قطع غيار نسائية (إحذرن التقليد)...

[فائقة يس]

المشاركة الأصلية كتبت بواسطة سارة

الاخت الكريمة فائقة عودا حميدا مستطاب اشد على يدك وانتى دائما تضربين بى قوة

فى مواطن الالم والجروح بجيك كان الله مد فى العمر بس بعد اذنك ارد على عثمان حمد

اخى عثمان قلت مفهومك بعيد عن راى الدين ( وبصراحة ما فهمت ها دى )

خلينى ارد ليك باعتبار انى فهمتك واذا اسات الفهم لك العتبى حتى ترضى ..اتفقنا

كيف يمكن ان تناقش قضية فى مجتمع الغالبية العظمى مسلمين او فى الحقيقة يعتنقون

ديانات سماوية الاسلام واحد منها وتقول بعيد عن راى الدين ؟؟؟كيف نبعد الدين وهو قانونا

ينظم حياتنا من الالف للياء ( باعتبار نحن بنتكلم عن مشكلة فى مجتمعنا السودانى الانا وانت

احد افراده) وبالاضافة للدين لنا عادتنا وتقاليدنا ونسمع بانه كاد العرف ان يكون واجبا

عثمان يا اخوى من يخطب المرأة حبا فى مواضع الانوثه والجمال فيها وبعد ظهور

قطع الغيار هذه يمكن ان يفكر كما فكرت انت ولكن من يخطب عقلها وتفكيرها لا اتوقع

يحتاج لعملية تست

لك المودة التى تعرف

واللهم لا تمحننا لا تبلينا

سروية العزيزة تسلمي ياجميلة
تخيلي للأسف أن الغالبية من إخواني الرجال يخطب الفتاة طمعا في مواطن الأنوثة والجمال وفي النهاية خالص العقل والفهم والتفكير سمعتي يوم في واحد قال عاوز واحدة مثقفة ومتعلمة دون أن يشترط الجمال كخطوة أولي ؟..وبعد ده كله يجي يغني ظلموني

[فائقة يس]

المشاركة الأصلية كتبت بواسطة شبارقة

[align=justify]شكرا ً أختنا غالية على الطرح المثير للجدل أخلاقيا ودينيا

أبو ريم ... سلام يا صاحب

قطع الغيار هنا في هذا البوست خاصة بالنساء ... ولذا يجب عليهن أن يحذرن حتى لا يضحكوا عليهن بالمـُقلـَّد ...
وإذا كانت البضاعة أصلية فإن الحذر لن يفيد الرجال في شئ.
ولنا عودة [/align]

شبارقة
قطع الغيار خاصة بالنساء أيوة بس برضو بتخصكم شديد يا معشر الرجال رضيتم أم أبيتم ما النسوان ديل من زمن حبوباتنا ولي هسة بتنجضوا عشان منو؟؟
أما البضاعة لو طلعت صلية أمانة ما دقس راجل ؟!!مششش

[فائقة يس]

المشاركة الأصلية كتبت بواسطة خالد الصائغ

خالص التحايا أستاذة فائقة

في رأيي أن المسألة مؤلمة و مقلقة أكثر منها مستغربة

إلي إين تسير المركب بحواء السلعة

في مقابل حواء الإنسان

هل سيأتي يوم سيكون علي كل عروس أن تقدم لعريسها شهادة طبية موثقة بخلوها من أي قطع غيار صناعية

يعني ... Material safety data sheet


لك ِ الله يا حواء

و لنا كذلك

خالد الصائغ لك التحايا
بس تفتكر السبب منو وشنو مش الموضوع محتاج وقفة ؟؟
للأسف أن المسألة مخيفة لأن كل شئ في حياتنا أصبح مزيفا مما يثير الشك في كل شئ
بس تفتكر شهادة طبية موثقة بتحل وبتقنع إذا كان الطب نفسه أصبح شريكا في كثير من تلك الحيل والله إلا الطب الشرعي بحسب ظني

[فائقة يس]

المشاركة الأصلية كتبت بواسطة خالد الحاج

إزيك يا فائقة..
حبابك بعد غياب جعلني "أتحسس بطحتي" ...
شايف الجماعة عملوه "وباء" ويبحثون عن العلاج ؟؟
يبدوا أن عصر العولمة طرق باب السودان بقوة ...
أهو الجماعة ما صدقوا موضوع زي ده يطرح من قبل "إمرأة" ...
يعني لو كان من طرح الموضوع ده "رجل" لقامت الحرب...

عندنا هنا المسألة دي عادية جدا .. وأنا لا أقصد "تست" عثمان الخرفان لكني أقصد مسألة الجمال "المصنوع " ...
إنتو زعلانيين عشان باروكة وحبة كريم ؟؟ طيب ما تحمدوا الله ديل علي الأقل ممكن "تقلعهم" زي ما عملت البنية في قصة فائقة ...
ببساطة يا عثمان "تخج الجكس شديد " أي إسبير بيقع
الإشكال في "عمليات التجميل" !! أها زي ده يقلعوه كيف ؟؟؟

الفنانة القديرة (Dolly Parton) ملكة ال (Country Music)
[align=center][/align]
انسانة عندما تغني تأخذك بسحر صوتها إلي عوالم من الجمال لا تحد ...
تزوجت أكتر من عشر مرات ....
تملك من المال ما لا يحصي...
ليس لديها أطفال (لا فاطمة ولا محمد) ...

لم تجد ما تشغل به وقتها حسب ما عبرت للمذيع اللامع (لاري كنج) فاتجهت لعمليات التجميل... حتى صار الأصلي فيها من الصناعي غير معروف ...
صار الفم "جمب الجامع " أو الأذن .


[align=center][/align]

الحقيقة المرة هي :
نحن من يجبر نساءنا علي الغش.. أي والله ...
كلامي ده ما تابوه ... نصيحة طريفي
دايرنهن عذراوات ... ونحن نمارس من المتاح والغير متاح ما شئنا...
دايرنهن سمحات .. ونحن ما شاء الله "مخشوشنين" ولا علاقة للأمر بالقول (اخشوشنوا فإن النعمة لا تدوم) .. متخوشنين خلقة كده ...
ديرنهن مهذبات .. ونحن ما شاء الله "لماضة جد" ...

بالعربي كده .. إتصلحوا بيتصلحن معاكم ...
الشكية لله

خا الحاج ياغالي لك العتبي حتي ترضي
والله غياب قسري ودون خاطرنا وهسة رجعنا لي وطن القماري (سودانيات)وما حنجافي تاني ولو حصل أعذرونا
الطرح جاء من مرة عشان تعرفوا إننا (شجعان) شجاعات وبنقول النصيحة حتي لو فينا
تخيل الجناعة ديل ما زعلانين عشان باروكة وحبة كريم ديل زعلانين من الشعور بالدقسة والغفلة بعد داك ودي أمر وبتوج كرامتهم أما الموجع والبخليهم يختوا يديهم في قلوبهم وجلا حكاية البكارة الصيني دي
نسيت أقول ليك بصراحة أن الحكاية هنا بقت هاجس حقيقي ولو سمعت كلام الرجال وعدم ثقتهم في البنات بلا إستثناء فستشعر حتما بالقلق رغم أن الخطأ في كل تلك الفوضي مشترك بس الرجل بمنأي عنها عشان ما عندو (بكارة) وما بتفرق معاه حكاية العذرية دي كتير ..
أشد علي يدك لأن تجرأت وكنت منصفا وقلت (نحن من يجبر نساءنا علي الغش)قاصد الرجال مش؟سمعتو كلام خالد الحاج يارجالة ولا نعيدو كمان يلا أسمعوووه تاني
الحقيقة المرة هي :
نحن من يجبر نساءنا علي الغش.. أي والله ...
كلامي ده ما تابوه ... نصيحة طريفي
دايرنهن عذراوات ... ونحن نمارس من المتاح والغير متاح ما شئنا...
دايرنهن سمحات .. ونحن ما شاء الله "مخشوشنين" ولا علاقة للأمر بالقول (اخشوشنوا فإن النعمة لا تدوم) .. متخوشنين خلقة كده ...
ديرنهن مهذبات .. ونحن ما شاء الله "لماضة جد" ...

بالعربي كده .. إتصلحوا بيتصلحن معاكم ...
لي رجعة تاني يا ود الحاج

[فائقة يس]

المشاركة الأصلية كتبت بواسطة مي هاشم

فائقة العزيزة وكل من تداخل
سلام..

أولاً..لست ضد "قطع الغيار" إجمالاً، فهي مثلها مثل أي وسيلة تجميل.تجمييييييل ما غش وتقبيح..
مثلاً العدسات اللاصقة وهي وسيلة تجميل لطيفة جداً(خاصة للعموش الزيي)فهي تعطي بعد جمالي للعين والوجه إن أُحسن استخدامها، وقد تصبح الواحده "زي الكديسة" أو "البعاتي" إن أساءت الاستخدام.والباروكة والرموش وكل وسائل التجميل كذلك، حسب الاستخدام.

أما الصدّور -جمع صدر- والأفخاذ والـمؤخرات الصناعية دي ماااااااا حبيتها،زي الكريمات البتسلخ الجلد وتبرط الواحده، غايتو إلا إذا الواحدة نفسياتها ساءت وحبت تحس إنها جميلة "حسب فهمها" ساعتها ممكن تستخدمها، وده الحاصل في مجتمعنا للأسف، الواحده كان بقى لونها "أزرق"أو حتى أخدر أو أسمر تعتقد انها ما جميلة، حتى إذا وشها بقى أبيض وباقي جسمها بباقي الألوان الذكرناها فوق دي!!!
وبسبب التقليد والجري على "قطع الغيار" البنات كلهن أصبحن نفس الشكل، مافي وش "أزرق" بفضل الكريمات و"غيرها"ومافي شعر "تِفّة"بفضل البواريك وكريمات التمليس، ومافي جسم ما مقسّم بفضل "المقدمات والمؤخرات المطاطية" المتوفرة بجميع المقاسات، ومافي بت ........ بفضل العذرية المتوفرة عند الباعة وبأرخص الأسعار..جنس محن!!
المحيّرني انه الناس عارفة الحاجات دي "خاصة الرجال" وبرضو كايسين السماحة؟؟يعني كلام الخال صحي..كلّو من الرجال.."لالا ما كلو "!!
ده كلو هين ،كمان حبوب السمن والضعفة دي كوم تاني، حدثت الكثير من الحوادث ،أحدها لواحده اعرفها شخصياً توفيت لرحمة الله إثر تناولها حبوب تشحيم، أدخلتها في غيبوبة لم تفق منها، أجاركم الله..لماذا تعرّض الفتاة نفسها للخطر؟؟
خليكم من الخطر الكبير ده، لماذا تتحمل المرأة ألألم في سبيل الجمال؟؟؟
بدأً من شيل الحلاوة، والدخان، وقعدة الحنة، وغايتو...تعب شديد..لمنو؟؟

العزيزة مي هاشم
لسنا ضد قطع الغيار بس تخيلي الحكاية بقت مرض وهوس لما البنات إتشابهن والمشكلةهي التقليد الأعمي دون الإنتباه لفكرة ما يناسبك ومالايناسبك..
العذر أن النساء يبحثن عن الجمال لكن بتوازن وحتي الجمال نفسه درجات ونسب فما تراه أنت جميلا وملفتا فسيراه غيرك عاديا جدا بس منو البقنع البنات ديل
النسوان بقولو االرجال هم السبب كل واحد منهم عاوز مرة بيضاء وكلبوظة وشعرها طويل مش معاهن حق يستنسخن المواصفات دي بالمتاح حتي لو كانت آثاره قاتلة ومدمرة للصحة كحبوب التسمين وكريمات التبييض وارد جنوب أفريقيا ونيجيريا الكارثة مش في قطع اغيار التركيب فحبوب التسمين أصبحت تقوم بالمهمة علي أكمل وجه بداءا من الأرداف والمؤخرات والصدور و السيقان وأعلي الذراعين حتي نفخ الوجه بحبوب إسمها زعلان مالك طيب يارجال إنتو زعلانين مالكم مش التعب دة كلو عشانكم حظكم مافي بت بقت شينة ..

[فائقة يس]

المشاركة الأصلية كتبت بواسطة معتصم الطاهر

من يحتاج لاستخدام هذه الاسبيرات

غايتو ..


تحية فايقة الغايبة

الباش يا غالي
بقولو الغايب عذرو معاه بس البغيب ما بتسألو منو ليه ما عندك (أتينداس)
عموما تحياتنا وأمانينا
سؤال وجيه بس بكون أوجه لو قلت معاه ولي منو؟؟

[فائقة يس]

المشاركة الأصلية كتبت بواسطة معتصم الحارث الضوّي

الأستاذة فائقة
أحييك على هذا الطرح الجميل. توجد قضية لا تقل أهمية -في رأيي- عن هذه "الإسبيرات"، ألا وهي قضية "الإسبيرات الأخلاقية" التي ينزعها البعض بعد الزواج.
مع الأسبيرات الجسدية قد يرضى الشخص بنصيبه، ويتعامل مع الموضوع بروح إنهزامية، ولكن ما العمل مع الإسبيرات الأخلاقية من نزق وسوء تصرف.. إلخ التي ينزعها الزوج/ الزوجة بعد وقوع الفأس في الرأس؟!!
تقديري الفائق


تعريجة: الأستاذ خالد الحاج: أبدعتَ في هذه الأغنية من "حقيبة الفن" بالإنكليزي.

الأستاذ الحارث لك تقديري أيضا علي مداخلتك المميزة
أشرت لإسبيرات أخري قد يركبها البعض لتتضح الصورة لاحقا
دة الزيف القلناها قبيل وإكتسح كل شئ في حياتنا وسببو ما معروف وعلي قولك إسبير جسدي مقدورعليه بس يقيني أن من يغش في أمو ر حساسة توقع منه كل شئ بعد ذلك

[فائقة يس]

المشاركة الأصلية كتبت بواسطة سمورية

الحقيقة المرة هي :
نحن من يجبر نساءنا علي الغش.. أي والله ...
كلامي ده ما تابوه ... نصيحة طريفي
دايرنهن عذراوات ... ونحن نمارس من المتاح والغير متاح ما شئنا...
دايرنهن سمحات .. ونحن ما شاء الله "مخشوشنين" ولا علاقة للأمر بالقول (اخشوشنوا فإن النعمة لا تدوم) .. متخوشنين خلقة كده ...
ديرنهن مهذبات .. ونحن ما شاء الله "لماضة جد" ...

بالعربي كده .. إتصلحوا بيتصلحن معاكم ...
الشكية لله [/color][/size]

ازيكم
فائقة تحياتى
اتخيل لي في علاقة بين الكلام دا وبين بوست رجال اخر زمن
اما الحل يكون سلمى بقطع غيار او التحول للمطبخ وادواتة
وفي الحالتين الحالة صعبة
لكن صدقا لي كلام خالد
الكلمة الطيبة ولفت النظر بي لطافة ممكن يعمل مفعول السحر
لانو حتى لو بنات حوا كلهم اقنعو روحم بانو انا ماشغالة بي رايو فينى
انا شخصيا مابصدق اعجاب الشريك وارضاءه بفتكر انو شى فطري في حوا
حتى لو كان بي نسب متفاوتة
واهتمام ادم بالبحث عن الجديد وشديد موجوووووووود جواه برضو بالفطرة بنسب متفاوته
ومعاير مختلفة من ادم لى ادم فى واحد بيلفته للحصان المخ وفى ادم بتلفته العضلات
غايته ناس المخ ديل ما اظن يتعوقو من قطع الغيار دي شديد
والله كريم على ناس العضلات
(حتى صار الأصلي فيها من الصناعي غير معروف ...)[/QUOTE]

سمورية إزيك وتحياتي
الإشكال يا سمورية الأغلبية تعمل بمبدأ الشكل وليس الكلمة الطيبة والإنطباع الذي لن ننكر مفعوله لكنه يأتي متأخرا بعد الجمال واحد إحتج علي صديقه الذي رشح له إحدي الشينات وأسهب في مدح أخلاقها فرفض وقال له يعني أقول للناس تعالو شوفوا أخلاقا في البيت ما تصطدمك شناتا دي

[فائقة يس]

المشاركة الأصلية كتبت بواسطة أحمد محمد زين حسين

اها يا خال اسي زي ده بيكون تجميع محلي ولا شنو؟

ودالزين جيتك تاني في كلام واقف في حلقي النقولو ليك وأمرق
هيفاء دي براها كوم تخيل لو هزيتا زي ما إقترح الخال لتساقطت عمليات تجميل يعني سماح مصنوع بالسيلكون ومواد أخري لزوم النفخ والشد والترميم وبعد دي كلو بيلخبط كيان رجال بي شنباتهم شفت كيف ؟؟
ثانيا هنا في بلدنا القريبة دي ليه نمشي مصر ولبنان وغيرا عندنا فنانات وممثلات ومذيعات لو شفت صورن قبل (الطبع والتعديل) تحتار بقن نضيفات وسمحات وبيض كيف والصور النيجاتيف لسه قاعدة في الأرشيف ..
نضيفات دي مصطلح معناه لمن لا يعلم يطلقها الشباب وأولاد اليومين ديل للبت المهتمة بي روحا وما مخلية ليها كريم ما ممسحاه وده الجنن الباقيات وخلاهن يتمسحن بالبيو كلير والسفو كلير وهلم كلير حتي لو بعمل فشل كلوي ودماغ طالما أنها حتقشر يومين تلاتة وتلوي أعناق الرجال إسوة بهيفاء وغيرها ليه هيفاء براها مرة ؟؟بعد داك خليها تموت مش شافت بعض المجد مع الجمال بدل ما يكون نجمها آفل وقاعدة في (الظل) منسية ؟؟ برضو منطق مش

[Osman Hamad]

ملحوظة قبل البدء:
هذا البوست سبق ونزلته هنا فى سودانيات قبل عدة سنوات، وأنا بصدد تنزيله مرة اُخرى من باب الشئ بالشئ يذكر كموافقة على بوست الاستاذة فائقة يس (قطع غيار ... أحذرن التقليد)

................
وإلى الحكى

تعاريف ماقبل القص للذين لا يعرفون سوسو حمادة

سوسو حمادة..... هى السُرة بت مُحُمد، وسوسو حمادة هو ذلك اللقب الذى اطلقته عليها وهى تحب سماعه منى دائماً، أيضاً هى حبوبة ابدومة صديقى، هى إمراة رائعة واروع مافيها انها (مُخرفة) وفى رواية اُخرى (فاكة منها صامولة) ولكنه خرف من النوع اللذيذ الذى يخالطه الوعى والحِكمة الطريفة، تحب اربعة اشياء، الصلاة زائد التسبيح وتحب القهوة و(سف الصعوط) ومناكفتنا المتبادلة، وتجيد لغة الرندوك وللا اجدع شِفت.
ابدومة.... هو صديقى وحفيد سوسو حمادة، من ناحية الام، اى والدته علوية وهى بنت سوسو حمادة.
التوم.... هو كذلك حفيد سوسو حمادة واخ ابدومة الصغير، وبالمناسبة التوم ليس هو اسمه الحقيقى وإنما هو صفة التوئمة، فأسمه الحقيقى ايمن وله تؤام اخر اسمه امين، .
....................................
.........................
...........
....
..
.
طاااااخ...... إصطدم ذاك الترتار المايغبانى بسريرى داخل الغرفة حينما كنت ارتمى عليه بنصف جسدى، بينما كان نصفى الاخر يشكو للأرض التعب ويحكى لها تفاصيل السفر وجكس البندر بمختلف الديانات (وديانات هذة ليس لها إى علاقة بالديانات السماوية) وإنما بالديانا ذاك الكريم الذى يسخط ويسلخ وجوه من لا يعلمن بروعة السُمرة والخُدرة، وكان مامصدقينى اسألوا الخدرة الكملت كِسرتنا او اسألوا صديقى ابدومة الذى كان متيماً بحب مُنى السمراء، فسُئل فى إمتحان التربية الإسلامية ماهى أشد انواع الفتنة فكتب بكل يقين أشد انواع الفتنة هى سُمرة مُنى.
فبعد إصتدام ذاك الترتار، عرفت على الفور انه التوم حفيد سوسو حمادة، جاء مترتراً كالعادة، فإلتفت اليه ووجدته كما توقعت، عارياً من كل شئ، إلا من لباسه المتسخ، الممزق بين فخذيه النحيلتين وتخرج من بينهما علامه تذكيره مضمومة بتلك الفتحة نيابة عن الإنتصاب فى مرحلة الطفولة البريئة.
وقبل ان القى عليه التحية هاجمته سائلاً، شنو يالتوم انت حايم طوالى بالباساتك المشرطة دى؟ ماعاوزين يغيروا ليك انت وللا شنو؟ فرد لى بطريقة سوسو حمادية تثبت مدى تأثير ثقافة سوسو حمادة على نطاق كل من تربطه بها صلة متجاوزة كل الفئات العمرية، فقال لى دى حبوبتى سوسو حمادة قالت يخلونى كدة عشان اعمل إرهاب للجكس من هسى، وهى اصلاً قالت كانت عاوزة فى كل لباس بدل محل الشرطة تكتب (الخطر القادم)، ولكن هى عشان مابتعرف تكتب قالت، احسن يخلونى كدا عشان ارهب الجكس نظام بيان بالعمل وكدا. حينها إرتسمت تعابير على وجهى خليطة الإبتسامة والضحك والدهشة لترسيخ مفاهيم سوسو حمادة الفحولية التى اعلمها جيداً لأحفادها فى مثل هذا العمر، فإعجابئذن سألته عن سوسو حمادة وعن حالها، حيث إنى لم ألتقيها من قبل إسبوع تمام، فرد على مُبلغاً، هى كويسة وهى ذاتا مُرسلانى ليك، وقبل ان يكمل تبليغه لى، قاطعته متعجباً مُرسلاك لى!!! ، هى عرفت كيف انو انا جيت اسى من البندر!!؟، فقال لى، هى قالت لى شافتك من بعييييد جنب الزلط وانت نازل من البص، فسألته ضاحكاً مستعجباً ياخى حبوبتك دى اصلاً هى سوسو حمادة وللا سوسو اليمامة، فواصل مُبلغاً رسالته لى متجاوزاً تعليقى، سوسو حمادة قالت ليك حصلنى على المستشفى، فإنزعاجئذن انتففضت من سريرى سائلاً خير فى شنو يالتوم!!!، فقال لى سميرة بت الرضية بقت تهوهو وتنبح ذى الكلبة، فحينها لم افهم منه شئ، فسألته متلخبطاً مرة اخرى قلت شنو!!!، ولكن لا إجابة لسؤالى حيث انه ترترَ مهرولاً بعيداً وتلوح فقط منه على البعد علامة تذكيره وهى ترطدم بين فخذية ككرة جرس الكنيسة حينما يقرع.
فعندما وصلت المستشفى وجدت سوسو حمادة تنتظرنى عند البوابة الخارجية متفرجخةً على الارض وداقة صحبة مع البواب وهى كعادتها وبفطرتها الطيبة تدخل القلوب بسرعة و دون إستئذان. فعندما رائتنى إستجمعت قواها ونهضت قائلة، جيت يالحبيب، فبعد ان حييتها بتحيتى المعروفة لديها وووووين ياسوسو حمادة، ان شاء الله خير والحاصل شنو!!؟ قالت لى والله ياشقى اسكت ساى، سميرة بت الرضية من ليل امبارح تهوهو ذى الكلبة الليل كلو تنبح هو هو هو هو هو ساى، فهززت رأسى حزين وهمهمت لا حولة ولا قوة إلا بالله، مالها ياسوسو، عضاها كلب وللاشنو!!!؟ قالت لى، ابداً والله ياريت لو عضاها كلب كان هينة وبتتعالج، فواصلت حكيها قائلة لى، انت براك عارفها ضعيفة ومعصعصة ومافى عريس هبوبو ليها، عشان كدا قامت، حينها قاطعت سوسو حمادة منزعجاً، اوعة تكون إتلومت مع الكلب ذى الخوجيات!!!، فردت على بضربة فى رأسى واردفتها قائلة، إتلومت فى عينك، انت مخك الوسخان دا انا بكسرو ليك، فقلت لها اها طيب الحاصل شنو!، فواصلت حكيها، اها هى عشان ضعيفة ومعصعصة قامت بكامل قواها الجهلية جابت ليها حقن سَعَر وإطعنتن، فسألتها مندهشاً، لى؟؟؟ قالت لى، اصلها قالت عاوزة تبقى دفار وتعمل ليها بابور كبير ذى حق سلوى مرة معتصم، فقلت ليها دا كلام شنو ياسوسو حمادة !! انا مافاهم اى حاجة، فحينها إنزعجت منى، لانها إعتقدت اننى لا افهم مصطلحاتها، فقالت لى انت خلاص عشان مشيت البندر يومين جيت تعمل لى فيها حنكوش ومافاهمنى يعنى وللاشنو، قلت ليها ابداً ياسوسو انا لو مافهمتك البفهمك منو!!، لكن انا مافاهم علاقة سر حقن السَعَر مع الدفارية والبابورية شنو، قالت لى دا جن بنات اليومين ديل، قايمات فى طعن حقن السَعَر وبليع حبوب الصرعة كايسات فى الشحم والبابور الكبير الذى حقى دا وحق سلوى مرة معتصم، فضحكت وقلت ليها بابور سلوى عرفناهو انت وين بابورك دا!!؟، فحينها رخت ثوبها وظهر سروالها ثم دارت للخلف حتى ترينى بابورها وتقوم بعملية ون تو ثرى وكأننى لم ارها من قبل، فقلت ليها ياسوسو حمادة خالص عليك الله، بابورك ودفاراتك دى كانت زمان زمن الشباب، اسى اتهلكن وبقن ركشة ساى، فقالت لى مستنكرة، والله انت ياشقى اصلك مابتطمئن ليك زول ساى، قلت ليها ياسوسو عليك الله اسى كدى انسينى من بابورك دا، وارح نشوف بت الناس الراقدة فى العنبر دى، قالت لى برضو نغشى معانا فى العنبر التانى سهام بت الجودلية، فسالتها مالها سهام كمان!!، قالت لى برضو فى درب الشحم والبابور المِتِل حق سلوى مرة معتصم، هنديك راقدة تنكرش ليها تلاتة يوم عشان بلعت حبوب الحساسية، قلت ليها والله ياسوسو حمادة الظاهر بابور سلوى مرة معتصم دا ح يقروض علينا بنات الحلة كلهن ، اها والعمل شنو ياسوسو!!؟ وبعدين انا مش مستغرب فى بليعهن للحبوب وطعن الحقن دا بس!!، لكن مستغرب فى ناس الصيدليات البدوهن الادوية دى ساى بدون روشتة!!، قالت لى تقول شنو!! اسى عليك الله البنات ديل بدل يودرن قريشاتن فى الكلام الفارغ دا، لو إشترن ليهن كيلو لحمة ضان ساى عملنو شوربة واكلنو وبلن بيهو ريقن وعِضيماتن النشفات ديل، مش كان احسن ليهن من هوهوهوهو والكاروشة دى!!، فضحكت من قولها، ثم سألتنى اها يامان انا الشمار حارقنى من قبيل، انت ما حكيت لى جكس البندر كيف!!، قلت ليها عليك الله ياسوسو حمادة، كدى نحن نمشى نزور الجماعة ديل فى الاول، وبعدين بجى احكى ليك عن جكس البندر.

[أبومناهل]

المشاركة الأصلية كتبت بواسطة Osman Hamad

العزيزة سرور الكرور

أنا لا أطالب بموضوع التست فى مجتمعنا، يبدو إنك مافهمتينى.

سرورة ياخترية . . هرشتي صاحبي ( خرفان ) خليتيتهو ينطط . .

لقيتيهو حنين ومسيكين . . لكن النصيحة كلامو الأول صاح وعجبني بلحيل

عجبني ليه ؟؟ خليني أوضح ليك

الهدف الأساسي من الزواج هو تكوين أسرة وإنجاب أطفال لإستمرارية الحياة وإعمار الكون( ده فهمي )

طيب لما الواحد زي الجماعة البينبهروا من النظرة الأولى ديل يقوم يتشعبط ليهو في واحدة

ويتزوجها وبعد الزواج يكتشف أن لا رابط بينه وبين هذه الإنسانة إللهم إلا ( السرير ) وتبدأ

الخلافات والمشاكل وده بعد ما يكونوا إنتجوا فرخة فرختين تلاته .. والنتيجة الحتمية هي فرتقة

الكيان الصغير المسمى أسرة والتضحية بهؤلاء الصغار الذين هم أمل عمار الأرض وإستمرارية

الحياة . . وخروجهم وهم معطوبون نفسياً وعاطفياً . .

ده كلو ما كان ممكن يحصل لو الزول والزولة دي عرفوا مخابئ وخفايا وطباع بعضهم البعض

وبعدها يحددوا هل هم أصلح لي بعض ولا لا . . وده بيتم بعدة طرق منها طريقة صاحبي عثمان

حمد الفوق دي

أكتب هذه المداخلة وبعدها ح أعمل خروج . . كمان ح أعمل نايم ..

فبالله ياناس ( ديلك ) براحة علي

[هاشم]

المشاركة الأصلية كتبت بواسطة فائقة يس

الأستاذ عثمان تحياتي
تخيل مافي حل ماعايزة أحبطك بس تخيل رغم ذلك إنتو السبب أي الرجال لأن النساء عادة ما يلهثن للجمال والكمال من أجلكم رغم أن شاسا غيتري الكاتب المسرحي الفرنسي قال إن النساء لايتجملن من أجل الرجال بل نكاية في النساء..بس تست دي مش كتيرة شوية ؟؟
دي

الأخت فائقة .... تحياتي
موضوع كبير ومهم جدا
لكن سؤالي هل النساء يلهثنّ للجمال من أجل الرجال فقط ؟

[هاشم]

المشاركة الأصلية كتبت بواسطة فائقة يس

سمورية إزيك وتحياتي
الإشكال يا سمورية الأغلبية تعمل بمبدأ الشكل وليس الكلمة الطيبة والإنطباع الذي لن ننكر مفعوله لكنه يأتي متأخرا بعد الجمال واحد إحتج علي صديقه الذي رشح له إحدي الشينات وأسهب في مدح أخلاقها فرفض وقال له يعني أقول للناس تعالو شوفوا أخلاقا في البيت ما تصطدمك شناتا دي

إختيار الجمال هو ما فطر الله به النفس البشرية على السجية
والجمال خشوم بيوت لكنه ليس منغصة للرجل الذي يسعى إليه المفطور على ذلك
وليكن جمالاً وخُلقاً ... ألا يجتمعان ؟