اقتباس:
المشاركة الأصلية كتبت بواسطة معتصم الطاهر
يا فتحى
السجارة شامبيون
حلوة فى خشم البنوت ..
و البرنجى كانت فى التقاطعات رأسية على عمود ..
|
يامعتصم ياخ هو حجار الوقت داك معقول يعمل اعلان قدر دا وعلي راس أفخم عمارة في الوقت داك
أها بالمناسبة تتذكر أكبر لوحة اعلانية في الخرطوم الكانت علي راس بناية شركة التأمين ودكان عبدو الحلاق المواجهة للمحطة الوسطي من ناحية الجنوب وكان فيها أخونا الشايل الجمل فوق راسو
حجار زمان كان عندو البرنجي بدون فلتر ولامن عمل أبو فلتر كان برسلونا الدكان نجيب برنجي أبو فلة وبعدن عمل ثري كاتس وفي الخمسينات الناس كانو بدخنو بحاري و كرافن ايه ابوكديس والشباب ابتدو يدخنو الروثمان عشان الفلتر ولامن بقو يقولو سجاير المشاطات وسمو عليهو أخونا الما يتسمي داك الناس قلبو علي البنسون..والنسوان بدخنو سيجارة ملونة اسمها كوكتيل..قلنا ليكم ما تذكرونا الأيام ديك ياخوانا..
