الديوووان

[منال]

المشاركة الأصلية كتبت بواسطة محمد أبوعاقلة

بمناسبة شجن وذكريات دي ... وبت الجيران (الابوها لبناني وامها سودانية)
لم كنت في بداية ايام المراهقة ... كنا بنقرا ميكي جيب وميكي ماوس والشياطين التلطاشر والمغامرون الخمسة ... ناس احمد ولوزة تتذكريهم ولا اللخت بتاعت خلاوي وكتّاب ... المهم كنا بنحشر الجواب في النص .. ومرة مرة كدا بفوق الحيطة بنتبادل التهاني والابرة الوقعت مني واقول ليها فتشيها لي مع اني ما رميت اي ابرة والله ايام يا زمان ...
وبعدين ما تفقدي المنطق سريع لم نقول ليك اخدي راحتك ...

انت من زمن ده ميكى جيب ياود امى ...... الكتاب (شكله)ا شنو كمان المصيبة اتفحنا على الفضائيات سبيس تون نخليها لمنو و الونسة موبايل بعد الساعة اتناشر بلوشى كمان .... عشان التهانى و الونسة الدقائق و محلات النت كتيييييرة شنو الابرة و الوقعت منك ياخى.... لكن لقيت شماراتك من المراقهة بالكوم وانا اقول اضنينك ليه كبيرة كدى:D

[أشتر]

المشاركة الأصلية كتبت بواسطة منال

انت من زمن ده ميكى جيب ياود امى ...... الكتاب (شكله)ا شنو كمان المصيبة اتفحنا على الفضائيات سبيس تون نخليها لمنو و الونسة موبايل بعد الساعة اتناشر بلوشى كمان .... عشان التهانى و الونسة الدقائق و محلات النت كتيييييرة شنو الابرة و الوقعت منك ياخى.... لكن لقيت شماراتك من المراقهة بالكوم وانا اقول اضنينك ليه كبيرة كدى:D

يعني هسي ما لقيتي حاجة الا الاضنين الكبار ديل تنبزيني بيا ... مع اني بقرا اكتر مما اسمع ... وبسمع اكتر مما ألبع ،،، وللجروح قصاص
آخر واحد يفكر في الشمارات ... والبهارات ... وايام الله التّامات ... يتمو ليك السمح يا بت امي

[فيصل سعد]

المشاركة الأصلية كتبت بواسطة محمد أبوعاقلة

يعني هسي ما لقيتي حاجة الا الاضنين الكبار ديل تنبزيني بيا ... مع اني بقرا اكتر مما اسمع ... وبسمع اكتر مما ألبع ،،، وللجروح قصاص
آخر واحد يفكر في الشمارات ... والبهارات ... وايام الله التّامات ... يتمو ليك السمح يا بت امي

و برضو دايرني اعلمك يا ود عمك انا مفروض اسجل عندك درس عصر و كدة قال اكبر مني ، مش العشرة سنين دي فروقات زمن و انتظار ترانزيت و شرشحات سودانير بتجيب الفرق تب

[أشتر]

المشاركة الأصلية كتبت بواسطة فيصل سعد

و برضو دايرني اعلمك يا ود عمك انا مفروض اسجل عندك درس عصر و كدة قال اكبر مني ، مش العشرة سنين دي فروقات زمن و انتظار ترانزيت و شرشحات سودانير بتجيب الفرق تب

للزمن داك يكون درس العصر فاتك ... وتبقى في الطريقة البتحلك من من آثار الزمن ... من رجفة وكبكبة ونقة ... وعدم كنترول ... وتقعد تربرب سااااااي ...
الله يحضّرنا زمنك يا ودسعد ...خرفك بكون شييييين

[فيصل سعد]

المشاركة الأصلية كتبت بواسطة محمد أبوعاقلة

للزمن داك يكون درس العصر فاتك ... وتبقى في الطريقة البتحلك من من آثار الزمن ... من رجفة وكبكبة ونقة ... وعدم كنترول ...

هو يا حبوب سموه درس عصر عشان تلحق الفاتك مش عشان تفوت البلحقك يا قريب الفحل يا انت

وتقعد تربرب سااااااي ...
الله يحضّرنا زمنك يا ودسعد ...خرفك بكون شييييين

ليه ، قايلني ود الحاج و لا ود الطاهر و لا ود الكامل و لا ود العالم يا ود ابو عاقلة يا مجنتر يا كشو

[فيصل سعد]

اقارنك بنجوم الليل
و البدر الظهر في النيل
و البر ارجى البعقبه السيل
القاك احلى من كل ديل

و عشمتيني انا في حبك ليه
ما دام ناوية تجني عليه ،،،

رحم الله الخال محمد احمد عوض
ملك الاغنية الشعبية و صوتها النادر.

و الاغنية مهداه لبابكر مخير و الديوان عموم...

[align=center][rams]http://sudaniyat.net/up/uploading/Ashmteeni.ram[/rams][/align]

[فتحي مسعد حنفي]

المشاركة الأصلية كتبت بواسطة محمد أبوعاقلة

بمناسبة شجن وذكريات دي ... وبت الجيران (الابوها لبناني وامها سودانية)
لم كنت في بداية ايام المراهقة ... كنا بنقرا ميكي جيب وميكي ماوس والشياطين التلطاشر والمغامرون الخمسة ... ناس احمد ولوزة تتذكريهم ولا اللخت بتاعت خلاوي وكتّاب ... المهم كنا بنحشر الجواب في النص .. ومرة مرة كدا بفوق الحيطة بنتبادل التهاني والابرة الوقعت مني واقول ليها فتشيها لي مع اني ما رميت اي ابرة والله ايام يا زمان ...
وبعدين ما تفقدي المنطق سريع لم نقول ليك اخدي راحتك ...

طيب يا وليدي يا محمد كان دي فترة المراهقة زمنكم أمال الطفولة كيف::
وكنتوا برضو بتشتروا حلاوة ولا في زمنكم بقت مافي وللا رأيك شنو يافيصل في كلام صاحبك دا غايتو انت أكيد كملت حلاوة الدكاكين كلها
أها وكنتو بتحبوا بنات المدارس في ياتو فترة يابو عاقلة وسهر الليالي مع صورة فلانة وانتظار جرس الحصة الأخيرة في مدرسة البنات ...الحاجات دي ما كانت في فترتكم يازول انتو اتنشلتوا عديل

[منال]

برضو كانو بكيسو بنات الابتدائى و بنات العام لكن هسه ياعمو الحب يبدأ من الروضة و الهدايا ما تديك الدرب و الونسة الدقاق واععياد الميلاد و الحفلات و اظنك شفته الحدائق المفتوحة فى الخرطوم اسمها (حبيبى مفلس) قعاد نجيلة يعنى بعد داك الزواج ح يبدا من تمهيدى جيل عولمة وكدا

[فتحي مسعد حنفي]

المشاركة الأصلية كتبت بواسطة منال

برضو كانو بكيسو بنات الابتدائى و بنات العام لكن هسه ياعمو الحب يبدأ من الروضة و الهدايا ما تديك الدرب و الونسة الدقاق واععياد الميلاد و الحفلات و اظنك شفته الحدائق المفتوحة فى الخرطوم اسمها (حبيبى مفلس) قعاد نجيلة يعنى بعد داك الزواج ح يبدا من تمهيدى جيل عولمة وكدا

يابتي انتي لسة بريئة ما زي الشماشة ديل وما بتفهمي كلامهم بيكتبوا حاجة وهم قاصدين حاجة تانية فاهمنها براهم ناس عوض حلاوة ديل وانا لو منك آخد لي جنب وأعمل ساتر عشان بعد شوية الشظايا حتملا البوست.غايتو فيصل لسة فيهو من صفات الزمن الذهبي يعني بيشطح وتاني بيرجع للصواب وطبعا ود ابو عاقلة النافعو انو متربي في بيت كويس واهلو ربوهو كويس والا كان قام طقع من زمان.
غايتو انا حذرتك ومرقتك من المعركة لانهم الاتنين حينسوك ويقبلوا علي انا ودي فرصة عشان تنفدي بي جلدك..

[فيصل سعد]

المشاركة الأصلية كتبت بواسطة فتحي مسعد حنفي

1. يابتي انتي لسة بريئة ما زي الشماشة ديل
2. وما بتفهمي كلامهم بيكتبوا حاجة وهم قاصدين حاجة تانية فاهمنها براهم.
3. غايتو فيصل لسة فيهو من صفات الزمن الذهبي يعني بيشطح وتاني بيرجع للصواب.
4. وللا رأيك شنو يافيصل في كلام صاحبك دا غايتو انت أكيد كملت حلاوة الدكاكين كلها .
5. غايتو انا حذرتك ومرقتك من المعركة لانهم الاتنين حينسوك ويقبلوا علي انا ودي فرصة عشان تنفدي بي جلدك.

يا خواجة انت رصيت كلامك الفوق دا و اتفسحت فينا تمام يا معلم ، و حالتك لابد بتمباكنا ، و متبرك بشيخ الامين ، و حياة الخوة انت يا بقيت تحنن يا بقيت تجنن يا بتاع ال 360 درجة انت

[أشتر]

المشاركة الأصلية كتبت بواسطة فيصل سعد

ليه ، قايلني ود الحاج و لا ود الطاهر و لا ود الكامل و لا ود العالم يا ود ابو عاقلة يا مجنتر يا كشو

ود الحاج ... عيبو لي ... البرمبوفيني ما خلّ فيو شي نقولو ...
ود الطاهر ... عيبو لي ... باشمهترش وعلى وشك تفك منو لو !!!!!
ود الكامل ... عيبو لي ... الكامل في الرياضيات
ود العالم... عيبو لي ... البدخل بى الواو اليمين دا ولا واحد تاني
ود ابو عاقلة يا مجنتر يا كشو ... عارف .. بعد شوية ح يكون عندي تأثير سلبي ربما ينعكس على حياتي الخاصة بكترة ورود هذه الالفاظ وقد تتسبب بالفعل في حدوث كارثة لا يعلمها إلا التيجاني الماحي لو كان حي

[أشتر]

المشاركة الأصلية كتبت بواسطة فتحي مسعد حنفي

وكنتوا برضو بتشتروا حلاوة ولا في زمنكم بقت مافي

هههههههههههه الوكت داك (العشرة جنية) كانت بتجيب ليك حلاوة انت واصحابك واولاد الحلة كلهم !!!
هسي العشرة جنية كانت ضربتها في عشرة برضو ما بتعمل حاجة

المشاركة الأصلية كتبت بواسطة فتحي مسعد حنفي

أها وكنتو بتحبوا بنات المدارس في ياتو فترة يابو عاقلة وسهر الليالي مع صورة فلانة وانتظار جرس الحصة الأخيرة في مدرسة البنات ...الحاجات دي ما كانت في فترتكم يازول انتو اتنشلتوا عديل

لكن ما تقول لي ... طلعت رومانسي شديد ... رومانسية الحر ديك والشمش فوق راسنا ... صحي كنا مغشوشين وضاربانا فلسة فكرية ... لكن كان لازم نعمل كدا ... عشان كدا !!!

[فيصل سعد]

المشاركة الأصلية كتبت بواسطة محمد أبوعاقلة

ود ابو عاقلة يا مجنتر يا كشو ... عارف .. بعد شوية ح يكون عندي تأثير سلبي ربما ينعكس على حياتي الخاصة بكترة ورود هذه الالفاظ وقد تتسبب بالفعل في حدوث كارثة لا يعلمها إلا التيجاني الماحي لو كان حي

الله يرحمه و يرحمنا جميعا ، لكن يا سيرفر ما وريتنا اسياد البوست ديل وين فزوا ؟؟

[فتحي مسعد حنفي]

المشاركة الأصلية كتبت بواسطة فيصل سعد

الله يرحمه و يرحمنا جميعا ، لكن يا سيرفر ما وريتنا اسياد البوست ديل وين فزوا ؟؟

سؤال غريب بس ممكن يكن منطقي سؤالك عن أهل البيت لكن برضوا انت وود ابو عاقلة تطفشوا قبيلة بني عبس من ديارها

[فيصل سعد]

المشاركة الأصلية كتبت بواسطة فتحي مسعد حنفي

سؤال غريب بس ممكن يكن منطقي سؤالك عن أهل البيت لكن برضوا انت وود ابو عاقلة تطفشوا قبيلة بني عبس من ديارها

عشان كدة شايفك مشيت سجلت بهناك يا خواجة يا دبل-ايجنت بدعوى التواصل مع فردك الجوز البكاي و المقدس ، شايف ريدتنا ليك وصلت وين حتى في السايبر العريض سآلين منك و ما ناسيينك و ناسيين عشرتك و معزتك رغم انك مبهدلنا و باهتنا و شايل حسنا