الاخ العزيز الزول .... تحياتي ...
اليومين ديه أنا بحاول أعمل إحصائية بعدد الفنانين والفنانات في السودان ..؟؟
وذلك بمتابعه البرامج التلفزيونية في كل القنوات السودانية ... الحكومية ... والاهلية ... والخاصة .... عينك ما تشوف الا النور ... يازوووووووووول ؟؟
أكتشفت أن لدينا قطاع كبير جدا بالالوف المؤلفة ممن يحملون المايكات ...
كل يوم وجه جديد ... وإسم جديد ...بالذات الشباب الظهرو أخيرا ...
القنوات الفضائية فتحت الباب على مصراعيه ... الناس ديل وظائفهم جاهزة ...
ما بيمروا بي لجنة الاختيار ولا أي معاينه .. من البيت الى المايك ثم الى الفضائية ...
مكياج آخر تقليعه... شعر مصبوغ ... مافيهم واحد أغبش ...
سبحان الله حتى جلابيتنا السودانية المميزة باللون الابيض الناصع تحولت الى جلابيه فيها من الرسوم والنقوش مالا يستطيع أن يرتديه جدودنا زمان .... (وصونا على الوطن) ... الله يرحمك يا خلف الله حمد (الكان داكا) ...وحسن عطية وخضر بشير وميرغني المأمون وأحمد حسن جمعه ... مصطفي سيد أحمد , نحن الآن نسعى لجعل فنان أو فنانة لكل ألف مواطن ... وماله ... مش في جيتارات وإيقاع وساوند سيستم ...وفضائيات كتيرة ... واحد بيغني .. صوته زي البرميل الفاضي المدحرج في حصحاص وقدام البرميل طشت غسيل .
.. بيصرّج تصريجه .....
|
