اقتباس:
المشاركة الأصلية كتبت بواسطة زهير ابو سوار
سؤالي ده بروح زول تربال لا يحمل اي صبغة ترتاد خيالك ..
(الصعاليك) ديل دقوا البنية دي في شنو...!!
|
يعنى بتفرق معاك يازهير !!
المشكلة بقت فى الجرم بس؟!
طيب الجرائم الشايفنها كل يوم وبنسمع بيها من معشر" الرجال " دى مابتستحق ؟!
ولا عشان " حرُمة " ذى مابسموها اصحاب العقول الداجنة!!
يازهير بزعل جدا لمن يطلع ذى كلامك ده من شخص فاهم ومتعلم - مع انو الضمير
عمرو ما اقتصر على الاكاديميات ، بس بنتعشم فى المتعلم بانو صوتو اعلى شوية
بحسب الامكانيات الانتشارية ، ذى وجودك ده هنا ...!
ياريت يازهير تحكم ضميرك وتعاين بعين شاملة وتقارن بين الجرائم الحاصلة من البطبقو فى العقوبة دى ...وبين الاخرين !!
ياخ قول البت عابت عديل كده ، تفتكر دى الطريقة لعقوبتها !!
وين الدين فى الحتة دى ؟؟؟
