ـ
كويس برضو دي فرصة أكتب الما مفروض اكتبه في المرحلة دي
لكن طالما جابت ليها ظلامية وكوزنة يبقى لازم منو الكلام
أول حاجة يا رأفت أنا لا كوز ولا عندي صلة بيهم وبكرههم اكتر مما انت بتكرههم
وأنا معروف للعديدين هنا بالمناسبة من القدامى
تاني حاجة أنا ما سلفي تماماً ، وما صوفي تماماً
انا من أنصار الوسطية الغير متحزبة
يعنى ما داخل تبع جماعة مهما كانت
ماخد الاسلام دا حديقة غنية وبقطف من ثمارها ما طاب متى وجدته مطابق المعايير
لكن التزام بجماعة أو نهج من المطروح حالياً ؟ لا
حر ع الاخر
بلبس الجنز بلا عمة
وبطلق اللحية مع تهذيب
وبصلى هنا وهناك
ـ
عن أم التيمان كقول أخير
رأيي الشخصي ؟
لاحظ الشخصي دي
أنها أهدرت كلمات ، وحسنات .. واكتسبت شجب ، وذم ، وذنوب
ما شايف فيما تكتبه ما يمكن أن يقال عنه أدب أو فن
أو ما يمكن أن يحمل فلسفة زي ما بتحاولوا تصوروا
بالعكس
في كتير من كتاباتها ركاكة
دا من ناحية الكتابة
اما من ناحية المضمون فأنا وضحت أنو الاعتراض مش على جنسها
بقدر ما هو اعتراض على الاستخدام المجحف للغة زي دي في مقام ما حقها ولا بشبها
مقام الحديث عن الام مثلاً ، أو مقام الحديث عن حقوق المراءة زي ما قالوا
كنت متوقع من الطريقة البدأ بيها البوست أنو يثمر دون أن يؤخذ ما فيه على محمولات جانبية
لكن شايف أنو القصة جابت ليها فتل وتعمد وتصنيف
يبقى نصيحة البديري حان وقتها
أعتقد أنو البوست فقد وجهته بالطريقة دي يا رأفت ياخ
ـ
