أفتحن البيبان والطاقة ..

[معتصم الطاهر]

المشاركة الأصلية كتبت بواسطة لنا جعفر

سلام يامتجادلين

انتو الجدل والورشة ديل لسة مدورين؟
انا متابعة وماكنت دايرة اتورط مع بتاع القرايات ده
قال قال اقراك
ماده الفلم ظاااااااااااااااااااتو ياباش الجنن عبد القادر
ولامابتحب احمد المصطفى؟
المهم زي مابيقول تبارك شيخ الدين
اها قولو لينا ياعم فتحي انت ومعتصم وعكود الكتاحات والاعاصير دي حكايتها شنو
لانه اذا اختلف الصديقان يامنال ظهر الشمار ولا ماكدة ياختي؟
معتصم الطاهر
مصرة انا لو ليلى وقيس كانو اتزوجو كانو تحولو لي قصة عادية جدا وكده اعمل قراية سريعة لكل قصص العشق الولدت ابداع بتلاقي وراها شاكوش ومسامير
يعني فان غوخ (العوير) لما قطع اضانو واهداها لي حبيبته تفتكر كان حايعمل كده لي زوجته؟
انت حسه خلي اضانك ...قاموسك العاطفي ده بتقدر تقطع ليك منو كم ورقة وتديها لي حبيبتك !!! وهي بطبيعة الحال زوجتك ولا ماكدة ياود الطاهر؟ مابقت الامور كلها بالعقل ودو ده وجيبو داك والمصاريف والولاد والجامعة وتامين المستقبل .................وعادية ايامنا .....زي مابقول درويش
عشان كده قلنا اسطوري
واحد يجي يقول لينا لو بعرف ليهو علاقة بين اتنين بدت بالحب واستمرت لي حسة بي نفس الوله والشحتفه والشلهته بتنتهي المسائل دي مع المأذون وخلاص انتهينا والعاقبة لكم في المسرات وتبداء الخستكة
عشان كده انا معاك في حكاية بنيان دي لانه بنيان بي سابق تصور وتصميم للعلاقات
لكن ده افتعال وتواليف للعيش بتكون بس مارست حرية الاختيار ووقفت نمو الكائن الحي جواك لدواعي حفظ النوع والسكينة وسطوة المجتمع وكده
الحب البنحلم بيهو يوماتي حاجة تانيه خالص
حب مطلق ..........ومسئولية مطلقة تجاه العلاقة وبنيانها .......ووجدان شغال على طول وقلق منتج
وحوجة مستمرة لوجود الآخر كونه محتل يصعب الخلاص منه وهاجس لذيذ وتفاصيل
آدم يهرب من التفاصيل مع الزوجة ويحتج بأنا موجود انا اذن احبك!!!!!!
عشان كده انا اعترضت على فكرة المؤبد مع الزوج لانها بتكون تأبيدة
لكن مع الحبيب بتكون شئ تاني ومختلف ياعالم ،وانا ماعارفة اقول شنو اكتر عشان اوضح انه في فرق بين الزوج والحبيب
واحيانا الحبيب بيكون مختار مسار تقليدي لانهاء العلاقة بالطرق السلمية للمجتمع عشان يخلص ويشوف ليهو قهاوي وكور ومنتديات ودومينو وسياسية لزوم اكتمال المظهر الاجتماعي المعتاد!!!!!
في زول فهم حاجة؟؟؟؟؟
انا زاتي مافاهمة
وده كلو من الورشة الصعبة دي
عم فتحي بالله كلم الناس دي
انه الرجل السوداني منفصم ومنقسم واناني ومنحاز لي نفسه
نحن ياعالم محتاجين رومانسية وفهم خاص لانه تركيبتنا الذهنية والعاطفية والبيولوجية مختلفة
افهموناااااااااااااااااااااااااااااااااااااااااااا ااااااااااااا

ما قلت ليك النقاش معاك مزعج ؟
اسع نمسك من ياتو طرف ..؟

جاييك يا ام ضرا ..

[معتصم الطاهر]

المشاركة الأصلية كتبت بواسطة لنا جعفر

انت حسه خلي اضانك ...قاموسك العاطفي ده بتقدر تقطع ليك منو كم ورقة وتديها لي حبيبتك !!! وهي بطبيعة الحال زوجتك ولا ماكدة ياود الطاهر؟ مابقت الامور كلها بالعقل ودو ده وجيبو داك والمصاريف والولاد والجامعة وتامين المستقبل .................وعادية ايامنا .....زي مابقول درويش
عشان كده قلنا اسطوري

أول حاجة مش لأي سبب ..
ولكني أهديت ديواني ألأول لها
وأول قصيدة .. وسأكتبها لك فى نهاية المداخلة ..
يعني زولة بتعب وأجيب ليها القلتيه دا كلو .. ويرضو ما ريد ..؟

زولة تحضنها .. ونفسها و نفسك بتقاسموا الاوكسجين
و حضنكم كل يوم يتحد
و تتقاسموا النبقة .. والشفقة على بعض و السهر على بعض ..
و تتماسكوا فى العربية و تتشاركوا الاسرار و الضحكات ..
انت دايرة الريدة الاسطورية المتغيرة كل يوم ..!!!
ممارسة الحياة بتغيير كل يوم مع زول بترجع ليهو .. و تشتاق ترجع ليهو
ولو اتأخرت عن البيت بتلقى نفسك ناقصاك حاجة .. زولة لو سافرت بتتغطي بي توبها .. وتعلق توب نومها ..
وما تقدر تاكل ووزنك يا زاد .. يا نقص ..
دا هو الريد الحقيقي .. .. المبني على الاستدامة ..
لو دا كلو ما ريدة ..؟
الريدة شنو !!!

[align=center]تراتيــــــــل[/align]
الى زولة وتقبل اللام فيها التأويل الى جيم سقيا ..

قَبِلِك ..
نِسيت الكلام الأباجِد
عِمِيت العيون السَوافِر
مسافِر .. وما لاقى جِيهة
رَميت الأكُف البِتَفرُك ..
صقيع القليب البِكابِِر
ناكر هواه يرتجيها
لِقِيت .. الحدايِق تبادر ..
ترسّل غصونها ..
تَسَائل خُدودِك أزاهر
تنضِّـر وِجيها
لِقِيت الحقائق .. تجاهر
تَنَزّل جَلالِك فى طور الجمال
سماحة البِنَيّة الوجِيهَة .."
.. مُمَغنَطْ أجيها ..
وحِلماً يَصَحِّى غُطُاها ويسُتْرِك
.. ينشَر توابِل رَوايْعِك حضور
أ..... براى النجيهة
وأكُون الوليد البِخَالْف القبيلة
مِشَـنِّـق هوايا
وابارى القمارى
البِتَقْطَع تذاكِر لحفل الخريف
وترقص معايا
أقيفى النشوفك ..
واحَفِّظ ملامْحِك عيون المرايا

[معتصم الطاهر]

المشاركة الأصلية كتبت بواسطة لنا جعفر

واحد يجي يقول لينا لو بعرف ليهو علاقة بين اتنين بدت بالحب واستمرت لي حسة بي نفس الوله والشحتفه والشلهته بتنتهي المسائل دي مع المأذون وخلاص انتهينا والعاقبة لكم في المسرات وتبداء الخستكة
عشان كده انا معاك في حكاية بنيان دي لانه بنيان بي سابق تصور وتصميم للعلاقات
لكن ده افتعال وتواليف للعيش بتكون بس مارست حرية الاختيار ووقفت نمو الكائن الحي جواك لدواعي حفظ النوع والسكينة وسطوة المجتمع وكده ..

و عليكم السلام لنا ...
أنا ما عارف ليه الناس - و لنا جعفر خاصة - لسه ما عاوزة تفرق بين الريدة المستدامة و شحتفة الروح و رجفان اليدين وعرق الرقبة ..
يا ستي أي شيء بتحول الى " سكن " وهذا ما نبحث عنه الاستقرار .. والسكينة .. لكن ما نستبعد الحاجات الحلوة الاسطورية الخرافية .. ودي بنلقاها في حاجات كتيرة .. والتعبير بختلف ..
يعنى الكلام الحنين ما بختلف .. امكن تتغير مفرداتو ..
لمسة اليد و مسكة اليد ببقى التعبير عنها بشيء أكثر من خرافي .. اسمه ممارسة الحب .. تعرفى شنو يعنى ممارسة الحب
يعنى الحب كنظرية فى المرحلة الأولي بيتطور ويبقى ممارسة فى الزواج ..
وهكذا بقية الأشياء .. تتحول من نظريات و رجفات الي ... ممارسة و تطبيق ..
فمرحب بك فى واقعنا ..



جاييك لباقى الكلام .. ومداخلتك الفوق دي محتاج كراس وانا جاهز ..

يا حِضْرة شربات القوم
.. سُكر العشاق
جيتِك مشتاق
فى حالة درويش
وزهوِك مالينى عناق
فسّحنى بستان العِشق الطازج
فضّـلنى على راحة بال
و عزمنى على دهشة و ذوق،

معتصم الطاهر
من ديوان شباك الحنين

[معتصم الطاهر]

المشاركة الأصلية كتبت بواسطة لنا جعفر

الحب البنحلم بيهو يوماتي حاجة تانيه خالص
حب مطلق ..........ومسئولية مطلقة تجاه العلاقة وبنيانها .......ووجدان شغال على طول وقلق منتج
وحوجة مستمرة لوجود الآخر كونه محتل يصعب الخلاص منه وهاجس لذيذ وتفاصيل

انتي عارفة انتي بتصفى بالضبط فى شنو ..!!




فى شنو ..!!




فى شنو ..!!


فى شنو ..!!





فى شنو ..!!



أها اتذكرت ...





شيئ



اسمه





الزواج ..

[معتصم الطاهر]

المشاركة الأصلية كتبت بواسطة لنا جعفر

انتو الجدل والورشة ديل لسة مدورين؟
آدم يهرب من التفاصيل مع الزوجة ويحتج بأنا موجود انا اذن احبك!!!!!!
عشان كده انا اعترضت على فكرة المؤبد مع الزوج لانها بتكون تأبيدة

أنا ما فصلت الكلام دا ساى ..
فصلتوا عشان انتى كررتيه ..

يعنى حسب فهمي الذكورى .. انو هناك حلين ..
الاول .. نغير الأزواج كلو مرّة
الثاني
نغير المزاج كل مرّة .. ..!!!

انتي مع ياتو ..؟؟؟

[معتصم الطاهر]

المشاركة الأصلية كتبت بواسطة لنا جعفر

سلام يامتجادلين

عم فتحي بالله كلم الناس دي
انه الرجل السوداني منفصم ومنقسم واناني ومنحاز لي نفسه

فى زول غالطك فى الكلام دا ..
الراجل السوداني لو قعدتو تحملو فيهو وزر الحاصل .. ما حتصلوا لنتيجة
دى قفة بشيلوها اتنين ..

[لنا جعفر]

منال
ودي وتحياتي وسعيدة بوجود الجميع ووجودك خاصة
فلنكن كلنا ضوءا فقط بعيدا عن التشنج والجندر
تابعي معاي وسأرد عليك قريبا

معتصم الطاهر
يازول ياهراج انت انا الليلة شكلي حاونسك ونسة تاريخية وافسحك فسحة سمحة ، بس الفسحة دي ماعندها اي علاقة بصلاح قوش او د/نافع!!!!!
اسمعني
كان لدي صديق هو اخبث خبثاء المجرة
انا كنت اعتقده متوازنا الى حد يتيح له قبول انتاج علاقات متكافئة مع سكان المريخ (النسوان)
المهم النقة شغالة كم سنة......وفي احيان كثيرة كان يردد على مسامعنا ونحن كنا جمهرة فاتكة من الشرسات ذوات القبضات الملّوحة في فضاءات الجندر وسنينه السودا ......كان يرددعلى اسماعنا
..........المرأة عمل فني انتج بدقة .....
طبعا حسن النية كان حادينا ودليلنا لانه المتهم برئ حتى تثبت ادانته ولانه الاصل في الانسان البراءة
ومرت الايام بجنونها وهدوءها وفوجئنا ان صديقنا ذاك احتقب احلامه ونوى النزوح نحو سقف العالم (افرست) لسبب جد مبهج وهو انه اراد ان يعتنق البوذية
وفي سبيل تحرير نفسه (الآثمة) كما اعتقد هو، قرر أن يبوح لي انا العبد الضعيف بخطاياه فأودعني قصاصة طلب مني قرأتها بعد أن يولي هو الادبار ..................
وبعد فواصل العزاءات والوداع السمجة تلك ....انتبذت لي ركن وبداءت بقراءة صديقي البوذي .........
ملخص قول ذاك الخبيث كان .................
انه لم يرى المرأة خلف ذاك العمل الفني طوال فترة تأمله!!!!!
الامر بالطبع فيه اشارة لعدم قدرته لجسر الهوة بين سكان الكوكبين الجارين وفيه توابع ايضا هائلة، لكني بطريقة ما استطعت النفاذ لفكرته المحورية الخبيثة في الحياة وهي انه كان يمارس التقية (بضم التاء الاولى)
ومن يومها فقدت ثقتي بالجيران الاعزاء..........................ولاعزاء
انتهت قصتنا القصيرة والحزينة
الكلام الاول ده اضاءة صغيرة
أود التعقيب هنا على بعض ردودك يا معتصم وسأفعل ذلك في نقاط قصيرة

اولا
انا لااحتاج هنا لذكر أن التجارب الفردية لكل منا لايجب أن تستغرق القاعدة الراسخة والعملية في الحياة
لان القاعدة لم تأتي الانتاج تجميع وتراكم التجارب الحية منذ نشوء المجتمعات الابوية لذا يامعتصم الطاهرأنا اعتز جدا وفخورة بانتاجك لعلاقة بهذا العمق الذي كتبت ،لكن هذا لايغير كثيرا على المستوى الجمعي للسواد الاعظم من العلاقات ،وأنا ايضا استطيع ان احكي عن علاقة لي لاتشبه السائد لكني ورغم ذلك لااستطيع خيانة جنسي ولاأود تجاوز عدم التوازن بانتاج علاقة ناجحة تعيش مذعورة من مجتمع حارس لقيم اللا عدالة !!! تعرف لماذا؟
لان الحلول الفردية وهم كبير جدا .............بس بهذه البساطة

ثانيا
مااسميتها قفة يامعتصم ............أنا آخذك بأعترافك هذا واضيف عليه بعد اذنك بالطبع ....
أن هذه القفة المصممة ليحملها اثنان صنعت لكن بيد واحدة بدل ان تكون بيدين اثنتين والآن ان كنا لاندري يجري صراع محموم جدا لتحديد هوية حاملها كونها بيد واحدة هذا أن لم نقل ان القفة مصادرة لمصلحة طرف معروووووف أول حرف في اسمه (رجل)!!!!
ثالثا
أنا لااصف في الزواج يامعتصم الطاهر أنا اصف في علاقة حب اصر ان تكون بتفاصيلها ومحافظة على بهائها تحت كل الظروف ،الحب يختلف عن الزواج بل أن البعض يرسم للمسميين خطين متوازيين .
الزواج مؤسسة واقعية اجتماعية تستهلك مدخورها الوجداني وتتآكل وتتحول لمنفى بارد بفعل التعود واللاحوار وعنترية الرجل واستفادته من تسهيلات يقدمها له المجتمع والزواج هذا بفعل قوى المجتمع
القاهرة يسحق رغبات المرأة واستقلاليتها النفسية ويحولها لتابع لكوكب يحكمها بجاذبيته الفيزيائية وأنا لدي دلائل نظرية ربما اوردها لك يوما لكن (الطباعة حاااااااااااااااااااااااااااارة)
رابعا
لاشئ يدعى ريدة مستدامة حسب رأيي المتواضع ........هناك ألفة أو تعود أو عقلنة تجري لما هو غير عقلاني.....وهذا ظلم فالحب كائن حر وجد ليحلق بنا وليس ليطير ويتركنا مورطين في علاقات اصبحت التزاماتها الاخلاقية أقوى من قوة دفعها الذاتي
لاشئ يامعتصم يعوض أويعادل خفقان القلب لاشئ ابدا ...ابدا ....ابدا
ولاشئ يعدل ان يهاتفني صوته الدافئ فجأة ليعلن شوقه لي فقط ....او مفاجأتي بوردة صغيرة حمراء أو تذكره ليوم ميلادي أو تاريخ ارتباطنا ................لاشئ يعدل التفاصيل الحميمة والصديقة تلك
ولااقبل أن تتحول العلاقة لالفة وسكن واستقرار فقط
الكل يسكن والكل يستقر ....لكن هل الكل يحافظ على الدهشة الاولى والشهقة الاولى ودفق الضي في الشرايين الموترة عشق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معتصم كونك استثنائي (وانا اعترف لك بذلك) لايعني ان ليس هنالك قضية فدعنا لانبحث عن مخارج فردية ولنعش اشكالات البعض كهم بجانب نجاح امثولاتنا
خامسا
خيرتني بين تغيير الزواج أو الازواج؟ولا الزواج والمزاج........؟
كان هناك خطأ مطبعي في كتابتك
عموما وخوف اتهامي بالزوغة والى ان تكتب الكلمة الصحيحة اجيبك بالاتي:
نحن لانحتاج لتغيير اي شئ غير فهمنا ويستدعي الامر بين فينة وأخرى أن نقيم محكمة لضميرنا
لنصحح اخطاء الممارسة ونمجد مساحات الضو والوضوح فينا
ياخي العدل حلو
سعيدة لاجلك واتمنى أن نجري جميعا مراجعات حتى لو كانت سرية فأحيانا النقد بصوت عالي ودايم قد يتحول هو الآخر لعادة تفقد منتوجها المرجو
هذا مع اكيد ودي واعزازي للجميع

[عادل عسوم]

مداخلة (مليانة)...

[معتصم الطاهر]

المشاركة الأصلية كتبت بواسطة لنا جعفر

أود التعقيب هنا على بعض ردودك يا معتصم وسأفعل ذلك في نقاط قصيرة

يا لنا
ازيك

أسع لو فضلت على حالتي القديمة .. مش أخير!!
حالة أن أجتر مداخلاتك و أبتسم دون رد ..
قلنا ليك " افتحن البيبان و الطاقة " مش "أفتحن النيران بلباقة "
قالت نقاط قصيرة قالت !!

فى كل ردودي أكتب عن واقع و حلم .. وتجاربي وآخرين و بعض من فهمي المغلق ..فلا تأخذيني بمحدودية تفكيرى

[منال]

سلامات عمو معتصم و عادل و لنا

راجين كل مداخلاتكم و افادتكم لانى قلت بتنور طريقى دى على الصعيد الشخصى و اهو فى كتار من المتزوجين بادروا يدونا الذاد ابتاع التجربة النيرة عشان ادخل القفص و انا شايلة الراية البيضاء
نواصل الحوار المفتوح ده و احسبه تنوير للجميع منتظراكم على شية جمر

[عادل عسوم]

منال نحنا جاهزين بالمداخلات والأفادات...
بس كدي أخدي لينا أدُن من الباش (لأنو البيبان والطاقة ديل في ديوانو)
أحتراماتي

[منال]

المشاركة الأصلية كتبت بواسطة adilassoom

منال نحنا جاهزين بالمداخلات والأفادات...
بس كدي أخدي لينا أدُن من الباش (لأنو البيبان والطاقة ديل في ديوانو)
أحتراماتي

يا زول اذنك معاك و دى بلسان عمو معتصم كمان اصلو فتح بيبان كل الشباب من الجنسين لانو مجندر كبير خليك قريب و خوش توش من اوسع الطاقات

[نهى أحمد]

بوست يتلوى ألقاً وقلقاً ، سألتزم الصمت إلى حين يفرغ المتزوجين من مداخلاتهم، حينها سأدخل كعزابيه




















































بيضا مكويه
حبيبي بسحروك لي.

[معتصم الطاهر]

المشاركة الأصلية كتبت بواسطة نهى أحمد

بوست يتلوى ألقاً وقلقاً ، سألتزم الصمت إلى حين يفرغ المتزوجين من مداخلاتهم، حينها سأدخل كعزابيه
.
بيضا مكويه
حبيبي بسحروك لي.

يا نهى

البوست دا اسمو " افتحن البيبان والطاقة "
البيبان تفتحن قلوبكن ..
والطاقة .. هي عقلكن .. عشان تقولن عاوزات شنو .."

يلا افتحي ..

[منال]

ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك
يا جرح الألم

الاحتمال بين الطرفين بكون كبير و متسع متين قبل او بعد الزواج ؟
كيفية الاحتمال ذاتها؟ و الى اى مدى!!!!!!
تحمل قلبت المود mode للطرفين ... بعض الزوجات يشكون من حدة الانقلاب (مرة بكونbaby و مرة بكون (enemy .. دحين فدا مرا بتتحمل قلبت المود زى ده....
و هل قوة تحمل الزوج لدلع و دلال الزوجة قدر شنو؟ (رحلت وجيت وفى بعد لقيت كل الارض منفى)
وعندما يجد الحضن الدافى ( الحلا) فى لحظة بتذكر الوجه الاخر بتاعو الشنا عندما يشاكل و يتناقر فى اشياء لو ساهم فيها لحلها او عملها ... (اصلو العمر كان درب مشيتو سدى وقبضت الريح)
و كيف ( بنهزم يوم التجنى) !!!
و عندما يسكن التنافر و المناقرة عش الزوجية (اهو نحن في الأخر سوا ... باعنا الهوى ... ماشين على سكة عدم)