لِأجل أم التيمان: الإنسان، وحالة الكتابة.

[ماجد تاج]

المشاركة الأصلية كتبت بواسطة الجيلى أحمد

ماجد تاج
ازيك, ونعلك طيب..

يأخى تعال خلينا نتناقش فى كلامك الفاتح بيهو كم بوست دا, وفكرة واحدة متماسكة الواحد لسه مامرق بيها منك ..
لحدى هسه انت جيت فى بوست الأخ حسين والكلام الوحيد اليمكن مناقشتك فيهو ياهو كلامك التحت دا:/


وأنا سألتك ياماجد,
طيب المشكلة وين لو عندها نقد تجاه فكرة الدين؟؟
ياأخى المشكلة وين لو افترضنا انها ملحدة تمامآ ومنكرة فكرة وجود اله من أصلو؟؟يااخى دى مسألة قناعة حقتا, والناس ماخاشا المنتدى دا بفكرة دين مدقوق ليها فى استمارات التقديم,
الداير يعبد الله يعبدو, والداير يعبد ليهو سيخة برضو الليعبدها, والماداير فكرة الدين دى من اساسا برضو بى راحتو..
دحين ياأخوى ماعندك فرقة مع أى زول غير النقاش أبو كتاحة,
تمسك الواحد تحلق ليهو فى النقاش الحر دا,
لكن ماتجى تقول لينا (ابترو وأستأصلو)..
أها ياماجد يااخوى لو عندك راى فى كتابة ام التيمان أقعد وناقشا فيهو..

وبعدين ياأخى نحنا الفيلم دا دخلناهو فى بوستاتك الفاتحا ديك
تاانى حنجى نرجع لمسألة شرح العنقريب دى؟
كن دومآ بخير
____________

التحايا من قبل وبعد لأستاذ حسين

ـ


يا اخوي انت ما تنفعل بلا سبب

أنا لا فتحت موضوع ولا أعدت طرح

كل القصة رجاء تقدمت به لصاحب البوست ورد عليه دون الخوض فيما مضى

وفهمي وصلك من قبل واتعداك يا جيلي

ومنطق سو وات دا أنا ما عندي ليه فرقة

يكفر من يكفر

ويؤمن من يؤمن

وكل شاة معلقة من عرقوبها

لكن لما تجي تتكلم لي عن ماركس والا عن بوذا

ما ح أخليك تستشهد على حسنه ، ورقته ، ونزاهته ، وطيبته

بآيات الله ، ولا بأحاديث رسوله من غير ما أعترض

عايز تلبسه توب العري الاصلو لابسه بدربك

لكن ما تجر ليك خيط من ديل للسترة

ماااااا بسكت






ـ

[تماضر حمزة]

المشاركة الأصلية كتبت بواسطة البديري

سلامات،تماضر
انا لست بناقد ولا اديب ولاقريت ادبى،ولكن متذوق للاحرف والمعانى.
ولكن بعرف بفرق بين ملاح الويكة والمحشي!
واعتقد بانك ذكية وحاتفهمى مارمى له!
سلام

كويس خالس اعترافك انك لاناقد لا اديب
تفرقتك بين الملاح والمحشي تظل نظرتك براك
ومبنية على تذوقك القلتو..وكلامك دا قلتو في اكتر من حتة والمعلومة وصلت لام التيمان ولغيرها
الغرض شنو من تكرارها في بوست انساني بالدرجة الاولى زي دا
والكتابة ماخوذة من نفس المنطلق
تجريح والسلام؟

والنكلمك كل من يخط حرفا هنا هو كاتب
اكان كانت بوستاتو كلها استفسارية واجتماعية، برضك كاتب

انا شكلي الليلة الدور عليّ
بحرد،بحرد

[أمير الأمين]

ما اجمل "دس العسل فى المحبة"
فى انتظار مخرجات هذا البوست
تحية لك الاخ حسين ولام التيمان

[حسين أحمد حسين]

[justify]

المشاركة الأصلية كتبت بواسطة ماجد تاج

ـ
الاخ حسين .. صباح الخير يا حبيب

1 ـ واسع المحبة دا في الدين عنده حد ما مطلوق على هواه كدا وما بيدخل فيه من فارق الدين .

2- وما في حد سب الدين ولا التهكم بيبرر سب الدين وحقو ما تحور الايات ولا الاحاديث

فقط لتدعم محبتك الخالصة لشخص تقول أنك ما لاقيته ولا بتتفق مع كتاباته

انت حر في مشاعرك يا أخ حسين تلطلقا وين ما أردت

لكن ما عندك حق تستخدم الايات والاحاديث في معرض تدليلك على محبتك وانسانيتك في الحتة دي تحديداً

المذكورة سبت الدين عن قناعة مش رد فعل ، ولك أن تسألها عن رأيها في الدين قبل ما تحاول تلقى ليها مبرر

أسألها عن رأيها في الدين ككل وفي الاسلام على وجه التحديد

وأهو دا بوست عاطفي وبيداعب مشاعرها بامتياز يبقى ما في تهكم ولا استفزاز

أسألها فقط ما هو رأيها في الدين وبعدها أحكم

ولو حبيت الاقتباسات من كلامها ورايها على قفا من يشيل

وعن نفسي في بوستيك دا ممكن اجيب ليك واحد واللا اتنين للاستئناس .

3 - المشرع لو ترك امر التهكم والسخرية من غير معالجة يبقى تقصير منه وممكن يتصلح لكنه لم يترك الباب مفتوح للنيل من الدين بحجة الرد على التهكم

يا حسين ما تخلط محبتك بأمور الدين ، ركز فقط على مشروعك وبالتوفيق

لكن مطلبنا ـ رجاءنا فقط ـ أن تبعد الايات والاحاديث

لأنها والله الحق ما بتنفع في المقام دا .

ولك من المحبة والود في الانسانية أرتال يا أخي .
ـ

تحياتى أخى الكريم ماجد تاج،

فكرتك واضحة.

غير أنى أدعم الفكرة التى من أجلها قام هذا المنتدى، وهى إدارة الإختلافات/التنوع لخلق واقع يقبل الآخر، يحارب الإقصاء الذى تمارسه السلطة الحاكمة، وما استتبعه من عنصرية وجهوية وتكفير.

وأدعم خط المنتدى وهو يسوسُ النَّاس بالتواصل (لا الإقصاء) والمحبة (لا الكراهية)، لخلق واقع ديمقراطى يؤسس لحكم السودان ديموقراطياً، بعيد عن فكر القهر والإكراه والإستبداد والتسلط.

ولخلق هذا الواقع وتخلقه، أملك كامل الحرية فى تدعيم هذه الفكرة بالآيات الكريمة والأحاديث الشريفة. ولما كانت إدارة التنوع والإختلافات، تتطلب إدارة الخلافات، فأنا أدعم بشدة محاربة كل الظواهر التى تدفع بالعضو إلى مرحلة التوقيف والفصل. والحكمة كل الحكمة تكمن فى محاربة الأسباب التى تؤدى إلى الخطأ - الموقِف/ الفاصِل للعضو/ وليس إلى محاربة الخطأ نفسه، لكى لا يتكرر.

خالص الود.

[/justify]

[حسين أحمد حسين]

[justify]

المشاركة الأصلية كتبت بواسطة الجيلى أحمد

So what

تحياتى أخى الكريم الجيلى،

وأقول يا أخ ماجد تاج، بأنَّ رأى العضو فى الدين مسألة تخصُّهُ، ولكن المضايقة الدينية (وغير الدينية) مسألة تستوجب المساءلة، كونها متعلقة بالآخر.

مع خالص الشكر.[/justify]

[فتحي مسعد حنفي]

المشاركة الأصلية كتبت بواسطة ماجد تاج

ـ



بس ما تزعل



وأحسن ذاتو شان ما نخرب للزول الرائع دي بوستيه



احترامي وتجلاتي يا كبير
ـ

ألله لا جاب زعل بس والله أنا خايف عليك من لساني..
ياخ أنا موش قلت ليك تفتش علي رأفت ميلاد وتخليك معاهو لغاية ما الأمور تهدأ..

[عكــود]

المشاركة الأصلية كتبت بواسطة حسين أحمد حسين

[justify]

تحياتى أخى الكريم ماجد تاج،

فكرتك واضحة.

غير أنى أدعم الفكرة التى من أجلها قام هذا المنتدى، وهى إدارة الإختلافات/التنوع لخلق واقع يقبل الآخر، يحارب الإقصاء الذى تمارسه السلطة الحاكمة، وما استتبعه من عنصرية وجهوية وتكفير.

وأدعم خط المنتدى وهو يسوسُ النَّاس بالتواصل (لا الإقصاء) والمحبة (لا الكراهية)، لخلق واقع ديمقراطى يؤسس لحكم السودان ديموقراطياً، بعيد عن فكر القهر والإكراه والإستبداد والتسلط.

ولخلق هذا الواقع وتخلقه، أملك كامل الحرية فى تدعيم هذه الفكرة بالآيات الكريمة والأحاديث الشريفة. ولما كانت إدارة التنوع والإختلافات، تتطلب إدارة الخلافات، فأنا أدعم بشدة محاربة كل الظواهر التى تدفع بالعضو إلى مرحلة التوقيف والفصل. والحكمة كل الحكمة تكمن فى محاربة الأسباب التى تؤدى إلى الخطأ - الموقِف/ الفاصِل للعضو/ وليس إلى محاربة الخطأ نفسه، لكى لا يتكرر.

خالص الود.

[/justify]

شكراً العزيز حسين،

ليتنا نستفيد من الدرس العميق في هذه المداخلة.

شكراً مرّة أخرى،
مع تحيّاتي لك وللسيدة أم التيمان.

[حسين أحمد حسين]

[justify]فتحى مسعد حنفى كتب،

وصدقني بلا حليفة أمبارح كانت أول مرة أفتح البوست دا من أصلو عشان زهجت من هجوم الناس علي أم التيمان البتربطني بيها علاقة أسرية وكنت خايف أفتح البوست ألقي حسين بهاجم فيها زي الباقيين

تحياتى أستاذى الكريم فتحى مسعد حنفى،
شكراً، فأنت أهل لكلِّ إحترام.

والله أبيتُ يعتصرنى الألم، كلما دخلتُ ووجدتُ النَّاسَ يتهكمون على أُمِّ التيمان، ويسخرون منها، لا لشئ، وأكرر لا لشئ، سواء أنَّها إستعرضت وجهة نظر فى إسفير. فلا المتدينون يمنعهم الدين، ولا اللا - متدينون يمنعهم اللادين، من السخرية من أم التيمان. واللهُ وحده المستعان.

وإذا كان الأمر كذلك يا أستاذ فتحى، لماذا لا نضيف إلى اللائحة مادة تمنع السخرية والتهكم والإحتقار والمضايقات بأنواعها الدينية والنفسية وغيرها، تلك التى تدفع بالعضو نحو المواقف المتطرفة.

متعك الله بالصحة والعافية وتمامهما،
خالص الود.[/justify]

[حسين أحمد حسين]

[justify]

المشاركة الأصلية كتبت بواسطة ماجد تاج

ـ
وسبب حظرها الاخير كان كظم الغيظ برضو ؟

الاميرة بحق دي يا استاذ حسين ـ فتحي مسعد رفعها الى ملكة بالمناسبة

لها لسان يقطر عسل في اتجاه

وحاجات تانية في اتجاه تاني

وبرضو لو عايز نرفدك باقتباسات ونماذج جاهزين

وبوستيك دا نفسه ح يشهد أمثلة بلا عد

بس تابع يا حبيب
ـ

لماذا ندفع بالعضو إلى مرحلة الفصل (To the point of no return)، ثمَّ نطالبه بالإتزان؟ نضعه على شفا الهاوية، ونطالبه بعدم الوقوع؟ هل هذا عدلاً؟

المحبة يا ماجد، المحبة.

[/justify]

[فتحي مسعد حنفي]

المشاركة الأصلية كتبت بواسطة حسين أحمد حسين

[justify]فتحى مسعد حنفى كتب،


تحياتى أستاذى الكريم فتحى مسعد حنفى،
شكراً، فأنت أهل لكلِّ إحترام.

والله أبيتُ يعتصرنى الألم، كلما دخلتُ ووجدتُ النَّاسَ يتهكمون على أُمِّ التيمان، ويسخرون منها، لا لشئ، وأكرر لا لشئ، سواء أنَّها إستعرضت وجهة نظر فى إسفير. فلا المتدينون يمنعهم الدين، ولا اللا - متدينون يمنعهم اللادين، من السخرية من أم التيمان. واللهُ وحده المستعان.

وإذا كان الأمر كذلك يا أستاذ فتحى، لماذا لا نضيف إلى اللائحة مادة تمنع السخرية والتهكم والإحتقار والمضايقات بأنواعها الدينية والنفسية وغيرها، تلك التى تدفع بالعضو نحو المواقف المتطرفة.

متعك الله بالصحة والعافية وتمامهما،
خالص الود.[/justify]

قلبك أبيض ياحسين تضيف شنو ياخوي ياخ اذا اللائحة فيها بند بيمنع الاساءات علي الغير ومافي زول شغال بيها انت هسة داير تضيف السخرية والتهكم ؟؟؟؟؟؟؟؟تعرف ياحسين السخرية والتهكم من الصعب جدا تطلعم من بين الكلام..يعني هسة كلامي دا ممكن يكون في نظر البعض تهكم وسخرية من كلامك والبعض الآخر بشوفو عادي جدا وفي النهاية الحقيقة في بطن الكاتب والمكتوب عنه والموجه ليهو الكلام..
ياخ أم التيمان دي أبسط وأنقي من ما تتخيل لدرجة اني في بعض الأحيان بقول ليها يا أميرة خفي شوية قبال ما يجي زول يتهمنا بي شي ما تمام,تقوم ترد وتقول خللي الداير يتهم يتهم مادام ألله عارف الحقيقة..أها دي كان قلت عليها ملكة باقي ليك بكون غلطان؟؟؟؟؟؟؟؟؟؟
تسلم ياحبيب لكن مراقتك الوحيدة انك ما بتعرفا ولا قابلتها قبل كدا شوف أخونا ماجد دا قال ليك لو داير ممكن يجيب ليك روابط تأكد كلامو ودا معناه انو متابع كلامي عنها من زمان..
أنا بس داير أسألو ليه بوستات أم التيمان هي أكتر بوستات مقروءة في المنتدي وليه المعارضين ما بزيدو عن عدد أصابع اليد الواحدة؟؟؟ وهل الناس البيتعاطوا معاها ديل كلهم كفار أو علي الأقل موافقين علي الكلام البتكتبو؟؟؟؟؟؟ياخ ما يخلوها في حالا والما عاجبو كلاما ما يخش يقراهو..
لك التحية والاحترام ولي ماجد برضو لأنو رغم عكلتو دي هو زول كويس..

[حسين أحمد حسين]

[justify]

المشاركة الأصلية كتبت بواسطة البديري

تسأل الله اللطف فى شنو ياحسين!؟!
البينى وبين خالد غالى، معرفة وخوه قديمة مبنية على المحبة والاحترام والضحك والهظار..وكلمة (معفن) دى نوع من هظارنا وانا مابهظر إلا مع انسان يكون قريب لى...ان شاءالله، يقع ليك!
ومسألتك لله بللطف،انا بعدها نوع من الفتنة المبطنة..فاعرض عن هذا
وبوستيك دا زاتو لو مابهم الراى العام هنا..ماكنت اتحشرتا فيهو!

ومنتظرك تتم!

تحياتى يا البديرى،

أولاً، واللهِ لم يذهب تفكيرى مطلقاً لأىٍّ مِمَّا ذهبتَ إليه. وأنا أُعنى بالمحبة يا رجل، فتساؤلى الدائم تجده: لِمَنْ وإلى متى ندَّخرُ الكلام الطيب إن لَّم نقله لبعضنا فى هذا العمر المتآكل.

وثانياً، حبابك كرَّاتٍ وكرَّات، فالبوست يعمر بمداخلاتكم.

ثالثاً، العُتبى لك حتى ترضى.

خالص الود.
[/justify]

[حسين أحمد حسين]

[justify]

المشاركة الأصلية كتبت بواسطة فتحي مسعد حنفي

أعمل حسابك ياحسين المعزة دي قبل كدا دخلتني في مشكلة كبيرة مع زميلة عزيزة بعرفا من ستينات القرن الماضي..
غايتو أدعي ربك الفلاتية أم أصول حلبية دي يكون مزاجا كويس والا حتجي تطربق اليوست دا علي دماغنا

أها رجعنا شكَّلناها من جديد لِإزالة أىِّ لُبس، رغم حسنِ ظنِّى بحسنِ ظنِّ الكريمة سارة.

التحايا لكليكما.
[/justify]

[ماجد تاج]

المشاركة الأصلية كتبت بواسطة فتحي مسعد حنفي

شوف أخونا ماجد دا قال ليك لو داير ممكن يجيب ليك روابط تأكد كلامو ودا معناه انو متابع كلامي عنها من زمان..
أنا بس داير أسألو

1 - ليه بوستات أم التيمان هي أكتر بوستات مقروءة في المنتدي ؟

2 - وليه المعارضين ما بزيدو عن عدد أصابع اليد الواحدة ؟

3 - وهل الناس البيتعاطوا معاها ديل كلهم كفار أو علي الأقل موافقين علي الكلام البتكتبو؟

ياخ ما يخلوها في حالا والما عاجبو كلاما ما يخش يقراهو..
لك التحية والاحترام ولي ماجد برضو لأنو رغم عكلتو دي هو زول كويس..

ـ



أول حاجة يا عم فتحي كتر خيرك ومع أنو شكار نفسو ابليس

لكن تأكد أنا ما زول كعب والله ، وما بحمل لأي مخلوق ذرة من مشاعر سالبة

وبقول دايماً بكرة ما معروف يرسينا وين

قصة أم التيمان دي الصدفة لعبت فيها دور والله .. لا تقصد ولا ترصد وراها

والشاهد الله طالما البوست دا عن العواطف والمشاعر وما وراء الكتابة

ولو تابعت البوستين الكتبتهم عنها أو حاولت أكتب فيهم عنها ح تكتشف أنها بادرت كعادتها

لأسباب يعلمها المولى ، وبعضكم ، وأنا لا أعلمها

الى مهاجمتي بطرق ما معهودة عندي ، التزمت بقدر الامكان بضبط النفس


ما يعني أنها بسبب كما يحاول أن يبرر الاخ حسين أو بلا سبب كما أرى لا تحتمل النقد

1 - عدد المشاهدين للبوست ما بيرجع لسبب غزارة أو عمق كما يدعي بعض النقاشين هنا

وإنما مرده الى ما تجذبه بوستاتها من تهريج وكوميديا لا أكثر

ومعارضينها وانت أقدم مني بيزيدو على عدد أصابع اليد بل يمكن أن يزيدو على نصف عدد الاعضاء هنا

2 - من تتبعك لبوستاتها بتعرف مين مناصر ومقتنع فعلاً ومين مختلف لكن بتحركه دوافع تانية

3 - عارف أنهم مش كلهم كفار وأنهم ما عاجبهم البتسوي فيه

لكن للمنتدى طريقته ، ولعضويته طريقتها في إدارة خلافاتها مع بعضهم

أنا ما سبرت غورها لسه ، لكن خيوطها باينة

ـ

[ماجد تاج]

ـ







بوستات ام التيمان عبارة عن سطرين أو تلاتة صادمات بسبب الركاكة ، وتفاهة المحتوي ، وسوء حبكته

وغرابته ، وتجاوزه للخطوط الحمر بلا فكرة معينة ، وبلا طريقة طرح مشوقة

ما يلي ذلك مجرد تهكمات وردود عليها

وأغلب إن لم تكن كل مداخلاتها بعد السطرين تلاتة الاوائل بتكون من قبيل

تسلم لي ، يا روحي ، يا ملكنا ، يا أحسن زول ، يا .. وما الى ذلك من عبارات

تتبادل فيها ما تظنه مظاهر المحبة مع الاخرين

طيب وين البوست وفكرته وروحه ومحتواه ؟

عادة بعد اشتداد النقد ينبري واحد زي الاخ الجيلي في بوست تتبرز لحماً ويحاول

بقدر استطاعته وبكل ما يملك ممن دربة أن يخلق من فسيخ تبرز اللحم المقزز دا شربات مستساغ

أو كما حاول بابكر عباس في ذات البوست أو حوله أن يفعل

الغريب أنه كل من الجيلي وبابكر عباس لاحقاً بيستدركو وينفضو يدهم على حذر من غبار ما تردمه ام التيمان

والاغرب أن الجيلي المدافع المجيد كمثال عاد في بوست آخر للرشيد متحدثاً عن التقزز من الكتابة الذي دافع عنه بضراوة أسد هناك

يا عم فتحي

رأفة بما تتمنوه للسودان والسودانيين توقفوا عن تمجيد الزائف

ووفروا محصلاتكم اللغوية لعملية بناء أشد رصانة وأمتن

وطالما أو ع الاقل ما قادرين تختو طوبة على طوبة في سياسة البلد

ختوا طوبة في حركة أدبها ونهضته بدلاً من تمجيد الغثاء استناداً على الرقة ، والطيبة ، ونقاء العرق

مع أنكم بتمارسو حقكم في دعم روابطكم ومشاعركم

لكن للاسف الشديد قاعدين تعتدوا على حق أي أنثى تنتمي لهذا الوطن

أو ع الاقل لهذا المنتدى

لما تنصبو كاتبة ضحلة زي أم التيمان ملكة من جهتك

وسيدة للنساء من جهة حسين






ـ

[ماجد تاج]

المشاركة الأصلية كتبت بواسطة حسين أحمد حسين

[justify]
لماذا ندفع بالعضو إلى مرحلة الفصل (To the point of no return)، ثمَّ نطالبه بالإتزان؟ نضعه على شفا الهاوية، ونطالبه بعدم الوقوع؟ هل هذا عدلاً؟
المحبة يا ماجد، المحبة.

[/justify]

ـ



يا سيدي كتر خيرك على طولة البال والادب الوفير الجم المرجو والمتوقع منك

واغفر لنا زلة دخولنا المعاكس لحركة البوست واتجاهه

وتأكد يا أخ حسين ، المحبة قيمة عالية عندنا برضو والله

دم بخير يا حبيب وأدينا خاطرك



ـ