اقتباس:
المشاركة الأصلية كتبت بواسطة ماجد تاج
ـ
مرحب يا أمال
اتمنى أنو مداخلاتك في البوست دا ما تكون كتيرة ..
بينّا وداد ما عايزه ينقطع بسببه
أهم لي من الحروب مع طواحين الهوا دي
 |
اقتباس:
المشاركة الأصلية كتبت بواسطة AMAL
ماجد ياماجد
تصور انا نفس الشعور ياعمك
بس شكلك داير تدفعني تمن المحبة دا غالي ياماجد 
ومسكتني من يدي البتوجعني عديل
وداير تحيدني وتشتري سكوتي باسم المحبة |
يا آمال، ماجد ما داير يشتري سكوتك ولا شي، حسب ما هو باين للكل، إنو ماجد ما عندو أيّ نهج في البوست دة، قضيتو قضيّة شخصية تجاه الخطيب ولنا تحديداً، لأنو لا يعقل مثلاً أن يأتي أحدهم متسائلاً: "هل ينوي المزارعون إفشال الدورة الزراعية هذا الموسم"؟ وحين يأتي إليه أحد المزارعين ليتحدّث إليه، يبادره: عليك الله خليك بعيد، أنا بحبك وما داير أخرب علاقتي بيك!!!
يبقي التساؤل ابتداءً ما ليهو علاقة بنيّة المعرفة، بل بتأبُّط الاستقصاد الشخصي لمآرب أخري وعدائية مبيّتة لا يهمها فشل الموسم الزراعي من نجاحه، بل محض عداء لمجموعة محدّدة سلفاً، وما التساؤل سوي محاولة لمداراة العداء تحسيناً لصورة المتسائل في نظر الآخرين.
يا ماجد
إنت قبل كدة قلت إنو مفروض الناس تركِّز علي الكتابة دون الكاتب، أها وين موقع كلامك داك من إعراب الرّاهن؟!، بتخيّل لي لو قاصد مهند ولنا، تعال ليهم عديل دون التستر خلف إنتماءهم (أيّاً كان)، أو كمان تقبل تتناقش مع أيّ زول ينتمي افتراضاً لمذهبهم (برضو أيّاً كان)، لكن حكاية تعنون البوست بالشيوعيين وتبدا تمارس في انتقاء شخصي لمن تود إقحامهم في الحركة دي، اعتماداً علي عاطفة الوداد وبحبّك في الله وما عارف، دي بتبقي حركة في شكل عنكوليب ساي منّك.
مداخلتك الاقتبستها آمال فوق دي، في رأيي فضحت إنّك بتلف وتدور لأجل أشياء شخصية، والناس المنتظرين منّك أدلة ديل (وانا ما منهم) حينتظروا بلا طائل، لأنو مافي دليل، لا علي شيوعية مهنّد (السريّة) ولا علي إنك داير تمرق بشي مفيد بالنسبة للناس البتتابع في البوست دة.
المهم:
سودانيات ما محتاجة "لشركة الهدف"، ولا لماجد تاج أو الرشيد ليدافع عنها، سودانيات محتاجة من الجميع الالتزام باللائحة والاحتكام إليها، أمينا عاماً ومجلس إدارة وأعضاء، فذلك فقط ما يبقيها مضاءة.
البوست دة بالنسبة لي، صورة مكبّرة ونمطية وإجابة للسؤال الفاضح القائل بـ
لماذا لا يتقدّم السودان؟
في رأيي الإجابة هي: لأنّ السودانيين لا يتقدّمون.
عموماً بالنسبة لي البوست دة خالي موضوع ومحض عداء مغلف بالتساؤل، وهو أبعد ما يكون. ورغم ذلك يبقي الود والتواصل.
تحياتي
