أغاني ... وأغاني (2014)

[زول الله]

نقاش جميل وفلفلة ممتازة للبرنامج البدأ يمشي في الداون ماعارف ليه

من المجموعة ممكن اعتمد عصام محمد نور كصوت قوي وواعي ومعبر بصدق رغم قلة مشاركته حتى الآن في البرنامج

عمرجعفر لديه الكثير ليقدمه وحتى الآن لم يجد فرصته ولم نستمتع به وننتظر تقديمه منفرداً

طه سليمان ثابت كالطود صوتاً وأداءً وتهذيباً

السني بدأ يفقد بريقه الأول بسبب وضعه في قائمة المقلدين بتكرار النماذج المسندة إليه من صنف واحد مما اخفى موهبته الحقيقية.

انصاف حان ابتعادها من كرسي البرنامج

ايضاً نسرين هندي التي لازالت تؤدي أداء رجالي داؤودي متجاهلة صوتها المميز مما وضعها في خانة المقلدين ويبدو انها تحفظ الاغاني بطريقة زوجها الفنان المهندس جمال ذو الصوت والطريقة الداؤودية جداً.

فرفور هو نفسه لاجديد وحتى طريقة اداءه للمصير هي نفس الطريقة الفرفورية العادية مع تحفظي على الفرقة الموسيقية التي زادت زمن التيمبو اكثر من زمن الاغنية الاصلية مما اكسبها سرعة أخلت بالناحية الطربية فيها وأثرت على أداء المغني.






اقول قولي هذا واستغفرالله لي......................

[طارق صديق كانديك]

ياعمدة كيفنك وضيوفك

رمضان كريم على الجميع

غايتو طعم الاشياء كله ليس كما تعودت ذوائقنا ان تفعل، ومع ذلك اتيحت لي فرصة الاستماع للبرنامج بالامس مصادفة، طربت لأغنيات النسائم المهفهفات.

أتفق مع ملاحظات أمير الأمين القصة جاطت ياخ


النصيحة استمتعت جدا بغناء نسرين،آآي السنة دي غناية، غناية عدييييل.

غايتو المحفزات على المتابعة ضعيفة جدا السنة دي، ربما آن الأوان لابتكار فكرة جديدة.



التحيات للجميع

[أمير الأمين]

ستينية حقيبة الفن لا يكفى الاحتفاء بها بارتداء
الجلابيب والنقر على الرق...اغانى الحقيبة تخطت
هذه المرحلة منذ زمن بعيد...والاذن لا تتعاطى
معها بسهولة ...مزجها مع الالات الحديثة اعطها
زخم وتحكر فى الوجدان... فكرة الرجوع فكرة سيئة
الاخراج....
حلقة اليوم لا شك "ردة " فنية غير مستساغة

[عكــود]

سلام يا شباب،

شاكر رعايتكم لأغاني وأغاني، وصراحة ما متابع حلقاتها. لكن الليلة شفت بداية الحلقة "ذات الجلاليب" وما راقت لي الفكرة.

أسمر: فرفور بقى فعلاً لا يطاق!
زول الله: مشاركتك مهمة، والمتوقع منك أكتر، واوافقك في كلامك عن السني.
كاديلاك: ياخي مرحب بيك؛ قلت لي "غناية عدييييييييل"؟ لا والله، ده انت السمّيع بالحيل.
الأمير: تعليقاتك دايماً في التمانيات!

تحياتي.

[زول الله]

شكراً عمدتنا جزيلاً وكبيراً
....
حلقة اليوم اراها من زاوية أخرى
حقيقة ذكرتني إختبارنا الختامي مع لجنة إجازة الاصوات في نفس الاستديو بالاذاعة السودانية
دخلنا تسعة مغنيين وأجازوا منا ثلاثة اصوات فقط
الفنان أيمن دقلة وشخصي وواحد آخر من مدني يمتلك خامة صوتية خرافية لا اراه الآن

المهم...
بما ان الحقيبة هي إختبار حقيقي للصوت ومدى التحكم فيه فاليوم اكتشفت حاجة غريبة
عصام محمدنور صوت لاينفع في ترديد الغناء الشعبي عموماً إلا بمصاحبة الموسيقى

السني صوت يمكن تصنيفه شعبي الأداء حسب الأغنية
لكن لديه مشكلة في "التطريب" بمصاحبة "الكورس"

فرفور لازال صوته ندياً وأداءه للحقيبة والشعبي بنفس قوة بداياته فيهما
واعتقد انه أدى بصورة جيدة جداً بل ممتازة خصوصاً في الحليات والتطريب
وأهم شيء ابداعه في التسليم والتسلم من "الكورس" وتقسيماتها الطربية والتبادلية
والمابعرفوها إلا ناس الحقيبة والشعبي

عاصم البنا هو ملك الحلقة بلا منازع أو رديف
ممكن اكون متحيز هنا لان الأغنية "جسمي المنحول" هي الأجازت صوتي
لكن حقيقة انو إختيار عاصم لأداء هذه الأغنية صادف صوت قوي طربي شعبي مباشر يجيد كل انواع أداء الحقيبة والشعبي ومستلزماته الذكرناها بالاضافة الى لمسته الفنية الطربية الواضحة جداً ثم إمكاناته الهائلة في هذا الضرب من الفن سواء بمصاحبة الكورس او الموسيقى.


بقى ان اضيف رأيي في ان لبس الجلابية والكورس والرق كان لمحة جميلة وترميز اجمل من السر قدور







اقول قولي هذا واستغفرالله لي......................

[فخري الزين]

كان باﻻمكان احسن مما كان
زمااااااان كان في اغنيه هزليه بتاعة مكاواه حقت بنات بقولن فيها : بالغت يا........ بالغت . وممكن مكان النقاط دي يكون زول الله وﻻ فخري وﻻ عكود وﻻ قدور ودا المقصود وممكن برضو نقول ليهو السنه دي وحتي اﻻن حلقات ابدا ماجميله وباااااااالغتا يا قدور باااااالغتا

[مهند الخطيب]

والله ياعمدة سببين شغلونا عن متابعة البرنامج السنة دي :

- كأس العالم وتضارب مواعيد بث البرنامج وبث الاعادة مع المباريات في الدور الأول

- مستوى البرنامج الفي النازل ...

الليلة على حس انو ماف كورة مشيت عليهو وقلت استمتع بلمسة وفاء لهرم بحجم الصداح النور الجيلاني، فتحة الشاشة لقيت قاعد متحكر احمد بلال وزير الاعلام القال البكتبو في النت ديل مأجورين لاسرائيل والمواقع الالكترونية بتقوض النظام لصالح جهات خارجية ...قررت انو كتير علي في هذا الشهر الفضيل وزير وأمنجي في حلقة واحدة فغيرت القناة ...

الاضاءة الموجودة في البرنامج السنة دي هي صوت عمر جعفر لكن كما توقعت ومن حكاوى المتابعين اتغاتتوا عليهو في توزيع الاغاني اللي اتضح انو فرفور وعاصم هم البوزعوها ...


بالجمبة كده :

قلت لي رديت رد لا يستحسن ذكره هنا؟!

[عكــود]

سلام للجميع،

مداخلة منقولة من بوست (حكاوي ود جبريل):

المشاركة الأصلية كتبت بواسطة طارق جبريل

يا جماعة التطريب العند النور الجيلاني صعب يتكرر..
الزول دة فيه حاجة من خضر بشير الاتنين ديل لمن يدخلوا جوة الطرب بيتحولوا لي حاجة مختلفة
كأنهم في حلقة مديح... بيتفاعلوا مع الاغنية بشكل غريب وبيوصلوها للمتلقي في قمة المتعة..
تمنيت انه السر قدور يتطرق لي اغنية «في عز الليل» للتجاني الحاج موسى
أنا عندي رأي ممكن يكون مشاتر أو بعيدا عن الاجماع
صراحة انا استمتعت جدا جدا بي لحن واداء وتطريب الاغنية عند النور الجيلاني اكتر من الكابلي
وحسب معلوماتي الاغنية اتلحنت في شمبات مع عازف المندلين المرافق للنور الجيلاني
واللحن طلع بعد صعوبة كبيرة.. وكنت قد سألت التجاني الحاج موسى أيهما أوصل كلماتك
والتجاني زاغ من الاجابة..
وتمنيت انه كتكريم ايضا للنور الجيلاني الفرقة الموسيقية دي فرصة لعازف المندلين المبدع
مجرد أمنيات..

سلام يا طارق ورمضان كريم عليك ..

الله يديك العافية ياخي في قولك عن النور الجيلاني!

النور الجيلاني والجابري فنانين نساهم الإعلام ولم يكرمهم كما يستحقون، بينما أكرم وبالغ في الإكرام لمن هم أقل منهم قامة.

"في عز الليل" عند كابلي ما بقدر أسمعها كلها، بس عند النور بتخليك تطرب وتنطط كمان.

أغاني النور الجيلاني، من الصعب تقول واحدة تعجبك أقل من التانية، كل أغانيه تطرب وتجذب.

حأنقل مداخلتي دي بي إقتباسها لبوست أغاني وأغاني.

[عكــود]

ويا مهند، بالرغم إنّو نور الجيلاني سيرتو ما بتتفوّت، لكن ما ألومك والله، قلت لي سعادة الوزير متحكّر زي كعك العيد؟!!

الاضاءة الموجودة في البرنامج السنة دي هي صوت عمر جعفر لكن كما توقعت ومن حكاوى المتابعين اتغاتتوا عليهو في توزيع الاغاني اللي اتضح انو فرفور وعاصم هم البوزعوها ...

فرفور وعاصم البنا لو ما ختو البرنامج ده، حيمشي من سيئ إلى أسوأ.

[طارق جبريل]

حلقة الليلة في رأيي من أجمل الحلقات
اعجبني جدا أداء الفرقة الموسيقية ودخلات عوض أحمودي بالعود
والاجمل حركة كتفينو واندماجه مع الغناء
برضو في دخلة في الليلة ديك الزول بتاع الاكورديون اتقطع ياخ

[زول الله]

المشاركة الأصلية كتبت بواسطة عكــود

فرفور وعاصم البنا لو ما ختو البرنامج ده، حيمشي من سيئ إلى أسوأ.

لو ماخلو لينا "كشافة" واحدة ومعاها "عمود" واحد مافي فايدة





اقول قولي هذا واستغفرالله لي....................

[Abdullahi Gaafar]

العمدة
رمضان كريم وليك وحشة

انا حضرت الحلقات الاولي في السودان وغادرت لي حتة خليها ساكت المهم في بعض الحلقات شفتها علي اليوتيوب وما عجبتني ,,الافكار جميلة بس التطبيق سئء في كتير من الحلقات بالاضافة لاستمراية بعض الفنانين وعدم تجديد الاوجه ادي لاضعاف البرناج وافرز الكثير من الملل لدي المشاهد خاصة وانو يوجد في الساحة اصوات حميلة جدا في الساحة
يعني عليك الله ياعمدة كان جابو سميرة دنيا وشموس ما كان ادوا الحكاية طعم تاني
دي زهجة ساكت ياعمدة
وبس داير اقول انا رجعت لي سودانيات
بعدين
حكاية انا وين اسي خليها لو في طريقة نتلاقي اون لاين يكون افضل

رمضان كريم ليك ولي كل اعضاء سودانيات

عبد الله جعفر

[جيجي]

نسرين كانت جميلة في عذارى الحي

[عكــود]

المشاركة الأصلية كتبت بواسطة Abdullahi Gaafar

العمدة
رمضان كريم وليك وحشة

انا حضرت الحلقات الاولي في السودان وغادرت لي حتة خليها ساكت المهم في بعض الحلقات شفتها علي اليوتيوب وما عجبتني ,,الافكار جميلة بس التطبيق سئء في كتير من الحلقات بالاضافة لاستمراية بعض الفنانين وعدم تجديد الاوجه ادي لاضعاف البرناج وافرز الكثير من الملل لدي المشاهد خاصة وانو يوجد في الساحة اصوات حميلة جدا في الساحة
يعني عليك الله ياعمدة كان جابو سميرة دنيا وشموس ما كان ادوا الحكاية طعم تاني
دي زهجة ساكت ياعمدة
وبس داير اقول انا رجعت لي سودانيات
بعدين
حكاية انا وين اسي خليها لو في طريقة نتلاقي اون لاين يكون افضل

رمضان كريم ليك ولي كل اعضاء سودانيات

عبد الله جعفر

حباااابك يا عبد الله،
والله رمضان فعلاً كريم الجابك لينا!

الملل حصل من تكرار ناس فرفور وعاصم، والساحة فيها مبدعين غيرهم.
زي الاحتكار ده، ياهو البيؤدي للغتاتة القال عليها مهند بانو عاصم وفرفور اتغاتتو على عمر جعفر في توزيع الاغاني، وانو هم البيقوموا بمهمة توزيع الاغاني.

الرئيس الامريكي ما عندو حق الترشيح اكتر من دروتين.

لا تنقطع أرجوك.

[Hassan Farah]

YouTube

انتوا اب جلابية دا مش منافق الاعلام ....والريس البغنولوا دا دحين ما ياهو ساكن كافورى ....شوفوا ضابط الامن فرفور آخر انبساطة نتمنى له بسطة عراقية .....حسين الصادق صوتو رائع لا شك واداؤه جميل...فنان واعد....اللابس الخوذة دا الجنبو دحين مش ود الحلفاية