اقتباس:
المشاركة الأصلية كتبت بواسطة زاهر الطيب حمد
نسأل الله العلي القدير للراحل المقيم خالد الحاج الرحمة والمغفرة وأن يسكنه جنات الخلد مع الصديقين والشهداء .
التحية لكل الأسايطة في الداخل والخارج .......
* الصورة رائعة وتحية خاصة للأخ علي حسب الرسول ولكل الإخوة في زراعة الزمن الجميل والأخ علي حسب الرسول من رواد دار الرشاد ومن أول ساكنيها وكان في غرفة ناصيه مع الأخ أمين فريجون وأحد الإخوة الجنوبيين (إسمه ؟؟؟) كان في صيدله .... لهم التحايا جميعاً.
* بمناسبة الصور, ياريت كل واحد يدرج لينا صورة حديثة لأنه ياجماعة الخير زمن الشباب ولي وتكفي نظرة واحده لأي صوره من صور الأخ ود الكاشف الحديثة أو كيشو مثلاً .
* بقول كده لأنه إتخيلوا معاي .. تكون ماشي في السوق العربي مثلاً ويكون ماشي قدامك واحد وتقع منه بعض الأوراق ... ويقوم بعض الشباب يكورك ليهو .. يا جدو .. يا عمك أوراقك .... يا حاج .. ويلتفت الحاج ويرفع أوراقه وإذا به الأخ (أي أسيوطي)فلان مثلاً ... وطبعاً الواحد يقوم طوالي يعمل حبة مضايره كده زي الباك الجبان في الكورة لما يكون المهاجم اللاعب ضده فرفاره وبتاع تفتيش زي الأخ طارق بتاع الجمعيه الطبيه الله يطراهو بالخير... طبعا الكلام ده زمان في أسيوط .
* سامعك يا .... شبارقه .. الشباب , شباب الروح ,,, كلامك صاح.
ســــــــــــــلام
زاهر سلامات ..
هههه ..
قلت لى شبارقة بطمئن فينا .. 
غايتو نحن حنوم على المكنة بتاعت شباب الروح دى ونقرّض على كده ..