شاارع الجمهوريه زماان..عندما كانت الحركه شمال و الدركسون يمين..!

[طارق الحسن محمد]

المشاركة الأصلية كتبت بواسطة يسرا مبارك محمود

ما قصرت يا الكمساري الله يخلي ليك السواق والدفار

ملح بس
؟

وين حق المشوار
؟ ؟.

[فيصل سعد]

المشاركة الأصلية كتبت بواسطة فتحي مسعد حنفي

تعرف الحكاية دي برضو ملخبطاني..حسب المناظر مفروض العلي الشمال دا يكون الجانب الشمالي للمحطة وانت متجه شرق لكن وين قهوة النشاط ووين كشك الجرايد بتاع أبو الزين كو..ولو من الاتجاه العكسي طيب وين القنصلية المصرية...حاجة فعلا تحير لكن في كل الأحوال دي المحطة الوسطي والعلي اليمين دي مكان دروة انتظار الركاب ودي مفروض تكون في الناحية التانية قدام دكان ميرزا..

مكتبة الراحل محمد احمد عبد القادر لم تكن
بالمحطة الوسطى الخرطوم بل كانت في ميدان
السوق العربي بين مدرسة الخرطوم الاهلية
الوسطي و كمبوني و القمسيون الطبي
امام موقف العيلفون غرب نادي العمال و
شمال نادي النيل الرياضي، و تحليلك لصورة
المحطة الوسطى الخرطوم صحيح و فعلا
اتجاه الصورة شمال شرق و باصات ابو رجيلة
الاتنين متجهين غرب يا ابو آلاء ..

سلام ..

[فتحي مسعد حنفي]

المشاركة الأصلية كتبت بواسطة طارق الحسن محمد

سمسم
ياخوى القهاوى دى اتشالت سنة كم ؟؟
الصورة دجى اواسط او اوخر السبعينات اتجاه
مقدمة الباصات متجهة للغرب القنصلية المصرية
قدام يسار بعد وكالة السر بس على جهة اليسار
بعد المصنوعات المصرية
المظلة بتاعة الركاب دى قريبة من اجزخانة او فى ناحية اجزخانة ابو نخلة

تعرف ياطارق أنا اللخبطني حكاية سنة 64 دي وانت ريحتني عشان أنا طلعت من السودان سنة 65 والقهاوي كانت لسة موجودة..

[فتحي مسعد حنفي]

تعرف ياطارق أنا زمان في 64 كنت ضارب سمسمية شديدة وشفت ليك قلعة صلاح الدين الفي القاهرة دي في مكان مبني بلدية أمدرمان ولما شفت الصورة دي ومكتوب عليها سنة 64 قلت معقول السمسمية برضو تكون هيأت لي القهوة وكشك الجرايد هناك ودي كلها كانت وهمكلو جايز حتي عرس العجايز..

[طارق الحسن محمد]

المشاركة الأصلية كتبت بواسطة فتحي مسعد حنفي

تعرف ياطارق أنا زمان في 64 كنت ضارب سمسمية شديدة وشفت ليك قلعة صلاح الدين الفي القاهرة دي في مكان مبني بلدية أمدرمان ولما شفت الصورة دي ومكتوب عليها سنة 64 قلت معقول السمسمية برضو تكون هيأت لي القهوة وكشك الجرايد هناك ودي كلها كانت وهمكلو جايز حتي عرس العجايز..

سمسميتك
ابو جاموس
اصلية

[فتحي مسعد حنفي]

المشاركة الأصلية كتبت بواسطة فيصل سعد

مكتبة الراحل محمد احمد عبد القادر لم تكن
بالمحطة الوسطى الخرطوم بل كانت في ميدان
السوق العربي بين مدرسة الخرطوم الاهلية
الوسطي و كمبوني و القمسيون الطبي
امام موقف العيلفون غرب نادي العمال و
شمال نادي النيل الرياضي، و تحليلك لصورة
المحطة الوسطى الخرطوم صحيح و فعلا
اتجاه الصورة شمال شرق و باصات ابو رجيلة
الاتنين متجهين غرب يا ابو آلاء ..

سلام ..

يافيصل أنا عارف انو قريبك لكن في الستينات كان عندو كشك جرايد في المحطة الوسطي وكنت بمشي أتونس معاه وكانت الطبقة المثقفة بتمشي تشتري منو الكتب والجرايد وبقعدو في القهوة القدام الكشك وكان أي بتاع ورنيش هناك بفهم سياسة أحسن من أستاذ الجامعة الفي عين شمس أو جامعة القاهرة الأم..

[طارق الحسن محمد]

[align=center][/align]

السوق العربى
الثمانينيات

[فتحي مسعد حنفي]

ياجماعة أنا والله شايل هم انو ود عثمان كان جا ولقي البوست بتاعو في أقل من 24 ساعة فات بوستات أغانيهو الليهو شهور بنزل فيها أكيد حتجيهو حالة زهول وحيشتغل تاريخ بعد كدا ويسيب الغنا لي عبدالله وداعة وزول الله

[أشتر]

الموضوع الما بدخل المخ بنقوم نعمل كدا ...
اها وروني مكان الصورة اتاخدت من وين ؟؟؟

[زكي عبد الحي]

اها ده كلو هين الحمير دى خشت كيييييييييييييييييييييييييييييييييف

[أشتر]

المشاركة الأصلية كتبت بواسطة طارق الحسن محمد

[align=center][/align]

السوق العربى
الثمانينيات

اعتقد الصورة دي من الناحية الشمالية الشرقية والكورنر الهناك ديك حاليا فيها عمارة الامارات والسودان ...
لو كلامي صاح اديني رنة

[فتحي مسعد حنفي]

المشاركة الأصلية كتبت بواسطة أشتر

الموضوع الما بدخل المخ بنقوم نعمل كدا ...
اها وروني مكان الصورة اتاخدت من وين ؟؟؟

من الطيارة

[أشتر]

المشاركة الأصلية كتبت بواسطة زكي عبد الحي

اها ده كلو هين الحمير دى خشت كيييييييييييييييييييييييييييييييييف

عندها يوزرنيم وباسوورد

[أشتر]

المشاركة الأصلية كتبت بواسطة فتحي مسعد حنفي

من الطيارة

كضبن كاضب .. من الستالايت

[فتحي مسعد حنفي]

المشاركة الأصلية كتبت بواسطة أشتر

عندها يوزرنيم وباسوورد

الحمدلله أنا ما عندي