خضوع اليساريات بالقول .. وغلظة اليساريين ، في حوارات الاسفير

[لنا جعفر]

أنا دي بطلبك ياماجد تاج....
انا عندي امتحانات والموضوع ده ما نال اهتمامه الكافي بعد
وماتابعته للسبب ده...لكن انا هنا حالياً
الموضوع وزي الناس ماهي ملاحظة ماخاضع لي انكار
وتملص وانكار ومراوغات....
انت رميت تهمة خضوع بالقول لليساريات والخضوع بالقول دي احدى احتمالاتو
اقتباس:

{ فلا تخضعن بالقول} في موضع جزم بالنهي، إلا أنه مبني كما بني الماضي، هذا مذهب سيبويه، أي لا تلن القول. أمرهن الله أن يكون قولهن جزلا وكلامهن فصلا، ولا يكون على وجه يظهر في القلب علاقة بما يظهر عليه من اللين، كما كانت الحال عليه في نساء العرب من مكالمة الرجال بترخيم الصوت ولينه، مثل كلام المريبات والمومسات. فنهاهن عن مثل هذا.

قلت ح تجيب مقتبسات وماحصلش وهسي دي دعوة للأتيان بمقتبساتك
قلت حسب اللائحة وده معناهو الموضوع خاص بسودانيات
في سودانيات الخضوع بيتطلب طرفين...
توريني العضو او الاعضاء الانا خضعت ليهم ديل منو وبالاسم
وتجيب مقتبس ياحكمدار
او تقول لنا ماخضعت وكنت قاصد اكس عشان نعيد ترتيب الاولويات
لانه انا يسارية وانت جاري وراي من بوست لبوست تشتم وتغيظ حسب اعترافك
وتطارد وتعرقل وعندك منطق عداوة معاي والكلام لابسني
ولاحظتو ووقع في روع كثيرين
يبقى ياتقول انت قاصدني او ماقاصدني عشان انا كمان
اعيد انتشاري ياكوماندا.....ويساريات دي تورينا قاصد بيها منو
في سودانيات عداواتك محددة ومعروفة مع منو...
في ردك على حسين في بوست خضوع اليساريات
قلت انت عملت البوست عشان تفهم غضب الايائل
يبقى انت قاصدنا وعارفنا وفارزنا وعانينا
وكل الناس فاهمة فهمي ده زاتو ....يبقى انت بتنكر في شنو؟؟؟
لمن تم ضغطك في بوستك العاجبني قلت ح اجيب لي لنا جعفر نص
وماعارفة علاقة نص لي لنا جعفر شنو بفكرة خضوع وايحاءات غير كريمة
كلمة يساريات بتحتملني وانت قايلها كما يعلم الجميع عشان ماتقول شيوعيات
تطلعي لي خضوعي بالقول وين....
الشي التاني ماتحاول تلغي عقول الناس وتدخل الجموع الحاشدة
في سجالات أو زي ماقال حسين اول البيضة ولا الجدادة
المهم شديد يا سيد انه ده كلام سمعة وسيرة وبيوت واهالي
وطالما انت خضتو حقو تصل لنهاياتو لانه فيهو عوائل ياسيد...
وفيهو مصائر.....
في معضلة تانية حاول تحلها....
انت كيف بتحمي دينك عن طريق رمي النساء بفاحش القول؟؟؟
الما بتقدر اصلا تثبتو؟؟؟؟
الدين ده انتو معتقدو نضيف؟؟؟طيب حارب ليهو بطرق تشبهو..
وسؤال أخير ليه في سودانيات دي ما بتشتم الزملاء الأجلاء؟؟؟
ليه مابترميهم بتهم اخلاقية وهم شركاي في الخضوع؟؟؟؟ لانهم قبلو خضوعي
على الأقل ياكوماندا....
فكرتك شنو في التمييز ده؟؟؟؟؟
وليه الناس ماكانت بتنتبه لمن كنت بقول ماجد بيترصدني وبيطاردني؟؟
اقرب بوست قلت فيهو انا الكلام ده كان بوست اللائحة الفتحو
المبجل حسين......
طبعا انت ممكن ماترد بس الاسئلة موجهة لفطنة القارئ
ولو رديت بترد كعوائدك بشكل انتقائي
حاول مرة تجاوب
والكلام ده كبييير وكتيييير
وسواء انت مشيت او كنت موجود انا حقي بيصلني وحق اسرتي معاهو