اقتباس:
المشاركة الأصلية كتبت بواسطة مبر محمود
تحياتي يا حافظ ..
إذا أستبعدنا شعار الموقع، ونية الكاتب "الأصلي" للمقال،
ألا ترى في الدعوة "للضحك" علي الكِتاب، ونعته بحديث الحبوبات، عدائية واضحة وتحرش هزلي؟
ثم دعك من هذا كله
وأنظر يا سيدي فقط لحديث حاتم الاخير،
ستجد فيه مطالبة بحجب الكِتاب ومنعة عن الأجيال الصاعدة، بحجة إن ما فيه، يسئ لنا كسودانيين ..
وطبعاً يا حافظ "ما فيه" هذه، ترجع لقصص المتصوفة ومعتقداتهم ..
هذا بالنسبة للنقطة الأولى والمتعلقة بالعدائية والمحاربة ..
أما النقطة الثانية والتي تقول فيها أنت:
يا زول صوفية شنو البقدسها ليك أنا ؟ يعني هى قبل اليوم ما كانت مقدّسة ؟
ولّ إنت مفتكر إعتناق الناس قاعد يتعلق بشئ غير التقديس؟ والله كلام !
أها النحدّثك ياخوي :
الصوفية ما براها، أي مذهب ديني عند أتباعه هو مقدس، طالما إرتبط عندهم، بالله، وبالملكوت، وبأسباب النجاة
وبمعني آخر يا حافظ..
إن كل متعلقات الخطاب الديني _ أي خطاب ديني_ هي قضايا مقدّسة
|
يا مبر
يعني نعته بحديث الحبوبات دا وين المشكلة .... ممكن يكون مشابه لحديث الحبوبات و كمان حديث المشاطات مع كامل إحترامي للمشاطات أنا كزول هامش و كدا
..... بعدين يا حبيب الكتاب دا أنا بالنسبة خرافة مسلية ,,, و بعدين الخرافة ما حاجة طوالي بطالة , يعني في زمن المعرفة فيه محدودة قدرت تعالج عدد من القضايا الإجتماعية...
و الله دي جديدة البقينا نقدس مناهج و طرق
طيب مالك ناطي للسفليين في حلوقهم في أي كلام يتقال؟ و حسب تعريفك دا السلفية منهج و يجب أن يقدس و لا شنو كمان
أما البأحمر دا فخطر واجب الحذر (أي خطاب ديني مقدس؟)
