بابكر وكل المتداخلين سلامات تاني
نحن لو مشكلتنا عنصرية اللون ( الأبيض) المافينا دا على اللون الأسود كنا اجتهدنا في الحلول مادمنا قد عرفنا المشكلة
لكن!!!
من هو السوداني ؟
نحن عندنا رأي في الحلبي ... ياخي دا حلبي مقطع بتاع عدة ساكت
وفي العربي ... عرب الجزيرة ومافيها من ازدراء وتهكم ... دا عريبي ساكت ... وعرب الشرق (أدروب )
والجنوبي ... شوف العبد دا كمان
وطبعا لم تستطع أم درمان نفسها - باعتبارها السودان الصغير - من التخلص من عنف النظرة الحائرة هاذي وإلا ما كانت ظهرت جمعية اليد السوداء ولا ظهرت جماعات المنبتين في هوامش حركتها الاجتماعية والثقافية
ليس اللون الأبيض عقدتنا فقط حتى نلتف عليه ... ولكن في لون شائه كدا يسكن فينا ... داير ليهو زمن طويل حتى يتعرف في رقبتو
أظن العروبية عندها أثر لكنها ليست الأصل وإلا مابالنا نحتقر العريبي ؟ والحلبي ؟
غايتو
|
