اقتباس:
المشاركة الأصلية كتبت بواسطة رأفت ميلاد
يا وجدى الجزء الأول من المداخلة كويس الختيت عفوية بين قوسين .. ياخوى كل زول مسئول عن أى كلمة يقولا أو يكتبا .. العفوية تنتهى عند الأطفال .. وزى ما قال صحبك زول الله .. أنو ما بقدر يكون غير نفسو .. وندد بجعولية إذا عاد ماجوك سيكيل له بمكيالين .. دى بقت ما عفوية .. دى بقت حالة ميئوس منها ..
وبعدين قول بغم ياخ .. بنعتبرا منك عفوية .. ياخ أنا رديت على أشياء محددة .. وصدقنى إذا لم ير الأنسان أخطاؤه لن يتعلم الجديد .. وده سبب التخلف الغاتسين فيهو لى رقبتنا ..
|
اها اسي يا عم رافت كلامك دا كلام ديكتاتوري بصورة جميلة
يعني اسي طلعت لي كلامي بعتمد علي العفوية
والعفوية غير مقبولة عندكم لانها تخلو من مسئولية
وانتو الناس الواعيين الخابرين بضروب بالمسئولية
يبقى لازم الواحد يوافقكم وخاتي الخمسة فوق الاتنين
ياخ عليك الله يا عم رافت ما تخرب كلمة (عفوية) بجنس تفسيرك المضلل دا
العفوية الانا قصدتها هي عفوية رد قيس الانت نطيت ليهو في كرشو وطرشتها ليهو
وجاء حافظ من اقصى المدينة يشكرك ويأكد ليك انو جنس ردود قيس دي بتدلل علي (اعتقادات حافظ المجزمة) انو ناس الشمال ديل كلهم واحد بس بتفاوتو في المذاق
العفوية المقصودة زي كلام قيس القالوا ليكم والذي ينص علي الاتي:
اقتباس:
المشاركة الأصلية كتبت بواسطة قيس الصديق شحاته
حافظ سلامات ،،
لأنو دوت زول أجنبي استغل منبر سوداني عشان (يبشّرنا) فيهو بالغزو. وجا يتباهى إنو هسّه قاعد في هجليج خالِف رِجل علي رِجل. وحكاية إنو (الآخرون) دي، ما بقصد بيها الشعب السوداني، دا حنك بيش والله.
من حق دوت، يا حافظ ، يمارس الإعلان والدعاية لجيش دولته، لكن صعب نقبل تهليلو - في منبر سوداني - باحتلال مدينة سودانية.
|
عليك الله تعال عيب لي كلام قيس دا (الخلاك تفسروا علي حسب هواك عشان تجي تقول لينا كلام ما عندو علاقة بكلام قيس)
بل والادهى والامر يجي حافظ يطنبجها باعتقاداتو القديمة
موش الليبرالية دي
حلال عليكم
وشوية كدة والواحد يقول
(الطيب مصطفى مضمون ولا ليبرالية مجهجهة)
