لِأجل أم التيمان: الإنسان، وحالة الكتابة.

[فتحي مسعد حنفي]

المشاركة الأصلية كتبت بواسطة ماجد تاج

ـ


عم فتحي

ياخي كل الكتبته أعلاه ما عدا ما لوناه بالاحمر ما عنده صلة بي أنا شخصياً

انت بتترك الكتابة وبتطلع بينا هناك للاسرة ، والشخصية ، واللطف ، والرقة

وحتى التاريخ المجيد لود حبوبة ؟

أنا بتعرض فقط للسطرين تلاتة البيجن مشوهات في كل مرة

انتقادنا منصب هنا ، عليهن .. ودا محك المنتدى

وما عنده صلة بطيبة الملكة ، ولا بظرافتها ، ولا برقتها ، ولا بدمها الازرق

ما تلخبطوا الكيمان ساي

هنا منتدى سودانيات .. مش قرية في الحلاوين

واحنا في معرض الكتابة ونقدها مش خطوبة

ياخ انت فاهمني كويس لكن مصر تغطي حاجة بحاجة ليه ؟

عن نفسي لا أحمل للست الملكة في نفسها أدنى.. ادنى شعور

لا سالب ولا موجب

لكن تركيزي فقط على السطرين تلاتة الفارغات ديل ، وبس

فهمتني ؟

عليك الله قول ايوة

ما تبقى لي زي مشجعين ميدان العلمين ياخ

نقول ليهم الود دا ما بعرف كورة ، يقولو ليك لكن اخلاقو ممتازة والله

البيدخل أخلاقه في الكورة شنو بالله



ـ

عليك الله ياماجد توريني الصنف البتستعملو دا قاعد تجيبو من وين ياخ نفسي ألم لي في صنف زي دا يخليني أفتح كلام ولامن زول يرد علي أعمل نفسي محتار..انت يازول ما كتبت فتحي مسعد رفعها الى ملكة بالمناسبة
لها لسان يقطر عسل في اتجاه ..
طيب ياخ أنا جيت شرحت ليك ليه أنا قلت كدا وليه رفعتها الي ملكة..ولا انت شايف شنوياخوانا أبعدو الزول دا مني قبال ما أقوم أنفصم فيهو بعد ما الله هداني..
ياماجد ياخ بي طريقتك عشان حوار الطرشان دا ما بنفع معاي..