جارح الإحساس .... عمل جديد

زول الله · 12-07-2013, 08:34 PM

اهداء للجميع خاصة النقاد القاعدين للسر قدور في الزرارة الاولى ديلاك

إختلستها من شاعرها بدون معرفته
وبعد دونتها عندي كلمتو وأخذت موافقته عليها
طبعا قعدت عندي فترة طويلة شديد لحدما أمس لحنتها

اسمعوها وأدونا رأيكم

كلمات الشاعر هاشم احمد خلف الله
لحن وأداء ودالشيخ "زول الله"

[media]http://www.ml0k.org/do.php?filename=137365695741.mp3[/media]

في الطريق عملين...
الأول مسروق من الاستاذ مجدي مسعد حنفي
والثاني مُختلس من الاستاذة تماضر حمزة
وبرضو لاااابد لـ حجة آمنة

اقول قولي هذا واستغفر الله لي...............

زول الله · 13-07-2013, 08:57 PM

جارح الإحساس – هاشم خلف الله

يا جارح الإحساس كفاك
اشفيني من هذا العشق
يرضيك تعذبني وتفوت
تفضحني بين كل الخلق
ما عُمري كلو وهبتو ليك
حبيت عِيونك بي صدق
سافرت في الاحلام معاك
بين الغمام وضو البرق
ضحيت عشان ريدك سنين
لكن شُراعي معاك غِرق
وإتبدد الفرح الجميل
وما كُل فرجة بتتلحق
خليني انساها الجراح
واشكيك لي سيد الخلق
وما بفتش ليك واعود
لو كان وِصالك بالغصب
والذكرى لو جات من جديد
بطويها واتحاشا الدرب
واعصر على قلبي الحنين
بي هداءوة مِنك ينسحب
انساك واتناسى العذاب
الـ عِشت فيهو بلا ذنب

محمد حسن الشيخ العالم · 14-07-2013, 10:59 AM

شخصياً استمتعت حد الطرب ..
الكلمات منتقاة بعناية واتقان ..
واللحن منسجم يقودك الى عوالم الفن الاصيل ..
اعدت الاستماع لاكثر من مرة للوقوف على حقيقة الاحساس الاول بهذا الانتاج الفني المنحدر من أعالي الرهافة.
لذا فقد اطمأن قلبي تمام الاطمئنان بأن فينا ما يزال الرائعون كثر.
وزول الله واحد منهم.

شكرا نيابة عن (الذويقة).

ود الخير · 14-07-2013, 02:50 PM

سلام زول الله
دخلك انا براى الاغنية ما ظاهرة عندي؟؟ ما بتنزل في ايفون ؟
أرجو الافادة بنوعية النظام النازلة بيه.. شكراً

زول الله · 14-07-2013, 08:06 PM

اقتباس:

المشاركة الأصلية كتبت بواسطة ود الخير

سلام زول الله
دخلك انا براى الاغنية ما ظاهرة عندي؟؟ ما بتنزل في ايفون ؟
أرجو الافادة بنوعية النظام النازلة بيه.. شكراً

والله ياودالخير ماعارف الحاصل شنو
انا زاتي ابت تفتح معاي الليلة

غايتو هاك ليها تاني يمكن تزبط

[media]http://www.sudanyat.org/vb/uploaded/1353_1373657130.mp3[/media]

يامختصين عووووووووك

اقول قولي هذا واستغفر الله لي..............

اشرف السر · 14-07-2013, 09:33 PM

اقتباس:

المشاركة الأصلية كتبت بواسطة زول الله

والله ياودالخير ماعارف الحاصل شنو
انا زاتي ابت تفتح معاي الليلة

غايتو هاك ليها تاني يمكن تزبط

[media]http://www.sudanyat.org/vb/uploaded/1353_1373657130.mp3[/media]

يامختصين عووووووووك

اقول قولي هذا واستغفر الله لي..............

سلام يا زول الله ورواد البوست
الاغنية في الاقتباس الفوق دا ظابطة وشغالة ميه الميه...
والعود يجنن

احمد سيداحمد · 14-07-2013, 09:37 PM

[rams]http://www.sudanyat.org/vb/uploaded/1353_1373657130.mp3[/rams]

خال فاطنة · 14-07-2013, 10:06 PM

شكرا يا حبوب علي العمل المتعوب عليه

بالتوفيق ان شاء الله

زول الله · 14-07-2013, 11:59 PM

اقتباس:

المشاركة الأصلية كتبت بواسطة محمد حسن الشيخ العالم

شخصياً استمتعت حد الطرب ..
الكلمات منتقاة بعناية واتقان ..
واللحن منسجم يقودك الى عوالم الفن الاصيل ..
اعدت الاستماع لاكثر من مرة للوقوف على حقيقة الاحساس الاول بهذا الانتاج الفني المنحدر من أعالي الرهافة.
لذا فقد اطمأن قلبي تمام الاطمئنان بأن فينا ما يزال الرائعون كثر.
وزول الله واحد منهم.
شكرا نيابة عن (الذويقة).

أعالي الرهافة مرة واحدة؟؟
والله يا حبيبنا بعد حد الطرب دا طوالي نشوف لينا واسطة مع ناس السرقدور

شكراً على رأيك الواضح والمطمن في الكلمات واللحن
تسلم ويسلم ذوقك

اقول قولي هذا واستغفر الله لي...............

زول الله · 15-07-2013, 12:02 AM

شكرا اسمر على الاجتهاد والمحاولة
تسلم ياذوق

اقول قولي هذا واستغفر الله لي...............

زول الله · 15-07-2013, 12:05 AM

اقتباس:

المشاركة الأصلية كتبت بواسطة اشرف السر

سلام يا زول الله ورواد البوست
الاغنية في الاقتباس الفوق دا ظابطة وشغالة ميه الميه...
والعود يجنن

ابوالشوش نشكر تعبكم وتفانيكم من اجل راحة الشعب ياخ
تسلم ياحبيبنا ولا اراكم الله مكروها في رابط لديكم

اقول قولي هذا واستغفر الله لي.............

زول الله · 15-07-2013, 12:08 AM

اقتباس:

المشاركة الأصلية كتبت بواسطة خال فاطنة

شكرا يا حبوب علي العمل المتعوب عليه
بالتوفيق ان شاء الله

خال فاطنة
شكرا انت دا ياخ
ونثمن لكم مروركم بهذا البوست
ونجيكم في السمح ان شاءالله

اقول قولي هذا واستغفر الله لي.............

الرشيد اسماعيل محمود · 19-07-2013, 12:48 AM

يا زول الله،،
غايتو ركبنا صف الناس الأبت تظهر ليهم الأغنية، صفحة بيضاء ساي، لكن بما أني واثق من مقدراتك اللحنية والأدائية، عليه أحييك علي العمل الجميل (مقدّماً).

رمضان كريم

زول الله · 19-07-2013, 03:27 PM

اقتباس:

المشاركة الأصلية كتبت بواسطة الرشيد اسماعيل محمود

يا زول الله،،
غايتو ركبنا صف الناس الأبت تظهر ليهم الأغنية، صفحة بيضاء ساي، لكن بما أني واثق من مقدراتك اللحنية والأدائية، عليه أحييك علي العمل الجميل (مقدّماً).

رمضان كريم

رشيدنا الفينا حبابك ورمضانك زي ماتحب

يازول البتاعة دي زي الفُـل
شغالة في إقتباسي للمشاركة الاولى
وشغالة في مشاركة الأخ أسمر
وشغالة في مشاركة الاخ اشرف السر

بستعمل متصفح قوقل كروم وبتشتغل براها لما افتح البوست

شكرا ياحبيب على الثقة والدعم
رأيك فيها بيهمني جداً يارشيد

اقول قولي هذا واستغفر الله لي................

علاءالدين عبدالله الاحمر · 20-07-2013, 10:55 PM

جا جميل حاحلو بس يارجل سلامات يامتطامن ومطمن باقي الناس

12-07-2013, 08:34 PM	#[1]
زول الله :: كــاتب نشــط::	جارح الإحساس .... عمل جديد اهداء للجميع خاصة النقاد القاعدين للسر قدور في الزرارة الاولى ديلاك إختلستها من شاعرها بدون معرفته وبعد دونتها عندي كلمتو وأخذت موافقته عليها طبعا قعدت عندي فترة طويلة شديد لحدما أمس لحنتها اسمعوها وأدونا رأيكم كلمات الشاعر هاشم احمد خلف الله لحن وأداء ودالشيخ "زول الله" [media]http://www.ml0k.org/do.php?filename=137365695741.mp3[/media] في الطريق عملين... الأول مسروق من الاستاذ مجدي مسعد حنفي والثاني مُختلس من الاستاذة تماضر حمزة وبرضو لاااابد لـ حجة آمنة اقول قولي هذا واستغفر الله لي............... التعديل الأخير تم بواسطة المشرف الفني ; 14-07-2013 الساعة 08:29 PM.
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

13-07-2013, 08:57 PM	#[2]
زول الله :: كــاتب نشــط::	جارح الإحساس – هاشم خلف الله يا جارح الإحساس كفاك اشفيني من هذا العشق يرضيك تعذبني وتفوت تفضحني بين كل الخلق ما عُمري كلو وهبتو ليك حبيت عِيونك بي صدق سافرت في الاحلام معاك بين الغمام وضو البرق ضحيت عشان ريدك سنين لكن شُراعي معاك غِرق وإتبدد الفرح الجميل وما كُل فرجة بتتلحق خليني انساها الجراح واشكيك لي سيد الخلق وما بفتش ليك واعود لو كان وِصالك بالغصب والذكرى لو جات من جديد بطويها واتحاشا الدرب واعصر على قلبي الحنين بي هداءوة مِنك ينسحب انساك واتناسى العذاب الـ عِشت فيهو بلا ذنب
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

14-07-2013, 10:59 AM	#[3]
محمد حسن الشيخ العالم :: كــاتب نشــط::	شخصياً استمتعت حد الطرب .. الكلمات منتقاة بعناية واتقان .. واللحن منسجم يقودك الى عوالم الفن الاصيل .. اعدت الاستماع لاكثر من مرة للوقوف على حقيقة الاحساس الاول بهذا الانتاج الفني المنحدر من أعالي الرهافة. لذا فقد اطمأن قلبي تمام الاطمئنان بأن فينا ما يزال الرائعون كثر. وزول الله واحد منهم. شكرا نيابة عن (الذويقة).
محمد حسن الشيخ العالم :: كــاتب نشــط::	التوقيع: حسِّن لحالتي .. تكُ صادقة مقالتي .. (البرعي)

14-07-2013, 02:50 PM	#[4]
ود الخير :: كــاتب نشــط::	سلام زول الله دخلك انا براى الاغنية ما ظاهرة عندي؟؟ ما بتنزل في ايفون ؟ أرجو الافادة بنوعية النظام النازلة بيه.. شكراً
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

14-07-2013, 09:37 PM	#[7]
احمد سيداحمد :: كــاتب نشــط::	[rams]http://www.sudanyat.org/vb/uploaded/1353_1373657130.mp3[/rams]
احمد سيداحمد :: كــاتب نشــط::

14-07-2013, 10:06 PM	#[8]
خال فاطنة :: كــاتب نشــط::	شكرا يا حبوب علي العمل المتعوب عليه بالتوفيق ان شاء الله
خال فاطنة :: كــاتب نشــط::

15-07-2013, 12:02 AM	#[10]
زول الله :: كــاتب نشــط::	شكرا اسمر على الاجتهاد والمحاولة تسلم ياذوق اقول قولي هذا واستغفر الله لي...............
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

19-07-2013, 12:48 AM	#[13]
الرشيد اسماعيل محمود :: كــاتب نشــط::	يا زول الله،، غايتو ركبنا صف الناس الأبت تظهر ليهم الأغنية، صفحة بيضاء ساي، لكن بما أني واثق من مقدراتك اللحنية والأدائية، عليه أحييك علي العمل الجميل (مقدّماً). رمضان كريم
الرشيد اسماعيل محمود :: كــاتب نشــط::

20-07-2013, 10:55 PM	#[15]
علاءالدين عبدالله الاحمر :: كــاتب نشــط::	جا جميل حاحلو بس يارجل سلامات يامتطامن ومطمن باقي الناس
علاءالدين عبدالله الاحمر :: كــاتب نشــط::	التوقيع: هل لي غير هذا الوجه لأعرف وجهك من جديد وطنا تقاسمه الحنين غاب في ابد الرحال ولم يعد لنا وطنا جديد