عرقى البصل

[رأفت ميلاد]

المشاركة الأصلية كتبت بواسطة معتصم الطاهر

يا جماعة الخير الزولة البتج الجرادل دى و بتحلف بسيدها الحسن أمسكوها من بوست البقنية دا ..


بعدين شن جاب سيرة القشيرة دى فى حشمك كما قال الشايقي*

عمك فتحي ولا الجيلي ؟
حافظ فى حزنو
و مهند مع الرشيد ..


*الشايقى بشرب في بيت المربسة لمان سكر و بدأ يغنى و مشى على الباي
ست البيت كوركت ليه ..( السنجك حق المريسة)
+ ( 00000)
- السنجك الحساب
+ (000000)
- إن شاء الله ربنا ياخد لى حقى منك يوم القيامة
+ كدى اقدري يوم القيامة جيبي سيرة القشيرة دى فى خشمك

تعرف زى ما قال الشايقى برضو (هن ما يخافن الله لامن بزيدنو موية)

العجيبة حافظ مطالع فتحى والحكيم الجيلى
ده ما المحيرنى والله .. محيرنى ناس قريعتى راحت

[رأفت ميلاد]

المشاركة الأصلية كتبت بواسطة جيجي

هههههههههه
يا معتصم الله يستر انتيمي الكافر دا مايدخلني معاه النار

نار مضمونة أخير من جنتن مجهجهة .. شوفى حال فتحى بعد مرسى

[رأفت ميلاد]

المشاركة الأصلية كتبت بواسطة حسين عبدالجليل

هو ألامين العام لمنتدي الجوار دفق ليك عرقي الرز بتاعك ولا شنو ؟

ازيك ياخ !

سلامات يا حسين
والله قزاتى ألت البيت ما أتهبشت .. لكن بقت فينى قصة الراجل البسوا شنو ما عارف كدة لكلامو

[حافظ اسماعيل احمد]

رافت ميلاد والله كنت بدخل مع اصحابي الانداية
وبتمر علي الكباية بس اشهد الله لم تمس يوما شفتيتي
ولكن كنت بغني ليهم وبي سكرٌ تملكني اعجب كيف بي
سكري رددت الخمر عن شفتي لعل جمالك الخمر

المهم اول مرة اشوف البيرة كان سنة 2008 اول ما وصلت
الجنوب الشخص المستقبلني لقيتو في البار
بعد داك شوفنا الخمر البلدي بالبرطمانية يباع تحت الاشجار
بسعر واحد جنيه وشوقنا الجن والباتاكيا و13 % و 8 % والهورس
تخيل في احصائية يقال ان الجنوبيون شربو في عام انتاج خمس اعوام
من يوغندا - والي ولاية البحيرات والاستوائية منعوا الخمر اثناء ساعات
العمل اتهمهم البعض انهم يطبقون الشريعة الاسلامية

[رأفت ميلاد]

المشاركة الأصلية كتبت بواسطة هشام ديدي

عرقي الرز حراام وحراام..

لكن عرقي العيش دقوا دق..اما البلح مستباح مستباح

انت لافيها مع منو يا رافت...الي الامام.

يا ديدى أنا اللافيها هسة

الحرام والحلال بينم شعرة .. كلمة الحلال ملاكة أكتر من الحرام .. تعرف دكاكين الأتراك تلقاها مكتوب فيها بالخظ العريض (هلال) .. تعرف الخواجات كان عرفوا هلال دى معناها شنو بيمنعوا ليك اللحمة دى من السوق .. بتدخل فى قانون العنصرية والتحرش بالغير .. بس الناس أتعودت على الكلمات على أساس أنها (علم) حتى هم بكتبوها (هلال) فى لغتم .. فمثلاً كان زول كتب على دكانو (الله أكبر) يمكن يحاصروا المنطقة بقوات الطوارى العندهم درقات دول .. الله أكبر معناها محدد شديد

[رأفت ميلاد]

المشاركة الأصلية كتبت بواسطة فتحي مسعد حنفي

خلاص ياخواجة شميت نفسك وقمت تطقع.

أب سن يضحك على أب سنتين

[فيصل سعد]

عرقي بصل بتاع فنيلتك العرقي التمام السالط على ايام جهلنا و سنسنتنا تحديدا في 85 و 86 كان عرقي جوافة وارد العباسية .. و لازم تتناولوا و تباصروا من العصر و قزازته كانت بعشرين جنيه سوداني .. و اقل كمية للبيع جركانة عبوة 8 قزازات .. و تطلبوا قبل يومين من التسليم ..

يديك العافية ..

[رأفت ميلاد]

المشاركة الأصلية كتبت بواسطة الرشيد اسماعيل محمود

دي آية ولّ كورة هي البتصرِّج دي؟
قلت لي الشاعر الدوبلير قال شنو؟

ليه يا رشيد لا .. موش السستيم كده كلو لازم بآية أو حديث كل الما ممكن يكون ممكن جوة عينك كدة

والشاعر الدوبلير قال أيضاً

الريس ما نوريقا .. ريسنا العاقر أقرع
من وين بتجينا الرحمة .. اارحمة بجيبا الشفع

[رأفت ميلاد]

المشاركة الأصلية كتبت بواسطة الرشيد اسماعيل محمود

دي آية ولّ كورة هي البتصرِّج دي؟
قلت لي الشاعر الدوبلير قال شنو؟

المشاركة الأصلية كتبت بواسطة فتحي مسعد حنفي

انت ما فهمت الفلم يالرشيد..الخواجة قام ينقط الما بتنقط ويخلي البتنقط ودا كلو من عرقي الرز البجيبو من الحلة الفوق..

يا دووب فهمت كلامك يا الرشيد من الرفرنز بتاعك ده

ياخ الكيى بورد الجديد ملخبطنى شديد وعادة بكتب بالماوس .. ده ما نكران لعرقى الرز

الحقيقة هو ما رز هو كرز أريتو فى خشمك

تعرف فى السودان عندى صاحبى سواقتو كعبة خلاس .. تديهو كاسين يمشى زى السلك .. أشارة المرور فى شارع الجمهورية حمرا الساعة 4 ثباحاً يقيف فبها زى الترتيب لامن تبقى خدرا

[ZEIN ABDALLA]

المشاركة الأصلية كتبت بواسطة رأفت ميلاد

يقال والله أعلم يُصنع الوسكى من البصل، وقديماً فى الجاهلية، قبل هبوط الوحى على نبىّ الله جعفر نميرى طيب الله ثراه، كان يُعرف الوسكى ببول الأسد والشرى بعصير المراكيب والعرقى بشراب العبيد.
ونعود الى أنواع الكحول التى توارثت ووحدت تنوع الثقافات بداية بالشربوت والبقنية والدكاى ثم المريسة والعسلية والكجو مورو

نعود لها بالتفصيل الممل، لها ولمشتقاتها ومرادفاتها

يتبع

سلامتك رأفت
ياخى ما تدينا خبر كنت جيت حضرت العملية.
يوجد نوع من النبيذ يسمى (النبيذ البصلى) نسبة لاضافة شوية بصل للعنب
اثناء عملية التخمير ويُقال ان النبيذ الناتج لا يوجد به طعم او رائحة
البصل.
اما الويسكى وهو من المشروبات الروحية والتى تستخدم فيها عملية
التقطير بعد تخمير(زريعة) الحبوب كالذرة الشامى او الشعير او القمح
...الخ. وتصل نسبة الكحول فيه الى ٤٠%. ويمكن ان يعتبر عرقى
العيش كنوع من الويسكى.
البيرة هى ناتج تخمير الحبوب(الغلال) ولا يتم تقطيرها كالمريسة
والعسلية.
الشربوت هو نبيذ البلح ويحتوى على نسبة قليلة من الكحول واذا ترك
فترة اطول صار دكاي.
الشيرى هو نبيذ مُدَعَم وذلك باضافة كحول الاثانول للنبيذ.
يلا تعال ورينا الكجو مور دا شنو؟

[رأفت ميلاد]

المشاركة الأصلية كتبت بواسطة حافظ اسماعيل احمد

رافت ميلاد والله كنت بدخل مع اصحابي الانداية
وبتمر علي الكباية بس اشهد الله لم تمس يوما شفتيتي
ولكن كنت بغني ليهم وبي سكرٌ تملكني اعجب كيف بي
سكري رددت الخمر عن شفتي لعل جمالك الخمر

المهم اول مرة اشوف البيرة كان سنة 2008 اول ما وصلت
الجنوب الشخص المستقبلني لقيتو في البار
بعد داك شوفنا الخمر البلدي بالبرطمانية يباع تحت الاشجار
بسعر واحد جنيه وشوقنا الجن والباتاكيا و13 % و 8 % والهورس
تخيل في احصائية يقال ان الجنوبيون شربو في عام انتاج خمس اعوام
من يوغندا - والي ولاية البحيرات والاستوائية منعوا الخمر اثناء ساعات
العمل اتهمهم البعض انهم يطبقون الشريعة الاسلامية

سلامات يا حافظ
ذكرتنى بى صاحبنا من شلة الفرع بقى قاضى .. حسة مات ما عارف ليه والداعى شنو عشان يموت
الزول ده بدقع شيرو ومن جماعة البمشوا زنك الخضار بالليل يظبطوا الحلة .. بتكون حلة فارهة والأسعار رقدت واطة .. أول زول ببدا الغنا والهيصة ولامن تكمل القوارير وتتلحس الحلة نتخارج نسك الحفلات .. الزول ده عمرو ما وصل كاس خشمو .. للمبالغة الشديدة لنشوتو يوم طلع من البيت حفيان

تعرف نسبة الكحول فى القزازة بقينا نقراها على كبر رجفة ساكت .. زمان لحس على مغمد

[رأفت ميلاد]

المشاركة الأصلية كتبت بواسطة فيصل سعد

عرقي بصل بتاع فنيلتك العرقي التمام السالط على ايام جهلنا و سنسنتنا تحديدا في 85 و 86 كان عرقي جوافة وارد العباسية .. و لازم تتناولوا و تباصروا من العصر و قزازته كانت بعشرين جنيه سوداني .. و اقل كمية للبيع جركانة عبوة 8 قزازات .. و تطلبوا قبل يومين من التسليم ..

يديك العافية ..

تعرف يا باذخ أنتو كنتو أولاد المصارين البيض .. مافى حاجة أسمها عرقى جوافة .. الجوافة بفجخوها فى جركانة التقطير وينزل عليها العرقى سخن فبياخد النكهة .. مافى شك بكون نوعو درجة أولى وراقى .. عشان العملية دى ما بتنجح إلا مع العرقى النضيف .. بس مع الحركة القردية دى الما بتكلف حاجة تدبل السعر لأولاد العز الزيكم

تعرف زمان كان عندنا صولات فى ود نياوى .. كنت المتعهد أنا بأعتبارى الديامى الخبرة .. هو لا خبرة ولا يحزنون .. تقع خالتك عشة ووكر وما بتقصر مع زول .. لحقنى غازى قبال ما أطلع من البيت بى تلفون .. بين قوسين كده غازى ده بتاع أبهات وشكليلت عجيبة كدة .. تمام حركات أولاد جامعة الخرطوم الشيوعيين .. أها غازى قال لى جيب لينا (عرقى طيارين) أنت بس قول لى خالتك وهى بتقوم باللازم .. لاوزت والله لكن أتكلت .. الحجة الله يرحما قلعدة قعدتا ديك قداما قفتا الكبيرة ديك والقزايز جاهزة ملفوفة بالورق .. تستلم وتناولك وما بتشوف شكلك .. قمت قلت ليها حق طيارين يا حجة .. رفغت راسا كحلتنى ودنقرت ألتلافت قفيفة صغيرة من وراها .. قلت ليها 4 قامت كحلتنى تانى ودنقرت ناولتنى ليهو بطريقة (كاتل نفسو ولا أسفاَ عليهو)

مشيت وغازى أستلم البضاعة وبثقة كدى قال لى (نحن نعلم الديامة الأدب) .. غايتو بلعتها ليهو ..
قعدنا فى حوش والجفلة فى الحوش اللصقنا .. بعد الكاس الرابع متذكر الكلام فى العرقى ده ما فيه سكر .. تانى ما حسيت إلا بى لزعة الشمش وناس القعدة كل زول فى محلو مكوع .. أتخارجت وأصلو ما سألت تانى من مصير التلاتة قزايز الفاضلين

عرفت الطيارين ديل منو .. ما زى غازى ما كان قايل

[رأفت ميلاد]

المشاركة الأصلية كتبت بواسطة ZEIN ABDALLA

سلامتك رأفت
ياخى ما تدينا خبر كنت جيت حضرت العملية.
يوجد نوع من النبيذ يسمى (النبيذ البصلى) نسبة لاضافة شوية بصل للعنب
اثناء عملية التخمير ويُقال ان النبيذ الناتج لا يوجد به طعم او رائحة
البصل.
اما الويسكى وهو من المشروبات الروحية والتى تستخدم فيها عملية
التقطير بعد تخمير(زريعة) الحبوب كالذرة الشامى او الشعير او القمح
...الخ. وتصل نسبة الكحول فيه الى 40%. ويمكن ان يعتبر عرقى
العيش كنوع من الويسكى.
البيرة هى ناتج تخمير الحبوب(الغلال) ولا يتم تقطيرها كالمريسة
والعسلية.
الشربوت هو نبيذ البلح ويحتوى على نسبة قليلة من الكحول واذا ترك
فترة اطول صار دكاي.
الشيرى هو نبيذ مُدَعَم وذلك باضافة كحول الاثانول للنبيذ.
يلا تعال ورينا الكجو مور دا شنو؟

سلامات يا زين
ياخ العلمية مطلعة روحى فى النوم .. المخدة تخرشا محل ما أتقلب .. أنت قايل عرقى الرز ده من هين

بمناسبة البيرة من الغلال .. قالوا بيرة الخواجات دى كلها من الذرة السودانى .. قبال كده صاحبنا عكود قريب عكودنا ده حكى نكتة .. شيخ الخلوة قال العيال يجوهو ما شاربين مريسة .. قالت ليهو أم وحد منهم (نان يطلعوا بدون فطور)

الكجومورو يا سيدى من عائلة العسلية والمريسة وبتاع الحبش داك (الكلوميد) لكن كان سألتنى من تركيبة المعمل بطلع كيت .. نحن ناس نشرب وتمشى تبول .. يعنى غسيل الكلى مضمون

[يحي عثمان عيسي]

أموت وأعرف فتحي شاف شنو في الاسكايبي يا خواجه
يا رأفت ... سكرة يني الخلت فتحي يغني ويشوف حاجات .....

[رأفت ميلاد]

نرجع لموضوعنا الأساسى عن الخمور وروعتها

ماهى العلاقة بين أمن الدولة ووزارة الشباب والرياضة

ويجب دراسة مركز الذكاء الجديد فى ظل الدولة الدينية ومقارنته بنسبة الكحول فى الكوجو مورو

دراسة:

مراجع

بوستات العلامة إبو دلامة بدرالدين الأصفهانى غفلة* الزمان الفلتكانى

*
المعذرة على أخطاء الكى بورد وتقدم حرف الفاء .. أصلو الكيبورد صينى بمكنة يابانى