تحياتى اخ ماجد ,
واعتذر على شيك من بياض ان تنامى الى فهمك من مداخلاتى ماتصفه بالتنمر عليك ,
حديثى هذا والذى قبله ليس ملزم لك, بل هو حديث فى سياق النقاش المطروح , كما انه لايعتنى باللائحة فأنت لم تتعدى على بند حسب رئيتى و ولكنك تعديت ادبيآ بتكرار ذكرك لاسم السيدة ام التيمان فى عنوانيكو دون أن يكون للمضمون علاقة نقدية مباشرة بكتاباتها,
لك ان تمضى فى الامر كما تحب وتشاء فليس لى من حديث ملزم تجاهك او تجاه انسان آخر فى هذا المكان , نحن فقط نناقش المكتوب امامنا وندلو بدلونا حوله..
أسمح لى تناول مداخلتك اآخيرة على أجزاء..
تقول:
اقتباس:
ياخي خليني أكتب بالطريقة التي تعن لي
ولك حق الاعتراض زي ما عايز
|
هذا ماقمت به , أنا لم احجب عنك كيبوردك او كلمتك, ولكنى ابنت اعتراضى بشكل واضح , ولم تقم أنت بالرد عليه هنا او هناك , لهذا ظل الالتباس قائم, مافى زول بحكر على التانى فى نقاش مفتوح, فلا تتلبس ثوب الضحية , فأنت لك من الكلمات مايكفى لايضاح تجنيك الأدبى على السيدة أم التيمان بتكرارك لذكر اسمها فى عنوانيك دون ايراد نقد تجاه كتابتها!!!
اقتباس:
|
محاولاتك المستمرة لدفعي للكف عن الكتابة
|
أتمنى ان تورد ولو مقتبس واحد يقول بدفعى لك للكف عن الكتابة ..
انت بتهاظر ياماجد ولاَ داير تناقش بشكل عملى؟
أنا ماعندى اى سلطة تجاهك او تجاه المنتدى عشان أقوم أدفعك للكف عن الكتابة !
دا ضعف بتاع حجة منك ساكت
اقتباس:
|
وأنا لحدي دلوقت لا اتجاوزت خلق ولا حطمت قيمة ولا انتهكت لائحة
|
وأنا معاك فى الكلام دا , لكن ياأخى الواحد عشمان فى تجويد أكتر , يعنى ياماجد كلامى ليك مابندق فى بحر, لكنو كلام الزول الشايف انو فى فائدة يمكن تكون من كلامك دا, بس بدون التجنى بتاع تتليح اسم السيدة أم التيمان ,..ولقد أبانت نجربة النقاش معك حتى الآن انك لاتملك نقدآ مباشرآ لكتابتها , فلماذا اذآ تربط اسمها بأفكار تود طرحها؟ اكاد اتخيلك كالمتكئ على حائط يظنه قصيرآ ولايدرى عن حالة تماسكه واشتداده وقوة احتماله, فاما أرهقتك الشمس , أو غلبك النعاس ..
لاتركن اذآ لذكر أسماء دون ان يكون لك دفوعات منطقية فى ذلك..
اقتباس:
أم التيمان دي أنا جبت كتاباتها من درجها السري تفتكر ؟
مش هي اللي جات وطرحتها هنا في العام دا
|
مافى زول قال ليك ماتناقش فى ماتراه يستحق, لكن موش المفروض انك تلتزم بمناقشة كتابتا مادمت أتيت على عنونة مفترعيك باسمها..
اقتباس:
|
ومن متين ممكن تقيم أفكار زول قبل أن يكمل طرحها على العلن
|
عشان نفصل بين الاشياء بشكل جيد ,
أنا ما ناقشتك لحدى هسه فى كلامك فى البوست , بل طالعته بغرض الفائدة والمعرفة,
البوست الفات بتاعك قلت لأم التيمان , انك خلاص (خليتها )وكأنك لاتستقصد المكتوب ,
شوف ياأخ ماجد
الكلام المكتوب دا مافيهو حاجة اسما خليتك,
انت ماعندك مواجهة شخصية مع زول و لكن ماسك ليك درب بتاع نقاش عام ,
انت لن تستطيع ان تلوى عنق مداخلاتك فى هذا البوست لتثبت علاقتها بكتابة أم التيمان, فلماذا اذآ تصر على شخصنة العنوان؟
اقتباس:
|
أنا ما زلت أوالي الكتابة زي ما قلت ليك قبل كدا
|
وستجدنى من السعيدين والمتاملين لما تكتب ,
تروقنى كتابتك, لهذا أتى العشم والنقد المباشر
