أفتحن البيبان والطاقة ..

[منال]

المشاركة الأصلية كتبت بواسطة Babiker Mukhayer

عكود
سلام
أول ما قريت السطرين التحت ديل، قلتا دا يكون عكودن تاني
بس لمن قريت الكلام الأحمر
إتأكد ليا ياهو دا زولي
المابيعرف حتى يجرح إن مسكو سكين
وبيحب دايمن يكون هو الحنين ومسكين
قال ليك:
(أكان الرجال للسيدات ولا السيدات للرجال)
المابريدك ولا بحمل بلاك
وربنا يدي الصبر

و الله يا عمو مرحب بيك فى بيتنا دا ...بقول ليك
البتجى من السما بتحملها الواطة
يلا زيدنا كمان

[معتصم الطاهر]

منال

للفائدة فقط

لما تاخدى كلام زول اعملي كوتيشن " اقتباس " يعنى تظللي الكلام بتاع الزول و تضربيه بالعلامة بتاعة الاقتباس .. الزى الفي المجلات المصورة ..

العلامة رقم خمسة ..الصفراء فى الصف الثاني .. من فوق ..

[معتصم الطاهر]

منال

للفائدة فقط

لما تاخدى كلام زول اعملي كوتيشن " اقتباس " يعنى تظللي الكلام بتاع الزول و تضربيه بالعلامة بتاعة الاقتباس .. الزى الفي المجلات المصورة ..

العلامة رقم خمسة ..الصفراء فى الصف الثاني .. من فوق ..

[منال]

المشاركة الأصلية كتبت بواسطة معتصم الطاهر

منال

للفائدة فقط

لما تاخدى كلام زول اعملي كوتيشن " اقتباس " يعنى تظللي الكلام بتاع الزول و تضربيه بالعلامة بتاعة الاقتباس .. الزى الفي المجلات المصورة ..

يا سلام يا عمو و الله الاقتباس مجننى جد كده ...و مرات ما بشتغل ... كمان امكن لقلة مهارة .... و يعدين الملتيى ما فى كلو كلو ... لكن تنبهيك فى محلو يا معلم .....

[بسمله]

المشاركة الأصلية كتبت بواسطة منال

وعشان كدا البنات الذكيات يتزوجن بصعوبة ناس يستاهلوهن ..
لأن مقاييس الشريك عندهن بترتفع مع ارتفاع الذكاء والتجربة و الجمال ..
يعنى سهولة اختيار الشريك بكون عكسي مع ارتفاع نسبة الذكاء والتجربة والتعامل ..
و الله المقياس يا عمو ذاتها بقت فى كف عفريت و العرفيت هو الجكس التعامل معه مشكلة و انت يتكون مدرك لكل الظروف المحيطة بيهو و قلة حيلتو و اضيف ليها كمان امكانياتو .... نقوم نكتر الكلام يقولو حناكيش
اسع شوفي منال وبسملة ديل متعبات كيف في الأسئلة ..!!!!
دا مش بيدل على وعي؟ .. ديل غايتو عرسن لحدى التلاتين بكون بالحظ أو الريدة أو الاختيار العقلي أو القسمة ..
غايتو عن نفسى بقول ليك الاختيار العقلى سبق القلب كمان ... و الريدة هى المجننانى غايتو لو مشيت عرست زول بالفسمة تبقى كارثة ...دا حالتو نعمات حماد ما دخلت كويس ..

والله برحب بنعمات معاك كمان
طيب و الرجال الأذكياء ..
دا بيرجح عقله فى اختياره و بما أن نسبة البنات الكويسات أكثر ..فحظه بكون أفضل .. قليلا ..
تعرف باعمو القصة الذكاء ما بلعب فيها دور كبير لانو الراجل لما يكون داير يكون سجمان ...بكون سجمان و رمدان ... و لما يحمر عينو و يبرم شنبو .... و يتحنفش و يعمل فيها شيخ عرب طوالى بمشى اخلى ... الا بجى صادة لما يروق و يمرق من جلابية جدو ... و يكون منطقى و عقلانى و يتفاهم برواقة و النفس الحار نحن جكس بنبردو بالايس كريم لنا يا بت أخوي
مداخلتك الفوق دى بجي راجع ليها بعد اقراك كويس .. مش اقراها كويس ..
معتصم الطاهر ..

[/QUOTE]

منال سلامات

تعرفى على حكايه المقاييس دى .. عليك الله ما حصل ليك انك باريدى زول كدا ما عندو اى علاقه بحاجات معينه الانسان كان بيفتكرا مهمه و ما كان عندو استعداد يتنازل عنها ؟

و برضو ما حصل ليك انك كنتى بتريدى زول مافيهو اى حاجه من حاجاتك العاوزاها و فى زول تانى يكون بيريدك و فيهو اى حاجه انتى كنتى عاوزاها و برضو تكونى ما عاوزاهو



شنو يا هندسه ...
ما رجعت لينا يعنى

[منال]

المشاركة الأصلية كتبت بواسطة بسمله

معتصم الطاهر و خالد الحاج و الله العظيم متشكرين خالص خالص

بالجد يعنى وفيتو و كفيتو .. بس عندى سؤال كدا محرق لى روحيتى ..
لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا
يطنشا ؟
بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟

و هل صحيح انو الرجال معليش معليش معليش انا اسفه بيحبو البت الى بتعفص ليهم و تحقر بيهم ؟

و هل صحيح انو الرجل المتزوج على ما تعوده زوجته ؟

و انا مثلا كشابه حا اعرف كيف انو الزول دا كعب و لا كويس ؟ بخيل مثلا و لا بيدفع
حا يعاملنى معامله كريمه ام لا .. فى ناس كتار بيكونو اهلوم ناس كويسين بس هم ما بيكونو كويسين ابدا
زى حكايه البخل دى ما بتعرفا الا لامن تحتك بالشخص ذاتو مش ؟

بسمله كيفينك كدى ارد فى الافتباس دا عشان التنويه بتاع عمنا معتصم
لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا
يطنشا ؟
طبعا يا ختى بكون عندو تخلف واضح عشان هو لسه بدور فى ذهنو صورة كازانوفا و قدر يقدر و يثمن المشاعر الانسانية و دقات القلب من زولة اهتمت بيهو

بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟

انا عندى اخير تديهو كرتو و الراجل بكون هنا مقفول الذهن اعمى البصر و البصيرة الذى يجرح مشاعر زوله حبتو ما عندو قيمة انسانية و هى بتقدر تتجاوز الجرح البنزف ده
و انا مثلا كشابه حا اعرف كيف انو الزول دا كعب و لا كويس ؟ بخيل مثلا و لا بيدفع
حا يعاملنى معامله كريمه ام لا ..
والله دى بتظهر من الاول يا بسمله لو كعوبية اخلاق بتنعرف من اول تعامل ليك ده لو هو ما دسدس و جمل معاملتو ... بعدين بخيل دى مقدور عليها فى تعاملنا نحت الشابات بس تعرفى المحفظة وين ... و لو فى دفتر شيكات تعرف الداخل و الطالع فى البنك ... و كمان تخمشى ليك رزمة ماكنة كدا تقعدك كم شهر.. يعنى بتجيهى سمح فى الانفاق و ترتيب الالويات كمان ما تشيلى هم اتوكلى على القوى

[منال]

منال سلامات

تعرفى على حكايه المقاييس دى .. عليك الله ما حصل ليك انك باريدى زول كدا ما عندو اى علاقه بحاجات معينه الانسان كان بيفتكرا مهمه و ما كان عندو استعداد يتنازل عنها ؟

و برضو ما حصل ليك انك كنتى بتريدى زول مافيهو اى حاجه من حاجاتك العاوزاها و فى زول تانى يكون بيريدك و فيهو اى حاجه انتى كنتى عاوزاها و برضو تكونى ما عاوزاهو

شنو يا هندسه ...
ما رجعت لينا يعنى [/QUOTE]

اقول ليك من وجعتى انو الجكس راسو قوى يعنى عنيد و مرات يصر على حاجات ما مفهومة خالص مرة مشاكلنى فى انى باكل فى الشارع ليه و كنت شايلة فشار فى ايدى بقزقز قال قام يحمر فى المواصلات كيف تاكلى ...اجى يا ولدى ما باكل زى ما باكل فى الكافتيرا مش كلو شارع لا ده محل مواصلات عامة ... غايتو كتمت غيزى لكن بعد داك نا قشتو بعد فترة عن اصل الاكل فى اى مكان و طلعت بصفر كبير
و الله يا بسمله انا اظنى من اول نظرة سبانى فتكسرت و اددشتت و افصحت و تفاصحت و بعدين ما فى سكة اصلا عشان تفكرى تشوفى زول تانى ..القلب و ما ارد و حفق لمنو لكن بالعقل لما تفكرى فى جنس البسوى فيهو ده اقول با بت هو مجنون و لا بتجنن عليك ...و حاتك مرة سالتو رد بجنن غايتو بلعتها ساى و مشيتها ليهو كمان عالم جبان مش لكن نسوى شنو نتفكفك كيف قولى

[منال]

تعرفو جنينة الجكس صعبة خالص ... و ما بتنفهم او ما تركب لى فى نافوخى .... منها احكى انو كان بحاورنى ازور اهلو فى قرية من قرى الجزيرة ....و تمانعت و استمت فى المناقشة اصلى ما بزور اهلك هسه ...لانو امى دخلت فة راسى انو اهل العوض ما عندهم ثقافة التزاور لاثنين لما يكونو مخطوبين يقولو عليك البت الشليقة دى البخليها تبارى الولد شنو ما تنفجخ فى الواطة لمن يتمو عقدها لازم تمونى تقيلة و رزينة (الوصايا المليون لمن البت تكبر ) قمت دورت الكلام ده و صممت ما ازورهم و هو وضح احتجاجو هو بزور حتى اخواتى المتزوجات فى بيوتهم و مهروف انو جكس منو ... البحليك تكونة متخلفة و ما تزورى اهلى شنو و الزرزرة ذات و اشيل و ابلع فى ريقى كان اتخارج من المطب ده ... قلت ليهو القصة عادات و تقاليد رد من بيتن بتشتغلن بالعادات و التقاليد ... طيرت عيونى و حمرت و قلت ليهو اسمه جاى الحركات بتاعت الجكس دى تخليها و بعدين الاهل ديل ما نسابة ح يبقو لازم اظهر ليهو عروس مجيهة و محفلة ... ليه هم ح يعرسوك كلهم فد زول منهم ... طيب ماك الولد البفخرو بيك و عايزين عروسك فى يمينك قمر اربعتاشر ..... هوى قولى ما عايزة امشى عشان عيشة الريف ما ح تعجبك .... اها يا الغلط انت عايز تنق بس و الله انا الريف ما عشت فيهو و لا هزيت كانون و لا نشلت موية من البير الا ديل اهلى بعرفم و بعرف واجبهم و اصولهم كمان ... ان باريتك و مشيت معاك هسه .. بجيب الهوا ... يقموا ينقوا ليك و تحلف امك ما عافيو منك كان عرست الفتى الشليقة الخفيفة اللفيفة و تقوم النفسيات و تقعد الاجاويد انت ريح نفسك و دنى ليهم عروس ... انت ما تتعرفى عليهم بعدين بتسهل عليك التعامل ... لا يا خوى كلام المثقفاتية ده خلو مركون هسه ... بس بعد ا لعرس بعرفهم و شلت شنطتى فى كتفى و مشيت و خليت الاسئلة تدور فى ذهنو و انتو كمان ..

[منال]

فى كلام عن التاهيل ابونا معتصم كدى نورنا عنه شوية ... دايما اول كلمة تقع عليها عينى الشقية دى فى كرت الدعوة هى تأهيل ابننا فلان على كريمة فلان طوالى بقيف فى كلمة التاهيل دى الجماعة ديل بقصدو بيها شنو ؟ و كمان البنت تذكر باسم ابوها فقط فى بعض الكروت و فى الاخرى التفاخرية تكتب كلمة الدكتورة و المهندسة قبلة كريمة للتفاخر ..... لكن التاهيل النفسى بنعرفو بيتم للعروس قبل الزواج عشان يوصوها المليون وصية كانت تنفع فى شان هى ماشة لحياة جديدة و غالبا ما تتم ايام (تعليمة العروس ) لما كانت البت بعلموها مش ترقص غايتو تنطط بالدهب و تكشكش عشان الاستعراض بكم لبسة و العرض للسلعة ياربى جابت تمنها و دى صورة عفى عليها الزمن لانو البنيات المتعلمات الواعيات منهن كلهن ما برقصن و يتكشكن بالدهب ايوة الرقيص خلو ذاتو .... المراسم كلها اختصرت على العقد و الحفلة يوم واحد نسبة للغلاء المبالغ فيه فى المواد التموينية ...غايتو التاهيل دى عايزة تفنيد مش كده

[معتصم الطاهر]

المشاركة الأصلية كتبت بواسطة منال

شنو يا هندسه ...
ما رجعت لينا يعنى

[/font][/color][/QUOTE]

اها
جيتكن ..

عفوا للغياب القهرى
قراية الكبر و كدا ..
قالوا لي عرّس .. طوالي قمت مشيت اقرا ..

الحكاية و مافيها مشغولين و فرحانين بالمهندسة الجديدة الفى البيت وكدا ..

[معتصم الطاهر]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

خضراء .. ويانعه وحزنك سبيب=

كأنك هلال البنات الخصيب=

أحبك إذا ما ترجى الحليب=

وتسقى كأنك ولدتى الحبيب= [/poem]

الكلام الفوق دا حق عاطف خيرى
تأملن .. مدى العطاء فى البيت الشعرى .. اها دى المرحلة البعدها الراجل ما بشوف واحدة تانية ..
طبعا دا أجمل بيت شعر سوداني بعبر عن حقيقة العلاقة .. بين الرجل والمرأة فى حالة كونها كاملة ..
ولو دايرين شرح ليه بالتصوير البطيء ( برضو إندى ..)..

[منال]

المشاركة الأصلية كتبت بواسطة معتصم الطاهر

[/font][/color]

اها
جيتكن ..

عفوا للغياب القهرى
قراية الكبر و كدا ..
قالوا لي عرّس .. طوالي قمت مشيت اقرا
الحكاية و مافيها مشغولين و فرحانين بالمهندسة الجديدة الفى البيت وكدا ..[/QUOTE]

صباحك زين يا عمنا

قالوا لي عرّس .. طوالي قمت مشيت اقرا ..

غايتو انا قلت امشى اقرا و احضر و افتح للعرس دا قامن صاحبتى قالن لى الماجستير هو البورا ذاتها .... تنشغلى بالقراية سنة و تاجلى و تانى سنتين لمن صفرتك تضرب توووووووووووووووووووووووووت قمت لازوتا و فكرت اخير اندعك شغل و اهو كلوا البورا حاصلا

و يديك العافية تدينا من جرابك عاطف خيرى ... وقفت فى
وتسقى كأنـك ولدتـى الحبيـب

[معتصم الطاهر]

المشاركة الأصلية كتبت بواسطة منال

والله يا عمو جيت صادة رديت كمان و كتبت لموضوع بسمله كمان لكن طارت وين ما عرفت لكن ياعزيزى العمل صحيح ارهاق و شحذ الذهن مشكلة و التفكير و التخطيط ..... ساقية جحا
و كمان برك النت كلنا معاك لو ما الونسة السمحة كان اون ليف ولا الاسفيرية و حاتك يا.. نحن فى الخرطوم كنا طقعنا الحيط من الزهج و هلم جرا و انت شيخ العارفين

(بدون ما يكون سهر فتحي هو المرجع ..)
المتزوجين ( رجال أو نساء) زي الشُفّع فى حكاية الأرق .. بنوموا بالحضن الدافي ..
و لو ما كفا .. اللولاي .. ولو ما كفا .. الرضاعة .. وهلمجرا ...

طيب .. دا برجعنا لى قول عاطف خيرى ..

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
أحبك إذا مـا ترجـى الحليـب =
وتسقى كأنـك ولدتـى الحبيـب =[/poem]

تخيلى الحبيبة تقعد و تسند راس حبيبها على حضنها و تلقمو صدرها .. كأنو جناها ..
اها في ريدة أحسن و لا أكتر من كدا ..؟ ..
اها و عشان ما يكون الموضوع حكرا على المتزوجين .. تخيلي حبيبك عيان تختي راسو فى حِجرك و تسقيه حليب من الكباية وقبل ما تسقيها ليه (ترُجِّي الكباية جيدا قبل الاستخدام ) و تتأكدي انها تمام وتسقيها ليهو ؟؟

شفتو الموضوع ما موضوع حليب!!
الموضوع انو نحن محتاجين لحنان من عكر الدنيا البقع فى راس الرجال .. من التفضيل الخصاها بيهو ربنا و المجتمع والو اجب .. نحتاج ليكن وكت نرجع ليكن .. عشان نرتاح شوية .. قبل ما تدوروا فينا - كلام ناس ارسطو و كلمنجارو - والبرضو محتاجين ليهو .. بس فى وكتو ..

[منال]

اهديك يا عمو لو اشتغلت صاح و اعمل البتعرفو من خبرتك عشان تكون واضحة

[معتصم الطاهر]

المشاركة الأصلية كتبت بواسطة بسمله

معتصم الطاهر و خالد الحاج و الله العظيم متشكرين خالص خالص

بالجد يعنى وفيتو و كفيتو .. بس عندى سؤال كدا محرق لى روحيتى ..
لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا يطنشا ؟
بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟

و هل صحيح انو الرجال معليش معليش معليش انا اسفه بيحبو البت الى بتعفص ليهم و تحقر بيهم ؟

و هل صحيح انو الرجل المتزوج على ما تعوده زوجته ؟

و انا مثلا كشابه حا اعرف كيف انو الزول دا كعب و لا كويس ؟ بخيل مثلا و لا بيدفع
حا يعاملنى معامله كريمه ام لا .. فى ناس كتار بيكونو اهلوم ناس كويسين بس هم ما بيكونو كويسين ابدا
زى حكايه البخل دى ما بتعرفا الا لامن تحتك بالشخص ذاتو مش ؟

كدى اول حاجة دا سؤال .. دا
دا السبب الطفّش فتحي ..

المشاركة الأصلية كتبت بواسطة بسمله

1- لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا يطنشا ؟

كدى النرجع للحكاية من اولها ..
الظاهر انتو دايما بتفكروا من محل واقفين .. و ما بترجعوا لي ورا ولو شوية .. وعدم الرجوع لوراء بخليكم بتسألوا الاسئلة الزي دي ..
الراجل بيكون بسعى لنيل اعجاب/جذب/ التقرب للمراة .. وهي دايما ( قافلة القزاز )..
عشان كدا قلنا . (.. افتحن البيبان والطاقة ..)..



و هو طبعا المسئول عن السعي بين صفا الدنيا و مروة حبيبتو .. و لازم بيناتهم هرولة .. لحدى ما تتفتح البيبان .. والطاقات لو ممكن ... و من هنا يبدأ يرتاح شوية فى الغرف دي .. و يبدأ يبذرالبذور وسقيا هذه العلاقة فيكون جهده مضاعفا .. و متواليا .. و يترك كل شيء و ينتبه لها و يعطيها كل وقتو ..
وعندما تبدأ الشتلة فى النمو بالتطور العادي .. ينتبه لبقية الاشياء التي تديم حياة الشتلة لتكون شجرة تعطي من ثمارها و لونها و زهرها و فاكهتها و نكهتها و ظلها و فيئها ..
أها هنا بتلاحظ البنت انو الزيارات قلّت .. و دق الباب بقى قليل .. والراجل بكون بفكر يفتح البيت مش الباب .. و هنا بكونو الاتنين وقعوا فى الغلط .. بتاع العلاقة بين حركتها الاولي و حميميتها .. ودا برضو بحصل بعد الزواج ..
الغلط شنو ..؟
من الراجل " يون خت فى قلبو الاطمئنان وساب الكلام الحلو و بدأ فى كلام الجد .. و مفروض حبتين جد وشوية حنية وغزل .. .."
من البنت " تحمّس العلاقة كل ما فترت .. كيف ؟؟؟" اها دا التجاوبو عليهو انتو ..
ممكن تسألوني .. " انتو الرجال عاوزين شنو "
عاوزين تذكرونا انو نخفف من الكلام الجد ..والاسلوب عليكم " ..


دا سؤال نمرة واحد قطع نفسي ..

يلا .. وراحة شوية مع الشعر

[frame="1 50"]

وأكُون الوليد البِخَالْف القبيلة
مِشَـنِّـق هوايا
وابارى القمارى
البِتَقْطَع تذاكِر لحفل الخريف
وترقص معايا
أقيفى النشوفك ..
واحَفِّظ ملامْحِك عيون المرايا


معتصم الطاهر

[/frame]