شهادة (حق) في (حق) رجل من بلادي!

[عادل عسوم]

المشاركة الأصلية كتبت بواسطة الجيلى أحمد

طيب ياعادل فى داعى تقول صاحبى الخواجة,
ومات مسلم , وتمثال و...وووو

يعنى قصتك الطويلة دى عايز تقول منها إنو على زول كويس..??
طيب ماتقول كلامك دا عديل,
أفتح بوست حول إنو على عثمان زول كويس ,
بدون ماتدخل الخواجة العجوز الميت فى النص..

انت خايف من شنو..??

(الأستاذ) علي عثمان زول كويس

[عادل عسوم]

المشاركة الأصلية كتبت بواسطة فيصل علي

الاخ هاشم
ما أردت قوله فيما يتعلق بالانقلابات العسكرية إن الموقف منها ما زال يراوح مكانه في أنه مسألة جايزة ومقبولة بل هناك من يجزم إن شعب بهذا الجموح لا يمكن حكمه إلا عن طريق العسكر وقد تكون انت سمعت هذه العبارة كثيرا بمعني أنه لم يرتق جماع الناس الي التعامل معه كجريمة ومخالفة للقانون .وهذا ليس علي مستوي الناس العاديين حتي المثقفين منهم تراهم يتعاملون مع الديمقراطية بنصف قناعة أو بعدم جدواها إذ أن كل الديكتاتوريات التي مرت علينا كانت ركيزتها المتعلمين إن لم نقل المثقفين
وبنظرة سريعة الي تاريخنا القريب ماذا كان مصير ابراهيم عبود بعد أن ترك أو أُجبر علي ترك الحكم ونميري والمرحوم هاشم العطا وبابكر النور .......كل العسكريين الذين نفذوا إنقلابات إما يكون الانقلاب علي انقلاب ويكون الموت مصير المنفذين للانقلاب الفاشل ويصبحون من الشهدداء الابطال أو إنقلاب علي الديمقراطية كما في حالة عبود ونميري والجماعة الموجودين حاليا وغالبا هؤلاء ينجحوا في الاستمرار بدعم من الاحزاب نفسها أو بشريحة كبيرة منها
وكما معلوم أن الجيش مسَيس بالكامل ومعظم الاحزاب إن لم يكن كلها تحرص علي وجود مقدَر لها في الجيش
هذا ما عنيته( بالتكتيك) أن الاحزاب تضع في اعتبارها التغيير بالقوة واحد من الخيارات وأنا اعلم تماما عدم شرعية السلوك ولا أروج له .لكن ماذا يعني القانون والدستور إذا لم يكن ممكن تطبيقه .يعني ماذا فعلنا للذين نفذوا إنقلابات ضد ديمقراطيات ؟سيبك من محاكمات هل استطعنا أن نعزلهم سياسيا مثلا .ها هو الترابي لا يريد أن يعتذر مجرد اعتذار للشعب السوداني وها هو يصول في ميادين السياسة ويتحدث عن مصير البلد وبسط الحريات ... الخ
وشكرا

مداخلة تضيف الكثير وتجيب عن الكثير ياأخي فيصل
أرجو أن تكون بخير
مودتي

[عادل عسوم]

المشاركة الأصلية كتبت بواسطة خالد الحاج

سلامات حبيبنا عادل عسوم

طبعا لا اعتراض لي علي "بعض"ما ذكر الخواجة خاصة في جهد السيد علي عثمان في تحقيق السلام في جنوب السودان لكن أتمني أن تحدثنا يا عادل عن :
* أين كان علي عثمان رجل الدولة والشرفاء يتم تعذيبهم في السجون (بيوت الأشباح) ؟
* أين كان علي عثمان رجل الدولة حينما تم تشريد الآلاف من الخدمة العامة ؟
* أين كان علي عثمان رجل الدولة وخمسة مليون سوداني فروا من السودان كمن يفر من أجرب ويلجؤون إلي أي ركن من أركان المعمورة بحثا عن لقمة كريمة وأمان . (هل توطين المصريين في شمال السودان يا عادل لتعويض الفقد ؟ ) - السؤال لأن العدد متساوي-.

يا عادل يا أخوي ما تشكر لي الراكوبة في الخريف علي عثمان شنو كمان الداير تعمل ليه تمثال ؟؟؟
بعدين التمثال ده مش حرام ؟ ولا الفترة دي عدت ؟ أذكر كيف تمت إذالة النصب التذكاري للجندي المجهول بحجة أن "كل ما يعمل ظل حرام" وقد خاف الإنقاذيون علي السودانيين من العودة لعهد "الللات والعزة" ممثلين في نصب الجندي المجهول ..

الشكية لله غايتو المحن عندك يا باش مهندس .

عزيزي خالد
ما كان لي أن أتأخر عن الأجابة على تساؤلاتك هذه الاّ مضطرا...
فالسبب في ذلك انتفاء احاطتي بالملابسات والتفاصيل ...
أذ أني (حينها ...ولم أزل) أقيم بالمملكة العربية السعودية.
لكني -ومنذ قدومي الى السودان (خلال اجازتي هذه) -جهدت ايما جهد كي أتحصل على أجابات (ممحصة) لما تفضلت به من تساؤلات مقدرة...
وذلك توخيا لل(عدل) والمصداقية في حق الرجل.
ولك أن تثق في حرصي على قول الحق (ولو على نفسي)...
اذ لست ممن يقول (أنا مع غزية ان غوت غويتُ وان ترشد غزية ارشد)!
ولست بالذي يتمترس دون قناعات تُلبسني (نضارة) تظلل دون ناظري المناظر...
(علي عثمان) رجل يجوز -بل مطلوب- منا (الجرح والتعديل) في شخصه.
وأثق -بظهر الغيب-بأنه لن يمانع في ذلك البتة...
والاّ...
فقناعاته ومصروره من المنهج -الذي يقر ويدعو - لفطيرة!
...
سأمحّص مالديّ من أجابات ...وأعدك بعودة بحول الله
مودتي

[ابوريم]

فقناعاته ومصروره من المنهج -الذي يقر ويدعو - لفطيرة!

اوضح افصح أبن ياهذا...ده كلام ده بالله! مصروره ده شنو؟ وفطيرة؟
طلعت زول زمخشري

[فتحي مسعد حنفي]

المشاركة الأصلية كتبت بواسطة ابوريم

اوضح افصح أبن ياهذا...ده كلام ده بالله! مصروره ده شنو؟ وفطيرة؟
طلعت زول زمخشري

هسة يابو ريم الزول دا لو كان رجع للسعودية كنت برضو بتناقر فيهو كدا ولا كان غاب القط يلعب الفار...كل سنة وانت طيب والله يصبرك علي العيد الحتقضيهو براك بدون الاخوة الأعداء..

[الجيلى أحمد]

كل النازيين كانو على قناعة بأن هتلر على حق...

على ومعه زمرة المتأسلمين فى السلطة هم أكبر عصابة
إجرامية تصل إلى سدة حكم,
أولآ سرقوا السلطة من يد الشعب وحكومته المنتخبه,
ومن ثم كذبوا على الناس قائلين بأن لاعلاقة لهم بالإنقلاب
ثم قاموا بتعذيب وقتل المعارضين
ثم استباحو البلاد والعباد ونهبوا مال الشعب
ثم قتلوا الناس وأبادوهم فى دارفور
و...و....
أشياء لاتحصر
أين الدين وأين النهج الذى تتحدث عنه..??
دعك من على عثمان,
أنت الذى تصدح عن الدين ونهجه أين موقفك من ممارسات العصابة الحاكمة
التى تقتل وتعذب وتنهب..??

حاول ترد ياعادل ودع عنك العجوز وقصة موته
وإستدرار العاطفة الدينية فى شأن سياسى..

عشرون عامآ كافية
\
فكفى

[عادل عسوم]

المشاركة الأصلية كتبت بواسطة ابوريم

اوضح افصح أبن ياهذا...ده كلام ده بالله! مصروره ده شنو؟ وفطيرة؟
طلعت زول زمخشري

(الأستاذ) أبوريم
كان (قمنٌ) بك وأنت المعلم أن تنحاز الى الزمخشري بأكثر مني
وكان لك أن تتأسى ب(مسيحيّي) لبنان ممّن لاتمثل الفصحى لهم سوى سمت عروبة!
فكيف لنا وهي لدينا لغة الكتاب الذي لايأتيه الباطل من بين يديه أو من خلفه؟!
أما كان يكفي مسيحيو لبنان استعصامهم بالدارجة التي بين أيديهم لبيان عروبة لهم أصيلة؟!!
أثق ياأسامة وأنت المعلم بأنك قد قرأت أشعار وآداب العديد من مبدعيهم ...ذاك الرفد الذي أضحى له فوت بما زانوه من جميل كلمات فصحانا الراقية!
رحم الله الزمخشري ياأسامة...
هو فارس من فرسان فصحانا... ولا غرو بأن ذكرك لاسمه بين يدي محتفانا الاستاذ علي عثمان محمد طه لهو أليق وأعدل (في حق رجل) يتخير من أطايب اللغة تخيرنا نحن لأطايب التمر اذا طعمنا...
أما المصرور الفطير ياصديقي...فهو كل ما ينأى عن مساطر القيم من فكر ...
وعن مفردات الفصحى من كلمات...
فالتجد لنفسك طريقا (يبسا) بين هذا وذاك ياحبيب
أقعد عافية

[ابوريم]

المشاركة الأصلية كتبت بواسطة فتحي مسعد حنفي

هسة يابو ريم الزول دا لو كان رجع للسعودية كنت برضو بتناقر فيهو كدا ولا كان غاب القط يلعب الفار...كل سنة وانت طيب والله يصبرك علي العيد الحتقضيهو براك بدون الاخوة الأعداء..

الله لا وراك يافتحي اشد من هنا...العكاكيز تتطاير وناس فخري وطارق حجازين.
وكل سنه وانت طيب

[ابوريم]

المشاركة الأصلية كتبت بواسطة عادل عسوم

(الأستاذ) أبوريم
كان (قمنٌ) بك وأنت المعلم أن تنحاز الى الزمخشري بأكثر مني
وكان لك أن تتأسى ب(مسيحيّي) لبنان ممّن لاتمثل الفصحى لهم سوى سمت عروبة!
فكيف لنا وهي لدينا لغة الكتاب الذي لايأتيه الباطل من بين يديه أو من خلفه؟!
أما كان يكفي مسيحيو لبنان استعصامهم بالدارجة التي بين أيديهم لبيان عروبة لهم أصيلة؟!!
أثق ياأسامة وأنت المعلم بأنك قد قرأت أشعار وآداب العديد من مبدعيهم ...ذاك الرفد الذي أضحى له فوت بما زانوه من جميل كلمات فصحانا الراقية!
رحم الله الزمخشري ياأسامة...
هو فارس من فرسان فصحانا... ولا غرو بأن ذكرك لاسمه بين يدي محتفانا الاستاذ علي عثمان محمد طه لهو أليق وأعدل (في حق رجل) يتخير من أطايب اللغة تخيرنا نحن لأطايب التمر اذا طعمنا...
أما المصرور الفطير ياصديقي...فهو كل ما ينأى عن مساطر القيم من فكر ...
وعن مفردات الفصحى من كلمات...
فالتجد لنفسك طريقا (يبسا) بين هذا وذاك ياحبيب
أقعد عافية

عادل عسوم!
ياخوي الدخل علي عثمان في الزمخشري شنو؟
ولبنان الجاب سيرتها منو؟ وليه المسيحيين بالتحديد؟
داير تخش في موضوع تاني؟ خليك في علي عثمان
مصرور الفطير زدتو كمان مساطر...اهلنا قالو خم وصر.
فلتجد بدون الف...وعامل فيها الرازي؟
يبسا بي وين مع مستنقعاتك الكلامية دي والمقصودة عشان توحل الناس الراجين ردودك.

[عادل عسوم]

المشاركة الأصلية كتبت بواسطة فتحي مسعد حنفي

هسة يابو ريم الزول دا لو كان رجع للسعودية كنت برضو بتناقر فيهو كدا ولا كان غاب القط يلعب الفار...كل سنة وانت طيب والله يصبرك علي العيد الحتقضيهو براك بدون الاخوة الأعداء..

جميل الدواخل والمظاهر فتحي
أبوريم رجل ذواقة في اختيار المقاهي والكافتريات لأحبابه
وهو رجل نديُّ الراحة اذ (يدفع) في كل لقاءاتنا (دفع) من لايخشى الفقر
لكنه اليوم قد انفض عنه السامر
نصحته من قبل -ولم أفتأ- بأن خير له أن (يلعب صالح ورقو)

التحية لك وله
مودتي

[عادل عسوم]

الجيلي
كل عام وأنت الى الله أقرب ياابن أخي

كل النازيين كانو على قناعة بأن هتلر على حق...

لعلهم كذلك...
وفيهم ستالين وخروتشوف وكل من انتهى أسمه ب(ووف) وقد نشر القتل و(الخوف) بين أهلنا من مسلمي الأتحاد السوفيتي سابقا...

أنت الذى تصدح عن الدين ونهجه أين موقفك من ممارسات العصابة الحاكمة
التى تقتل وتعذب وتنهب..??

أما كان أجدي توجيهك لأستفساراتك الى كوادر الحزب الشيوعي الذين (يتوهطون) على مقاعد مجالسهم يالجيلي؟!
أنا يكفيني صدحي الذي تذكر عن الدين ونهجه...
مودتي

[فتحي مسعد حنفي]

المشاركة الأصلية كتبت بواسطة عادل عسوم

جميل الدواخل والمظاهر فتحي
أبوريم رجل ذواقة في اختيار المقاهي والكافتريات لأحبابه
وهو رجل نديُّ الراحة اذ (يدفع) في كل لقاءاتنا (دفع) من لايخشى الفقر
لكنه اليوم قد انفض عنه السامر
نصحته من قبل -ولم أفتأ- بأن خير له أن (يلعب صالح ورقو)

التحية لك وله
مودتي

يا عادل بعد كل سنة وانت وناس البركل وعموم أهل السودان بخير وعافية
أنا شخصيا ياعادل احترت معاك وبقيت بصراحة ما فاهم الحصل ليك شنو بعد ما مشيت وقعدت وسط شوايقة البركل مع انهم ناس طيبين..
انت يازول لامن اتلاقينا في السودان ما قلت ليك موضوع علي عثمان دا هو الجايب ليك التهم والمشاكل وحقو تنساهو عشان الناس بالعافية فهمت عادل عسوم علي حقيقتو..
أها الوداك تاني تنكنو وتجيبو لينا تاني شنوولا تكون اشتقت للخبيت علي الراس..
ياخ شوف ليك زول تاني غير علي عثمان دا شكرو ويمكن نقيف معاك لكن الزول دا بالذات لا يستحق الا أن يوصف بكل ردئ في اللغة بدون ذكرها حفاظا علي مشاعرك يالحبيب ..لكن ياعادل ياخ انت ما عارف وكان ما عارف ما سامع انو علي عثمان هو الحاكم الفعلي للسودان ..يعني كل البلاوي والمصايب جاية من طرف راسو هو..وكيف داير الناس توافقك علي رأيك داوأحمد الله انو ابو ريم رفيق غربتك والا كان نط ليك في السودان وحسما معاك قبل ما ترجع للشرقية..
زمان أنا قلت ليك بي هزار انت فنشوك ولا شنو..لكن بيني وبينك انا ابتديت أصدق كلامي دا خصوصا بعد ما طولت الغياب بدون ما نشوف الغنايم
بالله يابو ريم شوف لينا حكاية الراجل دا شنو عشان كان في مشكلة نحاول نحلها ليهو قبل ما تبقي فضيحة وتراطيش الكلام تصلنا احنا صحبانو

[كيشو]

[align=justify]طيب كان فنشوهو ما تخلو يقدم بين يدي نجواه صدقة[/align]

[عادل عسوم]

المشاركة الأصلية كتبت بواسطة ابوريم

الله لا وراك يافتحي اشد من هنا...العكاكيز تتطاير وناس فخري وطارق حجازين.
وكل سنه وانت طيب

حبيبنا أبوريم
أتُرى الذي يليك ويليني يستحق بأن يُجرّد دونه عكاز؟
عني ...أحسبني لا أحتاجه...
اذ أني أستقوي دونه ب...ريشة وضمير وكمان
أما أنت يارفيق أُنسِنا ...فلا أتلمس حوجة لك الى عكاز ...ابتداء.
أبق طيب

[كيشو]

[align=justify]يا عادل
كل عام وانت بخير
يعجبني صبرك ومثابرتك
أخونا الخواجة الله يرحموقرأ واقعنا بعيون غربية تقبل من السياسي ما لانقبله نحن منه
أنا ما شايف في اتفاقية السلام الشامل إلا حنكة ومكر ودهاء علي عثمان، الراجل دا حول الجنوب لساحة حرب خاصة بالجنوبيين (عشان يَآمِنوا ذي ما قال قريب سارة)
نسيبتي (أم حكومتنا) عاشت في الجنوب اكثر من ثلاثين عاماً وتتقن بعض لهجاتهم، سألت نسيبتي عن مصير الجنوبيين كان انفصلوا، قالت لي كان انفصلوا "سجم أُمّاتُم"
على الإطار الشخصي انا واحد من ضحايا علي عثمان وربنا حيسألو من العملو فيني، لكن بيني وبينك بيعجبني الزول البنجض شغلو "ذي الشيخ الحكا عنو معتصم الطاهر"[/align]