أغاني ... وأغاني (2014)

[عكــود]

لعناية:
الزوول
أمير الأمين
أسمر
كانديك
معتصم
أشرف
مهنّد
والمهتمّين/ات

أين بوست هذا العام؟

[احمد سيداحمد]

YouTube

[عكــود]

شكراً يا أسمر على الإستجابة السريعة.

مع الكورة والتراويح ألبارح ما شفتو ولا عارفو بيجي الساعة كم!
بس جاتني رسالة في الوتساب من أحد أعضاء سودانيات تقول:
(أتاريهو غناكم ده ساعة تغنيهو نسرين الهندي، سمح خلاص)!
ردّيت الرسالة بما يناسبها من رد لا يُستحسن كتابته هنا.

الشي النزلتو ما بقدر أشوفو من المكتب، بصوبنو لا بعدين.
البرنامج بيبدأ الساعة كم؟

في إنتظار باقي الشباب والتعليقات والتحليلات،
ويتك يا أمير الأمين، صاحب الذوق الرفيع؟

تحياتي يا ملك.

[عكــود]

المشاركة الأصلية كتبت بواسطة عكــود

لعناية:
الزوول
أمير الأمين
أسمر
كانديك
معتصم
أشرف
مهنّد
والمهتمّين/ات

أين بوست هذا العام؟

النداء موجّه أيضاً للعزيز قيقراوي والدكتور أحمد زين.

[احمد سيداحمد]

المشاركة الأصلية كتبت بواسطة عكــود

شكراً يا أسمر على الإستجابة السريعة.

مع الكورة والتراويح ألبارح ما شفتو ولا عارفو بيجي الساعة كم!
بس جاتني رسالة في الوتساب من أحد أعضاء سودانيات تقول:
(أتاريهو غناكم ده ساعة تغنيهو نسرين الهندي، سمح خلاص)!
ردّيت الرسالة بما يناسبها من رد لا يُستحسن كتابته هنا.

الشي النزلتو ما بقدر أشوفو من المكتب، بصوبنو لا بعدين.
البرنامج بيبدأ الساعة كم؟

في إنتظار باقي الشباب والتعليقات والتحليلات،
ويتك يا أمير الأمين، صاحب الذوق الرفيع؟

تحياتي يا ملك.

انا زيك يا عمدة ، ما شاهدت بالامس ولكن شاهدتها اليوم على اليوتيوب ، وموضوعها كان عن الذين رحلوا هذه السنة من اهل الفن وهم : مبارك حسن بركات ، عثمان اليمني ، ناجي القدسي ، الفاتح قميحة . وتم التغني باغنية لكل منهم ما عدا مبارك الذي ابتدات الحلقة باحدى اغنياته وختمت باغنية اخرى من اغنياته .
بالنسبة لعثمان اليمني ، فقد تغنت نسرين هندي وانصاف فتحي وحسين الصادق باغنيته : عينيك ، وصراحة لم يعجبني الاداء من الثلاثي وخاصة نسرين هندي ، وكان من الافضل ان يأتي السر قدرر بفنان طمبور ، ليؤدي الاغنية بدلاً عن الثلاثي ، الذي في اعتقادي الخاص قد (بشتن ) الاغنية ولم يعطيها حقها .


تحياتي

[احمد سيداحمد]

في هذا الموسم عاد للبرنامج : عصام محمد نور وعاصم البنا وحسين الصادق ، وتم اضافة عمر جعفر وانصاف فتحي ، اضافة الى القدماء : فرفور ، مصطفى السني ، طه سليمان ونسرين هندي .
وفيما يخص الفرقة الموسيقية : غاب محمدية بسبب المرض ، وأتي بدلاً عنه : زرياب برعي محمد دفع الله ، وعاد عمر القصاص عازف الاورغ بعد ان غاب في موسم 2013 .

[معتصم الطاهر]

المرة دى نحن برة البرمجة ..

مع نا س اليوتيوب ..

اختفاء نجوم الغد .. ريحني ..

[أمير الأمين]

سلام عمدتنا ورمضان كريم
طبعا مع احتكار قيقا للبوست العام الفات كنا بنتاوق منتظرين
بوست للسنة الجديد...بس باين باعنا "للفيس بوك".. حسب
ما سمعنا...
كمان مع غياب الجميلات للعام التانى على التوالى البرنامج بدا فى
فقدان وهجه
اها من حلقة امبارح والليلة ممكن اقول:
-فرفور حتى ولو ترك "محاولة تخفيف روحه" واحساسه بامتلاك
المكان برضو ما بدخل المزاج
-ود البنا ينفع يكون مغنى من وراء المكرفون بس
-انصاف فتحى تمتلك صوت قديم جدا ليس فيه اياً من عتق او
حلاوة الماضى...ولو وجع وشها بينا حسين خوجلى
-صاحبى السنى ومن خلال اغنية الامس حقت مبارك حسن بركات
ايقنت تماما انه مقلد جيد فقط لابى داؤود
-عمر جعفر صوت ملائكى فقط لو ترك "خراب " وترديد اغانى الغير
وبمحاولة امتلاكه لاغانيات خاصته فهو لا يستطيع التقليد اطلاقاَ...
-بتنا سبنا "على قول سيدنا قيقا " محتاجة تقلل من كمية اعتزازها بى روحها
واعترافها انها لسه فى بداية مشوارها
-مسك الختام ود ابو ضرس طبعا سيدهم كلهم وسلطان طرب بحق


القفلة
سيظل غياب الجميلات علة البرنامج حتى عودتهن

[عكــود]

المشاركة الأصلية كتبت بواسطة اسمر

في هذا الموسم عاد للبرنامج : عصام محمد نور وعاصم البنا وحسين الصادق ، وتم اضافة عمر جعفر وانصاف فتحي ، اضافة الى القدماء : فرفور ، مصطفى السني ، طه سليمان ونسرين هندي .
وفيما يخص الفرقة الموسيقية : غاب محمدية بسبب المرض ، وأتي بدلاً عنه : زرياب برعي محمد دفع الله ، وعاد عمر القصاص عازف الاورغ بعد ان غاب في موسم 2013 .

سلام أسمر،

شاكر ياخي على التنوير.

ليل رمضان مزدحم بالنشاطات المختلفة، وأكيد بيفوتك واحد من البرامج، فالتوفيق بينهم صعب.

مشاهدة التسجيل حل جيد ومشكور على إنزال الحلقة الأولى، بس الله يدينا الزمن.

"جوبكة" أغنية (عينيك) من الثلاثي الغناها، سمعتها من آخرين برضو. خالد الصحافة الله يديهو العافية، أدّاها في حفل تأبين اليمني، بصورة ممتازة جدّاً (مالو لو كان جابو الحلقة دي؟).

محمديّة ربنا يشفيه شفاء لا يغادر سقما.

أما آن لهذا الفرفور أن يترجّل من هذا البرنامج؟
شرحو، عاصم البنا، فكترة الطلة تمسّخ خلق الله.

تسلم ياخي وترى البوست "روكة".

[عكــود]

المشاركة الأصلية كتبت بواسطة معتصم الطاهر

المرة دى نحن برة البرمجة ..

مع نا س اليوتيوب ..

اختفاء نجوم الغد .. ريحني ..

حباب الباش،

مالك ياخوي بره البرمجة؟

نجوم الغد بيدو البرنامج بريق ولمعان وحيوية.

[عكــود]

المشاركة الأصلية كتبت بواسطة أمير الأمين

سلام عمدتنا ورمضان كريم
طبعا مع احتكار قيقا للبوست العام الفات كنا بنتاوق منتظرين
بوست للسنة الجديد...بس باين باعنا "للفيس بوك".. حسب
ما سمعنا...
كمان مع غياب الجميلات للعام التانى على التوالى البرنامج بدا فى
فقدان وهجه
اها من حلقة امبارح والليلة ممكن اقول:
-فرفور حتى ولو ترك "محاولة تخفيف روحه" واحساسه بامتلاك
المكان برضو ما بدخل المزاج
-ود البنا ينفع يكون مغنى من وراء المكرفون بس
-انصاف فتحى تمتلك صوت قديم جدا ليس فيه اياً من عتق او
حلاوة الماضى...ولو وجع وشها بينا حسين خوجلى
-صاحبى السنى ومن خلال اغنية الامس حقت مبارك حسن بركات
ايقنت تماما انه مقلد جيد فقط لابى داؤود
-عمر جعفر صوت ملائكى فقط لو ترك "خراب " وترديد اغانى الغير
وبمحاولة امتلاكه لاغانيات خاصته فهو لا يستطيع التقليد اطلاقاَ...
-بتنا سبنا "على قول سيدنا قيقا " محتاجة تقلل من كمية اعتزازها بى روحها
واعترافها انها لسه فى بداية مشوارها
-مسك الختام ود ابو ضرس طبعا سيدهم كلهم وسلطان طرب بحق


القفلة
سيظل غياب الجميلات علة البرنامج حتى عودتهن

سلام يا الأمير،

قيقا والله فقدناه، سواقتو للبوست "عامن أوّل"، كانت بالحيل سمحة وكان متابع جيّد.
نعشم في الزوول يسدلو فرقة السنة دي (إن بقى سِخى).

شايف "غياب الجميلات" مؤرقّك، ومذكور في إفتتاحية مداخلتك و"القفلة" ..
صراحة ما ألومك!

معاك تماماً في تعليقك عن فرفور، عاصم، نسرين، إنصاف والسنّي.
خاصة ما يتعلٌ بنسرين، فيا ريت تقلّل من طلوع العالي وتلزم الجابرة، وتقلّل برضو من "العكش".

مصطفى السنّي، عندي شعور بإنو غير مناسب لبرنامج مثل "أغاني وأغاني"، يعني ماهو المغني الصحيح أمام المكرفون الصحيح؛ في حاجة نشاز.
الراي ده عندي من السنة الفاتت، بس الغفر ليهو تقليدو بصورة "ما بطّالة" لأبو داؤود.

طه سليمان يكسب المزيد من مساحات الإحترام، عاماً بعد عام، وياهو آرنيقهم.

لغاية هسّع ما سمعت عمر جعفر، فيُسمع ويُفاد.

قيقا مافي، فاقلب المتاوقة للمداومة، فأنا عندي فكرة أسلّمك البوست ده!

معاك في "القفلة"، و"ليالي أم در يا ريت تعود".

[أمير الأمين]

المشاركة الأصلية كتبت بواسطة عكــود

سلام يا الأمير،

قيقا والله فقدناه، سواقتو للبوست "عامن أوّل"، كانت بالحيل سمحة وكان متابع جيّد.
نعشم في الزوول يسدلو فرقة السنة دي (إن بقى سِخى).

شايف "غياب الجميلات" مؤرقّك، ومذكور في إفتتاحية مداخلتك و"القفلة" ..
صراحة ما ألومك!

معاك تماماً في تعليقك عن فرفور، عاصم، نسرين، إنصاف والسنّي.
خاصة ما يتعلٌ بنسرين، فيا ريت تقلّل من طلوع العالي وتلزم الجابرة، وتقلّل برضو من "العكش".

مصطفى السنّي، عندي شعور بإنو غير مناسب لبرنامج مثل "أغاني وأغاني"، يعني ماهو المغني الصحيح أمام المكرفون الصحيح؛ في حاجة نشاز.
الراي ده عندي من السنة الفاتت، بس الغفر ليهو تقليدو بصورة "ما بطّالة" لأبو داؤود.

طه سليمان يكسب المزيد من مساحات الإحترام، عاماً بعد عام، وياهو آرنيقهم.

لغاية هسّع ما سمعت عمر جعفر، فيُسمع ويُفاد.

قيقا مافي، فاقلب المتاوقة للمداومة، فأنا عندي فكرة أسلّمك البوست ده!

معاك في "القفلة"، و"ليالي أم در يا ريت تعود".

يا عمدة فرقت قيقا ما بتسد (ما كسير تلج بس ليهو بصمته)
غايتو نحاول المجادعة لحد جيت الزووول
عن حلقة اليوم ممكن القول وعن ثقة كاملة الدسم
عثمان حسين فنان فوق هامات الاخرين ورقم يصعب
تكراره او تقليده.. وهو مدرسة اداء خاصة.. فشل
من هم دونه قيمة وعطاء فى مجارته او حتى المقاربة معه
-فرفور احدث شرخا فى المصير لا يعالج
-عصام محمد نور "بشتن" شجن
-مصطفى السنى اليوم - لا تعليق
-نسرين والمجموعة غنو فى البداية
سيظل بازرعة قيمة شعرية عالية وسامقة
وهو عندى من اساطين شعراء "الحنين والبكا"

[احمد سيداحمد]

المشاركة الأصلية كتبت بواسطة عكــود

سلام أسمر،

شاكر ياخي على التنوير.

ليل رمضان مزدحم بالنشاطات المختلفة، وأكيد بيفوتك واحد من البرامج، فالتوفيق بينهم صعب.

مشاهدة التسجيل حل جيد ومشكور على إنزال الحلقة الأولى، بس الله يدينا الزمن.

"جوبكة" أغنية (عينيك) من الثلاثي الغناها، سمعتها من آخرين برضو. خالد الصحافة الله يديهو العافية، أدّاها في حفل تأبين اليمني، بصورة ممتازة جدّاً (مالو لو كان جابو الحلقة دي؟).

محمديّة ربنا يشفيه شفاء لا يغادر سقما.

أما آن لهذا الفرفور أن يترجّل من هذا البرنامج؟
شرحو، عاصم البنا، فكترة الطلة تمسّخ خلق الله.

تسلم ياخي وترى البوست "روكة".

فرفور دا قصة براهو ، تخريب للغنا ، واخذ فرص اكثر من الاخرين ، ودا غير محاولة مشاركته في اي اغنية ، ما بعرف السر قدور فارضه علينا ليه ؟ حقيقة زهجنا وفتنا الحد بسبب صاحب الصوت الضارس . بالنسبة لاغنية عينيك : كنت متمني ود النصري يؤدي واكيد كان حيبدع ويضيف الكثير .

[احمد سيداحمد]

YouTube

[احمد سيداحمد]

فرفور وتشويه اغنية المصير

YouTube