أ.قيقراوي..
تحياتي
ولو سمحت أعفيني من الألقاب..أنا ذاتي مادكتورة
وقبل ما أرد ليك كان تلاحظ طلبي في آخر المداخلة بأنو الناس تضيق المحاور شوية ما تشتتها عشان نستفيد بدون ما نفتل بوست السينما ده (فالمعذرة لأستاذ محسن وضيوفه الكرام)
اقتباس:
المشاركة الأصلية كتبت بواسطة قيقراوي
دكتورة سماح
ازيك
انا غايتو عاوز اكون علمي، لكن كدي كلامي أز محسن خليو لمحسن .. حلو الكلام في خشم سيدو...
اها انا عندي طلب - برضو علمي - او النصيحة هن طلبين :
- تشريحياً الدماغ بختلف بين المرأة و الرجل؟ نفسياً و حتات الذاكرة و الشغل دا واحد؟
( ممكن تستعيني بزميلك دكتور بابكر، و لأنو منحاز ساااي كدا بس!  . و كلامكم الاتنين ح نحفظوا لحدي ما يرجع حبيبنا د. محمد القرشي، او يفتينا فيو اي طبيب ( بشري ) آخرمن الزملاء هنا ).
. |
عندي معلومة مسبقة عن إنو في إختلافات تشريحية بين دماغ المرأة والرجل، يعني حسب المناطق المقسمة في الدماغ في تفاوت ما بين الذكور والإناث، بينتج عنها فروقات في القدرات مثلا: الأجزاء المسئولة عن العمليات الحسابية أكثر تطورا عند الرجال، الأجزاء المسئولة عن تعلم اللغات أكثر تطورا في الإناث وهكذا ، طبعا بقية التفاصيل العلمية محتاجة وجود زول يقدر يقيمها زي د.قرشي فالأحرى إننا نستناهو عشان ما نهدر علمنا ساي لأولاد السنتر البيقطعوا النجيلة
..
وبرضو حسب علمي إنو إستجابة أجزاء الدماغ يمكن تحفيزها بالتمارين .. يعني رويسي ده كان حسبت بيهو أكتر منك ممكن يشتغل بكفاءة أعلى من رأسك إنت كراجل بفضل التمارين..
اقتباس:
المشاركة الأصلية كتبت بواسطة قيقراوي
- ذكرتي كلمتي ( انثى ) و ( مراة ) ... في فرق بينن؟ و ياريت هو شنو إن وجد؟
اها قصرت معاكم في تسخين الحوار انت و حبيب ألبي مبر؟ 
. |
طبعا لو مشينا للمعجم في فرق: أنثى ضد ذكر ، ومرأة مؤنث إمرء
لكن أنا ما قاصدة بيها حاجة بس إلا كان وهمة داخلية وأنا بكتب كدة حسيت ليك إنو قبائل من النساء بتكورك في راسي (رشيهم ..رشيهم..المافي شنو
)..قمت قلت أنا أنثى والأنثى هي الأصل على قول د.نوال السعداوي
ولو عندك فهم في الحتة دي..ورينا ليهو..
