لماذا دوت مجاك؟!!!!

[رأفت ميلاد]

المشاركة الأصلية كتبت بواسطة قيس الصديق شحاته
حافظ سلامات ،،

لأنو دوت زول أجنبي استغل منبر سوداني عشان (يبشّرنا) فيهو بالغزو. وجا يتباهى إنو هسّه قاعد في هجليج خالِف رِجل علي رِجل. وحكاية إنو (الآخرون) دي، ما بقصد بيها الشعب السوداني، دا حنك بيش والله.

من حق دوت، يا حافظ ، يمارس الإعلان والدعاية لجيش دولته، لكن صعب نقبل تهليلو - في منبر سوداني - باحتلال مدينة سودانية.

المشاركة الأصلية كتبت بواسطة وجدي الأسعد الأسعد
اها اسي يا عم رافت كلامك دا كلام ديكتاتوري بصورة جميلة
يعني اسي طلعت لي كلامي بعتمد علي العفوية
والعفوية غير مقبولة عندكم لانها تخلو من مسئولية
وانتو الناس الواعيين الخابرين بضروب بالمسئولية
يبقى لازم الواحد يوافقكم وخاتي الخمسة فوق الاتنين
ياخ عليك الله يا عم رافت ما تخرب كلمة (عفوية) بجنس تفسيرك المضلل دا

يا وجدى التفسير واضح لكلمة عفوية الضلال وينو .. الكلمة زى حد السيف .. لسانك حصانك .. رغم أنو كلامك ما أفتكرت أنت بتقصد قيس

المشاركة الأصلية كتبت بواسطة وجدي الأسعد الأسعد
العفوية الانا قصدتها هي عفوية رد قيس الانت نطيت ليهو في كرشو وطرشتها ليهو
وجاء حافظ من اقصى المدينة يشكرك ويأكد ليك انو جنس ردود قيس دي بتدلل علي (اعتقادات حافظ المجزمة) انو ناس الشمال ديل كلهم واحد بس بتفاوتو في المذاق

العفوية المقصودة زي كلام قيس القالوا ليكم والذي ينص علي الاتي:


عليك الله تعال عيب لي كلام قيس دا (الخلاك تفسروا علي حسب هواك عشان تجي تقول لينا كلام ما عندو علاقة بكلام قيس)
بل والادهى والامر يجي حافظ يطنبجها باعتقاداتو القديمة


موش الليبرالية دي
حلال عليكم
وشوية كدة والواحد يقول
(الطيب مصطفى مضمون ولا ليبرالية مجهجهة)

كلام سيف جبتو برضو فوق شاهد .. توت مجوك ما أستغل منبر سودانى زى ما قال سيف .. الراجل عضو قديم هنا وله صداقات مواضيع جيدة .. يعنى ما سجل عشان يجى يردم .. وبعدين كلمة أجنبى زى ما شرح نادر المهاجر وزين عبدالله .. الراجل سودانى وعدو للأنقاذ .. نال منها كثير من الذل والهوان .. وحرب بلاده (الآن) بديهى يشعر بأنه يواجه الأنقاذ وليس السودان الذى له فيه صلات حميمة .. وطلعا قيس (بعفوية) حنك بيش بتعبيره .. من هنا كانت المداخلة ضعيفة بالنسبة لى ..

المشاركة الأصلية كتبت بواسطة وجدي الأسعد الأسعد
بعدين يا عم رافت
عليك الله لو بتلوم لينا في كلام زول الله
بالمرة كدة لوم لينا حافظ دا برضو

كلام حافظ الجيد فيهو .. غضب الناس من التشبيه بالطيب مصطفى .. يعنى بالأجماع ثبت أنو راجل مقرف