اقتباس:
المشاركة الأصلية كتبت بواسطة أحمد طه
ماريل يا بت ملوك النيل ... يسعد مساك
قلتي لي جاب العيش من الكوشةgapgap
لكن خالك زاتو بالغ ... في كوشة في السودان فيها عيش 
زمان الغنم في الكوَش كانن بياكلن ورق الجرايد ... هسع جرايد في الكوشة مافي ،،
دي الإنقاذ و الأجر على الله .............
أها كمان قالو قولة الطابونة دي كعبة خلاس عندهم ،، في ليبيا ولا وين كده ما عارف
،، مع إنو الطابونة أفصح من كوشتم دي ، لكن نقول شنو
دحين يا ماريل كلمة كوشة (بتاعت العرس) مش موجودة في مصر؟؟
طيب الكوشة ست الاسم رايحة منهم مالا |
طبعا كنت عايزة اقول انو خالى ده ميسور الحال جدا جدا ربنا يزيدو لى درجة انو كوشتهم
ممكن عادى يكون فيها عيش ........
بمناسبة كوشة العروس عندى قصة ما حصل لقيت فرقة احكيها كلو كلو عليك النبى اسمح
لى احكيها هنا ما دام جات السِيرة.......
اختى الصغيرة ايام زواجا كل يوم نتذكر حاجة ناقصة العريس ناسينها تقوم تومتا تكلما
العروس تتحشر فى مضافيرنا وهى خجلانة كده تتصل على خطيبا تقول ليهو(انت نسيت الشئ الفلانى)
اها يوم المناسبة زاتا جات تومتا دى قالت ليها (الليييييييييييلة نسينا موضوع الكوشة)
العروس بى زهج وهى حاسة انها ضغطت على العريس اكتر من اللازم قالت ليها:
(ياخى كوشة فى عينك انا عايزة احضر الحفلة دى واااااااااااااقفة على حيلى)
نظام البت راتية للعريس وكده واللهى اكان شفتها هسه منشار رسمى طالعة واكلة نازلة واكلة
