الأدلة القاطعة علي وجود الله ... لعناية هشام ادم ...

[أمين محمد سليمان]

المشاركة الأصلية كتبت بواسطة سارة

كل سنة وانت ومن حولك بالف خير
انا فنجرة منى ساكت الليلة ما دايرة شكل
والصعوط زاتو خليتو
بس ياها المدردمة دى اخر واحدة

انا شخصيا اعتبرت البوست دا دليل على وجود الله
مش البوست دا اظهر الحقيقة وثبت انه هشام
سارق باعترافه يبقى دايرين دليل على وجود الله
اكتر من دا
السطور الاخيرات ديل ما تهبشن يا عمو امين ديل
للعزيز خالد غالى والحبيب بكة مع امنيات بسنة سعيدة

و إنت و المعاك طيبين يا ستهم ...
غايتو لو ما حذرتني كنت جاي أهابش سطورك الاخيرات ديل !!

[أمين محمد سليمان]

المشاركة الأصلية كتبت بواسطة ام التيمان

انتو بتفتشوا
على الله
و لا على هشام
اها
لقيتوهم و لا لسه

اللتنين قاعدين يا ستهم، كان واحد منهم رايح ليك ورينا، بنوريك تلقيهم وين !

[أمين محمد سليمان]

المشاركة الأصلية كتبت بواسطة بابكر عباس

شكرا يا سيدي،
تعرف مشكلتي معاهو شنو؟
قاعد أرسل ليهو من غير تزكية من أي زول بكري بعرفو! قاعد أكتب ليهو:
الأخ/ بكري أبوبكر
تحياتي،
أنا بابكر عباس، كاتب كبير، رائد من رواد التنوير؛ أرجو منحي عضوية بمنبركم
وشكرا
وتحت بكتب معلوماتي
وحاتك ولا مرّة عبرني
لكنّي مواظب على طلب العضوية بنفس الطريقة.

كدي جرب بكة بدل بابكر عباس، كان ما اداك العضوية لومني

[أمين محمد سليمان]

المشاركة الأصلية كتبت بواسطة معاوية محمد الحسن

أحي الصديق هشام ادم علي هذه الشجاعة النادرة في الاعتراف باخطائه و من منا بلا أخطاء .

و كاحد الذين شملهم أعتذار الاخ هشام اذا أنه كان قد نشر أحد نصوصي المنشورة هنا في سودانيات بعنوان (خرائط البلاد البعيدة ) قبل نحو اربع سنوات دون ان يشير الي اسم الكاتب في موقع سودانيز اون لاين فانني اتقبل اعتذاره و اود ان أشير هنا الي انني لم يسبق لي مطلقا ان اتهمت هشام بسرقة القصة المشار اليها و انني أكبر فيه هذا المبادرة الي الاعتذار و قد أرسل لي قبل ذلك رسالة علي بريدي الخاص بسودانيات يعتذر فيها و هو لا حاجة به للاعتذار .

شكرا هشام و اتمني لصداقة دامت نحو عشرين عاما ان لا تنقطع ابدا .

بالمناسبة ارجو من البروف ان يتناول قضايا انتحال الاعمال الادبية و الفكرية او ما يعرف ب plagiarism ضمن اطار اوسع و ما يترتب علي ذلك من نتائج كارثية تلحق بحركة البحث العلمي .. اعتقد ان الموضوع يجب ان يعالج بنظرية اكثر شمولية .

تحياتي

شكرا يا معاوية .. و نحن ذاتنا بنحي هشام علي إعترافو و شجاعتو النادرة دي ...

قضايا انتحال الاعمال الادبية و الفكرية أكتر و أكبر بكتير مما كلنا متخيلين و موجودة في أرقي المراكز و المؤسسات التعليمية و الأدبية، و بعيدا عن إنحطاط الفعل نفسو فيها underestimation لمقدرة الناس علي إكتشاف السرقات دي مهما ظن السارق أو المنتحل صعوبة كشفو .
قبل فترة كنت متابع لصيق لكل ما ينشر في صحفنا من مقالات بل و أعمدة يومية فيها من السرقات ما تشيب له الولدان، و زي ما تفضلت الموضوع محتاج معالجة و رؤية أكتر شمولية ....

[أمين محمد سليمان]

المشاركة الأصلية كتبت بواسطة حافظ حسين

بروف امين سلام , اها وجدت الله لهشام و لا لسا البحث جاري؟

و عليكم السلام يا عم حافظ ...
أنا ما لقيتو لهشام، لكن مؤمل جدا إنو يلقاه براهو و إن شاء الله سيحصل...

[أمين محمد سليمان]

المشاركة الأصلية كتبت بواسطة أبو دعد

كنت اود ان اشترك فى بوست هشام و لكن رأيت ان هذا المكان انسب

فقط
كنت اريد أن اقول للأخ هشام راجع كتابى المفكر مصطفى محمود
رحلتى من الشك الى اليقين
وكتاب رأيت الله

سلام يا أبو دعد
أكاد أجزم إنو اطلع عليهو، هشام ما بتنقصو المعرفة و الأطلاع، هشام مشكلتو - في تقديري - إنو بيطلع عشان يدحض فكرة وجود الله ما عشان يصل للحقيقية .

[خالد غالي]

صباح الخيرات يا امين

انا نمت وصحيت .. سنتكم الجديدة معقول مابدت لسة ؟

ياحبيبنا افتكر كده وجهة نظرنا (بكة وشليل واخرين انا منهم) وضحت ووجهة نظرك وضحت خالص بعد مداخلتك الاخير ة دي ولك ولها كامل الاحترام طبعا زي ماعارف ..


من ناحية تانية خالص ندعوك للمشاركة في الغلاط الدائر بخصوص اللائحة

وكل سنة وانت طيب ياجميل

[ابو ابراهيم]

المشاركة الأصلية كتبت بواسطة خالد غالي

طيب يابروف اسي الدنيا ليل والناس يامروسة يامافيشة يعني خلينا نتناقش بي راحتنا ون تو وخلينا نحسم القصة دي

كل سنة وانت طيب ياخي وان شاء الله سنة سعيدة علينا اجمعين

الموضوع كالتالي بالنسبة لي ... اولا انا اختلف مع هشام اكتر منك انت ذاتك في كل حاجاتو .. وللامانة حتى اعتذارو ده انا مامصدقو فيهو
دفاعي عنو مادفاع عنو هو شخصيا انما دفاع عن حاجات انا بتمنى ماتروح من الناس وبطالب بيها الناس البشوفها المفروض تكون فيهم وانت واحد منهم وده ماشكر
يا امين انت دوافعك الزمان خلتك تكوس ورا هشام كانت دوافع شخصية بحتة دوافع انتقام لي نفسك وانت قلت الكلام ده عديييييل انو لو ماكان غلط عليك ماكنت فتشت وراهو صاح ؟
واسي في فتحك للموضوع ده تاني بتدي ايحاء كانو ياهشام تفتح خشمك بجيب ليك سرقاتك وماضيك كلو هنا .. اسلوب فيهو ابتزاز يا امين واول مايوحي للزول بانو ضعف حجة وعدم قدرة على النقاش ... اسي دخل كلامو عن الرسول وعن ربنا الكان بيقول فيهو بي السرقات دي شنو ؟؟ وتاني حا اقول ليك دخل اسم بوستك دلائل وجود الله بي سرقات هشام شنو ؟؟
المهم يا امين ليتك جبت لي هشام دلائل وجود الله اول شي وبعد داك بليتو .. وان كان افحامك ليهو في النقاش بيكون احسن من تمسكو من يدو الموجعاهو كل مرة كده
من ناحية تانية خالص السبب الاساسي الخلاني اقيف في الموضوع ده من البداية هو نفس السبب الخلاك تخاف وتقعد تقول ليهو تعال اكد لي انك ماحاتعمل في نفسك حاجة واظن الموضوع ده واضح شديد من زماااان بالتالي اصلو ماكان في داعي تسكو كده

عليك الله اسي كان صحي عمل في نفسو حاجة انت كان تودي وشك وين من ضميرك

معليش يا غالى الغالى
نرجع ليك لى ورة وقراية بطريقة تانية
يا غالى حسب وجهة نظرى انت ما بتحاور فى المفروض والواجب
انت بتفرض طريقتك للمفروض
ودة برجع لانك اما ما فاهم الحاصل .
او ما شايفوا من الزواية التى لا تريك الوجه الآخر كما الآخرين .
البمنع شنو انو البروف يخفى دلالات حوار مفهومة ومكبسلة لمن يعى لغة الاشارة وله من الادوات ما يفكك بها الرموز حتى لو تأخرت النتيجة ؟؟
وتانى ياتوا وجود لله عز وجل
يدعو لهشام ان يبحث عنه او يُطالب بروف امين دليل اثبات لوجوده ؟؟!!!
اما له فى كل شئ اية تدل على انه موجود و واحدُ
فيا عجبى كيف يعصى الكريم ام يجحده جاحدُ



فكونه يملى لاحد
ويمد له فى الضلال بغفلته وكفره ونكرانه .
ويسخر لآخر
بكشف هذا الذى يجحده جهلا وبغضا وكذبا (ايا كان الغرض)
لاكبر دليل
داعم لوجوده وهو من لا يضل ولا ينسى
و(لا تبلغه الأوهام
ولا تدركه الأفهام
ولا يشبه الأنام
حي لا يموت ، قيوم لا ينام*)

ـــــــــــــــــــــــــــــــــــــــــــ
*اقتباس من الطحاوية

[الفاتح]

باختصار مخل يا عم خالد : ياخي محترم كلامك و كلام عمك شليل و حافظ حسين و كل الناس الشايفني غلطان في البوست ده، ما طالب تقتنعو برأيي ده ... بس إحترمو لي زي ما أنا محترم ليكم رأيكم ده !!

بالتأكيد يا بروف.. رايك محل تقدير وإحترام
لكن تاني عليك الله ما تعمل كده
وكل سنه وإنت طيب

[خالد غالي]

سلامات يا ابو ابراهيم

الصورة الجبتها دي جميلة شديد ياخي ...
لكنها بالتاكيد لاتمثل دليل على وجود الله

ياحبيبنا لمن امين زمااان داك اجتهد شهرين وجاب سرقات هشام انا واحد من الناس اتكيفت منو جدا واثمنت اجتهادو خالص .. وحتى كلامو عن انو اجتهد الاجتهاد لانو هشام قال ليهو اتحداك دي برضها لقت احترام واتفاق كبير مني .. اتحفظت حبة من قسوة الطرح .. لكن دي عارفة رومانسية مني ساي
اها الموضوع ده كان المفروض انتهى لحد هنا ...
كونو البروف يستخدم الكلام ده تاني بالطريقة دي انا شفت فيهو نوع من الارهاب ومسك اليد البتوجع وحبة ابتزاز واستخدام اسلحة غير مناسبة
يعني انا فهمت كلام البروف كده ... ياهشام ادم قلت لي الله مافي والرسول كذاب ؟؟ اوكى تعال نوريك الدليل على وجود الله ... اليوم داك انت سرقت المقال الفلاني .. وبعدو جيت سرقت القصة الفلانية والخ الخ !!
فما علاقة هذا بهذا ؟ تكرار سيرة سرقات هشام ادم لتاديبه على التطاول على كريم المعتقدات ادى انطباع عندي بالابتزال ومسك اليد البتوجع
مع انطباعي القديم بتاع انو البروف كان اقسى من اللازم على هشام وكان ممكن يأزيهو ازى اكبر من حجم اختلافهم .. الانطباع ده زاد اسي مع التكرار المخل ده

وكل سنة وانت طيب ياحبيبنا

[أبوبكر عباس]

المشاركة الأصلية كتبت بواسطة أمين محمد سليمان

باختصار بس إحترمو لي زي ما أنا محترم ليكم رأيكم ده !!

حاضرين

[Magdy]

المشاركة الأصلية كتبت بواسطة خالد غالي

سلامات يا ابو ابراهيم

الصورة الجبتها دي جميلة شديد ياخي ...
لكنها بالتاكيد لاتمثل دليل على وجود الله

ياحبيبنا لمن امين زمااان داك اجتهد شهرين وجاب سرقات هشام انا واحد من الناس اتكيفت منو جدا واثمنت اجتهادو خالص .. وحتى كلامو عن انو اجتهد الاجتهاد لانو هشام قال ليهو اتحداك دي برضها لقت احترام واتفاق كبير مني .. اتحفظت حبة من قسوة الطرح .. لكن دي عارفة رومانسية مني ساي
اها الموضوع ده كان المفروض انتهى لحد هنا ...
كونو البروف يستخدم الكلام ده تاني بالطريقة دي انا شفت فيهو نوع من الارهاب ومسك اليد البتوجع وحبة ابتزاز واستخدام اسلحة غير مناسبة
يعني انا فهمت كلام البروف كده ... ياهشام ادم قلت لي الله مافي والرسول كذاب ؟؟ اوكى تعال نوريك الدليل على وجود الله ... اليوم داك انت سرقت المقال الفلاني .. وبعدو جيت سرقت القصة الفلانية والخ الخ !!
فما علاقة هذا بهذا ؟ تكرار سيرة سرقات هشام ادم لتاديبه على التطاول على كريم المعتقدات ادى انطباع عندي بالابتزال ومسك اليد البتوجع
مع انطباعي القديم بتاع انو البروف كان اقسى من اللازم على هشام وكان ممكن يأزيهو ازى اكبر من حجم اختلافهم .. الانطباع ده زاد اسي مع التكرار المخل ده

وكل سنة وانت طيب ياحبيبنا

طيب ياخالد الكان مفروض يحصل شنو في حالة هشام

علما بانو اكثر من عضو اشارو ليو بانو ياخ لغتك جارحة

والحاجة البتزعل انو الزول دا مابتنقصو الادوات عشان يطلع من الحرج

يعني الليلة لو زول عنقالي ساي نقول معليش لكن زول اديب

يعني كان ممكن يتكلم بدون مايجرح الناس وكان ممكن يجرحم بدون مايحسوا

لكن اختار الطريق المباشر مما يوكد سبق الاصرار والترصد

المثالية البتدعو ليها دي دايره مرونة مفقودة عند الناس والاسباب كتيرة

حقو الناس تفتش الشمع وين

ولا شنو

[أمين محمد سليمان]

المشاركة الأصلية كتبت بواسطة خالد غالي

اها الموضوع ده كان المفروض انتهى لحد هنا ...

موووبالغة يا خالد الغالي !!!
المره الجايه قبل ما أفتح بوست برسل ليك أستأذن !!

[أمين محمد سليمان]

المشاركة الأصلية كتبت بواسطة شليل

بالتأكيد يا بروف.. رايك محل تقدير وإحترام
لكن تاني عليك الله ما تعمل كده
وكل سنه وإنت طيب

و إنت طيب يا حبيب ... بهنا إتصالحنا تب ... نواصل البل بهناك !!
----------------

المشاركة الأصلية كتبت بواسطة ابو ابراهيم

يا غالى حسب وجهة نظرى انت ما بتحاور فى المفروض والواجب
انت بتفرض طريقتك للمفروض
ودة برجع لانك اما ما فاهم الحاصل .
او ما شايفوا من الزواية التى لا تريك الوجه الآخر كما الآخرين .

دي exactly المشكلة، خالد تخطي فكرة طرح رايو و داير يفرضو علي الناس !!
شكرا يا أبا إبراهيم
-----------------

المشاركة الأصلية كتبت بواسطة بابكر عباس

حاضرين

تحضر ما تغيب يا بكة ... لكن كلامك ده شفقني عليك
-----------------

المشاركة الأصلية كتبت بواسطة مجدي محمد عبدالله

طيب ياخالد الكان مفروض يحصل شنو في حالة هشام

علما بانو اكثر من عضو اشارو ليو بانو ياخ لغتك جارحة

يا مجدنا ... هشام ما عندو عذر في أساءاتو المتكررة دي ... و الناس البتتكلم عن حقو في قول رايو، عمدا بيتجاهلو إنو دي ما مشكلة الناس الواقفة ضد كلامو ده : مشكلتنا الاساءة ما الرأي !!

[خالد غالي]

يابروف قطعت لي كلامي من سياقو وجبتو كاني قلت ليك تاني ماتفتح بوستات الا تستأذن وده ماصحيح زي ماعارف يعني !!

ويابروف ويامجدي .. موضوع اساءة هشام للرسل ده بتحكمو اللائحة يعني لو خالف اللائحة وهو فعلا خالفها حقوا تشتكوهو للادارة زي مافي ناس اشتكتو وفعلا اتعاقب .. كمان بقيتو تاخدو حقكم بي يدكم ؟ في غابة نحن