سبحان مغير الأحوال ياود العمدة

[محمد حسن العمدة]

الحبيب فتحي

سلام والله اشكرك فقد كفيتني الكلام الكتير الكان ممكن اقولو وما لاقي ليهو وقت

المهم بهمني جدا ارد علي كلام نبيل لاني حسيت انو البوست بتاعو منحاز للشخصنة والتار والشماتة وطبعا دي حاجات في قاموسي مافي وما كنت ابدا اتوقعها .. لانو اي انسان خياراتو ما ابدية وبالغريب انو ده مفروض اي ماركسي يؤمن بالحاجة دي .. طيب .. ده لو كان صحيح زعم نبيل انو عادل كان خيار لي او بتناول مواضيعو باعتبارها امر مقدس وده فهم غريب و ما من الحقيقة في شي .. لو بسمح المجال نعيد وبدون زعل مقالات اغتيال الشخصية ممكن نجيبا تاني ونقول راينا الكتبناه زمان .. لكن متاكد ( الحنبكة ) ح تقع تاني من جديد ...

كل ما في الموضوع انو طرحنا كتابات عادل باعتباره كان جزء من الحزب الشيوعي وعاش التجرية اضافة الى كده فيها استشهاد بقيادات للحزب الشيوعي مثل التجاني الطيب وغيرو .. كل ما حدث هو طلبنا من الزملاء تفنيد واثبات عكس ما قيل في المقالات دي جريمة دي ؟؟

يعني لو هم اهتموا بنقد المقالات واثبات انها كاذبة وغير حقيقية كان افضل من اتهام ود العمدة بالكوزنة ..
عموما ما يكتبه عادل في السايبر وما يكتبه اي انسان في هذا العالم بيكون موضع اخد ورفض من الجميع فقط مطلوب التعامل بحرية واحترام للاخر

انا عاوز اعرف التناقض وين في ده يا نبيل ؟؟

يعني مثلا لامن استشهد براي سلاطين باشا في رايو في السودانيين باعتبارهم عبيد حسب ما جاء في كتاب الرق للاستاذ محمد ابراهيم نقد هل ده بيعني اني انا بعترف بسلاطين او اقول بصدق سلاطين ؟؟!!

لامن استشهد بكلام الترابي في عمر البشير وانو عمر البشير ده زول طيره ساي و دكتاتور ولامن استشهد بكلام على الحاج وكلامو عن طريق الانقاذ الغربي وخليها مستورة ولامن اجيب نضمو في بيوت الاشباح واعترافو بيها هل ده بيعني اني بقيت مؤتمر شعبي ولا مع الترابي ؟؟!!

اذا كان ده تناقض يبقى كلنا متناقضين ولا شنو يا نبيل ؟

نبيل حاول تبعد عن النفسية الدوغمائية دي وح تشوف العالم بشكل تاني

في الوان كتيرة يا نبيل غير اللون الاحمر البخلي الثيران تتهيج في حلبة المصارعة
واللي بيغذي النفس بعدائية تجاه الجميع

وليبقى ما بيننا


مودتي

[محمد حسن العمدة]

فلماذا نريد من ود العمدة اعلان رفضه لسياسة حزبه علناوهو حتي الآن لم يعلق علي قرار الحزب بالانضمام لشركاء الحكم..

عزيزي فتحي

تعرف رغم اني بشغل امين عام ( منتخب لفرعية منطقتي لحزب الامة لكن لحدي الان ما عندي علم بقرار حزب الامة الانضمام لشركاء الحكم !!!

فيا ريت تجيب لي القرار ده عشن نبني راي من ضوء

مودتي

[فتحي مسعد حنفي]

المشاركة الأصلية كتبت بواسطة محمد حسن العمدة

عزيزي فتحي

تعرف رغم اني بشغل امين عام ( منتخب لفرعية منطقتي لحزب الامة لكن لحدي الان ما عندي علم بقرار حزب الامة الانضمام لشركاء الحكم !!!

فيا ريت تجيب لي القرار ده عشن نبني راي من ضوء

مودتي

والله انا بصراحة الكلام دا سمعتو هنا في المنتدي وما شكيت فيهو لأني ما مستبعد دا يحصل علي الرغم من كلام الصادق القالو منذ مدة بسيطة ان حزبه لن يشارك في الحكم لأي سبب من الأسباب...
بعدين في حقيقة عايز اوضحها ياود العمدة أنا راجل حقاني بقيف مع الحق حتي لو كان الحق ينصف عدوي وانا شيوعي سابق ورغم خلافي مع الحزب الشيوعي الا أني لا أقبل أي شيئ يسيئ له وفي نظري حتي اليوم ان الحزب الشيوعي هو أنظف حزب سياسي في السودان واكثرهم فهما لمعاناة الشعب السوداني ويعمل لتخليص الشعب من تلك المعاناة بالوسائل المتاحة له وتتفق مع مبادئ الحزب.
لكن هذا لا يمنع ان يكون هناك بعض من أعضاء الحزب للأسف يخرجون عن اللوائح التي يحرص الحزب علي المحافظة عليها عند التعامل مع غير الأعضاء وهم بذلك يعكسون صورة سيئة وغير حقيقية عن الحزب وأخلاقيات أعضائه وليس هناك أدري من الشخص الذي عاش داخل اروقة الحزب الداخلية ويستطيع تفسيرها بشكل واقعي وحقيقي لا تزييف فيه ....

نبيل حاول تبعد عن النفسية الدوغمائية دي وح تشوف العالم بشكل تاني
في الوان كتيرة يا نبيل غير اللون الاحمر البخلي الثيران تتهيج في حلبة المصارعة
واللي بيغذي النفس بعدائية تجاه الجميع

دا كلام ما يصح تقولو وأقصد هنا بالتحديد اتهام الحزب بالعدائية تجاه الجميع فانت قد تكلمت بموضوعية بغض النظر عن صحة او خطأ ما تقوله ولم يكن هناك داعي لتحويل خلافك في الرأي مع زيد أو عبيد لأداة لمهاجمة الحزب فالحزب ليس مسئولا عن ما يقوله نبيل أو عادل أو الجيلي ولا حتي أحمد سليمان البقي شيخ بعد آن كان رمزا للنضال ومثالا لصلابة الشيوعي الذي باع عمره من أجل بقاء الحزب في طليعة الأحزاب التي تعمل علي اعلاء كلمة الحق جنبا الي جنب مع كل مواطن شريف يضع مصلحة الوطن كهدف أساسي أمام عينيه..
ياود العمدة الحزب الشيوعي ليس العدو وهذا الكلام موجه أيضا لنبيل حزب الامة ليس هو العدو والعدو باين وقاعد فوق نفسنا فبالله وفروا كلامكم دا لي بعدين لما نخلص من الغول الأساسي..

[محمد حسن العمدة]

والله انا بصراحة الكلام دا سمعتو هنا في المنتدي

ياود العمدة الحزب الشيوعي ليس العدو وهذا الكلام موجه أيضا لنبيل حزب الامة ليس هو العدو والعدو باين وقاعد فوق نفسنا فبالله وفروا كلامكم دا لي بعدين لما نخلص من الغول الأساسي..

حبيبنا عم فتحي

تعرف انا كنت مفتكر زيك كده انو لا عداوة بين الحزب الشيوعي وحزب الامة على المستوى السياسي
الكلام ده كان زمان .. لكن كل يوم بثبت لي انو في عداء غريب من الحزب الشيوعي تجاه حزب الامة تحديدا وعندك خير دليل الاشاعة الانت سمعتها هنا والبتتكرر بشكل مختلف ومتشابه برضو - في الكثير من المنابر
واكثر وبسفور في سودانيز اون لاين الان امشي بهناك وشوف الحاصل شنو
يعني حزب الامة بيصدر البيانات ولا يمل الامين العام ورئيس الحزب من تكرار الحديث عن عدم مشاركة الحزب في النظام رغم ذلك تجد الحملة ضد الحزب في قمتها !! موش شي يحير ؟؟

بعدين البحير اكتر انو الحزب الشيوعي نفسو مشارك في الحكومة وبرضو يقول حزب الامة عاوز يشارك !! طيب موش لامن نشارك ونقيف في صف واحد الاول ؟؟

بعدين وقت هي المشاركة دي عيب كده ليه الناس بتشارك وترفضا لغيرها ؟؟
لا تنهي عن خلق وتاتي بمثله عار عليك اذا فعلت عظيم

وتامرون الناس بالبر وتنسون انفسكم !!!


عموما ح انتظر توضيح من نبيل عن سبب البوست ده

وبرضو بنفس هااااااااااديي

وفي النهاية ليس هنالك حزب او فرد فوق النقد

[فتحي مسعد حنفي]

عموما ح انتظر توضيح من نبيل عن سبب البوست ده
وبرضو بنفس هااااااااااديي
وفي النهاية ليس هنالك حزب او فرد فوق النقد


عين العقل وأنا بجانب من علي حق

[نبيل عبد الرحيم]

إقتباس من العمدة

المهم بهمني جدا ارد علي كلام نبيل لاني حسيت انو البوست بتاعو منحاز للشخصنة والتار والشماتة وطبعا دي حاجات في قاموسي مافي وما كنت ابدا اتوقعها .. لانو اي انسان خياراتو ما ابدية وبالغريب انو ده مفروض اي ماركسي يؤمن بالحاجة دي .. طيب .. ده لو كان صحيح زعم نبيل انو عادل كان خيار لي او بتناول مواضيعو باعتبارها امر مقدس وده فهم غريب و ما من الحقيقة في شي .. لو بسمح المجال نعيد وبدون زعل مقالات اغتيال الشخصية ممكن نجيبا تاني ونقول راينا الكتبناه زمان .. لكن متاكد ( الحنبكة ) ح تقع تاني من جديد ...

يا عمدة أنت أكثر واحد مفروض أن يوجة لة مقال إغتيال الشخصية الذى تمارسة .
على العموم هى حاجة أكثر من شماتة حتى لا تقتيس شئ وتنقله بشكل حرفى وتردده قبل أن تقرأ فيه ما بين السطور.وأنت فعلا كنت تعتبر عادل مثل أعلى يقتدى , به ولا كان عاجبك كلامه فى الأول ولكن بعد أن وصل بينكم الخلاف لحد التنابز عندما قال كلام لم يعجبك فى الصادق ولك مطلق الحرية فى إعادة مقالك عن إغتيال الشخصية بدون ماتهدد لأنة سوف يكون فارغ من محتواه بعد خلافك مع صاحب البوست عادل عبد العاطى .
إقتباس من العمدة

نبيل حاول تبعد عن النفسية الدوغمائية دي وح تشوف العالم بشكل تاني
في الوان كتيرة يا نبيل غير اللون الاحمر البخلي الثيران تتهيج في حلبة المصارعة
واللي بيغذي النفس بعدائية تجاه الجميع

ليس فقط الثيران هى من تخاف من اللون الأحمر
هذى النصيحة يجب أن توجها لنفسك وتعترف أن لحزب الأمة أخطاء مثل باقى الأحزاب وأظن تتفق معى أنه مفيش ملائكة تسكن الأرض.

[نبيل عبد الرحيم]

إقتباس من العمدة

تعرف انا كنت مفتكر زيك كده انو لا عداوة بين الحزب الشيوعي وحزب الامة على المستوى السياسي
الكلام ده كان زمان .. لكن كل يوم بثبت لي انو في عداء غريب من الحزب الشيوعي تجاه حزب الامة تحديدا وعندك خير دليل الاشاعة الانت سمعتها هنا والبتتكرر بشكل مختلف ومتشابه برضو - في الكثير من المنابر

عارف ياود العمدة العداوة دى موجودة فى داخلك فقط أنا أعرف كثيرين من حزب الأمة نرتبط معهم بعلاقات جيدة لم نرى منهم أى شئ يسئ للحزب الشيوعى وفى نفس الوقت نحترمهم لأننا جميعا فى خندق واحد و معارضين.
بالعكس لا شئ يعكر صفو هذى العلاقة غير مقالاتك التى توزعها فى المنابر و التى تستفز به الأخريين وترجع تشتكى فى الأخر. أنت من يبدأ بالهجوم أولا إذا ماذا كنت تتوقع هل المدح؟ وأنى متأكد أن قيادات حزب الأمة لا توافق على مقالاتك التى تعود بالسلب عليهم وتسئ لحزب الأمة .
أنا من ناحيتى أحترم حزب الأمة بما له من سلبيات وإيجابيات ولا ننسى تأمر الصادق مع نسيبه الترابى بعد أن قاموا بطرد الحزب الشيوعى من البرلمان وعندما أنصف القضاء الحزب الشيوعى وأعادة ولكن السيد الصادق ( رئيس الوزراء ) قال أن الحكومة غير ملزمة بأن تأخذ بالحكم القضائى وأزاء ذلك قدم مولانا بابكر عوض الله رئيس القضاء إستقالتة .
ولكن ظلت العلاقة بين الحزبين على مايرام ومن التهم التى وجها النميرى للمرحوم عبد الخالق معارضتة لضرب الجزيرة أبا وسبق أن نفى الصادق ونقد سويا لمصر.
لك المودة .

[نبيل عبد الرحيم]

إقتباس من فتحى مسعد

عموما ح انتظر توضيح من نبيل عن سبب البوست ده
وبرضو بنفس هااااااااااديي

الأخ العزيز فتحى
سبب البوست كما ذكرت قى مداخلة سابقة هو التناقض والإستغراب بما يكتبه العمدة بعد أن كان ود العمدة يعتبر عادل مثل أعلى ويقتبس مقالاتة كاملة ويصمها ويحفظها جيدا ويوزعها فى المنابر .
والكره الغريب والمقيت الذى يكنه العمدة للشيوعيين حتى أن الكيزان لا يكرهون الشيوعيين بمثل ما يكرهنا العمدة .
والأغرب أن علاقة حزب الأمة مع الشيوعيين جيدة ولكن مقالات العمدة هى من تزكى هذا الخلاف .
أن العمدة كتبت مقالات سابقه أساءة للمرحوم عبد الخالق حتى أنه شكك فى إعدام عبد الخالق وكتب قبل ذلك كلام أعتبرتة إساءة فى زمة الأستاذة فاطمة أحمد إبراهيم التى يشهد لها أعدائها قبل أصدقائها بالسلوك النظيف وعفة الذمة.
أنا ما عندى من الوقت بمثل ما يمتلك العمدة حتى أقوم بأقتباس مقالاتة السابقة التى لا شئ فيها غير إقتباس مقالات عادل عبد العاطى .وسوف أعود له .
لك المودة أخى فتحى

إقتباس من العمدة

بعدين البحير اكتر انو الحزب الشيوعي نفسو مشارك في الحكومة وبرضو يقول حزب الامة عاوز يشارك !! طيب موش لامن نشارك ونقيف في صف واحد الاول ؟؟

بعدين وقت هي المشاركة دي عيب كده ليه الناس بتشارك وترفضا لغيرها ؟؟
لا تنهي عن خلق وتاتي بمثله عار عليك اذا فعلت عظيم

وتامرون الناس بالبر وتنسون انفسكم

!!!

توضيح للعمدة الحزب الشيوعى ليس مشارك فى الحكومة بل أنه فى البرلمان يمثل المعارضه بناء على توصيات إتفاق نيفاشا كيف فاتت عليك .
لكن نفهم من كلامك أنك موافق على مشاركة حزب الأمة فى التضبيع المشاركة أى كانت الأسماء.

[omrashid]

لاول مره ادخل في هذا البوست--لا احب عموما المشاحنات --
ولكن وليس انحيازا للاخ نبيل --بس يا ود العمده انت دائما بتفتح بوستات تسئ فيها الي الحزب وهذا خطا يعني الموضوعيه في الحديث عن الاحزاب مهمه--واستغرب لمن تستشهد باشخاص كانوا في الحزب وهذا الخطا الثاني الذي كثيرا ما تقع فيه --فهل من المناسب سؤال او الاستشهاد بي راي مبارك الفاضل في حزب الامه مثلا --اي حزب له ادبياته ومواقفه ومن هناك يجب تقييم المواقف ولا شنو

مع خالص الشكر

[بابكر مخير]

سلام هووووووووووووي
دخلت وقريت
ما فهمت إلا حاجة واحدة
تغليف وتعرض لي حزب الامة في شكل ود العمدة
ود العمدة ليهو أسلوب بيجيب الهوا على الحزب وياريت يخف منو
لكن ما حقو الناس تتلفا من ورا ود العمدة عشان تتعرض على حزب الامة وهو حزب سوداني عريق، وطني، ليهو قاعدة وتاريخ
المساحات بتختلط على الناس
مقارعة حزب الامة لابد تكون بروح ديمقراطية من كل من يؤمن بالديمقراطية ولست من خلال مطاعنات لأشخاص
البرجوهو من العزيز نبيل أنو يفتح بوست مباشر ويكون فيهو الحديث بنظم تحكمها الديمقراطية من التي نتمنى أن نتهنى بها في سوداننا والتي رفعناها شعارنا في سودانيات
والله ولي التوفيق

[omrashid]

كلام جميل يا ود مخير --واتفق معك ولكن اما كان الاجدي ان تقول هذا الكلام في بوستات ودالعمده عندما حاول اغتيال الشخصيه وحتي تعرض بما حدث في براغ وقد اخذه من احدي بوستاتك ونحن ما زلنا علي قيد الحياة (ربنا يطول العمر )

طريقة ود العمده خطا والمجاراة من الاخرون خطا ايضا

الموضوعيه يا ود مخير لا تتجزأ ابدا ومحاولة تكبير كوم العداء للحزب والاستشهاد باراءهم غير مقبول

ووالعمده ذكر بان خيارات الناس قابله للتغير --وهذا جائز ايضا--ولكن التغيير ما بيكون 180 درجه الا اذا كانت الخيارات شخصيه ولمصلحه ذاتيه

هل يعقل ان اختلفت الان مع الحزب --اشيل دلكوتي واردح فيه --يعني ما احترام الذات برضو مهم واساسي
ولكم المحبه

[بابكر مخير]

حرام في حق سودانيات
البتعملو فيهو دا يا نبيل وود العمدة
إتشاكلو بعيد مننا
في منتديات كتيرة بتحب جنس دا
لكن إحنا في سودانيات
كايسين المحبة والولفة
والله يعينكم
وأريت تقدرو علي دا
ولو عمكم شوقي برضو أقنعتوهو يكون جميل
والله ولي التوفيق

[بابكر مخير]

(كلام جميل يا ود مخير --واتفق معك ولكن اما كان الاجدي ان تقول هذا الكلام في بوستات ودالعمده عندما حاول اغتيال الشخصيه وحتي تعرض بما حدث في براغ وقد اخذه من احدي بوستاتك ونحن ما زلنا علي قيد الحياة (ربنا يطول العمر )
طريقة ود العمده خطا والمجاراة من الاخرون خطا ايضا)


العزيزة أم راشد
ود العمدة
ربما أخطاء وكلنا خطاؤون
ومخطئ في جرجرة حزبو للمهترات
وأخطاء بأنو دخل حربو الخاصة في مجال، جلب سؤ الحديث لحزبه

والله أشهد أنو الحصل في براتسلافا (ولست براغ) كان حقيقة والدكتور بدوي سيد يوسف يشهد على ذلك وإمكن بعض الإخوة التانيين من ذاك العهد يشهدو على كدا
(إخترت إسم الدكتور بدوي، لأنه أكثر الناس علما بالحادثة)
لك الشكر على المداخلة
وربنا يسير بي سودانيات دايمن في درب المحبة

[الجيلى أحمد]

المشاركة الأصلية كتبت بواسطة محمد حسن العمدة

عزيزي فتحي

تعرف رغم اني بشغل امين عام ( منتخب لفرعية منطقتي لحزب الامة لكن لحدي الان ما عندي علم بقرار حزب الامة الانضمام لشركاء الحكم !!!
[mark=FF6600]فيا ريت تجيب لي القرار ده[/mark] عشن نبني راي من ضوء

أبحدحمد,
كيفنك..

بعد كلامك دا يامحمد ,
للحول ماعندى ليك شيتآ ينضاف ..

العديلة تبراك وتسيرك وتوصلك باب الوزارة,
إلا أنا من اليوم ولى غادى مابدور معاك نضمى سياسة
كلامك الفوق دا كلام بعاعيت ,
زعلان من نقزتى معاك بلا عرفة..
أها يازول ربنا يعدلا عليك..

وتبقى الأخوة بيناتنا ,
تعبر بنا صحراء البشرية نحو الله
(أو كما قال بركة ساكن رضى الله عنه)

[omrashid]

انا عارفه انو الحصل في براتسلافا حقيقي--ولكن يا ود مخير راجع ما كتبته تماما --لان الحزب لا دخل له بالموضوع --وانت ذكرت انو الطلاب رجعيين هل كانو حزب امه ام ارادو عمل وحده للاتحاد الاشيتراكي --ثانيا قضيه السنوسي له الود والاحترام --هل الحزب عارض فصله ام وقف معه --للمعلوميه تدخلت السفاره بس الاوراق كلها رجعت للمسئول الاكاديمي دكتور عبد الوهاب سناده والذي قالها بالصوت العالي احسن في السودان يكون دكتور ورجعي وقد كان --بس يا ود مخير--كان الغرض من البوست اغتيال شخصيه الحزب وافراغه من نضاله المعروف وهذا محزن --عشان كدا اجد العذر لاخونا وابننا نبيل ولكن ارجو ان لا ننجر وحزبنا دائما هو المعلم

مع خالص الود