الناس الجميلين : د/ أحمد ، نزار ، سروره ، فيصل ، نجوى ، الرشيد
طابت أيامكم بكل خير وبركه..
مشكور فيصل قام بإضافة بعض المبادرين ، وبإضافة الرشيد ، ونجوى ، بتصبح عدديتنا 31 مبادر ومبادره ، كما هو مبين أدناه :
1/ أبو خليفة
2/ نبراس
3/ د/ هيفاء
4/ وجيده
5/ سمراء
6/ زول الله
7/ عكود
8/ آمال
9/ جانيت
10/ مُبر محمود
11/ حاتم علي
12/ محمد عبد الرحمن
13/ ساره
14/ حسين عبد الجليل
15/ النور يوسف
16/ طارق صديق كانديك
17/ أروى حامد
18/ مزونه
19/ شبارقه
20/ زول الله
21/ أحمد محمد صلاح
22/ الفطن الوسيم
23/ سمية آدم
24/ قوت القلوب
25/ اسامة معاوية الطيب
26/ احمد محمد زين حسين
27/ نزار حسن علي
28/ فيصل سعد
29/ نجوى
30/ الرشيد إسماعيل
31/ شخصي الضعيف
----
بنطمح في إنو العدد ده يصل ل 50 ، وإلى حين إكتمال العدد ، نواصل شوية :
نفاج سودانيات : كينونة إجتماعية ، تُعنى بالشأن الإنساني.. ما مسجلًه حالياً في أجهزة الدولة ، لكن قد تُسجل لاحقاً في حال إتنامت عضويتها وإتوسعت قنوات عملها ، ..إتكونت عضويتها عبر مبادرات شخصية من بعض الزملاء والزميلات بمنتدى سودانيات ، يجمعهم الهم الإنساني المشترك ، وبيتفقوا على العمل بهدوء بدون ما يمسوا كرامة/ أنفة القطاع المستهدف في برنامجم الإنساني
كبادرة لخطة العمل : بشوف إنو نحصر محورين ، وفي حال حالفنا التوفيق حنتوسع لاحقاً في خطط العمل البيمليها علينا الواقع البنعمل فيهو..
المحورين المقترحات :
1/ محور كفالة اليتيم : تكلًف د/ هيفاء بالتداخل ، وتدينا فكرة عامة عن طبيعة شغلها ، العددية المتوفرة حالياً من الأيتام ، حوجتم المادية.. كم في الشهر بتكفي لإعالتم! ، العلاج ، الملابس ، إلخ..
( ملحوظة : عبر البوست ده أتيح لي إنو أعرف د/ هيفاء هي الوحيده البتعمل في المجال ده ، فلو في واحد من المبادرين/ المبادرات بيعمل في نفس المجال ياريت يتداخل ، ويبدي مقترحاتو بدون تحسس)
2/ محور مرضى السرطان .
بتدور في ذهني تشكيل كم هيئة،
1/هيئة مالية : يتم إنتخابا في البوست ده ، تكون معنية بتجميع إسهامات المبادرين والمبادرات ، وإعداد التقارير للراغبين ( أنا شخصياً ما عندي رغبة أعاين لتقرير مالي )
برشًح التالية أسماؤهم :
1/ نبراس السيد الدمرداش
+ عدد (2) مبادرين داخل السودان .. ياريت لو الناس إتداخلت وقبلت التكليف طوالي
4/ سمية آدم
5/ مبر محمود
6/ زول الله ( بإعتبار إنو أبدى إستعدادو لإحياء حفلات خيرية )
7/ حسين عبد الجليل
8/ فيصل سعد
2/ هيئة إعلامية : وبكل أسف مافي زول- على حسب علمي- إتداخل وأبدى رايو
مهمة الهيئة الإعلامية إنها تصلنا بالحالات ، وتتابع معاها ، وتحرص على إنو تمدنا بالحاصل شنو أول بأول.. ، بإمكان الهيئة الإعلامية إنها تساهم في الدعم المادي بإعتبار إنها قد تتلقي دعم من خيرين.
3/ هيئة طبية مكونة من الزملاء البيعملوا في الحقل الطبي + المبادرين إللي عندهم علاقات نافذة مع الهيئات الطبية .. برشًح :
1/ د/ هيفاء
2/ د/ أحمد
3/ د/ جانيت
4/ د/ ساره
5/ أسامه معاوية
الأسماء المذكورة في البوست ده ، جات نتاج لتقديراتي الشخصية ، في حال إنو سلمتو بيها مرحب ، في حال إنو شايفين تضيفو أسماء تانية برضو مرحب..
بعد ما يكتمل الترشيح ، حقو نسن مبادئ عامة .. ، أنا شايف إنو في تلاتة نقاط مفروض تكون آس الحاجه الحيتبني عليها النفًاج ده :
1/ أي تعامل مع حالة مفروض يتم بهدوء شديد .
2/ يمنع ذكر أسماء ، ويجب الإستعاضة عنهم بأحرف حركية ( م.م.أ) مثلاً.
3/ ترسل التقارير المالية ( للراغبين ) عبر رسائل داخلية ، أو عبر البريد الإكتروني
*
ياريت الناس إللي ذكرت أسماؤم يتداخلوا بقبول أو رفض الترشيح ، وياريت الزول /ه الشايف نفسو أهل لأية هيئة يبادر طوالي ويعلن عن نفسو..
* بعد الإنتهاء من عملية الإنتخاب : على كل المبادرين إنو يرسلوا بياناتم الشخصية للهيئات المعنية.. ، وتقوم الهيئات المعنية بنشر بياناتا ، عبر آلية الرسايل الداخلية.
---
نسمع منكم..
|
