اقتباس:
المشاركة الأصلية كتبت بواسطة عبدالله وداعه الامين
اووو سوزان
انت معقولة تكوني عزول؟
تتسكعي
تتمشي
وتتدفقي عذوبة هنا
منتظرنك
السكة والجو بنسوك الزهجة
مدي ايد قامتك ارح
|
ياسلام عليك ياعبدوش
إيدي ممدودة ليك بيضاء من غير سوء
التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتوقد
بين رمادك
وبين حريقك
رافق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
من شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتوقد
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك
انت عارف سر عشقك
وإنه متخمر عتيقك
يا اخي سيبك
من سليبك
ومن سريقك
وابقي فتش في طريقك
يمكن الاحزان تسيبك
يا اخي سيبك
[rams]http://www.sudgirls.net/thabit/rfg.mp3[/rams]
