البقنع الديك منو؟
سيبك منهم ديل مجموعة من الانصرافيين
واخدين الامور كلها اجتراريه و يسوقو الكتابة ساى على هواهم
وان كان هدفهم اشعال القبليه و الصاق التهم للشايقيه ودى بيلقوها عند الغافل
كمان يجتهد زى ما قال و يفند لحميد هذه اكبر المهازل فى المنتدى ده
وكتين يدى يدى روحو فرقه بس شان يقرا لى حميد بكون قدر القراهو ما مستوعبو خلى يهباش فى البيئة و المفردة و دلالاتها
ومن يتغابى عن ملكات و مهارات حميد و تمييزه الكبير لا ستحق حتى الرد عليه
لا تشغل بالك بيهم ديل
وان جينا لى اللاوعى الليلو علا أكان نكتب للصباح
وحات سيدى الحسن مشغولين بقضايا كتييييييرة و نتمعن فى الشعر و الادب بادب و لا نبخس الناس
قوم من دريبك ده اكتب خلى الوعى دى يزيد خصمتك بالذى سواك عبده
تحية ود و احترام
اقتباس:
المشاركة الأصلية كتبت بواسطة أسامة معاوية الطيب
معليش يا بابكر حميد أكبر من محاولات احتكارنا يا سيدي ... دا مشروع سوداني كبير وواسع على مستوى خلخلة السائد من مفاهيم وعلى مستوى بعث الشخصية السودانية من رماد القبيلة المهلك ... نحو آفاق (سودان)واحد يرى أنه خلاصة أرض لها في خلقه بوعي بسودانيته الواسعة ... الأوسع كثيرا من كون أصوله عربية ... أو زنجية ...
وإليك النصوص ... قول رأيك فيها دون أن تحشرنا في زاوية أنت تعلم تماما أن بينا وبينها سنين من حراك وفعل!!!
كن بخير