هل سودانيات منتدى شللية؟؟؟؟؟؟؟

[مرافي]

المشاركة الأصلية كتبت بواسطة عبداللطيف النقر

اقتباس:
المشاركة الأصلية كتبت بواسطة عباس الشريف
غايتو النقر .... نقرة النور ونقوري بتاعت طارق لو وصلتك من جهة اخري بتكون فاضي لينا يا ولد انت يا نقرقر

جائب لى 100 كنش -- ياكنش -- كان ما كسرتها ليك فى صلعتك دى انا ما النقر

حنّ على حالك عزابي وكدا....

بس ان شاء الله الويكة والشمار راقدات...

[فتحي مسعد حنفي]

المشاركة الأصلية كتبت بواسطة مرافي

حنّ على حالك عزابي وكدا....

بس ان شاء الله الويكة والشمار راقدات...

انتي أقعدي اتحشري في المواضيع دي لامن تجيب ليك هناية تطفشك من الهنايات كلهمهسة انتي مالك ومال العزابة مش ياهو دا الكلام البخلي هناي يزعل

[عبداللطيف النقر]

اقتباس:
المشاركة الأصلية كتبت بواسطة مرافي
حنّ على حالك عزابي وكدا....

بس ان شاء الله الويكة والشمار راقدات...



اريتا محنة التابانى -- بس هو حيشوف منى لياقة اليق من ويكة السافل -- الا يغسلوها بالتراب

[زول الله]

المشاركة الأصلية كتبت بواسطة عبداللطيف النقر

اريتا محنة التابانى -- بس هو حيشوف منى لياقة اليق من ويكة السافل -- الا يغسلوها بالتراب

لاحول ولاقوة يا النقر .... دي فاتت ويكة كوستي بي هنااااااك
شيل شيلتك ياطارق



الاخ نبيل عبدالرحيم سلامات...
نعم يوجد شلليات وفي جميع المنتديات بالسايبر وهي شيء طبيعي بحساب العُشرة الإسفيرية
لكن الغير طبيعي تكتل أنصار الفكر الواحد ضد جميع الآخرين على أساس يا معانا يا عدونا
وتبقى الحكاية زي اللابد ليك في زقاق ومتابعك لإقصائك بكل السبل وكل الأساليب.
شكراً لهبشك هذا الوتر











اقول قولي هذا واستغفر الله لي ولك ياخالد الحاج..................

[نبيل عبد الرحيم]

اقتباس:
المشاركة الأصلية كتبت بواسطة الرباطابي
يانبيل ......
مافي شجاعة اكتر من اللي طرحت بيها رأيي هنا وللا لازم اكتب ليك صفحتين عشان تكون شجاعة؟!!!
طيب ياسيدي ،،،، اشرح ليك وكت مافهمتا،،، العزيزة مرافي سبقتني الى ماأردت قوله فاستحسنت قولها واضفت عليه أن الموضوع اصبح ممجوجا من كثرة طرحه
اها كده ممكن تحترمه رأيي ده؟؟؟




اعتقد انو دي اشارة مريضة منك القصد منها تطعن في مصداقيتي وموقفي مماتكتب وتطرح(يعني أنا يااما اوافق رأيك الخاطئ يااما اكون شايل منك عشان اعترضت على ترشيح الرباطابي!!!!!) شي عجيب!!!!!
انا التقيت كيشو مرارا بالهاتف ووجها لوجه وتجمعني به علاقة طيبة لأنه لم يكن طفلا في طرحه مثلك بل اكبرت فيه رفضه لترشيح شخصي الضعيف الى الله ، ولكنه ليس الضعيف الى أحد فلاتحسبن انك نايل مني بمطاعنة او اشارة الى موضوع ترشيحي فارعوي يانبيل.....





افرز لي الكيمان بالله ، انا هنا بأناقشك عن الشللية في سودانيات ماعنده علاقة بهنيتني وللا هنيتك وياريتك كنت شخصنت الخلاف (وليس الاختلاف) بدلا عن استخدام أسلوب الصغار



يارباطابى
طبعا تجاهلت عن عمد أخر كلماتى لك إن مهما كان رأيك سوف أحترمه
ولكن توجست من طريقة كتابتك للمثل وقرأت مابين سطوره وصدق توقعى بكلامك الغير مهذب فى ردك
وإعتقد إنك إعتقدت إن أقصدك أو أطاعنك فى البوست ولكن أقسم بالله إنك أصلا لم تكن على بالى وأنا أكتب البوست ولكن عندما شاركت حاولت أن أعطى مثالا بإختلافى معك وإعتراضى على ترشيحك وبعدها كنت أول المهنئين بزواجك فى بوست ناصر وشاركت فى أكثر من بوست لك لأنى من مبدئ إنى لا أشخصن الإختلافات (وليس الخلاف) يعنى قلبى كان صافى من ناحيتك.
لكن بردك أثبت لى إنى كنت على حق فى إعتراضى على ترشيحك لأنك تشخصن الإختلاف .
وتثبت إنك أنت الذى فى قلبك مرضا
ولو أنا زى ماذكرت أستخدم أسلوب الصغار فلن أعتبرها إهانة لأن الأطفال عندهم براءة وعفويين وأنا عفوى ومامنافق
ولكن أنت تستخدم أسلوب المراهقين وتقول كلام كبير عليك مافهمه وماقده
شوف أنا من بوستى هذا كنت أسعى أن لا نحصر أنفسنا وأن نشارك خاصة للأعضاء الجدد لكى لا تنسد نفسهم عندما يجدون تجاهل من الأعضاء
إعتراضى لإنك من نوعية من تختلف معه فى الرأى تشخصن الخلاف وتجعله شخصى .
يارباطابى منذ ولادتى لم أعرف معنى الخوف وعمرى ماكنت جبان وأقول رأى بصراحة بدون رياء وسبق أن إختلفت مع صاحب الموقع والإدارة من قبل لأنى لا أعرف المجامله والنفاق وقلبى صافى مابشيل .
وأقسم إنى كنت لا أحمل ضغينه نحوك ولكن للأسف نفسك ما صافيه
ويظهر عنوان البوست هزك لأن من على رأسه ريشه
أنا كتبت رأى بصرلحه وقلت لك أنت من تمارس الشلليه هنا
ورجاء لا تتعدى حدوك معى لأنى لم أوجهه لك إساءة وقد أعذر من أنذر

[نبيل عبد الرحيم]

اقتباس:
المشاركة الأصلية كتبت بواسطة سارة

الاخ نبيل سلامات واريتك طيب

احترم وجهة نظرك وطرحك فهذا لا يعنى بالضرورة اننى اوافقك ولكن
اكتفى بالقراءة ...بصراحة وحتى اصدقك القول لم افهم القصد من موضوعك
رغم العنوان الواضح لانك اشرت لكثير من النقاط التى لا تندرج تحت العنوان
حسب وجهة نظرى.. ما لم افهمه هو امنيتك ان اكون على نفس المستوى؟؟؟؟

انا ما عندى مانع احقق امنيتك فى حدود امكانياتى
فانت اخ عزيز وزميل بس انا من حقى افهم
انت داير تقول لى شنو؟؟ والمفروض انى اعمل شنو؟؟

المحترمه سارة
أنا أعطيت مثلا بإختلافى السابق مع سمراء وعندما تقلدت منصب إدارى كانت أول من بادر بإزالة سوء التفاهم بيننا وإحترمتها جدا
وسبب ذكرى أسمك إنى تمنيت أن يكون منهجك أيضا إن الخلاف لا يفسد للود قضية إننا إختلفنا من قبل وأعتقد فى نفس البوست ومن يومها لم نتداخل .
وأنتى جاوبتى إننا أخوان وزملاء وهذا برهان على حسن النوايا
وأنا من بوست هذا أتمنى أن نفتح مع بعضا جميعا صفحات جديدة وأنتم شافين إن العمر مهما طال قصير بعد أن أختطف الموت أخونا خالد وفى النهاية كله زائل وتبقى الكلمه الطيبه
أشكرك ولكى منى فائق إحتراماتى

[زهير ابو سوار]

اخ نبيل ..
صباح الخير
بالمناسبة اي زول حيرد في البوست ده..
لا شعوريا ينفي التهمة منو بما فيهم انا طبع..
الشلليات موجودة وحتي في المنتديات شبه العائلية وما عارف دي ميزة ولا عيب ..
ولكن عموما الشغلانة الزي دي بتكتل وتفتر الهمة ..
شكرا ليك

[طارق صديق كانديك]

الاخ نبيل عبدالرحيم وضيوفك الكرام

السلام عليكم ورحمة الله

ان التوافق الانساني أمر من قبيل الفطرة وما اصطلح على تسميته ( شللية) أمر لايخرج عن كونه توافقاً في الفكرة وربما في الميول الثقافية والسياسية والاجتماعية وغيرها وهي بذلك لاتشكل ظاهرة مخيفة اللهم إلا إن فعل أطرافها نصر بعضهم البعض ظالمين ومظلومين .. أما أن نجعل الأمر هو ( شلتي الخليج والسودان) كماذكرت ففي اعتقادي أن ذاك شطط في التحليل ..

ولعل أن نوعية الكتابة والموضوعات المختارة والوجود المتواصل والمشاركة الفاعلة في الحوار المبذول من الاعضاء هي المحددات التي تمنح العضو صك المرور لأي فئة من الناس فتجلسه بينها باطمئنان .. والعلاقات الانسانية التي تبدو بين الأعضاء في المناطق التي ذكرت هي أمر طبيعي اذ يبذل الاعضاء وقتا كبيرا يحاورون بعضهم البعض فتتدرج العلاقات لأكثر من مجرد محاورين في منبر عام .. !!

ولك الشكر

[عبده سعد]

الأخ نبيل لك التحايا الخالصة .
الشلليات دى من أبجديات العلاقات الإنسانية وتبتدىء مع بداية التعارف ، وكلما كانت نقاط التوافق متوافرة عند الطرف الآخر ،كلما كان التآلف والإنسجام بشكل أكبر وتزيد الحلقات ترابط إلى أن نطلق عليها الناس تعبير (شللية)يتخللها الود والتبادل حتى (التخريمات) يجدون لها الأعزار .
لكن إعتقادى أن البوست يتحكم فيه عنصرين ( العنوان ) وجازبيته للمتصفح والقارىء ، ومضمون البوست وما إذا كان الموضوع يتلامس مع أحاسيس آخرين ، ولا يفوت عليك أن كثيرين يشتغلون بالرياضة (الكورة ) وغيرهم بالسياسة وآخرين بالفنون هكذا وقلما تجد من يجمع بين الكل وبذات الحماس الذى يجعلة يطلع على كل البوستات ،وهنا قد نجد العزر لأعضاء المنتديات كافة سواء كانت سودانيات أو غيرها ونخفف من تعبير شلليات .

[يحي عثمان عيسي]

اقتباس:
المشاركة الأصلية كتبت بواسطة عبداللطيف النقر
اقتباس:
المشاركة الأصلية كتبت بواسطة يحي عثمان عيسي
الحبيب النقر والدابي الهقر

ولله مسكينه المحبة تمشي لي ناس ما بتقدر
يا اخي تعال لي شلة جده ونفتح ليك كل المنسده
وما شفناك في عزاء الراحل خالد الحاج رغم انو كانت هنالك دعوة لاعضاء المنتديات بجده ...
وأفتكر ده كان نوع من التواصل والتقارب الاتكلمت عنو

اخى يحي --

صدقنى والله يعمينى لو شفته ---

فكل شئ الا العزاء بدل ما يبقي فى الرجل ببقي فى الوش ---

رحم الله خالد وأسكنه فسيح جنانه وغفر له ذنبه ولو كان كزبد البحر وهو وحده القادر علي ذلك -- انا لله وانا اليه راجعون --

الحبيب النقر
يا يابا تسلم عيونك والبركة فينا وفيك ومقبولة منك ودي الحارينها فيك وربنا يرحم حبيبنا خالد ويسكنه فسيح جناته
شفت كيف نحن حنينين ودمعتنا قريبة اها خليك متواصل 0568585675

[خالد غالي]

الاخ نبيل والاخوة المتداخلون سلامات

لايخلو منتدى من هذا البوست او على الاقل مامعناه .. وغالبا تجد معظم الاعضاء يقولو ليك لا لا لا ابدا مافي شلليات وينفو التهمة بقوتهم كلها .. والحقيقة نعم في اي منتدى في شلليات .. موش اي منتدى بس لا في اي مكان في الجامعة في الحلة في مكان العمل حتى في البيت .. ودي اظن الحاجة الطبيعية للانسان انو يكون شلليات وحتى جوة الشلة الواحدة لو كانت كبيرة بيكون فيها شلليات صغيرة .. وده شيء طبيعي جدا واي زول لو عاين لي علاقاتو في اي مكان حايلقى عندو ناس مفضلين وناس اقل تفضيلا !!
في المنتديات الحاجة دي دايما بيشعر بيها الزول الجديد اللسة ماعمل شلة وبالمقابل بيشعر بيها الزول البيرحل في حي جديد او ينتقل لي جامعة او مدرسة جديدة او حتى عند التعرف على فرع من الاهل جديد .. في البداية بتحس انو انت مهمش حبة كده وانك ماقادر تدخل في الناس لكن شوية شوية الحكاية دي بتروح وبتبقى انت ذاتك عندك شلة !!
غايتو ماعارف لكن كونو يكون في شلليات دي اصلو مامشكلة وحاجة طبيعية جدا جدا والماطبيعي انو يكون مافي شلليات !!

[عابد عقيد]

اقتباس:
المشاركة الأصلية كتبت بواسطة نبيل عبد الرحيم
اقتباس:
المشاركة الأصلية كتبت بواسطة عابد عقيد
سلام يا نبيل


اقتباس:

هل سودانيات منتدى شلليه؟؟؟؟؟؟؟





بكل اسف ....... نعم .........



أشكرك أخى عابد عقيد على صراحتك
وياريت تشاركنى وتطرح الحلول
لك المودة



العزيز نبيل - سلام تاني
بداية اسف للتأخير...... حقيقة لانو الحماس تجاه سودانيات بقي ما زي زمان لما كنت بقطع من زمني الخاص مساحة للمنبر ... لكن في الوقت الحالي ما بخش الا دقائق معدودة اشوف الحاصل .... وكل يوم خيبة الامل بتزيد لما القي موضوع جاد وحيوي وبي قدرة قادر تتحول طريقة النقاش لشكل بتاع مسنجر ..... يا نبيل لا ابالغ لو اقول ليك انو منبرنا ده اكتر منبر تُستخدم فيهو ايقونات وخاصة بتاعة الضحك ..... وده لانو توجد شلليات بشكل مخيف قد تعمل علي نسف المنتدي واهدافه ..... انا لا اؤمن بشللية داخل المنتديات لأنها منابر لطرح القضايا بمختلف اشكالها واثرائها بالنقاش المثمر ودي الحتة المابتستحمل شلة بعينها .... وكلامي ده مش معناه اني بدعو لمنتدي تكسوه الجدية وخالي من الطرفة والمناكفة .. ولكن الدردشة لايمكن ان تطغي علي النقاش الجاد .. وفي كل الاحوال يا نبيل لا نستثني انفسنا من حال التردي التي يعيشها المنتدي ... فالمسؤولية مسؤولية تكاملية وتحتاج لجهد من الجميع حتي ياخذ المنتدي مكانه الطبيعي الذي عهدناه وانا شايف انو ده الحل .. وكي نسهم اكثر اتمني عودة الاقلام الراقية التي هجرت هذا المكان .. لانو بالجد شي مؤسف ان يصبح المنتدي منفر .

لك التحية ...... وكل العذر ان اغلظت

[مبر محمود]

وكلامي ده مش معناه اني بدعو لمنتدي تكسوه الجدية وخالي من الطرفة والمناكفة .. ولكن الدردشة لايمكن ان تطغي علي النقاش الجاد

وفي كل الاحوال يا نبيل لا نستثني انفسنا من حال التردي التي يعيشها المنتدي

فالمسؤولية مسؤولية تكاملية وتحتاج لجهد من الجميع حتي ياخذ المنتدي مكانه الطبيعي الذي عهدناه وانا شايف انو ده الحل

تحياتي يا عابد، وشكراً علي حسن قولك

[مهند الخطيب]

ممكن تطرح وجهة نظرك بشجاعه من غير أمثله ممكن أن تفسر بأكثر من معنى وكنت حينئذا كنت ححترمه

طبعا تجاهلت عن عمد أخر كلماتى لك إن مهما كان رأيك سوف أحترمه

لايق لي ديل مع بعض..........



أما فيما يخص خلافنا ، فما أنا اللي جيت ذكرته بعد سنتين من انتهاءه،بوست الترشيح كان بوست عام وماسقته من اتهامات فيه لايقدح في الرباطابي وقد كفاني المرحوم والجيلي أحمد مشقة الرد،
وهسي أنا بشوف ذكرك ليه نوع من محاولة عفص رأيي (يعني ده بخالفني ياأخوانا عشان أنا اعترضت على ترشيحو ومشخصن معاي الخلاف وولوله فارغة)
أنت الذي ذكرت هذا الخلاف وما كنت أنا الذي سينتظر عامين (ان كان هذا الخلاف موجودا) لأصفيه معك .....

ورجاء لا تتعدى حدوك معى لأنى لم أوجهه لك إساءة وقد أعذر من أنذر

دي هسي الجابتني ليك وبقول ليك يانبيل أرجو أن نرتقي لمستوي النقاش ... بعيداً عن التهاتر

[طارق الحسن محمد]

الاعزاء رباط
ونبلة
تحياتى
اعتقد ان كلاكما يعلم ما اكنه لكما من احترام وتقدير وود من سنين مضت على وجودنا نحن الثلاث هنا
فبحق هذه العشرة والاحترام الذى جمعنا
وبحق روح خالد الحاج الذى جعلنا
نتواصل ونصبح اخوة
يحزننا حزن واحد منا
ويفرحنا فرح اخر
ان تنركو هذا الخلاف الذى
اعتقد لايستحق ما اهدر فيه
من حبر افتراضى ولا يليق بكما
ولاتنسو انكم من الجيل الاول
لسودانيات وعهدنا السرى الذى بيننا
كجيل اول هنا ان لا نشتجر ابدا
ولكن نختلف وبود كامل
كامل الود لكم