارع الجمهوريه زماان..عندما كانت الحركه شمال و الدركسون يمين..!

[بابكر مخير]

هي أولن تبادي!!!
ما بحري، قالوا الخرطوووووووووووووووووم ولا خلاث عشان قالوا "ميرزآ"
يلااحظ عدم وجود خط الترماي، نبقى نقول الترماج وقف متين وشارع الجمهورية أساسي...
العلم المرفوعه فوق البناية الكم طابق ديك البعض قال أنها عمارة أبو العلآ...
لونهو شنهو؟؟؟
الفسحة العلى الشمال في الصورة، دي وييييين...
بعدين إجزخانة كمبال شنهو الناطين فيها، الاجزخانة دي دي كانت في المحطة الوسطى في الخرطوم... دكتور صلاح كمبال ظنيتهو يكون الدفعة الاولى ولا التانية جامعة الخرطوم يعني على السبعينات كدآ...
بعدين المعلم الأكثر بروزأ "يا مرمر والوجيها"...
شركة الطيران الأثيوبية،
سيبكم من السيجار...
دحن ما البونمارشي هو الفي الناصية دي؟؟؟؟
وين المعروضات المصرية هنا ولا وكتها كان الجي بي..
طروقي؛ وكالة السر عباس، سيد الناس...
وعلى يمينك في الصورة، التأمينات السودانية وآل محجوب وعبد الله شلقامي ورآ شوية إستديو النيل وبي وراهم ميتشل كوتس ومدرسة الخرطوم شرق الابتدائية ومدان أبو جنزير وكدآ يعني وهلماجرآ..
وشوقي بدري عنده الخبر الآكيد

[بابكر مخير]

المشاركة الأصلية كتبت بواسطة مكي محمد الحسن

السلام عليكم
أها يا طارق يا أخوي ( أنا ) زول ضغيييييييييير في السن من جيل صاحبك أبوريم
أعتقد بأنها ( مصر للطيران ) ..
بعدين كان مشيت لي أتني جوة ( بين العماراتين ) بتلقي دكان ( عباس الخياط ) ..بزبط ليك بنطلون شارلستون تقشر بيهوا في العيد أو أي حفلة ..ولو كنت من المقرشين ( بدلة أفرنجي ) ..
عم فتحي لقيتني كيف ؟...

عابدين عوض، ترزي الخاصة والينفورمات وبدل جعفر نميري...

[طارق الحسن محمد]

المشاركة الأصلية كتبت بواسطة مكي محمد الحسن

السلام عليكم
أها يا طارق يا أخوي ( أنا ) زول ضغيييييييييير في السن من جيل صاحبك أبوريم
أعتقد بأنها ( مصر للطيران ) ..
بعدين كان مشيت لي أتني جوة ( بين العماراتين ) بتلقي دكان ( عباس الخياط ) ..بزبط ليك بنطلون شارلستون تقشر بيهوا في العيد أو أي حفلة ..ولو كنت من المقرشين ( بدلة أفرنجي ) ..
عم فتحي لقيتني كيف ؟...

مكى يا صغيررررررر

تقول لى شارلستون وصغير برضو

ياخى الشارلستون دا كا موضته فى بداية السبعينات
وصغير برضو ؟ ؟

يعنى لو انت بتمشى تفصل فى السوق الافرنجى
شارلستون ( ترفيراء ولا كرمبلين)
نحنا كنا بنفصله عند ترزية سوق الديم
الفى البرندات كمان
والبدلة وحاتك فى الطهورة بس
وعند ترزى فى جبل اوليا
تخيل . . !!


والله انا طبعا كلامى القلتو قبيل داك
لانه اصبحت لا اتق فى ذاكرتى كويس
ولسة بسال وخلى فيصل وعمك ديل
يجو يفصلو بينا فى القول
ارقد عافية

[بابكر مخير]

المشاركة الأصلية كتبت بواسطة طارق الحسن محمد

وميدان الامم المتحدة بيكون خلفك وتحديدا

ومحلات شبرقلة للخيوط والزراير وكان يقابله كمثيل في أمددرمان محلات الربعة وهناك برضهو لي قدام مخازن العامل للأحذية والملابس....
عليك الله مواقف بصات شنهو الكانت هناك،،
البصات كانت في حركة دايمة ومواقفها في الخرطوم عند دايرة الكهرباء جمب حديقة الحيوان (سابقاً) وفي امدرمان ورا أو غرب القسم الاوسط (القمندانية في شارع العرضة) بحري بيعرفها "توحة"

[طارق الحسن محمد]

المشاركة الأصلية كتبت بواسطة بابكر مخير

عابدين عوض، ترزي الخاصة والينفورمات وبدل جعفر نميري...

الطيب جدا ود مخير
ياخى شوق دفار ليك
عابدين عوض كان فى زقاق خلف
فندق اراك وانت متجه لشارع الجمهورية على يدك اليمين
وعلى ما اعتقد كان استوديو النيل بيكون يمكنك مع تقاطع الزقاق
مع شارع الجمهورية

ارقد عافى ومتعافى يا حبيب
تخريمة :
الليلة دا صباح عجيب وحلو
الخرطوم زمان هنا
وعماد عبدالله والديم زمان
فى بوست تانى

[سمراء]

غايتو النصيحه مافهمته شى فى الصورة غير الزول القاطع داك !!
الزول ده غايتو بشبه جدى ابو ابوى ...والله اعلم

[طارق الحسن محمد]

المشاركة الأصلية كتبت بواسطة بابكر مخير

ومحلات شبرقلة للخيوط والزراير وكان يقابله كمثيل في أمددرمان محلات الربعة وهناك برضهو لي قدام مخازن العامل للأحذية والملابس....
عليك الله مواقف بصات شنهو الكانت هناك،،
البصات كانت في حركة دايمة ومواقفها في الخرطوم عند دايرة الكهرباء جمب حديقة الحيوان (سابقاً) وفي امدرمان ورا أو غرب القسم الاوسط (القمندانية في شارع العرضة) بحري بيعرفها "توحة"

مخازن العامل فى السوق العربى وتفتح على ميدان الامم المتحدة
مباشرة على مواقف باصات الديم وكان جنبها محل بيبع عجلات رالى
اسمه ناسيه بس حاجة وخضر على ما اعتقد يسار العامل
وبرضو فى اتجاه اليسار المغربى للراديوهات
وجنبه عمك محمد حمزة للزراير والسست
شبرقلة ما بتذكره فقط بتذكر عم محمد حمزة رحمه الله
لانه تربطنا به علاقة نسب

[طارق الحسن محمد]

المشاركة الأصلية كتبت بواسطة بابكر مخير

البصات كانت في حركة دايمة ومواقفها في الخرطوم عند دايرة الكهرباء جمب حديقة الحيوان (سابقاً)

ود مخير ميدان الامم المتحدة دا كان موقف رئيس لكل
مواصلات الخرطوم
حديقة الحيوانات الجابها للمواصلات شنو ؟ ؟ ؟

[فتحي مسعد حنفي]

المشاركة الأصلية كتبت بواسطة مكي محمد الحسن

السلام عليكم
أها يا طارق يا أخوي ( أنا ) زول ضغيييييييييير في السن من جيل صاحبك أبوريم
أعتقد بأنها ( مصر للطيران ) ..
بعدين كان مشيت لي أتني جوة ( بين العماراتين ) بتلقي دكان ( عباس الخياط ) ..بزبط ليك بنطلون شارلستون تقشر بيهوا في العيد أو أي حفلة ..ولو كنت من المقرشين ( بدلة أفرنجي ) ..
عم فتحي لقيتني كيف ؟...

لقيتك متسلبط ساي وطارق كلامو صح دي فعلا الخطوط الأثيوبية ومصر للطيران علي شمالا لغاية اليوم.أما عباس الخياط دا يمكن فتح بعد ما أنا سافرت..

[أشتر]

المشاركة الأصلية كتبت بواسطة فتحي مسعد حنفي

طبعا ياود عثمان الصورة دي فيهت عمارة أبو العلا وطقاطع الجمهورية مع شارع القصرفي بداية الستينات أو نهاية الخمسينات..بس أكيد بداية الستينات غشان العربية اللبنية دي هلمان ستين..

وعشان العربية موديل ستين يعني لازم تكون في بداية الستينات ؟؟؟
ياخ الهيلامانات لغاية التمنينات حايمة في البلد وحتى الكونسول والهنتر وعنتر ذاتو شايل سيفو (في زمن ابعاج طبعن)



اعتقد يسار الصورة دي فسحة صغيرونة كدا منجلة كمتنفس طبيعي لمعادلة نسبة الكربون في العاصمة ووراها طوالي التونسية وجات مكانا الـ KGS أو جنبها ما متأكد حتى الخطوط القطرية حاليا ...
وفي كورنر الفسحة دي في حمامات عمومية بتاعة جرادل على ما أعتقد وصيدلية كمبال في الناصية المقابلة وجنبها شركة التأمينات او النيل الأزرق مقابل دكاكين الموز ومطبعة الخرطوم الجديدة أو مطبعة الست بتاعة الاغريقي وفي الزقاق بوراهم في زقاق السباكين والكهربجية
ومحلات اولاد ملاح والقنصلية المصرية وزنك اللحمة والخضار وميدان الامم ... والصورة دي اتاخدت من سطح العمارة الفيها صيديلية ابوالعلا على ما اعتقد موش قصدك تقول كدا يا عمو فتحي ؟؟؟
غايتو انا من مواليد النص التاني من سبعينات القرن الماضي بس من وانا سغيير عندي هواية اللف والدوران وابوي كان بسوقني معاهو منطقة الصورة دي تحديدا
السجارة ما عندي فكرة سجارة شنو بس الحمدلله ما ملفوفة زي لفي ...

[فتحي مسعد حنفي]

المشاركة الأصلية كتبت بواسطة أشتر

وعشان العربية موديل ستين يعني لازم تكون في بداية الستينات ؟؟؟
ياخ الهيلامانات لغاية التمنينات حايمة في البلد وحتى الكونسول والهنتر وعنتر ذاتو شايل سيفو (في زمن ابعاج طبعن)



اعتقد يسار الصورة دي فسحة صغيرونة كدا منجلة كمتنفس طبيعي لمعادلة نسبة الكربون في العاصمة ووراها طوالي التونسية وجات مكانا الـ KGS أو جنبها ما متأكد حتى الخطوط القطرية حاليا ...
وفي كورنر الفسحة دي في حمامات عمومية بتاعة جرادل على ما أعتقد وصيدلية كمبال في الناصية المقابلة وجنبها شركة التأمينات او النيل الأزرق مقابل دكاكين الموز ومطبعة الخرطوم الجديدة أو مطبعة الست بتاعة الاغريقي وفي الزقاق بوراهم في زقاق السباكين والكهربجية
ومحلات اولاد ملاح والقنصلية المصرية وزنك اللحمة والخضار وميدان الامم ... والصورة دي اتاخدت من سطح العمارة الفيها صيديلية ابوالعلا على ما اعتقد موش قصدك تقول كدا يا عمو فتحي ؟؟؟
غايتو انا من مواليد النص التاني من سبعينات القرن الماضي بس من وانا سغيير عندي هواية اللف والدوران وابوي كان بسوقني معاهو منطقة الصورة دي تحديدا
السجارة ما عندي فكرة سجارة شنو بس الحمدلله ما ملفوفة زي لفي ...

معلوماتك فيها صح كتير بس ال KGS قدام زكي بتاع السندوتشات ودكان عبدو دياب..هي باللاي هواية اللف دي عندك من السبعينات

[خالد الحاج]

المشاركة الأصلية كتبت بواسطة أشتر

وعشان العربية موديل ستين يعني لازم تكون في بداية الستينات ؟؟؟
ياخ الهيلامانات لغاية التمنينات حايمة في البلد وحتى الكونسول والهنتر وعنتر ذاتو شايل سيفو (في زمن ابعاج طبعن)



اعتقد يسار الصورة دي فسحة صغيرونة كدا منجلة كمتنفس طبيعي لمعادلة نسبة الكربون في العاصمة ووراها طوالي التونسية وجات مكانا الـ KGS أو جنبها ما متأكد حتى الخطوط القطرية حاليا ...
وفي كورنر الفسحة دي في حمامات عمومية بتاعة جرادل على ما أعتقد وصيدلية كمبال في الناصية المقابلة وجنبها شركة التأمينات او النيل الأزرق مقابل دكاكين الموز ومطبعة الخرطوم الجديدة أو مطبعة الست بتاعة الاغريقي وفي الزقاق بوراهم في زقاق السباكين والكهربجية
ومحلات اولاد ملاح والقنصلية المصرية وزنك اللحمة والخضار وميدان الامم ... والصورة دي اتاخدت من سطح العمارة الفيها صيديلية ابوالعلا على ما اعتقد موش قصدك تقول كدا يا عمو فتحي ؟؟؟
غايتو انا من مواليد النص التاني من سبعينات القرن الماضي بس من وانا سغيير عندي هواية اللف والدوران وابوي كان بسوقني معاهو منطقة الصورة دي تحديدا
السجارة ما عندي فكرة سجارة شنو بس الحمدلله ما ملفوفة زي لفي ...

حتى إنت يا أشتر يعني تتغابي العرفة في الخطوط الجوية الأثيوبية ؟
مالكم يا جماعة دايرننا نزعل وكده .
طبعا ظاهرة وهي مقابلة لأجزخانة كمبال القديمة .

[طارق الحسن محمد]

المشاركة الأصلية كتبت بواسطة فتحي مسعد حنفي

بالنسبة للعربيات التكس العلي الشمال دا فيات أو هيلمان 56 وقداما بي عربيتين في بيجو أبيض والعربية الحمرا بعد الاشارة فولكس واجون..وعلي الناحية التانية في تكس كونسول جاي وفي عربية فورد موديل اربعينات واقفة..وفي علي الشمال عند العمارة عربية أوبل كابيتان لبنية وفولكس واجون لبنية..

[img][align=center]



الكونسول يا سمسم

[فتحي مسعد حنفي]

المشاركة الأصلية كتبت بواسطة خالد الحاج

حتى إنت يا أشتر يعني تتغابي العرفة في الخطوط الجوية الأثيوبية ؟
مالكم يا جماعة دايرننا نزعل وكده .
طبعا ظاهرة وهي مقابلة لأجزخانة كمبال القديمة .

أفتكر قصدك أجزخانة أبو نخلة وجنبها استوديو غردون..

[أشتر]

المشاركة الأصلية كتبت بواسطة فتحي مسعد حنفي

معلوماتك فيها صح كتير بس ال KGS قدام زكي بتاع السندوتشات ودكان عبدو دياب..هي باللاي هواية اللف دي عندك من السبعينات

منذ نعومة أظافري حتى الواحد بطلع لفو ما كتير .. (بخافو علي وكدا )
لكن والله يا خالد الحاج الاثيبوية دي الا تكون في الناصية التانية ديك وجنبها وكالة سفر افتكر اسمها المستقبل وجنبها كمان وكالة طلمبات ووابورات وقبليهم خالص بنك الخرطوم مقابل محلات مواد البناء ...

هو إتا من زمن خطوطم مرضان بالحفتي