المك نمر ..... جــــــراياً لبوة

[أحمد طه]

الأخ محمد مصطفى ، سلامات

لم أستطع أن اقرأ البوست كلّه لطوله ،

و لكن مما لا شك فيه أن إسماعيل باشا قُتل غدراً ! ، و الغدر ليس من أخلاق الإسلام و لا من أخلاق الفرسان ،، و تاريخنا حافل بالمآسي ،، خذ مثلا مقتل غوردون باشا ،، رجل أعزل ، وحيد ، لا ناصر له ، مزّقوا جسمه بالحراب ثم قطعوا رأسه و حملوه للمهدي ، يا للبطولة !!!
و قد أشار إلى هذه الفظاعة المرحوم محمد أحمد محجوب في كتابه القيم (الديمقراطية في الميزان)
و الذي فعله الأنصار بالجعليين (أهل عبدالله ود سعد) أشد و أكبر مما فعله الدفتردار:
(و ظلم ذوي القربى أشدّ مضاضةً على النفس من وقع الحسام المهنّد)
تحياتي

[محمد مصطفي]

المشاركة الأصلية كتبت بواسطة نسايم

محمد
..
معليش الرجال القلت هم مافي حالة حرب جو للمك نمر لي شنو عشان يسلم ويسلم
هم موش كانو بدايات حملة الدفتردار التطهيرية العنصرية علي ابناء شندي
ومعليش عاوزة اثبت حاجة حتى لو انت مابتحترم القرار التاريخي للمك نمر دا حقك
لاكن ماتقولو بالاسلوب الساخر دا دي ثوابت غير بنكن ليها كوول احترام
وعلي فكرا قرار خروجو من شندي بعد قرارات وتداولات مع رجال قبيلتو

نسايم .... اول حاجة ادخلينا بالتحية ..... لك التحايا كلها ...

لو تأملتي محتوي الموضوع قليلاً لايقنتي ان الذي تتحدثين عنه ليس موضوعي الذي اريد
انا فقط اناقش فكرة الغدر والهروب ..... وهل هو يستحق ما كتبه عنه التاريخ ...
استنكرت موضوع الحماقة المرتكبة في حق البلد قبل حق الباشا .....
اما الثوابت المثبتة خطأ في اذهان الناس .... فهي اشياء اغلبها خطأ ....
اما قرار خروجه اذا كان بناء علي رغبته او هو رأي رجاله اكبر خطأ ووصمة عار في جبينه
ان تهرب وانت سيد القوم في عشيرتك ..... فكيف تكون قدوتهم وانت من ارتكب الخطا
وتركتهم يدفعون الثمن وحدهم ... في حين انك وليت الادبار لتنعم ببعض العيش في سلام
دعيه يرقد بسلام يا نسايم واقري علي روحه الفاتحة لكونه جدك ...........
وادعي الله كثيراً ليسامحه في حق الذين ماتوا في فعلته الشنعاء .....ز
فالابطال الذين نعرفهم يموتون من اجل ذرة من تراب ارضهم
ويموتون عليها وهم رافعي الرؤوس صوب السماء ........
كم عاش هذا المك بعد هروبه ......
وماذا اضافت له تلك السنين التي عاش فيها ....
غير غربة وخوف وجبن ..............

كوني بخير ..........

[محمد مصطفي]

المشاركة الأصلية كتبت بواسطة أحمد طه

الأخ محمد مصطفى ، سلامات

لم أستطع أن اقرأ البوست كلّه لطوله ،

و لكن مما لا شك فيه أن إسماعيل باشا قُتل غدراً ! ، و الغدر ليس من أخلاق الإسلام و لا من أخلاق الفرسان ،، و تاريخنا حافل بالمآسي ،، خذ مثلا مقتل غوردون باشا ،، رجل أعزل ، وحيد ، لا ناصر له ، مزّقوا جسمه بالحراب ثم قطعوا رأسه و حملوه للمهدي ، يا للبطولة !!!
و قد أشار إلى هذه الفظاعة المرحوم محمد أحمد محجوب في كتابه القيم (الديمقراطية في الميزان)
و الذي فعله الأنصار بالجعليين (أهل عبدالله ود سعد) أشد و أكبر مما فعله الدفتردار:
(و ظلم ذوي القربى أشدّ مضاضةً على النفس من وقع الحسام المهنّد)
تحياتي

العزيز احمد طه ........... عليكم السلام

هي بالفعل منتهي الفظاعة وليست لها اي علاقة بالشجاعة ...
ان تقتل نائماً سكران .... حتي استدراجه غير شرعي لانسان مسلم ..
اضافة لطريقة الغدر التي قتلوا بها الباشا وجنوده ......
ان تقتل رجل اعزل هي فظاعة ....
فقتل غردون رغم ان التاريخ سرد عدم الرضي التام للمهدي حينها لقتله ...
ان انه وصمة عار في جبين المهدية رغم الانجازات والبطولات التي حققتها حينها ..
يحزنني جداً التاريخ في بلادي .....
يخرج لنا الماضي في اجمل صورة لننبهر نحن ببطولات مزيفة ......
وتبقي المعلومة خطأ في اذهان الكثيرين ممن هم لا يتفحصون التاريخ كثيراً


ودي

[رأفت ميلاد]

المشاركة الأصلية كتبت بواسطة محمد مصطفي

اهي بالفعل منتهي الفظاعة وليست لها اي علاقة بالشجاعة ...
ان تقتل نائماً سكران .... حتي استدراجه غير شرعي لانسان مسلم ..

الأخ محمد مصطفي تحياتى

بلا شك التاريخ كُتب بدون مسئولية وتم تزويره وجعل أشخاص أبطال .. وتخطى الحماقات والأخطاء الفادحة .. المك نمر يمكن وصفه بقصر النظر فى تصرفه وذلك ما لحق فعلته من دمار وخراب من جراء حملة الدفتردار الإنتقامية .. ولكن ذلك لا يتناسب لوصفه بالجبن .. إسماعيل باشا لم يكن ضيفاً أو سائح .. بل كان غازياً للبلاد .. قتله وهذيمته كانت بالحيلة .. وفعلها المك نمر بحكمة وهو يعرف إمكانياته ولا يستطيخ مواجهة جيشه .. فلا يوجد غدر بل غباء من أسماعل باشا ليعتقد الحفاوة بإستعماره .. فى الحرب كل شئ متوقغ

[محمد مصطفي]

المشاركة الأصلية كتبت بواسطة تجـــاني

صباحك خير يا محمد ...
وكيفنك ...
معليش يا محمد كدا ما أتفقنا أنا في البداية قلت انو عنوانك (حمّال أوجه) وكونك تشرح المقصود من (اللبوة) في العنوان برضو ما بتحلك من انو (حشر) مفردة (اللبوة) حتى لو كان جدك جعلي على حد وصفك ...
بعدين والله يا محمد أنا لو زول ساااي كدا في حلتنا سمعت او زول قال ليهو (يالبوة) بزعل والله خليك من انسان يعتبر عند بعض الناس رمز وطني ، قناعاتك يا محمد ملك ليك انت لكن دا ما بالضرورة انو تكون صحيحية ، وبعدين يا محمد هل شارعنا العام بعيد مننا عشان نقول لا الكلمة دي بتتقال هناك وهنا ما نقولها ؟؟؟ .
انت بالتأكيد ما قاصد المك نمر بتعريف الكلمة على حسب شارعنا العام ولكن بالطريقة دي يا محمد العنوان ( ما حبايو) وما بتبلع للكثيرين حتى وان سكت الناس ...
أنا يا محمد ما أعترضت على الأخطاء التاريخية ، تاريخنا السوداني دا يا محمد زي ما فيه الكويس فيه القبيح في النهاية ماف زول معصوم من الخطأ ..
أنا دخلت هنا واعترضت على العبارات اللى ممكن الواحد يفكر في انها بتوصف وصف غير سليم لبعض الرموز التى يعتبرها بعض الناس وطنية ...
محمد ما بيعني انو المك نمر شخصية عامة ان نتناول حياته وخياراته كيفما أتفقت افكارنا ...
ممكن تجي تفتح موضوعك دا وزي ما وضحت ليك العزيزة سمراء في تاني مداخلة في البوست دا انو دا ممكن يكون كما قيل قديما (الحرب فر وكر) والعزيزة نسايم سمت ليك الحاجة دي (خيارات) دا فيما يخص متن الخيط ...
أما العبارة اللى بتحمل عدة أوجه يا محمد لا علاقة لها بالقبلية او العنصرية ، احترامك للمك او عدم احترامك له لا يزيد الاحداث التى حدثت شيئا ولا ينقصها ...
الأخطاء التى حدثت قديما الناس ممكن تتناولها وتنتقد الطريقة التى تمت بها بس الكلام دا بعيد عن انك تدي زول احساس انو في شئ ناقص في الموضوع ...
أنا يا محمد مصر ومعترض على (حشر) مفردة (لبوة) وجيت وضحت ودي قناعاتي يا محمد حتى لو كانت المفردة دي في شارعنا العام يبقى متداولة ومعروف المقصود منها شنو ، أوصف جري وهروب المك نمر لكن ما تقرن الكلام دا بمفردة متداولة ولها دلالات قبيحة حتى وان كان المك نمر شخصية عامة يمكننا أن نتحدث عنه في كل شئ ...
مفردة (لبوة) دي ممكن تكتبها لو كان فعلاً المك نمر (لبوة) ولا غبار عليك فقط سنبقى في النواحي القانونية بعد هذا ...
....
.....

أسه يا محمد خليك من شارعنا العام ممكن أجي وأكتب عن أى شخصية تاريخية سودانية (فلانة الفلانية حلوة وشكشــوكة) ؟ مع العلم انو مفردة (شكـشوكة) في الخليج بتعني البيض بالطوة ولكن في شارعنا العام لها دلالات ومعاني أخرى ..

تحياتي ...

العزيز الجيلي ....... تحياتي

ما زلت تعترض وما زلنا نصر ان المغزي من كلمة لبوة لا يعني الاهانة ..........
اللبوة التي قصدتها هنا هي الحيوان السريع .......... وقصدت من الاسم المعني
لارتباط الخوف بالانثي كثيراً ...........
اما ما نعنيه باللبوة في شارعنا ....... فهي كلمة نستخدمها كشباب غير ان اغلبنا لا يفهم المغزي منها ........... وهو مصطلح مثله مثل باقي المصطلحات التي نصنعها لاغراض معينة ..
حتي حين اردنا باللبوة العاهرة حتي نجمل الكلمة .. ولا نستحي قولها امام من لا يفهمون معناها
مثل كلمة شكشوكة والتي تعني البيض وتعني كذلك ما اوردت ...
نستخدمها بمعني البيض المعمول علي الطوة بتلك الخلطة في بيوتنا .....
لا نستحي من نطقها حين نريد الاكلة ..... دايرين شكشوكة وفول في الفطور .. العيب وين
تمعن لب الموضوع جيداً وتأمل ظلال الحروف فأنها تحوي الكثير .....
المك نمر ليس بطلاً امتدحه كثيراً
وليس قدوة نقتدي بها .... ولا مفخرة نجاهر بها
سيبقي في نظري كما اللبوة التي قصدتها ....
غدرت بفريستها قتلتها وولت الادبار خوفاً ورعباً علي نفسها من الموت
وتركت غيرها يدفعون ثمن غدرها ...............
ما هكذا هم الابطال الذين نعرفهم يا الجيلي
بلادنا فيها من الاسماء الكثير ممن يستحقون هذا الصيت وهذه التاريخ البطولي
الذي نسب للمك في غير موضعه ................

تحياتي

[طارق الحسن محمد]

المشاركة الأصلية كتبت بواسطة عبدالمنعم الطيب حسن

يااخوي المشاركات كلها علقت عليها دي مسحتها مسحة العدو
مالا بتبعر؟

ياصاحب والله
لقيتك
كدة


بس اعذرو الزول انبرو
ليهو قوم عرمرم

بس منجض شغلته ومجيها تب
والله
وعافى منه ومنك
وبعد بطلنا الـــ من عجوة دا
بعد ما تقرمشوه
بالله اعزمون
يا منعم
على جاركم
الزبير
الزبير ( باشا )
رحمة
وشوفو لينا عجوته كيف


؟ ؟ ؟

مودتى




الغريبة
متقاطعين مع بعض

[align=center][/align]

[فتحي مسعد حنفي]

العزيزة الجيلي دي منو يامحمد مصطفي..انت يازول كايس مشاكل

[محمد مصطفي]

المشاركة الأصلية كتبت بواسطة طارق الحسن محمد

ياصاحب والله
لقيتك
كدة


بس اعذرو الزول انبرو
ليهو قوم عرمرم

بس منجض شغلته ومجيها تب
والله
وعافى منه ومنك
وبعد بطلنا الـــ من عجوة دا
بعد ما تقرمشوه
بالله اعزمون
يا منعم
على جاركم
الزبير
الزبير ( باشا )
رحمة
وشوفو لينا عجوته كيف


؟ ؟ ؟

مودتى

ابطال العجوة كتيرين يا طارق
حاجة كده سووها لينا زي عروسة المولد
لكن كيبوردي امامي وبعض حقائقي ...
لننبشنا في التاريخ نبشاً .... وناتي بحقائقه وبواطن الامور
وبعض المسكوت عنه .............
البلاد يا ما فيها ابطال كانو احق بهذا الصيت ...
وبعضهم لم يذكرهم حتي التاريخ في كلمة
ويقيني ان في حملات الدفتردار الانتقامية كانو هناك رجال استحقو شرف البطولة ...

تحياتي

[محمد مصطفي]

المشاركة الأصلية كتبت بواسطة فتحي مسعد حنفي

العزيزة الجيلي دي منو يامحمد مصطفي..انت يازول كايس مشاكل

العزيزة دي منو يا عمنا
ما حصل كتبت كده اطلاقاً
يكون بس السهر خلاك تؤنث المذكر ...


كدي امشي اقراها تاني ........
والمرة الجاية جيب معاك اثبات .... او اقتباس ...

[محمد مصطفي]

المشاركة الأصلية كتبت بواسطة طارق الحسن محمد

الغريبة
متقاطعين مع بعض

[align=center][/align]

هههههههههههههه
والله دي اول مرة انتبه ليها .......
نقطة التقاطع دي .... بنلقي ليها معني

[طارق الحسن محمد]

المشاركة الأصلية كتبت بواسطة محمد مصطفي

ابطال العجوة كتيرين يا طارق
حاجة كده سووها لينا زي عروسة المولد
لكن كيبوردي امامي وبعض حقائقي ...
لننبشنا في التاريخ نبشاً .... وناتي بحقائقه وبواطن الامور
وبعض المسكوت عنه .............
البلاد يا ما فيها ابطال كانو احق بهذا الصيت ...
وبعضهم لم يذكرهم حتي التاريخ في كلمة
ويقيني ان في حملات الدفتردار الانتقامية كانو هناك رجال استحقو شرف البطولة ...

تحياتي

التاريخ يكتبه المنتصرون
ولدينا تكتبه القبيلة
بكل اشكالها
ياخى درسونا فى التاريخ
فصل كامل
اسمه ( الفتح التركى )
تخيل
اى تاريخ يكتب ويصور
الغازى بالفاتح
اى كتابة للتاريخ هذه
؟ ؟





[align=center]
[/align]


[align=center]الزبير على فراش المرض[/align]

[محمد مصطفي]

المشاركة الأصلية كتبت بواسطة طارق الحسن محمد

التاريخ يكتبه المنتصرون
ولدينا تكتبه القبيلة
بكل اشكالها
ياخى درسونا فى التاريخ
فصل كامل
اسمه ( الفتح التركى )
تخيل
اى تاريخ يكتب ويصور
الغازى بالفاتح
اى كتابة للتاريخ هذه
؟ ؟

ودرسونا كذلك سقوط الخرطوم ....
عندما دخل عليها المهدي وحررها
اتخيل لي المؤرخين ديل بكتبوا
وجك المريسة امامهم ...
اظن الآن اعادو هذه الصيغة وسميت تحرير الخرطوم ...
هذا التصحيح كان بعد ان سقطت الخرطوم مؤخراً في يد الكيزان

[فتحي مسعد حنفي]

المشاركة الأصلية كتبت بواسطة محمد مصطفي

العزيزة دي منو يا عمنا
ما حصل كتبت كده اطلاقاً
يكون بس السهر خلاك تؤنث المذكر ...


كدي امشي اقراها تاني ........
والمرة الجاية جيب معاك اثبات .... او اقتباس ...

غلطان انا القصدت اديك فرصة تمشي تصلحا عشان كان عملت ليها اقتباس بورطك..تقوم ياظريف بدل ما تشكرني جاي تتهمني بالبلاغ الكاذب..غايتو ناس الحسنة ما بتطمر فيهم.ويامحمد أنا كان اتلحتك بكرهك عيشتك وبخليك تلحق المك نمر وكان قريب بمسوك في نجمينا لزوم تغيير بلاد المنفي

[طارق صديق كانديك]

المشاركة الأصلية كتبت بواسطة أحمد طه

الأخ محمد مصطفى ، سلامات

لم أستطع أن اقرأ البوست كلّه لطوله ،

و لكن مما لا شك فيه أن إسماعيل باشا قُتل غدراً ! ، و الغدر ليس من أخلاق الإسلام و لا من أخلاق الفرسان ،، و تاريخنا حافل بالمآسي ،، خذ مثلا مقتل غوردون باشا ،، رجل أعزل ، وحيد ، لا ناصر له ، مزّقوا جسمه بالحراب ثم قطعوا رأسه و حملوه للمهدي ، يا للبطولة !!!

الأخ احمد طه

السلام عليكم ورحمة الله

يعني والله العظيم حيرتونا .. اسماعيل باشا .. في شندي بمثل الاحتلال وغردون باشا في الخرطوم بمثل الاحتلال .. كيف يكون التصدي لهم ليس من أخلاق الفرسان .. ؟؟؟

ان روح المثالية التي تحدثنا عنها لا تتفق مع وقائع قتل كليهما .. !!

ان الذي أقدم عليه المك نمر غض النظر عن عواقبه التي لا نختلف على بشاعتها كان عملا بطوليا .. !!

ثم كيف يكون ( غردون ) رجل أعزل وحيد لا ناصر له ... ؟؟؟؟؟

كانت وراءه امبراطورية لا تغيب عنها الشمس وجيشاً عرمرماً تساقط تحت ضربات الأنصار المباركة .. كيف نتصور أن يكون المحتل الغازي في هذه البراءة والوداعة .. حتى تناله سهام الدراويش الطائشة غير الرحيمة ... !!!

(( ياجماعة الما بتريدوهو خافوا الله فيهو ... )) .. !!

ان اعادة قراءة التاريخ في ظني لا تعني أن تتبدل المفاهيم اذ كيف تكون المعارك ضارية حول الخرطوم حصارئذ ونقبل تحليل أن غردون كان اعزلا وحيدا لا ناصر له ... ؟؟

أتمنى أن يتسع صدرك لماقلته عسى أن أقرأ منك ما يعينني على الفهم .. !!

تحياتي

[أحمد طه]

الأخ طارق ، حياك الله

نعم ، كان غوردون باشا حين مقتله أعزلاً و حيداً ، ليس معه الامبراطورية البريطانية و لا حتى بعضٌ من جنده!
نزل إليهم من درج السرايا وحيداً فتلقّوه بأسنة الرماح و لم يتركو شبرا في جسمه لم يطعنوه ، في موقف كهذا كان الأجدر أن يأسروه و يأخذوه لقائدهم المهدي..
لم يكن قتله بهذه الطريقة البشعة من البطولة في شيء ، و لم يكن يشكّل أي تهديد عليهم لحظة مقتله ،،
الحملة التي أرسلها الإنجليز حينها كانت حملة إنقاذ فقط ، و لم تكن لتقدم على محاربة الأنصار لو أنها سمعت بسقوط الخرطوم و أسر غوردون باشا،، و لكن الأوباش قتلوه على أي حال!

و انتقاماً لمقتل غوردون بهذه الطريقة ، قام الإنجليز فيما بعد (عندما استعادوا السودان بقيادة كتشنر باشا) بضرب قبة المهدي بالمدافع ، ثم نبش جثته و بعثرة عظامها ، و إرسال جمجمته لتعرض في بعض متاحف الغرب!، و التطرف يولّد التطرف..
كثير من السودانيين لم يأسوا على ذهاب دولة الخليفة عبد الله ، بل ربما ابتهجوا لذلك و حمدوا الله على زوالها ،

لك مودتي