خريجو جامعة أسيوط لمزيد من التواصل

[كباشي]

المشاركة الأصلية كتبت بواسطة كيشو

يا أسايطة مبروك البنية الكندية المكاوية
شهد مكي محمد الحسن

والله ألف ألف مبروك مكي وإنشاء الله من المستورات لم أعلم غير الأن

[منير]

المشاركة الأصلية كتبت بواسطة kabashi

والله ألف ألف مبروك مكي وإنشاء الله من المستورات لم أعلم غير الأن

الاخ كباشي سلامات يا اخي وين الحي بيك كنت غاطس في دائرة سيدى ولاشنو تبارك في البنية هسع
البنية ولدوها وسموليها و حجبوها و جندوها وخطبوها وانت جاي تقول من المستورات

[منير]

المشاركة الأصلية كتبت بواسطة الزوول

السلام عليكم
كدي يا الجيلي أ ديكم الخبر ده
وأرجع لك
خاصة أنني عثرت على وثائق قديمة مع أخونا العوض
تفضح بلا شك
أن نزعة الشعرالخنفشاري الذي تمارسه في هذا البوست
ليست طارئة
وانما هي متأصلة منذ القدم
وقريباً سيتم نشرها على الملأ
......................
الخبر
بلغني ايها الجمع السعيد
أن الأسيوطية
السندس
بنت
أخونا
الأسيوطي الصيدلي الأمدرماني ( الود أرو)
محمد بن عوض الله آل الطيب
قد أحرزت المركز الثالث بمجموع وقدره 277
التهاني لمحمد عوض الله الطيب ( السعودية)
ولكل الأسايطة
.........
لمن لم تسعفه ذاكرته
ها هو محمد عوض الله الطيب
أو بالأحرى
الذي كان

الزول الرائع بركة الجيت ومبروك للدكتور محمد عوض الله وبصفتي سكرتير رياضي سابق للاتحاد بقول ليك انت بتلعب في ياتو خانه كما قال الدكتور الجيلي

[منير]

المشاركة الأصلية كتبت بواسطة الجيلي عبد الله الريح

ابو كساوي... ود سعد..حاج الماحي...البرعي... والكثير من الذين نظموا القصائد في مدح الرسول عليه الصلاة والسلام واصبح المديح جزء من التراث السوداني...حتى انه صار سبب في بعض الاحراجات عندما يصر حجاجنا ومعتمرونا السودانيين على ترديد المديح في الاراضي المقدسة فيسبب لهم بعض المضايقات هناك...كانت آلات المديح هي الطار في المقام الاول.. والصوت القوي الجميل...(مافيش ساوند سيستيم)... والآن اصبح ترديد المديح يصاحبه كل انواع التكنولوجيا الصوتية والمرئية....قد لا يقبل الناس ايام زمان المديح بالموسيقى ويستغرب الجميع ان المادح لابس بدله وكرفته...? رأيك شنو يا زوووول...

الاخ الجيلي تحية طيبة وحمدلله على السلامة
يا اخي المديح استلموه شباب الربه

[كيشو]

يا جماعة وين عمر الأزرق؟

[منير]

المشاركة الأصلية كتبت بواسطة كيشو

يا جماعة وين عمر الأزرق؟

بعمل في سد في الترعة الابراهيميه

[الجيلي عبد الله الريح]

المشاركة الأصلية كتبت بواسطة منير

بعمل في سد في الترعة الابراهيميه

يقولو ليك فلان ده الجماعه حفروا ليه لغايه ماطيروا ليك من وظيفته...?واعمل حسابك الناس ديل قاعدين يحفروا ليك...انت خليك حريف.. وتاريخ الحفر والحفتي والكيد بالحفر قديم جدا حتى ان اخوة سيدنا يوسف عليه السلام كادوا له والقوه في الجب اي البير وهو نوع من انواع الحفري...? وهناك من يقول ليك ده حفر قبره بي نفسه اي سعى الى الهلاك بيده... وخلي بالك من الزول ده اصلو كتال كتله وحفار قبور...يعني بوديك الاخرة..? وفلانه ديك لما ماتت امها بحتت ليك الارض بحت...?? والبحت ايضا نوع من الحفتي والحفتي نوع من انواع الحفر العلي خفيف...وأخوانا ودالازرق وودالارباب تخصصوا في سك الجداول والخيران والبحتي والحفتي...ما يشوفو ليهم خور ولا سيل شاقي طريقو بالغلط يقوموا يسكو ليك... واجتماعات وبلاغات ويقولوا ليك الخور ده عاوز تعليه....?شاهدت في التلفزيون ايام السيول الاخيرة احد المسؤولين وهو في موقع الحدث وهو يتكلم عن الاستفادة من هذه المياه المهدرة ودي كميه مياه كبيرة مانخليها ساكت...والكاميرا تجيب في الناس الغرقانين والعناقريب العائمة في المياه المهدرة....

[منير]

المشاركة الأصلية كتبت بواسطة الجيلي عبد الله الريح

يقولو ليك فلان ده الجماعه حفروا ليه لغايه ماطيروا ليك من وظيفته...?واعمل حسابك الناس ديل قاعدين يحفروا ليك...انت خليك حريف.. وتاريخ الحفر والحفتي والكيد بالحفر قديم جدا حتى ان اخوة سيدنا يوسف عليه السلام كادوا له والقوه في الجب اي البير وهو نوع من انواع الحفري...? وهناك من يقول ليك ده حفر قبره بي نفسه اي سعى الى الهلاك بيده... وخلي بالك من الزول ده اصلو كتال كتله وحفار قبور...يعني بوديك الاخرة..? وفلانه ديك لما ماتت امها بحتت ليك الارض بحت...?? والبحت ايضا نوع من الحفتي والحفتي نوع من انواع الحفر العلي خفيف...وأخوانا ودالازرق وودالارباب تخصصوا في سك الجداول والخيران والبحتي والحفتي...ما يشوفو ليهم خور ولا سيل شاقي طريقو بالغلط يقوموا يسكو ليك... واجتماعات وبلاغات ويقولوا ليك الخور ده عاوز تعليه....?شاهدت في التلفزيون ايام السيول الاخيرة احد المسؤولين وهو في موقع الحدث وهو يتكلم عن الاستفادة من هذه المياه المهدرة ودي كميه مياه كبيرة مانخليها ساكت...والكاميرا تجيب في الناس الغرقانين والعناقريب العائمة في المياه المهدرة....

دكتور الجيلي سلامات
الخوف مامن الحفر بس الخوف من الحفر والدفن

[الزوول]

المشاركة الأصلية كتبت بواسطة الجيلي عبد الله الريح

شاهدت في التلفزيون ايام السيول الاخيرة احد المسؤولين وهو في موقع الحدث وهو يتكلم عن الاستفادة من هذه المياه المهدرة ودي كميه مياه كبيرة مانخليها ساكت...والكاميرا تجيب في الناس الغرقانين والعناقريب العائمة في المياه المهدرة....

السلام عليكم
سمعت بالبخيل القال لولاده
ان شاء الله تمرضوا
امهم : يا راجل مالك علينا ، أن شاء الله انت
البخيل : وأنا ذاتي ان شاء الله أمرض
يا راجل انت جنيت والا شنو ؟
لا ما جنيت
لكن الصيدلية الجنبنا دي عاملة تنزيلات

[شبارقة]

[align=justify]هلا بالإخوة منير وكباشي وود الطيب وكيشو وبالجمعية الطبية الصيدلية ممثلة في ود الريح والزوول وهلا بالجميع ...قف ..عندنا قعدة في الأيام القادمة بالرياض خاصة بالصعايدة فقط على شرف الزيارة المرتقبة لود كمتور إن شاء الله ..نتمنى أن تكونوا معنا والحاضر يبلّغ الغائب وشكراً [/align]

[كيشو]

المشاركة الأصلية كتبت بواسطة شبارقة

[align=justify]هلا بالإخوة منير وكباشي وود الطيب وكيشو وبالجمعية الطبية الصيدلية ممثلة في ود الريح والزوول وهلا بالجميع ...قف ..عندنا قعدة في الأيام القادمة بالرياض خاصة بالصعايدة فقط على شرف الزيارة المرتقبة لود كمتور إن شاء الله ..نتمنى أن تكونوا معنا والحاضر يبلّغ الغائب وشكراً [/align]

يا عاصم نحنا رحلتنا ليكم في الصيف، نجي شاقين الرياض ذهاباً وإياباً، جهز كمرتك بكسر الميم

[شبارقة]

المشاركة الأصلية كتبت بواسطة كيشو

يا عاصم نحنا رحلتنا ليكم في الصيف، نجي شاقين الرياض ذهاباً وإياباً، جهز كمرتك بكسر الميم

[align=justify]أبشر بالخير وحبابكم عشرة بلا كشرة ...وتشرفونا ...ولازم ترتاحوا معانا في الرياض ومن ثم تواصلوا المسير والرحلة.إن شاء الله[/align]

[الجيلي عبد الله الريح]

سيدنا يعقوب عليه السلام كان يحب اولاده حبا شديدا وبالذات سيدنا يوسف وكان يخاف على اولاده من العين ولذلك طلب منهم ان يدخلوا المدينه من ابواب شتى حتى لا تصيبهم العيون فهم احد عشر كوكبا اضافة الى سيدنا يوسف عليه السلام... والعين والمعاينة( والحدري) معروفة في تاريخ الامم وبالذات الشعوب العربية والسوادنة لهم حظ في ذلك كبير....العين بتقد الحديد.. والعين بحسين...وعين الحسود فيها عود...? ويا فوزية امشي لمي اولادك ديل عليك .. ودالسرة ده عينه حارة...اداك جآآي علينا...وليداتك ديل ماتمو ليهم يومين من ساعه ماجو من ابوظبي....?? يديهم ليك عين يلحقهم السمحين...? وهكذا هي الحياة عندنا...والخوف الاكبر من ناس التعداد السكاني لانو ديل عايزين يعرفوا الصغيرة والكبيرة عن ناس البيت كم ولد وكم بنت واولاد عثمان القاعدين يقروا في المدارس وابوهم قاعد متغرب...شاهدت في التلفزيون..ناس التعداد لابسين لبس انيق وقبعات وبنات وجيهات...ويا ترى برضو عينهم حارة وخايفين على الوليدات منهم....

[شبارقة]

المشاركة الأصلية كتبت بواسطة الجيلي عبد الله الريح

اخي عاصم شبارقة...وانت تتحفنا بالمفردات الدارجة السودانية التي هي من صميم بيئتنا وتراثنا الثر... اذكر اننا في القريات..ومعنا الاخ الطاهر التلب(شبارقة ايضا) واخونا د خالد واهله من البشاقرة ودائما ما يحتد النقاش ان شبرق وبشرق هم اولاد اعم وهم اصل الشبارقة والبشاقرة...افتينا ياعاصم بشاقرة... عفوا شبارقة....

[align=justify]دكتورنا سلامات
شبرق وبشرق ده كلام ليس له دليل من الصحة ...كلام ونسة ساي ..والدليل على ذلك أنه ليس هناك وجود على الإطلاق لهذين المسميين (شبرق وبشرق) في التاريخ أو الجغرافيا في السودان وكل دول العالم وليس لهما أصل أو معنى وليس لهما إستمرارية وتداول كبقية الأسماء المتوارثة والمتداولة مما يدل على أنهما أسماء غير معتادة ومن نسج الخيال فقط (ونسة حبوبات) ..كما أنه لا يوجد أي تواصل أو صلات قربى بين الشبارقة والبشاقرة مجرد حروف متبادلة هنا وهناك .
أما مصدر إسم الشبارقة (وهو الأقرب للعقل) أن إمرأة قبل حوالي 250 سنة تقريباً أضاعت لها شاة (غنماية) ذات لون أبرق (رمادي) وكانت تبحث عنها وتنادي : يا جماعة الشاف ليهو شاه برقه منو ... يا ناس شاه برقة ..شه برقة .. شابرقا (شبارقه) وهكذا تردد في وصف غنمايتها إلى أن وجدتها في المكان الذي أصبح مسقط رأسي فيما بعد ..وأصبح مع مرور السنين الشبارقة ..والله أعلم وكان عندك تعليل غيرو كلمنا ..وسلملي على حنتوب الجميلة ...أها عارف حنتوب سموها حنتوب ليه؟ [/align]

[كيشو]

يا جماعة قبيل اتصلت على عمر الأزرق وهو بخير، وقاعد يعد نفسو