هضربات نواعم

[عبدالله وداعه الامين]

المشاركة الأصلية كتبت بواسطة سوزان حمد

ياسلام عليك ياعبدوش
إيدي ممدودة ليك بيضاء من غير سوء
التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتوقد
بين رمادك
وبين حريقك
رافق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
من شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتوقد
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك
انت عارف سر عشقك
وإنه متخمر عتيقك
يا اخي سيبك
من سليبك
ومن سريقك
وابقي فتش في طريقك
يمكن الاحزان تسيبك
يا اخي سيبك

يا بت يا سوزان مالك علي

انتي في زول قال ليك الاغنية دي بت بشتني؟
شكيتك بس يا يحي فضل الله ولي الله
وشكيتك سوزان
بس لي منو؟
لو شكيتك لي ياسمين امكن ما ترحمك
اشكيك لي قريبي بابكر مخير دا
عارفو حنين وقلبو اخضر
اخضر من زيتونة فرعها فووووووق
وعرقها هنا ,,,,