دمج منتدى سودانيات دوت نت في دوت أورغ

[عبد السلام]

إذا دخلت دوت نت حتلاحظ العنوان فوق اتغير لي دوت أورغ

الإنت فيه دة منتدى ثالث نسخت فيه بيانات المنتديين دوت نت ودوت أورغ
يعني لو في أي حاجة ما ظبطت خليك مطمئن العدة القديمة كلها قاعدة بي حالها ما هبشناها
أكيد حتظهر مشاكل كتيرة من بينها الوجوه التعبيرية الهسة شايفة صور مكسرة قدامي، لكن دي كلها حاجات ملحوقة. نحن ياداب نزلنا دفارات العفش من البيتين القدام للبيت الجديد، راجينا تركيب دواليب وستائر وحاجات كتيرة كدة
المهم عندي الآن مفاتيحكم! بتقدروا تدخلوا عندنا هنا ولا لأ

لو عندك مشكلة في بيانات الدخول اعمل استرجاع كلمة مرور من هنا http://www.sudanyat.org/vb/login.php?do=lostpw
ولو ما ظبطت اتواصل مع عكود على الايميل [email protected]

أنا شغال في الموضوع دة من أمس العصر لحدي الآن صباح السبت وهسة شايف قدامي طشاش طشاش
الدفارات الجابت العفش مخليهن في مكانهن لحدي بعدين المساء يا لقيت الشغلة نجحت وحاسبنا السواقين، يا رجعنا عفشنا محل كان

[عكــود]

سلام يا عبد السلام وكل سنة وإنت طيب،

ألف شكر على مجهوداتك الجبارة ووقتك المبذول دائماً في التطوير الفني لسودانيات، فأنت الجندي المجهول الذي يعمل بصمت دون منِ ولا أذى ولا "شو" في تسيير النواحي الفنية وتذليل عقباتها متى ما كانت الحوجة لذلك، حتى قبل أن نطلب.

دمج المنتديين كان حلماً يراود جل أعضاء وقراء سودانيات، وها قد تحقق، بفضل الله، على يديك.
الشكر لك مرة أخرى والله يديك العافية يا ملك.

لو عندك مشكلة في بيانات الدخول اعمل استرجاع كلمة مرور من هنا http://www.sudanyat.org/vb/login.php?do=lostpw

ولو ما ظبطت اتواصل مع عكود على الايميل [email protected]

أو التواصل معي عبر الوتساب على الرقم:
00971505615109

أرجو عند طلب بيانات الدخول أو إسترجاع الباسويرد، ذكر إسم الدخول أو/و عنوان الإيميل كما هما مسجلين في سودانيات دوت أورغ حتى يمكنني الوصول إلى معلوماتك بسهولة ويسر.

تحياتي للجميع وألف مبروك دمج المنتديين.

[بابكر مخير]

يا ريت يكون

[النور يوسف محمد]

يا سلام
التحية لك وللريس
هكذا العمل فى صمت ،
دايرين احتفال كبير بعد ان تعلنوا لينا انو المكيفات اشتغلت والديكور اكتمل ،

شكرا عبد السلام شكرا عكود

[ناصر يوسف]

شكرا عكود

شكرا عبد السلام

شكرا الطاقم الفني على هذا المجهود الكبير و المقدر

[معتصم الطاهر]

سؤال
في طريقة
ترجع الصور القديمة

[معتصم الطاهر]

عودا حميدا عبد السلام

شكرا لكنا مثنى وثلاث

[عبد السلام]

تسلموا كتير يا حلوين
شكلو الأمور مشت كويس خلاص حاسبنا بتاعين الدفارات وقلنا ليهم الله لا حوجنا ليكم تاني


يا معتصم كلو موجود في الحفظ والصون بس وريني الصور كانت قاعدة وين وفي ياتو برنامج ولا موقع وإن شاء الله نجيبها

[عكــود]

المشاركة الأصلية كتبت بواسطة عبد السلام

تسلموا كتير يا حلوين
شكلو الأمور مشت كويس خلاص حاسبنا بتاعين الدفارات وقلنا ليهم الله لا حوجنا ليكم تاني


يا معتصم كلو موجود في الحفظ والصون بس وريني الصور كانت قاعدة وين وفي ياتو برنامج ولا موقع وإن شاء الله نجيبها

[اشرف السر]

أجمل خبر لي في ٢٠٢١
ألف مبروك وللأمام
لازم نعمل حملة كبرى لارجاع العضوية

قرفنا من فيسبوك وتويتر

سودانيات هي الأصل
وهي البيت الكبير

[أبو جعفر]

تحياتي ومبروك الدمج مشكورين

عندي الموضوع ده:
ودعناكم ألله ... وداعاً جميلاً يليق بك أخي الحبيب قرقاش.
وعنوانه: http://sudanyat.org/vb/showthread.php?t=27601

طشه وأصبح يجيب:
مسابقة خالد الحاج للشعر العامي 13-14

وكذلك هناك عدة مواضيع طشت
منها هذا العنوان: http://sudanyat.org/vb/showthread.php?t=31085

وكذلك هذا العنوان: http://sudanyat.org/vb/showthread.php?t=30301

[عبد السلام]

وعليكم السلام أبو جعفر
لسة موضوع الفهرسة دة بحتاج شوية زمن لأنه دي سنوات كتيرة شديد
ومحتاجين برضو نعيد الفهرسة على قوقل
العافية درجات

لكن كل المواضيع موجودة .. وريني بس عنوان الموضوع وانا بديك رابطه الجديد

http://sudanyat.org/vb/showthread.php?t=59106

[أبو جعفر]

المشاركة الأصلية كتبت بواسطة عبد السلام

وعليكم السلام أبو جعفر
لسة موضوع الفهرسة دة بحتاج شوية زمن لأنه دي سنوات كتيرة شديد
ومحتاجين برضو نعيد الفهرسة على قوقل
العافية درجات

لكن كل المواضيع موجودة .. وريني بس عنوان الموضوع وانا بديك رابطه الجديد

http://sudanyat.org/vb/showthread.php?t=59106

تحياتي عبد السلام
وكل سنة وأنت والأسرة بألف خير
وشكراً جميلاً على سرعة الاستجابة.

عندي موضوعات أجترها كلما هجم الحنين لسودانيات ... ولكن على أقل من مهلك فالمنتدى أولي بوقتك الثمين:

1- محمود محمد طه .. دراسة موضوعية
(مفترع دوت أورغ موجود ولكن مفترع دوت نت طش)

2- أجمل البلاد التي لم تزرها وأجمل من أحببت من لم تتزوجها.

3- بعيداً عن السياسة في دنيا المتطرفين ليلة الرياض جدة

ملحوظة معظم الموضوعات التي طشت كانت في دوت نت.

يديك العافية ما قصرت وما بتقصر يا ملك.

[عبد السلام]

http://sudanyat.org/vb/showthread.php?t=61774

http://sudanyat.org/vb/showthread.php?t=62555

أما بوست الأستاذ فحاول انقل من هنا لحدي ما نلقى ليه دبارة

[حسين عبدالجليل]

الشكر كله و التقدير للأخ عبدالسلام!