اقتباس:
|
نجبجب مع ندى على خشبة المسرح وعازمنك
|
في مهرجان سودانيز جبجبنا وحتيناه لامن الله غفر لينا كل ناس البورد
الظلامي والمستنير... بدون ما يكشونا...
اسمع الله واحد مافي زول مرق من الفنانين ديل عشان قبضوه عذبو
كلهم مرقو لاسباب تخصهم
الناس دي قرينا معاهم وفي جزء ما كان عارف رئيس الاتحاد طالب
لا بشاركوا في الانتخابات ولا عندهم نشاط سياسي
مرقوا لاسباب كثيرة الا سياسية
وجزء شالوهم فائض عمالة لما سرحو مصلحة الثقافة..
يعني هجرة لاسباب اقتصادية..
علما ان التمكين سياسة منحطة سافلة مارستها الانقاذ...
لكن عشان الشريعة ومنعت الغنا دا ما شوفناه
انا حضرت حفلة لمصطفى سيد احمد في الشارقة هم وعقد الجلاد
نظمتو حصاد في بداية التسعينات
وفي تأبين ابو ذكرى غنى مصطفى سيد
في بداية التسعينات ايام السنون جداد
وحداد...
ومهجران الخرطوم للموسيقى اول التسعينات
ابو عركي حضرت ليه كم حفلة
وكان في هلتون طوالي عندهم فنان اذكر صاحبي محمد مجذوب كان بغني هناك
دا كلو قبل اطلع من السودان سنة
1993
اسع كمية من ناس اروكسترا الاذاعة والتلفزوين قاعدين
والفرق بالكوم ناس كواتو والجلاد والصحوة ونمارق..
وانا هنا باكد انه الانقاذ حكومة فاشية وبطالة للدرجة البعيدة
وما عندها شغلة بالشريعة الاسلامية.. البتكلم عنها الموصلي
