اقتباس:
المشاركة الأصلية كتبت بواسطة scaptionoz
اقتباس:
المشاركة الأصلية كتبت بواسطة أشتر 
دا لو مثلث برمودا متساوي الساقين هعهعهعهعهعه
ياخى يا فقرى اتا...تعال ياخى انا دايرك فى اضيق حتة بتشيل 3
وحات شنو كده ما عارف عندى حاجتين واقفين لى فى حلق ود جيرانا:
اول شى داير اتونس معاكم ميديا بصوتى الابت تمرق منو عنكبوت الدنيا دى ولو بقى فى الدنيا 23 عيد.....
وتانى حاجة قصيدة محشرجة لى فى خاطرى ليها كده كم يوم وخاطرى عامل لى فيها مشغول وكده...عامل فيها ما فاضى....والله حقو اديك منها مرتع:
تعالى ما نحب بعض
ونحدد الصاح والغلط؟
وشوقى الحافى طول عمرو
ديمة حلمان بالشبط
مو غلط؟
..........
وهكذا دلاليك...
ياااااااااااخى اقول ليك حاجة ما تجى نعملها شيرنغ؟
طرادة منك وهرادة منى
البت تماضر دى لو مصرة تدفع الشيرنغ...شيل من الكماسرة الباقى ما تنسى
سمح؟ |
ممكن نعمل منها معلّقة بالمناسبة
ونعلّقا في حيطة بوستينك ده رايك شنو؟
نديك الشيرنق بتاعي؟
ده حقك:
تعالى ما نحب بعض
ونحدد الصاح والغلط؟
وشوقى الحافى طول عمرو
ديمة حلمان بالشبط
مو غلط؟
وده حقي:
تعالني..بجيك
دنيا من الحنين جوّاك
..
أشيل الخطوة حنية..
وأعدِّي معاك
مراسي الشوق
تشيلني خُطاك
وتقدل خطوتي التانية
ترسم في الدرب ..ممشاك
أنا الببراك..
مشاويرك مشاويري
خطاويك هي التوديني
محل ماالريد يصل معناك
و
ببقى فيك معنى التمنِّي..
معنى..عارف ..مُشتهاك..
ببقى منّك..برضو..كلّك..
أصلي قاصدك..بس..براك
وبسمعك ..وكتين ..بدوبي..
سميت مساديرك ..غُناك
وكل حرف شوقك بعرفو
والنمّة ..تعشق منتهاك
بتطلع منِّي يالوناً
صبغ كل الدواخل نور
بتطلع من وعود الغيم
وتشرق فيني برضو حبور
بتطلع في زفيري غياب
وتشهق بالمعاني ..حضور
بلا طلوعك..
مين بيعشق مين؟؟
و
لو حِس الكلام مكسور
برفع رايتي قبالك
عشان خاطر السكات مجبور
إذا ..أخّ يت ..
بجيك حِداك
واذا صنّيت
بسمع بي حواسي صداك
واذا ناديت
بكون حَدَّك
قبل
مايسمع البرّاك
وماكَ براك
واذا تاتيت
بي اللهفة بتعدّاك..
وبعيش تعبك ..بكون مسرور
ولو سكت الكلام مني..
أكيد معذور
منو البقدر يخلّي الليل
يكتب بي خيوط من نور
منو ال إلاك؟
ومنو التشبه حروفو شليل
في إيد بنات الحور
اذا أصبح بعد مالقاك؟
ومالُقياك
للزول الشديد مشتاق
سوى صعود الروح
ل
مواسم الايراق
الشالت
تلوت الليل
ومافترت الأحداق
الماسمعت وساوس النوم وأدّت لي نعاسا فُراق
وصحي الزمن..فرّاق
وتعالني بجيك..
معاك اتجلّت قدرة الاحراق ..
قربك
زي البُعُد..
حرّاق
كِمل حد احتمالي حِداك
لفحت هواك
بقالي هلاك ملان أشواق
تنخز كما الأشواك
