اقتباس:
المشاركة الأصلية كتبت بواسطة نغم
فرشة تاليه
++تصنيف العضويه حسب فئات عمريه و نوعيه
1- ارجال
- الاعمام (رافت ميلاد و فتحى مسعد ) و تضم بابكر مخير ...الخ
- مجموعة عكود ( عصمت العالم - معتصم الطاهر - حسن فرح - النوريوسف - الزول - زول خرافى -شبارقه ...الخ)
- مجموعة الوسط (الهدافين) تضم (بابكر عباس - الصادق البديرى -فيصل سعد - قيس شحاته - احمد محمد زين الخ)
- مجموعة المتخصصين او الاختصاصى ( سيد احمد محمد علي المامون - ود عثمان - احمد طه - اشرف السر -طيبان-الطيب بشير - معتصم الحارث- خالد - حسين عبدالجليل - هيثم الشريف ...الخ)
- مجموعة ذوى الميول الثقافيه و الادبيه (مبر محمود - حافظ حسين - محسن خالد - اسامه معاويه - طارق صديق كانديك - بله الفاضل...الخ)
مجموعة الزاهدين (كيشو - الرضى ...الخ)
مجموعة الكتابات السياسيه (الجيلى احمد - حافظ اسماعيل - أحمد محمد صلاح الدين - بدر الدين اسحاق احمد ...الخ)
- مجموعة مميزة ( الاسايطه)
- مجموعة بلا اسم (وجدى الاسعد - مهند الخطيب - زول الله ...الخ )
- مجموعة غيب و تعال شارك ( محمد حسن الشيخ العالم - شليل ...الخ)
++هذا التصنيف حسب
- قرايتى لعضوية سودانيات وبالطبع القرايه بتكون لزول براهو تخطئ و تصيب
- التصنيف نجر اخدر سوف يمدنى بالكشف عن التداخل و الردود فيما بعد
- كل من لم يجد ذكر اسمه بالطبع سيد جلابيه مقاسه - ومن الممكن وضع اى مسمى لمجموعة ذات تصنيف اخر على مسئولية القراء .
- النساء يصنفن كذلك حسب مسمياتى الخاصة بالهبيش و البحيت
من المأمول ان نجد قراءات كثيرة لمسار العلاقات حسب الفرضيات
- الفرضيات دى على مسئولية العضو - اخدت مسئوليتى براى
- النقاش ياخد وتيرة ايجابيه ده العشم
نمضى فى سبيل السوسيولجيا فى سودانيات
ناخد جمه
|
سلام وتقدير
كيفيك نغم ...
اها ، شكلك لاعبه بى خطة (نابليون ) ..تلاتة نقلات طوالى (كش ملك)..وانا ما ح ا حرك (الوزير) ..عشان الموضوع ما (يطش )..يعنى كان هفت لى وسقت الموضوع لحدى (الماهيه)..و(الوجود) وخشيينا كده على فكرة (وحدة الوجود) عند (عربى) والوجود (عين) الماهيه وشنو شنو ..ببقى لافى (ذكوره) ولا(انوثة) .ولا ..ولا.اها الدباره كيف..!!(هههههههههههههه) ....لكين كحل وسط ان ح احرك (الحصان الابيض) خطوه واحده لى قدام وكدا اكون عملت حمايه للملك(موضوع البوست)ههههههههههه ، وعشان (خوة الكيبورد) شوفى لينا تعريفات عن (الصوره النمطيه) فى قوقل واى حاجة تتعلق بالموضوع ونبدا على مهل زى مهلة مروق الحنه من ضفر العروس أو كما قال عاطف خيرى ...
اديكى العافيه
