عموم قبيلة الشايقيه

[ازهري الحاج شرشاب]

سلام دكتورتنا ماريل
والله سعيد بأنى فتحت هذا البوست والتقيت عبروا باناس رائعين .... واصلا متوقع اختلاف وجهات النظر وهذه محمدة ... وقطعا لا اتحسس من اى مداخله فكل الذين تجاذبنا معهم الحديث احبة ولهم معزة بداخلى .. اما الكلام عن التحضر والثورية اقصد به حقيقة بدرى الياس كنوع من المناكفة وهو رجل صديق وعشرة سنوات.
واخير لك صادق مودتى وفى انتظار حبة الحساسيه .

[أحمد طه]

ما غريبة اعصر ياخ بس ما لى درجة خلق هوة بينك وبين الاخر
الما بتجمعك بيهو ثقافة او لهجة او نسب صعبة دى....

ماريل الله يرضى عليكي ، لافي هوة ولا يحزنون ، أهلي و قبيلتي بعصر عليهم بدون ما أهبش مكانة الآخرين ، لأنو ما يجمعني بيهم أكتر مما يجمعني بالتانيين ، وفي نفس الوكت ما بكون قافل نفسي من الانفتاح على المكونات الثقافية لبقية قبائل السودان و محاولة استكشاف مواطن الجمال فيها ، حكاية إستعلاء و أعراق و شنو ما عارف دي ما عندي (كلنا لآدم و آدم من تراب)

من الحاجات اللاحظتها (زمني الفي الإمارات) إنو أي مواطن إماراتي لازم اسمو ينتهي بي قبيلتو ، زي (سعيد مطر عبدالله الشامسي) أو العامري أو الكعبي أو النعيمي
الخ ،،، بس في سودان الجن دا لو سألت فيهو زول إنت جنسك شنو (بمعنى قبيلتك شنو) الهوا يجيك ،مع إنو (و جعلناكم شعوبا و قبائل لتعارفوا) ،،،
،،، ياخي القبايل و الألسنة و اللهجات خلقا الله لي حكمة .. بس

بعدين

مافى مشكلة بس افضل لو دعا لى كيان يخدم مشاكل عموم اهل السودان

كدي النقضي عوجة رقبتنا بعدين نشوف عموم السودان ،، إنتي جادّة ،،
و قبيييل شايفك سألتي د. أزهري (إنت قضيتك شنو؟)... لا تحصى ولا تعد... هم الشايقية ديل عايشين في هايدلبيرج ؟
وهو في زول في السودان ما عندو قضية ؟؟

يا ماريل ياخي (خيركم خيركم لأهله )
ماريل إذا الصدقة للمسكين فيها حسنة ، فالصدقة للمسكين المن ذوي القربى فيها حسنتين !!

[ازهري الحاج شرشاب]

حبيبى احمد يديك العافيه
وبعدين ماريل دى بتجى الدرب ونخليها تكون الرئيسه للكيان تخدم قبيلتنا والخير يعم الجميع

[ماريل]

المشاركة الأصلية كتبت بواسطة ازهري الحاج شرشاب

شكرا اخى النور
وحقيقة لن يتركوا مايدعون اليه لأنه عمل منظم ويقوم به مثقفى هذه القبائل لذا لبد لنا من اثبات وجود وحتى لايهضم حقنا فانظر معى الى هذا القول وقد كتبه المحامى عبد العزيز عثمان سام :

إن الغِل الذي يشوِي صدور العُربَان ويعتمل وُجدَانهم السقِيم بالفطرة، هو ما يدفعهم دفعاً لإشعال حروب والإبادة والتطهير العرقي.. وبهذه المناسبة أريد أن أسلط الضوء علي ميزة أساسية في العرب وهو الغِل، الذي يدفعهم دفعاً لإتيان كل الموبقات التي اشتهروا بها،لذلك عندما أراد الله سبحانه وتعالي أن يبعث سيدنا محمد رسولاً ونبياً خاتماً لتبليغ رسالته، كان لا بُدَّ للمولي جلَ وعلا أن ينزَع الغِل من صدر النبي محمداً وحادثة المَلَك الذي أرسله الله ليشِقَّ صدر النبي الكريم ضمن السيرة الثابتة التي لا يختلف عليها الناس. ولكن ماذا يعني لنا اليوم، تلك العملية التأهيلية للرسول الخاتم لأداء رسالات ربه؟؟


سيدى الجليل مثل هذا الفهم المغلوط لا يحارب بتكوين كيانات قبيلة وجهوية مضادة
بل بالتعامل الحسن الطيب الذى يعدل من صورة ساهمنا نحن بشكل او آخر فى تصوريها
لبعضنا الاخر وبرضو بقول ليك الزبير باشا وتجارته يقف بيننا وبين ما نصبو اليه من
تحقيق سلام نفسى داخلى الابالكثير من الصبر والاحتمال والتعامل الانسانى...


في رأي المتواضِع، ذلك يعني جملة أشياء أهمها أنَّ: العربي العادي الذي يملأه الغِل والبغض والكراهية، وبالتالي الحُمق وقلة الحِكمة والتريث والتروي والكياسة والفطنة في تدبُر الأمور، ليس أهلاً لحمل الرسالة وتبليغها ورعاية شئون الناس وتأمين الحياة الكريمة لهم. بمعني، أنَّ العربي العادي لا يصلح لإدارة الحكم الراشد ورعاية شئون الناس، لذا تتسم أنظمة الحكم لدي العرب بالقهر والقمع والإستبداد والفساد وعدم الشفافية والشمولية والطغيان.


الكلام ده اذا ح نقيسو على الحكومة الموجودة الان بتكون نسبة الحقيقة فيهو كبيرة
حتى المقاعد التى منحوها لابناء الولايات الاقل نموا هى مقاعد صورية لا تخدم مناطقهم
انما تكست صراخهم الذى يعلو بتقسيم عادل للسلطة والثروة....
رايك شنو فى حكم لا مركزى مبنى على التنوع الاثنى والثقافى للسودان؟؟

][/]

ثم يا مولانا انت زعلان من كلام الصحفى ده باعتبار انك عربى؟؟

[ماريل]

المشاركة الأصلية كتبت بواسطة أحمد طه

ماريل الله يرضى عليكي ،

ويرضى عليك يا افوكاتو

لافي هوة ولا يحزنون ، أهلي و قبيلتي بعصر عليهم بدون ما أهبش مكانة الآخرين ، لأنو ما يجمعني بيهم أكتر مما يجمعني بالتانيين ، وفي نفس الوكت ما بكون قافل نفسي من الانفتاح على المكونات الثقافية لبقية قبائل السودان و محاولة استكشاف مواطن الجمال فيها ، حكاية إستعلاء و أعراق و شنو ما عارف دي ما عندي (كلنا لآدم و آدم من تراب)


نحن متفقين هنا وانا قلت ليك اعصر على اهلك وما تخلق هوية بينك والاخر
جبيت انت قلت ح تعصر على اهلك وتنفتح على الاخر وثقافته يبقى ما اختلفنا

من الحاجات اللاحظتها (زمني الفي الإمارات) إنو أي مواطن إماراتي لازم اسمو ينتهي بي قبيلتو ، زي (سعيد مطر عبدالله الشامسي) أو العامري أو الكعبي أو النعيمي الخ ،،،


السبب بسيط لانو الاماراتيين فى النهاية كلهم عرب مع اختلاف البطون ....
الواقع فى السودان بختلف كثير عشان كده امبير الحساسية عالى اختلاف اعراقنا
الباين والواضح ووجود تاريخ للرق والاسترقاق فى السودان ساهم فى المشكلة يعنى
انت من الشرق ممكن تكون اقرب للاحباش ويمارس عليك تعالى طبقى وعرقى
من الغرب او الجنوب تعتبر رقيق وبرضو يتمارس عليك تعالى عرقى
يا اجمد خلينا نفتح الجرح ونعالجوا احسن من نغتغتو وبكرة يستسم وتستشرى سميته
مما يدعونا للبتر كما فعلنا مع الجنوب الحبيب....


بس في سودان الجن دا لو سألت فيهو زول إنت جنسك شنو (بمعنى قبيلتك شنو) الهوا يجيك ،مع إنو (و جعلناكم شعوبا و قبائل لتعارفوا) ،،، ،،، ياخي القبايل و الألسنة و اللهجات خلقا الله لي حكمة .. بس بعدين كدي النقضي عوجة رقبتنا بعدين نشوف عموم السودان ،، إنتي جادّة


جادة وبى شوفى القدر قدرتو ده بشوف معاناة اهلى فى دارفور مثلا اعظم
من معاناة اهلى فى الشمالية وبنحاز لدارفور بدون تردد...


،، و قبيييل شايفك سألتي د. أزهري (إنت قضيتك شنو؟)... لا تحصى ولا تعد... هم الشايقية ديل عايشين في هايدلبيرج ؟


مالكم ؟؟؟على الاقل الامن عندكم مستتب احمدو ربكم ياخ مافى مقارنة بينكم
وبين ناس دارفور فى الحوجة او فى التنمية او فى التعليم او الصحة ....


وهو في زول في السودان ما عندو قضية ؟؟ يا ماريل ياخي (خيركم خيركم لأهله ) ماريل إذا الصدقة للمسكين فيها حسنة ، فالصدقة للمسكين المن ذوي القربى فيها حسنتين !!

غايتو عن نفسى كل بنى آدم اهلى وبنحاز للمحتاج اكتر وبس

انا الليلى الرمانى وسط القانونيين شنو؟؟؟
يومى اسود يا افوكاتو

[ماريل]

المشاركة الأصلية كتبت بواسطة ازهري الحاج شرشاب

حبيبى احمد يديك العافيه
وبعدين ماريل دى بتجى الدرب ونخليها تكون الرئيسه للكيان تخدم قبيلتنا والخير يعم الجميع

اتحاد احمد طه وازهرى شرشاب يسقط ماريل بالتأكيد

[أحمد طه]

المشاركة الأصلية كتبت بواسطة ماريل

اتحاد احمد طه وازهرى شرشاب يسقط ماريل بالتأكيد

ماريل ، يا بت ملوك النيل ،، يا أخت البدور،، مين لي علاك ينيل في البدو و الحضور

... أسقط انا دا و اموت ركن


اصلو الايام دي السقط ضاربنا بعيد عنكgap

[ماريل]

المشاركة الأصلية كتبت بواسطة ازهري الحاج شرشاب

سلام دكتورتنا ماريل

يبدو انو الرسالة وصلتك من فاعل خير ماقصر الكشف ليك هويتى


والله سعيد بأنى فتحت هذا البوست والتقيت عبروا باناس رائعين .... واصلا متوقع اختلاف وجهات النظر وهذه محمدة ...


شخصيا بحب اناقش الانسان المختلف معاى فى الرؤى لانو اكيد بفتح لى
نفاجات ما كنت جايبه خبرا عليه تجدنى لحوحة فى الحوار ده معاك ومع احمد
طه لانى فى الاخر بستفيد مهما لاويتكم وكابرت فى الاخر بجنى فايدة عظيمة

وقطعا لا اتحسس من اى مداخله فكل الذين تجاذبنا معهم الحديث احبة ولهم معزة بداخلى .. اما الكلام عن التحضر والثورية اقصد به حقيقة بدرى الياس كنوع من المناكفة وهو رجل صديق وعشرة سنوات.


يا سيدى ادام الله عليك نعمة الاصدقاء الجميليين امثال بدرى الياس واحمد طه
دمت بخير واعلم ليس هناك ما يدعو لالحاحى فى الحوار معك الااداركى لسعة
علمك وسعة صدرك ورغبتى فى الاستفادة من تجاذب الحديث واياك...

واخير لك صادق مودتى وفى انتظار حبة الحساسيه .

وصادق مودتى ايضا عن الانتهستامين ح اخليك تتهرش شوية مستمتعة بتحسسك

[ماريل]

المشاركة الأصلية كتبت بواسطة أحمد طه

ماريل ، يا بت ملوك النيل ،، يا أخت البدور،، مين لي علاك ينيل في البدو و الحضور ...
أسقط انا دا و اموت ركن
اصلو الايام دي السقط ضاربنا بعيد عنكgap

اموت وله انقلب عنكبوت انا دى
يظهر انو عندك مواهب تانية غير الشعر والادب
لكن كسير التلج ما عندك
عايز تجيب اجلى فى السقط ده؟؟
ياخ اقول ليك شئ:
ماريل يا تسقط.....ماريل يا تسقط ....ماريل يا تسقط
ويعلو احمد طه وهوادة معاهو ازهرى شرشاب
وعاشت دارفور ابيه عصية على الانهزام

[ازهري الحاج شرشاب]

الطيب صالح قال : عربى انا شاء من شاء وابى من ابى
بعدين يادكتوره لامتين نحصر على نفسنا وهم طوالى عاصرننا
الزبير باشا من وين وصلتو شنو بالشايقيه
بعدين زعلانين هم من الزبير باشا ليه ؟ الزبير ده صناعة منو والدافع عن المهديه ؟ ثم مالن نسوا الانجليز مؤسسين الموضوع فى البدايه واسه قاعدين معاهم ويحرضوا فيهم علينا .
اما الكلام الذكره المحامى عن العرب ماعندو علاقه بالحكومه ده رأيو فى كل اهل الشمال .
بعدين معلومة انو ناس الامارات كلهم عرب ماصحيحه اكثرهم جذورهم ايرانيه او بلوش لذا تجدنى الاصرار على ابراز اسم القبيله وحتى هذه درجات وتصنيفات
تحياتى ليك وللاخ احمد ونواصل

[عادل عسوم]

يصف الكاتب الانجليزي وادجنتون القتال عند الشايقية فيقول:

ان لديهم في الهجوم جرأة نادرة لا نظير لها، يركبون إلى الأعداء ويواجهونهم مواجهة قريبة وقلوبهم تهفو إلى اللقاء في خفة وابتهاج كأنهم ذاهبون إلى إحتفال أو عيد ويعلو وجوههم السرور كأنهم يلقون أصدقاء اشتد بهم الشوق إلى رؤيتهم بعد طول غياب فإذا واجهوا بدأوه بقولهم (السلام عليكم) سلام المنية التي توافي تلك الرماح والتي تعقب هذه التحية مباشرة وتتوالى الطعنات يعطونها ويأخذونها وعلى ألسنتهم تترد ألفاظ الحب والمودة. هذا الازدراء للحياة وهذه السخرية بأشد الأشياء إخافة وإرهاباً هو صفة ملازمة لهؤلاء القوم. إنهم الشعب الوحيد الذي يتخذ من الأسلحة لعباً يتلهى بها ومن الحرب رياضة محببة إلى النفس. لا يطلبون من أدائهم شيئاً سوى التسلية ولا يخافون من الموت سوى أنه راحة لأبدانهم.
ثم تغير حالهم فاجبروا على أن يتخلوا عن خيولهم للغرباء وأن يستبدلوا رماحهم بزحافات تسوية الأرض المزروعة ومقابض لتشذيب الشجر وأرغموا على أن يسوقوا الثور حول الساقية بعد أن كانوا يطاردون الأعداء عبر الصحراء.
هذا وصف وادجنتون في كتاب نكليز (الشايقية) يوثق للشايقية ويصف معركة كورتي ثم يتحسر على مصير هذه القبيلة المتفردة التي لا تشبهها أي قبيلة من القبائل الأخرى.
وفي موضع آخر يقول وادجنتون (إنهم يخوضون المعارك مبتهجون والإشارة بالهجوم تبدأ عندهم من عذراء تلبس كامل حليها وتركب على ظهر بعير فتردد الزغاريد مراراً وهي موضع احترام وترحيب لكل الطرفين المتحاربين).
أما عن مهارتهم في استخدام الترس (الدرقة) فقد روى انجلش :
(كان هؤلاء الأعداء من الحذق والمهارة في استخدام الترس بحيث أنهم كانوا يتفادون كل ضربة توجه إليهم)

http://albrkal.com/forum/showthread.php?t=1306
ألا يستحق هذا أن يذكر في محافل الشجاعة والذود عن حمى الوطن لكل من ينتمي الى هذا السودان؟!
...
مودتي أزهري والأحباب

[عادل عسوم]

جدتي (والدة ابي) رحمهم الله جعلية من المتمة...
زرت شقيقها (جدي) الذي يقيم في منطقة الصداقة المجاورة للحصاحيصا يوما فدعاني قريب لي لحضور ندوة عن عبدالقادر ود حبوبة في أحد الأندية الثقافية في مدينة الحصاحيصا...
تحول النقاش الى سجال بين الجعليين والحلاويين عن الشجاعة وأي القبيلتين أحق بحمل لواء ال(شجاعة) في هذا السودان...
وبعد قليل تناول المايك أحد الشكرية وبدأ في ذكر بعض الشواهد التاريخية الدالة على شجاعة القبيلته...
ثم تبعه أحد التعايشة من أهل المنطقة فتحدث عن أم دبيكرات وعبدالله التعايشي...
فانتظرت ليتحدث أحدهم عن الشايقية فلم أجد!
فاستأذنت وسلمت على الحاضرين وذكرت الحديث الشريف بأن الأمر ان كان تعاليا وغمطا للآخر فالأولى أن ننأى عن ذلك لقول النبي صلوات الله وسلامه عليه بأنها (منتنة)...
فأفادني من يدير الجلسة بأن الأمر لا يعدو تذكيرا للناس ببعض شواهد التاريخ السوداني فما كان مني الاّ أن تحدثت باسهاب عن معركة كورتي وبسالة الشايقية وهم يذودون عن حياض الوطن.
وعند بوابة الخروج التقاني نفر من الحضور وشدّوا على يميني قائلين بأنهم شايقية لكنهم لم يتحدثوا خوفا من أن يتهمهم الآخرين بالغرور والتعالي وبغمطهم وازجائهم!!!

[حسين أحمد حسين]

تحياتى د. أزهرى،

فى واقع الأمر تنشأ الحاجة للقبيلة (فى عصر دولة الرفاهية، فى القرن الواحد عشرين)، حينما يتفسخ نظام الدولة، ويصبح غير قادر على محاربة الفساد، وبسط الأمن والعدل، والقسمة العادلة للثروة المصاحبة للتنمية المتوازنة. أى فى حالة ما يُعرف هذه الأيام بالدولة الفاشلة (Failed State)، كما هو فى الصومال والسودان واليمن وأفغانستان... إلخ.

فبغياب الأمن يحتمى الخائف بالقبيلة، وحينما تتركَّز التنمية فى المركز يحتمى المهمَّش بالقبيلة، وفى ظل الدولة الفاسدة تُنتَزع الحقوق بوجهاء القبيلة ("ولو لا رهطك لرجمناك"، الآية).

ولكن هناك تخوُّف مشروع (كما تشير د. ماريل) من الإنزلاق إلى منطلقات السلطة المتهافتة التى تريد أن تبقى أكبر وقتٍ ممكنٍ فى السلطة تحت قانون فرِّق تَسُد المُستجلب البغيض. وأقرب مثال لذلك المغرَّر به "سفاح الكِريمِتْ"، وتوظيف جهله وحميتِهِ بعروبةٍ مزعومةٍ لقتل أربعة طلاب من دارفور بدمٍ بارد دون أن يطرف له جفنُ الخِشية من الله (وأولُ ما يُحاسبُ عليه العبد يوم القيامة الدماء، وقد تبرأ سيدنا رسول الله صلى الله عليه وسلم مرتين من صنيع سيدنا خالد بن الوليد يوم قتل بعضاً من بنى جذيمة حينما لم يحسنوا أن يقولوا أسلمنا، ومابالك بالقتل العمد).

والسؤال الملح: متى تنتفى الحاجة إلى القبيلة فى السودان الفضل، حتى لا يتحول الوطن إلى دويلات دعامتها الإثنية لا المواطنة.

المعزة التى تعلم.

[أحمد طه]

المشاركة الأصلية كتبت بواسطة حسين أحمد حسين

تحياتى د. أزهرى،

فى واقع الأمر تنشأ الحاجة للقبيلة (فى عصر دولة الرفاهية، فى القرن الواحد عشرين)، حينما يتفسخ نظام الدولة، ويصبح غير قادر على محاربة الفساد، وبسط الأمن والعدل، والقسمة العادلة للثروة المصاحبة للتنمية المتوازنة. أى فى حالة ما يُعرف هذه الأيام بالدولة الفاشلة (Failed State)، كما هو فى الصومال والسودان واليمن وأفغانستان... إلخ.

فبغياب الأمن يحتمى الخائف بالقبيلة، وحينما تتركَّز التنمية فى المركز يحتمى المهمَّش بالقبيلة، وفى ظل الدولة الفاسدة تُنتَزع الحقوق بوجهاء القبيلة ("ولو لا رهطك لرجمناك"، الآية).

ولكن هناك تخوُّف مشروع (كما تشير د. ماريل) من الإنزلاق إلى منطلقات السلطة المتهافتة التى تريد أن تبقى أكبر وقتٍ ممكنٍ فى السلطة تحت قانون فرِّق تَسُد المُستجلب البغيض. وأقرب مثال لذلك المغرَّر به "سفاح الكِريمِتْ"، وتوظيف جهله وحميتِهِ بعروبةٍ مزعومةٍ لقتل أربعة طلاب من دارفور بدمٍ بارد دون أن يطرف له جفنُ الخِشية من الله (وأولُ ما يُحاسبُ عليه العبد يوم القيامة الدماء، وقد تبرأ سيدنا رسول الله صلى الله عليه وسلم مرتين من صنيع سيدنا خالد بن الوليد يوم قتل بعضاً من بنى جذيمة حينما لم يحسنوا أن يقولوا أسلمنا، ومابالك بالقتل العمد).

والسؤال الملح: متى تنتفى الحاجة إلى القبيلة فى السودان الفضل، حتى لا يتحول الوطن إلى دويلات دعامتها الإثنية لا المواطنة.

المعزة التى تعلم.

[ماريل]

المشاركة الأصلية كتبت بواسطة حسين أحمد حسين

تحياتى د. أزهرى،

فى واقع الأمر تنشأ الحاجة للقبيلة (فى عصر دولة الرفاهية، فى القرن الواحد عشرين)، حينما يتفسخ نظام الدولة، ويصبح غير قادر على محاربة الفساد، وبسط الأمن والعدل، والقسمة العادلة للثروة المصاحبة للتنمية المتوازنة. أى فى حالة ما يُعرف هذه الأيام بالدولة الفاشلة (Failed State)، كما هو فى الصومال والسودان واليمن وأفغانستان... إلخ.

فبغياب الأمن يحتمى الخائف بالقبيلة، وحينما تتركَّز التنمية فى المركز يحتمى المهمَّش بالقبيلة، وفى ظل الدولة الفاسدة تُنتَزع الحقوق بوجهاء القبيلة ("ولو لا رهطك لرجمناك"، الآية).

ولكن هناك تخوُّف مشروع (كما تشير د. ماريل) من الإنزلاق إلى منطلقات السلطة المتهافتة التى تريد أن تبقى أكبر وقتٍ ممكنٍ فى السلطة تحت قانون فرِّق تَسُد المُستجلب البغيض. وأقرب مثال لذلك المغرَّر به "سفاح الكِريمِتْ"، وتوظيف جهله وحميتِهِ بعروبةٍ مزعومةٍ لقتل أربعة طلاب من دارفور بدمٍ بارد دون أن يطرف له جفنُ الخِشية من الله (وأولُ ما يُحاسبُ عليه العبد يوم القيامة الدماء، وقد تبرأ سيدنا رسول الله صلى الله عليه وسلم مرتين من صنيع سيدنا خالد بن الوليد يوم قتل بعضاً من بنى جذيمة حينما لم يحسنوا أن يقولوا أسلمنا، ومابالك بالقتل العمد).

والسؤال الملح: متى تنتفى الحاجة إلى القبيلة فى السودان الفضل، حتى لا يتحول الوطن إلى دويلات دعامتها الإثنية لا المواطنة.

المعزة التى تعلم.

شكرا شكرا شكرا على الكلام الفى الصميم ضراعك يرمى ما يدمى