لماذا دوت مجاك؟!!!!

[حافظ حسين]

المشاركة الأصلية كتبت بواسطة ود الخير

غايتو الظاهر الوطنية ذاتها بقت قِسَم!

إنت يا حافظ يا كنت بتدك حصة التربية الوطنية
أو الطابور المدرسي الصباحي ما كان ليك منو نصيب!!

مع إني من المعجبين جداً بكتاباتك وتعليقاتك
لكن تلميحك بتمجيد المحتل الغاصب الغادر دوت
جعلني بالجد أنظر بحيرة وشاعر بدمي بيغلي وخاصة
بمقارنتك إحتلال لهجليج بضربات بورتسودان..
فحقو نساعدها ببر الوطن دا شوية ولّ شنو؟؟

ود الخير صباح النور و كيفك و كيف اسرتك
1. أولاً يا ود الخير الموضوع ما ليه علاقة بالوطنية و قسمها, الموضوع عنده علاقة بسودانيات و لوائحها وقع ليك (يعني موضوع قسم الوطنية دا ممكن يكون شئ تاني)
2. فيما يختص بحصة التربية الوطنية صدقني كنت بحضرها لاني كنت تلميذ نجيب لكن الاساتذة الكانوا بلقنونني المنهج دا كانوا معروفي الغرض, و المنهج ذاته مفصل و محدد تدرجات المواطن... بعدين يا خي قضايا الوطنية دي وقت تدرس ما حاسي ان الموضوع كارثي ... يعني قضايا زي كدا مفروض الانسان يحسها في شكل بتاع تعامل يومي يا ود الخير.
3. شكراً لإعجابك بكتابتي و تعليقاتي, لكن صدقني الإعجاب دا هنا ما لازمني, تعجب وقت أكتب ليك الكلام البريحك و يخليك تتبسم و تسخط و تسب وقت تجي تلقي ما في ابتسامة, يا عزيزي الإعجاب المشروط دا ما بقسم معاي و الله يعني ممكن عادي تسحبه.
4. يا ود الخير لازم تغلي لانك بتحب تسمع صدي صوتك و ما عندك أفق و قدرة تسمع زول صوت تاني, لكن اطمنك بتغلي الليله بكرة و بعديها حتتعود
فتك بعافية
و لماذا دوت مجاك يا إدارة؟!!!!!