البتول......

[فتحي مسعد حنفي]

المشاركة الأصلية كتبت بواسطة سارة

ينصر دينك يا استاذ نفيسسسسسسسسسسسسسسسسسسة

ما تفرحي شديد كدا عشان ما يمسكك أبو الشهيقأولا خالد كلامو ما كلو صاح لأن نادي الأسرة حدودو كالتالي: من الشمال زي ما قال بيوت السكة حديد وبيوت الخرطوم تلاتة الفيها فضل نوبة وعبودي محمد مرسي وديل بيعرفهم أكيد خالد قبل الخور الجاي من سوق نمرة اتنين ومن الشرق الخرطوم نمرة اتنين ومن الغرب المنطقة الصناعية البعد نهايتها بتجي السجانة أما جنوب الخرطوم تلاتة خالد لغي الخرطوم جنوب البعدها بيجي سوق السجانة دا طبعا لو ما خانتني الذاكرة لأن المنطقة دي آخر مرة مشيتها كان قبل 25 سنة علي الأقل وكان عندي كتير من الأصدقاء فيها وبعد أكتوبر كان في نهاية الشارع البيمشي بميلان من ميدان عبد المنعم لغاية ما يقابل شارع الحرية .كانت هناك دار الحزب الشيوعي وكنت بمشي هناك لمحاضرات مدرسة الكادر مع بعض الزملاء أذكر منهم كبج وعثمان الكت وكمال عبد القادر وعبد المنعم بشير وصدقي عرمان وحسن عبد الماجد سكرتير اتحاد طلاب جامعة القاهرة الفرع ومن غير الشيوعيين كانت معانا خديجة صفوت وكثير غيرهم0
يعني باختصار نادي الأسرة ما عندو علاقة بالسجانة الا بالسلبطة ساكت زي ما هسع وادي سيدنا بقت في أمدرمان