اليها س ح .. وفى العمر بقية

[عثمان]

جميل يا رأفت
حضور ومتابعة ياخي في حاجات كدة أبداً ما بتموت

صاحبة الذكريات قابلت الراحل المقيم "الجيلي محمد صالح"
بعد عشرات السنين قالت: ليهو يا الجيلي ما ممكن تاني تكتب ذي الزكريات؟
أكتب يا رأفت ياخي.

[flash=http://www.youtube.com/v/UCmmGaQ4ZnM?version=3&feature=player_detailpage]WIDTH=350 HEIGHT=350[/flash]

[حسن سادة]

سرد غاية في الدهشة والامتاع
سلاسة طلقة تكاد معها أن تقتحم أسوار الجامعة
وتجلس في المدرجات بجانبك وأنت تحدق بلا وجه وترقص دون ساق
لله درك يا إبن مدينة الإبداع والجمال
زيد الساحة جمالاً ونحن وراك نشيل
نغني غناوي ونحكي حكاوي لما نذوب في الليل
ولسع الوقت طويل

[الطيب بشير]

.
حبيبنا رأفــت...أهلآ بيك كتير
و تشبه القصة أحاجينا..تزيد عليها مدنية ود مدني..
كان لي في زقاق المكتبة.. برهة تعدل عمري..كل عمري..بلياليه..صباحات الرضا..و نهارات السفر..كل عمري..بصباباتي..كتاباتي .. و آفاق السهر..

رأفـت..أكتب ياخ..يكتبوك في جناح طيرة..
.

[رأفت ميلاد]

المشاركة الأصلية كتبت بواسطة الرشيد اسماعيل محمود
مش بالله..!!
رأفت ميلاد..
ياخي صحي الشجر الكُبار فيهو الصّمغ..
نوع الكتابة الـ زي دي بعجبني جدّاً..
كتابة حقيقيّة، والزول بلقي روحو واقف عاري الدواخل..
لكن بيني بينك بتجهجهك شويتين..
ليه..؟
لأنّو الزول بكتب سيرة عُمُر، ضحكات إتجمّعت زي الغمام ورحلت..
مشاغبات ومشاغلات وصداقات حقيقيّة وعالم تشوفو رهاب رهاب..
وكنّا وين وبقينا وين..
زمن براهو.. مش كدة..؟
المهم:
أكتب يا زول.. أكتب روحك..
أكتب زمان الإلفة المرّ..
وتجدنا زي ما قال كيشو (حاسّين بيك)..

المشاركة الأصلية كتبت بواسطة الرشيد اسماعيل محمود
سؤال عام:
ليه الزول يفتح بوست ويعمل منّو رايح فترة كم يوم كدا حتي يجي يرد علي المداخلات ويواصل..؟
زحمة شغل مثلاً..؟
غايتو أنا شايف إنّو الكتابة إلتزام صارم..
ما عندك زمن، ما تفتح بوست من الأساس..
بعجبني عكود..
يفتح بوست ويكون مباريهو (مان تو مان)..
ياخي الرد الـ فريش مُريح بالنسبة للمتداخل والكتابة علي السّواء.

رأفت..
أنا ملاحظ إنّو في شباب هنا مداخلاتي معاهم بتفرمل ليهم البوستات..
يعني جاني إحساس زي الـ أنا كُج ..
أمسك مثلاً:
رأفت ميلاد..
معتصم الطاهر..
جيجي..
حصلت لي قبل كدة معاهم، وبالذات معتصم الطاهر دة.

المهم:
في كتابات سمحة تبدا تتابعها، سيدها يقول ليك "يتبع" وتاني لمّا تنساها حتي يجي يواصل الــ "يتبع" دي.
والزمن داك تكون إنت نسيت القريتو قبيل قبل الـ "يتبع" .

يا الرشيد ياخ يا الرشيد

قلت لى بتوقف حال البوست ياخ أنت جيتك بتفتح النفس .. الكج حظى العاثر .. أنا زاتى من ناس مان تو مان .. لكن خلق الله ما بتريح .. أمبارح ويك أند .. وجيت بمزاج ومحضر مشهيات .. أتسلط على من لا يرحم

عن المداخلة الأولى .. زى ما قلت أنت القصة دى رهاب رهاب .. لكن مرات بتنجلى الرؤية وتشوفا زى القدامك .. الحكى يتسابق مع الكتابة .. ما عارف هسة أواصل كيف لكن بكابس .. بس بدون الصهيل الكان فى دماغى أمس .. والله فى

[رأفت ميلاد]

المشاركة الأصلية كتبت بواسطة أميرى
بعد رسالة إلي الله
و
إلي س ح

أتوقع العنوان الجاي
إلي رأفت يجده بخير

ثم إنو ياخ بوست بشبه أي حب أول

ذكرتنى نكتة الراجل الطاشم .. جا ماشى جمب بيت بكا جديد وحااار .. الرجال ما قادرين يمسكو نفسهم .. خليك من النسوان .. قام نهرم ليك (يا ناس أستغفروا الله .. وين سيدنا عمر أبن الخطاب) الناس بدت تتلملم صاحبك صرخ فيهم (وين سيدنا أبوبكر الصديق) .. الجماعة بقوا يهدو بعض .. صاحبك لقاها ماشة .. كورك (أستغفروا ذنبكم وين سيدنا محمد) .. الجماعة بدوا فى الإستغفار والشهادة .. صاحبك أنتشى وقال ليهم (الله زاااتو) .. الجماعة قبلوا ليك عليه .. قام صوف

[رأفت ميلاد]

المشاركة الأصلية كتبت بواسطة سمراء
انتيمو (عمو ) رأفت
كيتاً فى زكرياتك دى حا اقول ليك من هنا ولحد " الليلة ديك "
جدو رأفت عدييل كده !!
شن قولك النبى *



__
* حقكم انتو !

حقنا ولّ حقكم .. ليك يوم .. ماشفتى الرشيد جاب ليك سيرة الصمغ ..

[فتحي مسعد حنفي]

والله أنا خوفي كلو الخواجة دا بعد شوية يقلب لينا لي ضوة غايتو دي بتعتمد علي نوع المأكل والمشرب

[رأفت ميلاد]

المشاركة الأصلية كتبت بواسطة الرشيد اسماعيل محمود
يا بت من قهوة..
غايتو أنا لاحظت الحاجة دي..
يمكن بس جات كدة..
انا عافي ليك..

خوفاً من فتل البوست:

يا رأفت هسّع من أمس راجي أشوف الحكاية وصلت لي وين..
ولسّه منتظر..
خيرُ البر عاجله..

يا والله ود الفتلى دانى ما يعدلو
كدى شوف جكة أميرى ده

المشاركة الأصلية كتبت بواسطة أميرى
سنا يا المطرة

ثم و نطالب بفصل الرشيد من الإشارف

[رأفت ميلاد]

المشاركة الأصلية كتبت بواسطة عثمان
جميل يا رأفت
حضور ومتابعة ياخي في حاجات كدة أبداً ما بتموت

صاحبة الذكريات قابلت الراحل المقيم "الجيلي محمد صالح"
بعد عشرات السنين قالت: ليهو يا الجيلي ما ممكن تاني تكتب ذي الزكريات؟
أكتب يا رأفت ياخي.

سلامات يا عثمان ياخ
وجودك يطمن .. الواحد يفرح لامن يلقاك قاعد .. أكتب ياخ .. عندك حصيلة دسمة بتظهر فى مداخلاتك النادرة .. أو بقت نادرة ..

مشتاقين والله

[رأفت ميلاد]

المشاركة الأصلية كتبت بواسطة حسن سادة
سرد غاية في الدهشة والامتاع
سلاسة طلقة تكاد معها أن تقتحم أسوار الجامعة
وتجلس في المدرجات بجانبك وأنت تحدق بلا وجه وترقص دون ساق
لله درك يا إبن مدينة الإبداع والجمال
زيد الساحة جمالاً ونحن وراك نشيل
نغني غناوي ونحكي حكاوي لما نذوب في الليل
ولسع الوقت طويل

شكراً يا حسن على الكلام المفرح ده ياخ .. ده من زوقك وجميل منبعك .. ما قلت ليك أولاد عم لزم

[رأفت ميلاد]

المشاركة الأصلية كتبت بواسطة الطيب بشير
.
حبيبنا رأفــت...أهلآ بيك كتير
و تشبه القصة أحاجينا..تزيد عليها مدنية ود مدني..
كان لي في زقاق المكتبة.. برهة تعدل عمري..كل عمري..بلياليه..صباحات الرضا..و نهارات السفر..كل عمري..بصباباتي..كتاباتي .. و آفاق السهر..

رأفـت..أكتب ياخ..يكتبوك في جناح طيرة..
.

والله يا جنابو الزقاق ده أنت أتزريت فيهو زرة الكلب فى الطاحونة .. غايتو مداخلتك بى دخاخينا .. فك لينا آخرك ياخ

[رأفت ميلاد]

المشاركة الأصلية كتبت بواسطة فتحي مسعد حنفي
والله أنا خوفي كلو الخواجة دا بعد شوية يقلب لينا لي ضوة غايتو دي بتعتمد علي نوع المأكل والمشرب

المشرب دى عرفناها .. المأكل ده شنو تعرف يا خواجة أنت خرمان لى ضوة .. لكن يسمك

تعرف كنا بنطلع من الجامعة على الليدو معانا صحبك .. ننسى مذكراتنا وسط الغنا .. تانى يوم نلقاها فى دار الطلاب معززة مكرمة

[فتحي مسعد حنفي]

المشاركة الأصلية كتبت بواسطة الطيب بشير

.
حبيبنا رأفــت...أهلآ بيك كتير
و تشبه القصة أحاجينا..تزيد عليها مدنية ود مدني..
كان لي في زقاق المكتبة.. برهة تعدل عمري..كل عمري..بلياليه..صباحات الرضا..و نهارات السفر..كل عمري..بصباباتي..كتاباتي .. و آفاق السهر..

رأفـت..أكتب ياخ..يكتبوك في جناح طيرة..
.

تعرف يا سعادتو الزقاق الورا المكتبة دا عندي فيهو ذكريات رهيبة. كنت بمشي أشرب الشاي مع عم محمد الغفير الحلفاوي وأضرب معاهو القامشة.ونقعد يسمعني ونسة خطيرة. طبعا القامشة كنت بجيبا أنا واليوم الأتأخر عليهو بشيل ابريقو ويجي يعمل روحو داير يملاه موية مع انو عندو حنفية لكن داير بس يتلفت يشوفني وين عشان عارفني بقيف جنب بتاع السجاير القدام حنفيات الشراب..أيام لذيذة ما بتتنسي..

[فتحي مسعد حنفي]

المشاركة الأصلية كتبت بواسطة رأفت ميلاد

المشرب دى عرفناها .. المأكل ده شنو تعرف يا خواجة أنت خرمان لى ضوة .. لكن يسمك

تعرف كنا بنطلع من الجامعة على الليدو معانا صحبك .. ننسى مذكراتنا وسط الغنا .. تانى يوم نلقاها فى دار الطلاب معززة مكرمة

المأكل دي المزة ياخواجة..المزة لامن تكون تمام المشرب بكون تمام والذاكرة بتكون تمام والكي بورد بكتب تمام..

[ود المامون]

.... الجميل رافت

... ما زلت تكتب .. باصابع روحك .. كما يقول ماركيز..... هل هي (تسربات ) من اقبيه الروح ...... ام (افراج )... عن ( اوجاع ) تجاوزها الزمن ولا ( تحرق القلب ) ....

... كل الحب ...