حبا وحقا وجمال ... للجميع

[أبوبكر عباس]

المشاركة الأصلية كتبت بواسطة AMAL

انا شايفة انو الانتخابات مناسبة جيدة لتنشيط العضوية مهم جدا الناس تجي وتبقي شهود علي التجربة دي والادلاء بالصوت متروك للعضو بعد دعوته يعني نجيب الحصان للنهر ونخليه يختار يشرب ولا لا

آمال سلام،
هل في حشدك للأعضاء للتصويت، هل حصل طلبتي من أحدهم التصويت لx من الناس دون غيره؟

[الرشيد اسماعيل محمود]

المشاركة الأصلية كتبت بواسطة مبر محمود

تحيّاتي طيبان، آمال، والجميع،
يا أخوانا إن لم تكن هنالك من غضاضة لائحياً فهنالك ألف غضاضة وغضاضة ديمقراطياً، فالديمقراطية في أبسط قوانين لعبتها الإجرائية لا تعني التصويت فقط، وإنما يظل التصويت فيها جِند فقط من ضمن أجندة أخرى لا تقل أهمية عنه، والذين يأتون للإدلاء بأصواتهم فقط لنصرة مرشح دون الأخرين ثم ينصرفون، هم بفعلتهم هذه يسددون طعنات قاتلة في جسد السلوك الديمقراطي الأخلاقي والرشيد، فطريقة تعاطيهم مع العملية الديمقراطية تصوّر بوجه من الوجوة أزمة الفكر الديمقراطي في بلادنا بأنصع ما يكون!

سلام يا مُبر،،،
كيف نحدِّد إنو فلان (من الناس) صوّت ثم انصرف؟

[أسامة معاوية الطيب]

المشاركة الأصلية كتبت بواسطة الرشيد اسماعيل محمود

سلام يا مُبر،،،
كيف نحدِّد إنو فلان (من الناس) صوّت ثم انصرف؟

حبيبنا ما عهدتك تسأل في بديهيات ... إلا إذا كنت من أنصار عدم الانصراف بالنظر!!!

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

حبيبنا ما عهدتك تسأل في بديهيات ... إلا إذا كنت من أنصار عدم الانصراف بالنظر!!!

سلامات يا أسامة،،
هي بديهيات بالنسبة لي، وليس لـ اللائحة، ولو إنت كايس لتضامني معاك في وجهة نظرك، الموضوع بديهي، أمّا إذا كايس لتضامن اللائحة مع وجهة نظرك، يبقي مفروض تجاوب علي السؤال الفوق

[أسامة معاوية الطيب]

المشاركة الأصلية كتبت بواسطة الرشيد اسماعيل محمود

سلامات يا أسامة،،
هي بديهيات بالنسبة لي، وليس لـ اللائحة، ولو إنت كايس لتضامني معاك في وجهة نظرك، الموضوع بديهي، أمّا إذا كايس لتضامن اللائحة مع وجهة نظرك، يبقي مفروض تجاوب علي السؤال الفوق

يا سلام عليك كما عهدتك خشيت في قلب الفكرة !!!
متضامن معاي في وجهة نظري ونظر الكثيرين بالمناسبة (ممكن نجيب لستة لأنصار الإحصاء) ... وترى قصور اللائحة عن طول ذلك ؟ ممتاز وهذا ما نقول به انا وانت ومبر على الأقل
إذن خطوة باتجاه ما يمكن أن يكون
وهنا مربط الفرس يا حبيب

[تماضر حمزة]

غايتو العصرة العاصرنها لآمال دي ماعاجباني خالس



وكت تجي الانتخابات عندنا هنا في الجالية، كسودان مصغر
المابدفع الاشتراكات الشهريّة لمدة شهريين متتاليين بالدستور كدا مامن حقو يرشح ولان يصوّت

الفكرة ايه؟ انت مادعمت الكيان دا زي البقيّة، ما استوفيت شروط العضوية الفاعلة، علشان كدا تقعد تستفيد من الكيان أوكي..بس مامن حقك تقرّر كيفية ادارتو..

اهن الفكرة دي مكيّفاني كيف شديد خلاس
وحاسّة بيها ديمقراطيّة لامن بهناك، خاصة انو المبلغ رمزي جدّاً
المبلغ دا أنا غايتو بعادلو بالمساهمات في المنتدى، متابعة نشاط الناس اللي فيه
قياس إداريّة منتسبيه
تكوين صورة واضحة لآراء الأعضاء
حياديتهم
الحاجات دي، هي البتدفعك لانّك تصوّت لفلان، ولفلان لع
أسّي أنا رأفت دا طوّالي بختلف معاه مؤخراً
لكن متابعتي ليه، ورّتني حياديتو هي الغالبة، فأدّيتو صوتي..وكدا
علشان كدا الاستنفار"ماف حد ينكرو ياخ لانّو واضح جدا" دا مامكانو
والفكرة في بت أم عضما محيّراني، أهن ياخ بقيت عضو في المجلس او حتى الأمين، شنو يعني؟ في النهاية عندك لائحة حتمشي بيها، وفي الآخر خالس أنت مُحاسَب على التكليف، وبتدِّي ومابتاخد شئ يذكر!
عجبني كلام مُبر، النصيحة لي الله هو ذاتو عاجبني
بتاع مسؤولية صوتك، في حتّة انّك تتابع الزول الصوّت ليه، مش تكون غايب لفترة طويلة قبال التصويت، تجي تصوّت وتمشي.
الفكرة ايه يعني؟ جيت أفوّزك ياصديقي وماشي.
عشان كدا الناس دي كلّها عمّالة تصوّطوراجية اليغتيها

[كيشو]

المشاركة الأصلية كتبت بواسطة أسامة معاوية الطيب

يا سلام عليك كما عهدتك خشيت في قلب الفكرة !!!
متضامن معاي في وجهة نظري ونظر الكثيرين بالمناسبة (ممكن نجيب لستة لأنصار الإحصاء) ... وترى قصور اللائحة عن طول ذلك ؟ ممتاز وهذا ما نقول به انا وانت ومبر على الأقل
إذن خطوة باتجاه ما يمكن أن يكون
وهنا مربط الفرس يا حبيب

وكان الﻻئحة عايزة تنستر، وجرجرت طرف توبا، وقعدت في الواطا، وسندت ضهرا للحيطة، وأحاطت ساقيها بساعديها، وصار جسمها مكورا تحت الثوب، هل نتعامل معها بكرم، ونترفع عن لمسها واﻻعتداء عليها؟
يا سادتي الكرام أفعالنا تسبق القوانين واللوائح، أفعالنا تتعلق بما نؤمن به؛ تتعلق بقيمنا، ونضع القوانين لتضبط أفعالنا ﻻ لتقودها

[أسامة معاوية الطيب]

المشاركة الأصلية كتبت بواسطة تماضر حمزة

غايتو العصرة العاصرنها لآمال دي ماعاجباني خالس



وكت تجي الانتخابات عندنا هنا في الجالية، كسودان مصغر
المابدفع الاشتراكات الشهريّة لمدة شهريين متتاليين بالدستور كدا مامن حقو يرشح ولان يصوّت

الفكرة ايه؟ انت مادعمت الكيان دا زي البقيّة، ما استوفيت شروط العضوية الفاعلة، علشان كدا تقعد تستفيد من الكيان أوكي..بس مامن حقك تقرّر كيفية ادارتو..

اهن الفكرة دي مكيّفاني كيف شديد خلاس
وحاسّة بيها ديمقراطيّة لامن بهناك، خاصة انو المبلغ رمزي جدّاً
المبلغ دا أنا غايتو بعادلو بالمساهمات في المنتدى، متابعة نشاط الناس اللي فيه
قياس إداريّة منتسبيه
تكوين صورة واضحة لآراء الأعضاء
حياديتهم
الحاجات دي، هي البتدفعك لانّك تصوّت لفلان، ولفلان لع
أسّي أنا رأفت دا طوّالي بختلف معاه مؤخراً
لكن متابعتي ليه، ورّتني حياديتو هي الغالبة، فأدّيتو صوتي..وكدا
علشان كدا الاستنفار"ماف حد ينكرو ياخ لانّو واضح جدا" دا مامكانو
والفكرة في بت أم عضما محيّراني، أهن ياخ بقيت عضو في المجلس او حتى الأمين، شنو يعني؟ في النهاية عندك لائحة حتمشي بيها، وفي الآخر خالس أنت مُحاسَب على التكليف، وبتدِّي ومابتاخد شئ يذكر!
عجبني كلام مُبر، النصيحة لي الله هو ذاتو عاجبني
بتاع مسؤولية صوتك، في حتّة انّك تتابع الزول الصوّت ليه، مش تكون غايب لفترة طويلة قبال التصويت، تجي تصوّت وتمشي.
الفكرة ايه يعني؟ جيت أفوّزك ياصديقي وماشي.
عشان كدا الناس دي كلّها عمّالة تصوّطوراجية اليغتيها

شكرًا جداً تماضر
الشوف واحد ... ومنطقي ... وسوي
وأكيد بيخطو بينا خطوة جيدة صوب غاية واحدة لا تلتف علينا بالوسائل

[أسامة معاوية الطيب]

المشاركة الأصلية كتبت بواسطة كيشو

وكان الﻻئحة عايزة تنستر، وجرجرت طرف توبا، وقعدت في الواطا، وسندت ضهرا للحيطة، وأحاطت ساقيها بساعديها، وصار جسمها مكورا تحت الثوب، هل نتعامل معها بكرم، ونترفع عن لمسها واﻻعتداء عليها؟
يا سادتي الكرام أفعالنا تسبق القوانين واللوائح، أفعالنا تتعلق بما نؤمن به؛ تتعلق بقيمنا، ونضع القوانين لتضبط أفعالنا ﻻ لتقودها

مولانا شايف أمثالك بقت تجريدية شديد
حميد مش قال " وبعض المراضى المقرفين قلدوكي لي شي بلا البكا " ؟
دحين غتغت لايحتك دي عليك ... الله يرضى علينا وعليك

الجزء الأخيرة من المداخلة ممتاز وقائد واعي وخط رجعة أساسي
شكرًا جداً ياخي

[مبر محمود]

المشاركة الأصلية كتبت بواسطة الرشيد اسماعيل محمود

سلام يا مُبر،،،
كيف نحدِّد إنو فلان (من الناس) صوّت ثم انصرف؟

سلام يا سيدي،
قطعاً لا نستطيع تحديد المصوت المنصرف من المصوت المشارك في حوارات المنتدى، اللهم إلا من خلال الملاحظة العادية البسيطة لصفحة المتواجدون الأن، أو من خلال بوستات التصويت نفسها، فبعض الغائبين يتكرمون -مشكورين- بأخبارنا إنهم أتوا للتصويت ثم نبحث عنهم بعد ذلك ولا نجدهم.

عموماً حديثي كُتب خصيصاً للمصوت المنصرف، وخلاصته: عزيزي المصوت المنصرف، تصويتك أسعدنا ولكن حراستك ومراقبتك لصوتك سوف تسعدنا وتسعد الديمقراطية أكثر!

[أسامة معاوية الطيب]

سؤال : لو منتدى عضويته مفروض أنها ألف وتمنمية شخص ، غير ربحي ، و( تكليف وليس تشريف ) المضحكة دي .... وبيستدعي الحاصل دا
ليه بنستنكر على المؤتمر الوطني البيعمل فيهو دا في ( بلد بي حالو) العدد أكبر والمكاسب أكبر والأرباح أكبر والتشريف أكبر ؟؟؟؟

سبحان المكاييل !!!

[AMAL]

المشاركة الأصلية كتبت بواسطة أسامة معاوية الطيب

آمال صباح الخير
نقاط
أولا : العضوية النشطة البتجيني تقرا بانتظام دي وما تخش في نظرك حالتا دي ما مربكة ؟ طبعا لأنو ما بنقدر نتغالط في مسالة أنهم بيجوا ويقروا ويمشوا دون أن يوقعوا بالدخول ... طيب مش منطقي أنهم لمان يجوا عشان يختاروا ... يختاروا زول متحرك في الفراغ الهم بيطالعوا فيهو دا ؟؟؟ لو اتفقتي على المبدأ نمشي لي قدام ولو ما اتفقتي يبقى انتظري الخاطرة الجاية ... انت مستعجلة واللا حاجة ؟
ثانيا : هل طبيعي لعضوية اختارت " الدفاع بالنظر" فيما يخص حراك المنتدى العادي ... أن تفعل -بتشديد العين -الرادارات والمضادات الأرضية حين الانتخابات ؟ هي بورسودان اتضربت من شوية ؟
ثالثا : آمال ياخي نحن اعتقد متفقين في رؤيتنا لتطوير المنتدى ... يبقى خلينا نكتب كل الظواهر الشايفنها سالبة ونتناقش فيها بهدوء ... ونحلها ... وما دمتي شايفة انو " الغربة ما طول الغياب" بعد حذف يا بابا عشان نكبر شوية ... رأيك شنو في الدفاع بالنظر ؟؟

دا مابقدر اناقشك فيه لمن تجيب لستتك وتشاور لي وتطلع لي كم عبدالرحيم صوتوا وهم الرجحوا كفة فلان وعلان

رابعا: طالبي معاي -الله يرضى عليك -بنشر لستة المصوتين عشان نقرأها بروية ونستخلص منها نتائج لن تتأتى لنا بالونسة الحاصلة دي ... والشوفو مغبش يمسك الدرب !!!

يازول طالب براك انا ماعندي اي مشكلة وفي النهاية المسألة ماافراد والبجيبو التصويت انا راضية بيه

أخيرا : العضوية الوجودا زي عدمو دي بعتقد انو توصيفا على هذا النحو ليس جيدا على كل حال ... ولكني لست في وارد مناقشته الآن !!!

دا رأيي يااسامة ومافي شي بمنعني اقولو وازيدك كمان في ناس هنا خصم علي المكان دا ووجودهم اخير عدموا وشخصيا مابشرفني يختاروا لي ولا بثق في اختيارهم بس بثبت لا قلت يعزلوهم ولا منعتهم حقهم في التصويت اها قارن دا بفكرتك هنا وريني الكعب ياتو انت بتطالب باننا نعزل عضو ومانخليه يصوت بس لانو بفهمك ,,غايب,,
الزول الحمر كلامي دا قال حيصوت للزول البدعم الانقاذ وببرز وشها الجميل وكان داير الكوت بتاع كلامو اجيبوا ليك اها انت ماعندك مشكلة معاهو لانو,, قاعد,, وممكن يختار ليك وانا ماعندي مشكلة معاه لانو الديمقراطية عايزة كدة

ملحوظة : ما بقدر اطلع الأحزاب إلا في حالة تجي تطلع الناس ديل " عضوية منفلتة"
النقطة بتاعة 120 من 800 دي جاييها

مافي انفلات ولا في اي عضوية منفلتة ولا منضبطة بس انت قول بسم الله

[AMAL]

المشاركة الأصلية كتبت بواسطة بابكر عباس

آمال سلام،
هل في حشدك للأعضاء للتصويت، هل حصل طلبتي من أحدهم التصويت لx من الناس دون غيره؟

بابكر عباس
تقنطر لي واشوت في قون التانين ممكن
اشوت في قوني no way
ياسيدي كل القصة انا دافعت عن فكرة انك تدعوا اصحابك فيسبوكيا او غيرو للتصويت وقلت مافيها اي خطأ بالعكس بتدعم التجربة وتعضدا

[أسامة معاوية الطيب]

المشاركة الأصلية كتبت بواسطة AMAL

دا مابقدر اناقشك فيه لمن تجيب لستتك وتشاور لي وتطلع لي كم عبدالرحيم صوتوا وهم الرجحوا كفة فلان وعلان



يازول طالب براك انا ماعندي اي مشكلة وفي النهاية المسألة ماافراد والبجيبو التصويت انا راضية بيه




دا رأيي يااسامة ومافي شي بمنعني اقولو وازيدك كمان في ناس هنا خصم علي المكان دا ووجودهم اخير عدموا وشخصيا مابشرفني يختاروا لي ولا بثق في اختيارهم بس بثبت لا قلت يعزلوهم ولا منعتهم حقهم في التصويت اها قارن دا بفكرتك هنا وريني الكعب ياتو انت بتطالب باننا نعزل عضو ومانخليه يصوت بس لانو بفهمك ,,غايب,,
الزول الحمر كلامي دا قال حيصوت للزول البدعم الانقاذ وببرز وشها الجميل وكان داير الكوت بتاع كلامو اجيبوا ليك اها انت ماعندك مشكلة معاهو لانو,, قاعد,, وممكن يختار ليك وانا ماعندي مشكلة معاه لانو الديمقراطية عايزة كدة



مافي انفلات ولا في اي عضوية منفلتة ولا منضبطة بس انت قول بسم الله

آمال سلامات
بسم الله الرحمن الرحيم
انا ما استنكرت الغياب وحده ... استنكرت أن يأتي الغائب ليمنح صوته ويمضي لحال غيابه كرةً اخرى -يمكنك مراجعة ما كتبت ان اردت -أما أن يأتي ويقعد ويساهم ويراقب فحبابو جداً ... وبه نحتفي

نقطة نهج الإنقاذ وشنو وشنو دا هو سر محاولة نقدنا كلها قلت بها انت أو غيرك ... والمسألة عندي ليست حزب الأمة دون غيره أو الحزب الشيوعي ولا سواه ... اي تنادي باسم حزب معين مرفوض وقبيح ويجبرنا على إعادة قراءتنا للمواقف !!!
بسم الله مجددا

[AMAL]

المشاركة الأصلية كتبت بواسطة تماضر حمزة

غايتو العصرة العاصرنها لآمال دي ماعاجباني خالس



.

تماضر
اعصروني ياخ
طلعوا زيتي
في احلي من عصر المحبة
ومعا اسامة اطيب
ياخ انا مستمتعة للاخر شايفة الروقة دي والكلام البراحة اهو حبيبنا رجع يكتب باللون العادي وساب الاحمر بالنسبة لمثاللك بتاع الجالية لسة متمسكة بالاتي
- غياب الاحصاء البخلينا ماقادرين نجزم بانو ترجيح النتيجة سببو الناس المادافعين الاشتراك الحددتيه بالكتابة او التداخل
يلا اضبطي لينا دي كمان
كم مداخلة بتساوي الاشتراك دا
الزول ,,يقعد,, هنا قدر شنو عشان يكون دفع استحقاقو دا
وسجل دخول كم مرة
وليه المتابعة والقراءة مامحسوبة كاشتراك
انا مثلا حصلت لي ظروف وغبت سنة كاملة
خلالا ماكان عندي مزاج اكتب عديل وبجي كزائر
دا مابديني الحق ادي صوتي !!!
كيف ياتماضر بتبرروا لفهم بعزل عدد مقدر من العضوية
وبقصيهم وبتضربوا امثلة بعيدة جدا ومالافقة
وماقادرين تلاقوا ليها ضوابط حتي
عشان تظبط وتبقي معيار
في مواجهة لائحة موجودة وماثلة امامنا
بتقول اي عضو عندو باسويرد عندو صوت
ليه؟ والناس دي ليه زعلانة ؟
مش دي الديمقراطية الميكانيكية الكلنا ارتضيناها
بتصوتوا ليه لما نصوطا ليكم
و